InstagramTwitterSnapChat


 
وصف

العودة   منتديات سكاو > الكليات الجامعية > منتدى كلية الآداب والعلوم الإنسانية > قسم اللغات الأوروبية و آدابها
   
   


||تجاربنا مع أستاذات قسم اللغات الأوروبية - طالبـــــات || ~ متجدد

قسم اللغات الأوروبية و آدابها

موضوع مغلق
 
أدوات الموضوع إبحث في الموضوع انواع عرض الموضوع
منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 14-07-2013, 05:28 AM   #21

ام حمدان

مشرفة مُتألقة سابقة

الصورة الرمزية ام حمدان

 
تاريخ التسجيل: Jan 2009
التخصص: English Literature
نوع الدراسة: إنتساب
المستوى: متخرج
الجنس: أنثى
المشاركات: 10,198
افتراضي رد: ||تجاربنا مع أستاذات قسم اللغات الأوروبية - طالبـــــات || ~ متجدد

تجارب الطالبات مع أ/ إيمان عبدهـ

انتظام

المشاركة الأصلية كتبت بواسطة مني يغار الورد

هذي تجربة صاحبتي مع ايمان عبده

اخذت معاها 3 كورسات فونتكس وفونولوجي وسيمنار
قالت لي انه الواحدة مهم تفهم اسلوبها وباذن الله بتعدي معاها بدرجة كويسة
اسئلتها صعبة بالرغم من انه شرحها حلو بس كلموها وسهلت لهم الاختبار الحمدلله
اخذت معاها اخر شي سيمنار وكان معاها مريح وخفيف واختبرو اختبارين وخلصو بدري المحاضرات تقريبا قبل شهر من الفاينال
كانت دقيقة في البحث لكن عطتهم درجات طيبة والكل نجح معاها الحمدلله
مشكلة ايمان في طريقة وضعها للاسئلة تحب تحط اسئلة تتوه ومو واضحة نقرتين لعرض الصورة في صفحة مستقلة
ونصيحة للي بتاخذ معاها تركز في الشرح وتكتب من البوربوينت اللي تعرضه لانه مستحيل تعطيه الطالبات
والاسئلة ماتخرج منه ولازم طبعا من الكتاب يعني ماتدخل البنت الاختبار الا وهي فاهمة كل شي وحافظة مضبوط
وماتنصح انه احد ياخذ معاها الا في حال مضطرنقرتين لعرض الصورة في صفحة مستقلة
بالتوفيق للجميع يارب...





انتساب

المشاركة الأصلية كتبت بواسطة #روووح# مشاهدة المشاركة
اسأل الله ان يكتب اجر كل من علمني حرف,,اشكر كل الاساتذة اللي درسوني ..جزاهم الله كل خير(:



بس راح اتكلم عن الاشياء االبارزة اللي واجهتها ...ﻻني اقل من اني اقيم دكاترة واساتذة افاضل...

8/ ايمان عبدة/..درست معاها مورفولوجي تشرح بشكل واضح و مبسط. بس اختبارها غريب..تحسي انك جاوبتي بس درجتك تطلع مو حلوة..


المشاركة الأصلية كتبت بواسطة mezajya مشاهدة المشاركة

مورفولجي مع ايمان عبده
شرحها كان من سلايدات وجدااا مختصر
وطالبتنا بالكتاب كلو مع انو في شابترين ماشرحتهم
اختبارها جيد نوعا ما وكلوو جا من الباب الاول والباب اللي ماشرحتو في الاختبار كانت الاسئله متكرره دا الشي يخليكي تشكي بمعلوماتك انو المعلومه الوحده جايه صح وخطأ وفراغات واختياري كمان
في تعليق عليها بصراحه وقت الاختباار ربشتنا كتير كان في سؤال طلبت نحط حرف بدال الكلمه الكامله يعني d = derivational
اللي صار انها قالت لو حطيتي الكلمه كامله بدال الحرف راح تحسبو لكي غلط :0حتى لو جوابك صح ودا الشي يشتت بصراحه الاغلبيه رجع يعدل واتوترنا
المشاركة الأصلية كتبت بواسطة نعم أنا قادرة أن أكون..!
السلام عليكم ورحمة الله وبركاته ,,,
جزاكم الله خير .. وعذرا على تأخري بالرد ..

