يابنات كلية الإدارة والإقتصاد .. // .. أنا بأشتري فزعتكم

[.. بيســـان ..]

السلام عليكم ورحمة الله وبركاته

أحبائي طالبات وطلاب كلية الإدارة والإقتصاد

أنا طالبة آداب ومالي دخل فيكم

انا مادخلت إدارة لأني ماأفهم فيها ولاشئ ... وخصوصا التخصصات

إدارة أعمال / إدارة عامة / اقتصاد / الأنظمة / المحاسبة / علوم سياسية

وحدة من قريباتي تبغى تتخصص ومهي عارفة ايش تدخل وماعندها نت حاليا

ممكن تشرحولي كل تخصص اللي كتبته

1- ايش يختلف عن الثاني والمميز فيه ؟؟
2- ايش ممكن تصير .. بعد التخرج (الوظيفة) ؟؟

one more question

أنا دايما أسمع البنات بيقولوا يبغوا يتخصصوا ( قانون )

ده التخصص وين موجود في أي قسم من الأقسام اللي تحت ؟؟

إدارة أعمال / إدارة عامة / اقتصاد / الأنظمة / المحاسبة / علوم سياسية

شـكــ وبارك الله فيكم ـــرا ... باانتظار أجوبتكم

خلوناااااا نشوف ... بنات الإدارة فاهمين كليتهم ولا داخلين ........؟؟ LooL

(^_^)

[.. بيســـان ..]

أخ يلدرم ... والله مالي إلا فزعاتك ... ياأبو الكرامات

[سوار العسل]

القانون هو الأنظمة ،، بالنسبة لبقية التخصصات كان فيه نبذة عن كل تخصص في موقع الجامعة بس في النسخة الجديدة حست مالقيت شيء .و إن شاء الله أول ما ألقى الكلام أنسخة لك هنا .

شكرا

[!!توصي شيء!!]

الفرق بينهم (( المستقبل الوظيفي ))

هي إيش تبي تكون في النهاية ؟؟

إذا جاوبت على هذا السؤال تعرف إيش تتخصص ..

.
.
.
أختك
!!توصي شيء!!

[يلدرم]

احرجتيني ياأختنا بيسان

راح اخلي اهل الاختصاص يتكلموا عن اقسامهم

عندنا مشرفتين ادارة واقتصاد واحداهن ادارة مستشفيات مدري تابع لأي قسم بس هيا راح تفيدك وكمان راسلت الاخت ملك في قسم الانظمة حتى تستفيدي بأكبر قدر ممكن

لو تبغى تسألي عن الهندسة ممكن اجاوبك

مع شكري على كل مشاركاتك في المنتدى

[نمر من النمور]

تم نقل الموضوع للمكان المناسب

[ملك]

القانون هو الأنظمة ياعزيزتي

وهذا تخصص جديد بالنسبة للبنات وأعتقد ان ماخاب ظني أنه أول قسم للقانون انفتح

للبنات بجامعات المملكة

بالنسبة للمسنقبل الوظيفي ممكن نلاقي بعض المعاناة باالبداية عشان تراخيص المحاميين

ومسألة شغلنا وعلاقتنا بالمحاكم بس كل شي اكيد مابيبقى على حالة وراح تكون فيه فرص

كثيرة بينما الخريجات لسه قليل لأن القسم جديد ..

شوفي كل تخصص فيه خريجات كثير راح تلاقي فيه الخريجات مشكلة وقت التوظيف

الا اذا عندها واسطة ..وحليني عبال كل وحدة تلاقي واسطة

المهم تخصص الأنظمة يعتبر ثغرة في سوق العمل ..

وكمان عندك نظم معلومات تخصص جديد بالجامعة بس فيه خريجات من كلية عفت وكلية

دار الحكمة ..

السياسية برضه تخصص جديد بس مابدري هو فتح والا لسه ؟ لأنه فيه بنات دخلوه

وقفلو التخصص عليهم بعد سمستر واضطرو يحولو على اقسام الادارة العامة عشان

مايضيعو وقت ..

[.. بيســـان ..]

أنا الصراحة دخلت موقع كليتكم ومافهمت ولا حاجة
ودحين عرفت ( القانون ) من قسم الأنظمة
أعرف أحد من قرايبي عندو شهادة في إدارة الفاندق ... تتدرج في أي تخصص الإدارة العامة ولا إدارة الأعمال
والاقتصاد ايش مقصود فيه ........ ( أسهم وبورصة ) ولا كيف ؟؟
المحاسبة ... فهمتها

أرجو الرد على بقية الأسئلة ... ماأبغى أكون زي الطرشة في الزفة !!

[.. بيســـان ..]

المشاركة الأصلية كتبت بواسطة ملك السياسية برضه تخصص جديد بس مابدري هو فتح والا لسه ؟ لأنه فيه بنات دخلوه وقفلو التخصص عليهم بعد سمستر واضطرو يحولو على اقسام الادارة العامة عشان مايضيعو وقت ..

حــــــرام

[.. بيســـان ..]

المشاركة الأصلية كتبت بواسطة !!توصي شيء!! الفرق بينهم (( المستقبل الوظيفي )) هي إيش تبي تكون في النهاية ؟؟ إذا جاوبت على هذا السؤال تعرف إيش تتخصص .. . أختك !!توصي شيء!!

أختي / توصي شئ
ضحكتيني ( سخرية )
آآه لو تدري إنو معايا شهادة ثانوية علمي ونسبتي 92 وبسبب ظروفي اضطريت أدخل لكلية الآداب
وبعد مادخلت الكلية ... اكتشفت إنو أغلب صحباتي الأدبي دخلوا كلية الإدارة .... ليش ؟؟
عيـــــــــــــــــب تخش كلية الآداب مو مستواها دي آخرتها آداب... كده الجواب
قسم بالله أغلب البنات اللي شهاداتهم علمي دخلوا آداب واللي شهاداتهم أدبي دخلوا إدارة
طبعا انا قاصدة (كلية الإدارة) ....... بالرياضيات !!
مني عارفة كيف حيمشوا فيها إلا من رحم ربي
صحباتي وأعرف مستواهم عدل .. مايبغالوا تخمين
وتعالوا شوفي مستواهم الزفت بمادة التحليل الكمي والإحصاء
على بالك كل وحدة فيهم دخلت عشان المستقبل الوظيفي وعشان وظيفة الأحلام...... هع هع هع
أتمنى لهم التوفيق ولك أيضا