هل جميع المرشيحين يدخلون الامتحان؟؟

[يمامة سلام]

أُسعدتم أوقاتاً..

لفت نظري هذه الجملة في صفحة أرقام الترشيح:

ارقام ترشيح الطلاب والطالبات المرسلة ملفاتهم الى الكليات المعنية

هل ذلك يعني أن أصحاب الأرقام هم من سيدخلون الأمتحان أم من استكملوا شروط الترشيح المبدئي (الأوراق) لذلك أُرسلت ملفاتهم للأقسام.

لأن المخوّل لهم دخول الأمتحان أمرهم بيد القسم العلمي وليس العمادة..
وبحسب علمي أن هناك فرز للملفات من قِبل القسم..

بالتوفيق للجميع

[Smart Accountant]

يا إلهي.!

ما حـ نخلص شكلنا

: (

نستنى الرد..

[نجاة الفرسي]

يمامه

من جد حوستينااا
وانا معاكم بانتظار الرد لانو اساسا تخصص تغذيه مالهم اختبار

الله يسهل

[زهوة]

لا لا تقولوا مو معقولة ..

الله يكتب لنا الطيب

[never hide]

و الله مدري

بعين اصلا منا عارفين متى نروح نودي النسخة الاصل من الاوراق

و كمان منا عارفين مكان ووقت الاختبار

الله يستر

[بنوتة البدر]

حبيباتي لا تشيلووو هم بدري عالهم

الحين اللي طلعت ارقامهم هما اللي مخولين زي ماتقول يمامة سلام

يدخلو الاختبار

انا امس رحت للسكرتارية تبع قسم علم الاجتمااع وقالت انو اي وحده نزل رقمها ووصل ملفها

تدخل الامتحان

يعني لا تضيعووو وقت وتتفنكرووو وتدوروو على هم جديد

يالله شدو الهمه وذاكروو

ترى بعد الاختبار هم النتيجه وبعدها هم المقابله

رضينا بالهم والهم مارضي بينا

الله يسهلها يارب

يكتب لنا الخير حيث كااااااااااااان

يعني عااااااااااادي خليكم مافي احسن من ذي الجامعه

في رفعة الضغط واللعب بالاعصاااااااااب

[سوسو66]

طيب بالنسبة للأصول متى نسلمها؟؟ بعد القبول ولا قبل ؟؟

[مامة جمان]

المشاركة الأصلية كتبت بواسطة بنوتة البدر حبيباتي لا تشيلووو هم بدري عالهم الحين اللي طلعت ارقامهم هما اللي مخولين زي ماتقول يمامة سلام يدخلو الاختبار انا امس رحت للسكرتارية تبع قسم علم الاجتمااع وقالت انو اي وحده نزل رقمها ووصل ملفها تدخل الامتحان يعني لا تضيعووو وقت وتتفنكرووو وتدوروو على هم جديد يالله شدو الهمه وذاكروو ترى بعد الاختبار هم النتيجه وبعدها هم المقابله رضينا بالهم والهم مارضي بينا الله يسهلها يارب يكتب لنا الخير حيث كااااااااااااان يعني عااااااااااادي خليكم مافي احسن من ذي الجامعه في رفعة الضغط واللعب بالاعصاااااااااب

عن جد متأكدة بنوتة ربي يسعدك دنيا واخرة لانه حسب مافهمت رعشة دفى لما راحت للسكرتيرة اعتقد السبت او الاحد انه وصلت الملفات وحيسير فرز من قبل مشرفة القسم
وانا اولات التقديم قالت لي د. فتحية انها راح تفرز الاسماء بنفسها بس هادا الكلام قبل ما تسير د. خيريه هي الرئيسة
لكن دامك رحتي أمس أكيد هالخبر جديد ومررررررة حلوة يا شيخة فينك من اول تطمنينا لحسن شاااايلة هم قد الجبل شكلهم مالقيوا وقت يفرزوا
الله يوفقنا واياك وبفرحنا بالقبول مشكوووووووووووووورة

[نجاة الفرسي]

طيب وزاللي مالهم اختبار من اصله يشيلوو هم ايه غير القبول النهائي
الله يستر مااا انام زي الخلق في الحلم اشوف الجامعه الحبيبه

الله يسهلكم اختباراتكم يارب

والله يستر مايطلع لناا اختبار بعد ما قالوا مافي

[never hide]

يمامة سلام و نسمة أمل و الدمية الفاتنة ....

و الله ما نسيتكم من الدعاء اللله يوفقنا و اياكم و جميع ابناء و بنات المسلمين

الحمد لله على كل حال

هم المعدل و بعده هم التوفل و دحين هم الامتحان و على قولتك بنت البدر

هم النتيجة و القبول ....

الله يفرجها علي و عليكم و يفتح لنا أبواب الخير ...