بالنسبة لأسلوب الدكتورات :

مادة الصرف morphology 333 + علم الأصوات phonology 335 .. د. ايمان عبده
أستاذة ايمان بالعادة تقول: المذاكرة من الكتاب + السلايدات + الملزمة الاضافية وهي " language files"
لكن لاحظت ان أهمم شي هو سلايداتها أغلب الاختبار منها وحتى الأمثلة تقريبا ما تخرج عن المذكورة في السلايدات..
ومعلومة مهمة أحب أضيفها عن اختبارات مس ايمان عبده ( وهي انه اختباراتها تعتمد على حفظ التعاريف ويجب التركيز على انها تجيب التعاريف بعدة أشكال : اما عرفي ,, أو اكتبي المصطلح ,, أو أكملي الفراغ ) ..
هذا ما حبيت أفيدكم عن أسلوب الدكتورة ايمان عبده والله يسهلكم يارب =)


وأخيرا .. الله يسهل للجميع طرق العلم يارب ويرزقكم الدرجات العالية دنيا وآخرة ..
المشاركة الأصلية كتبت بواسطة كنز المعرفة

أستاذة إيمان عبده- الصرف-لا بأس بها و اختبارها جا من أغلب الموجود في السلايدات. .

 

توقيع ام حمدان  

 

||اللهم اغفر لوالد nour al3mr وارحمه وعافه واعفو عنه واكرم نزله ووسع مدخه واغسله بالماء والثلج والبرد ونقه من الذنوب والخطايا كما ينقى الثوب الأبيض من الدنس||

..ربي اغفر لنا ولوالدينا ولجميع المسلمين والمسلمات الأحياء منهم والأموات..






اختنا الغالية صالحة ،، الفردوس الأعلى مثواك يارب



جعل الله مثواك الجنة اختنا صالحة Conscientious







 


التعديل الأخير تم بواسطة white rose ; 17-06-2014 الساعة 12:11 PM.
ام حمدان غير متواجد حالياً  
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 14-07-2013, 05:32 AM   #22

ام حمدان

مشرفة مُتألقة سابقة

الصورة الرمزية ام حمدان

 
تاريخ التسجيل: Jan 2009
التخصص: English Literature
نوع الدراسة: إنتساب
المستوى: متخرج
الجنس: أنثى
المشاركات: 10,198
افتراضي رد: ||تجاربنا مع أستاذات قسم اللغات الأوروبية - طالبـــــات || ~ متجدد

تجارب الطالبات مع أ/حارس فايز نور الدين


انتساب

المشاركة الأصلية كتبت بواسطة mezajya مشاهدة المشاركة

فيكشن مع الرائع دكتور حارس نوور الدين

ماشاء الله عليه بصراحه شرح واضح ووافي وفي كل نوفل كان مسوي اسئله محدده المطلوب مننا اجاباتها والاختباار ماطلع من الاسئله دي
وبنفس الطريقه اللي اتفق فيها معانا لأنو وقت المحاضرات كنا بنتاقش معاه ع طريقة الاسئله صحيح رفض فكرة الاسئله الموضوعيه لكن حدد لنا الكوتيشن في روايه وحده ومن سلايداتو
وما اتوقع في احد حمل الماده معاه .. ودرجتي زي الحمدلله احسمن من اللي اتوقعتها وحسيت انو راااعى كتيير

المشاركة الأصلية كتبت بواسطة كنز المعرفة

أستاذ حارس نور الدين-فيكشن- رائع- اختباره كان أروع يعتمد على فهمك و الاسترسال في الشرح, من السلايدات.

 


التعديل الأخير تم بواسطة white rose ; 18-09-2013 الساعة 09:17 AM.
ام حمدان غير متواجد حالياً  
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 15-07-2013, 01:38 AM   #23

ام حمدان

مشرفة مُتألقة سابقة

الصورة الرمزية ام حمدان

 
تاريخ التسجيل: Jan 2009
التخصص: English Literature
نوع الدراسة: إنتساب
المستوى: متخرج
الجنس: أنثى
المشاركات: 10,198
افتراضي رد: ||تجاربنا مع أستاذات قسم اللغات الأوروبية - طالبـــــات || ~ متجدد

تجارب الطالبات مع أ/ريم سائحي

انتساب

المشاركة الأصلية كتبت بواسطة ام حمدان مشاهدة المشاركة

أ/ريم سائحي استماع وتحدث214

اخذت معاها ليسننق 2 الترم الماضي

وكان شرحها حلو وتعاملها معنا حلو

ونجحت بالدرجه الي توقعتها بالضبط وعمري ماسمعت من الي اخذوا معاها انها ظلمت احد بالعكس الي يروحوا يراجعوا اوراقهم يكتشفوا انها راعتهم كثير وحده من صاحباتي اخذت ريدنق 1 معاها ورسبت فيه ولمن راجعت ورقتها اكتشفت انه مس ريم حاولت تراعيها كثير بس برضو حلها ماكن يساعد انها توصل لدرجة النجاح

يعني الاستاذه امينه جدا في التصحيح الله يسعدها

فلا تفوتوا اي كورس معاها


المشاركة الأصلية كتبت بواسطة mezajya مشاهدة المشاركة

اورال 1+2 : مس ريم سائحي
مرا انبسطت في الكورسين معاها .. انسانه ذوق واسلووب رائع في التعامل شرحها كوويس واختباراتها واضحه ومن الكتاب .
. بأسستثناء جزء السماعي .. مو مرا واضح بالنسبه ليا كان البرزنتيشن عليه 20 درجه ..وبتراعي كتير التوتر والخوف في الكورسين اخذت درجه اعلى من اللي اتوقعتها بصراحه
المشاركة الأصلية كتبت بواسطة white rose مشاهدة المشاركة
مس ريم سائحي

اخذت عندها استماع 214

وكانت رائعة بشرحها وتشرح بامانة كل كلمة وتجاوب على اي سؤال وعجبني في الكورس معها انها تعطيك الزبدة بكلمات سهلة وواضحة ما تتعتمد تجيب اشياء غامضة كلها واضحة وتعطيك فكرة في الكلاس اش راح يجيك بالاختبار .. واختبار السبيكنج معها راعتنا كثير وتقولك درجتك وتهديك وانسانة متفهمة للغاية الله يسعدها الكورس معها ممتع وانصحكم لا تفوتوه .. وركزوا في كل شي تقولكم احفظوه وذاكروه زين واتدربو على السماعي وركزوا فيه وحاولو تقرؤون اسئلة السماعي بشكل سريع قبل لا تسمعوه وسجلو اي ارقام تجيكم بالمحادثة واي اشياء ضرورية والله يوفقكم :-)



انتظام


المشاركة الأصلية كتبت بواسطة نسيم الحجاز مشاهدة المشاركة
بالنسبة لموادي رغم انها مواد فالبداية الا انو رح اقول تجربتي

أورال كان مع أستاذة ريم السائحي بصراحة الأستاذة مرره رهيبة أستاذة فالشرح ماشاء الله شرحها فيلو صبر عالبنات ومرعاة لمستواهم واستاذة في تعاملها والصراحة رغم درجتي ماكانت عجبتني لكن مااحس ظلمتني لأنو السبب مني كنت متوترة جدا فترة الاختبارات وقلقانة فأثر على آدائي كليا







تعليم عن بعد :

المشاركة الأصلية كتبت بواسطة sмile مشاهدة المشاركة
احد الاسئلة وصلتني ع الخااااص عن مس ريم في قراءة 2 و استماع 2 ووو د. رافت ترجمة ..




بخصوص ريم سائحي ..

قراءة2 ..

ذاكري الكلمات اللي تكتبها ع البورد .. اهم شي وترا تقدري تعدلي في المعنى انا كونت اطلع من الدكشنري مفردات اسهل من كلامها ..

شوفي الاكسرسايز اللي موجودة طبعا قطع الريدنق للامانه ماكونت اقرائها لانو مافي وقت *_^

الاسئلة كانت .. >> حسب الذاكرة .
قطعة .. نطلع منها الافكار الرئيسة لكل برجراف .. نلخص برجراف . نكتب الفكرة لكل البرجراف .. و تقولك مثلا he يرجع لمين في اللبرجراف b ..
كلمات نكتب معناها .. كلمات نحطها بجمل .. فراغات طبعا من الايمس كانت ..

نسيت الباقي ... سامحيني .


استماع2 ..

ذاكري الفوكاب اللي في البورد .. + يوزنق لانقوج + قطعة سماعي + اكسرسايز من الايمس
الفوكاب تجيبو لك اكتبي المعنى + اكتبي جملة



ترجمة لسسسسا ماجربتو الترم الجاي باذن الله ..
تجاربي مع بعض استاذات قسم اللغات الاوروبية ( تعليم عن بعد )

المشاركة الأصلية كتبت بواسطة متفائله، مشاهدة المشاركة
السلام عليكم ورحمة الله وبركاته
ذي تجاربي مع هالدكتورات - تعليم عن بعد-

ريم سائحي ..
درستني كتابة 1 و2 و قراءة 1

بالقراءة الاسئلة غير المقال طبعًا, كانت في اسئلة خارجية كثير وجبت العيد شويه ! لأن جابت اشياء ماقد درستها نهائيًا فاتنرفزت منها بذاك الاختبار!

بكتابة 1 و2
كتابة (1) نوعًا ما جيد .. 2 مع اني حليت كويس جبت درجة اقل من المتوقع! بس الاسئلة حلوة ..

 


التعديل الأخير تم بواسطة nour al3mr ; 19-01-2016 الساعة 01:10 AM.
ام حمدان غير متواجد حالياً  
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 15-07-2013, 05:43 AM   #24

ام حمدان

مشرفة مُتألقة سابقة

الصورة الرمزية ام حمدان

 
تاريخ التسجيل: Jan 2009
التخصص: English Literature
نوع الدراسة: إنتساب
المستوى: متخرج
الجنس: أنثى
المشاركات: 10,198
افتراضي رد: ||تجاربنا مع أستاذات قسم اللغات الأوروبية - طالبـــــات || ~ متجدد

تجارب الطالبات مع د/عزيزة العيسى

انتظام

المشاركة الأصلية كتبت بواسطة brilliant shores
مع د. عزيزة أسئلتها اللي في الدوريات تكررها
في الفااينل بإختلاف بسيــط ، السوسيو معاها ممتع ومافيه شغل كثير
بس بريزنتيشن واحد واختبارين دورية و فاينل.
المشاركة الأصلية كتبت بواسطة nadoy مشاهدة المشاركة

سمنار مع د. عزيزة مايحتاج ماشاء الله عليها الادمية دي مرة اخلاق وروعة بصراحة وتراعي واسئلتها حلوة وسهلة وتوزيع الدرجات حلو اختبارين من 30 وريسيرش مع البريزنتيشن من 30 وبريزنتيشن نشرح درس من 5 وحضور ومشاركة من 5 والفاينل من 30
المشاركة الأصلية كتبت بواسطة e m a n مشاهدة المشاركة
سوسيو .. خذيه مع د/عزيزه العيسى .. المنهج مررّا مآحبّيته .. رغم إنّ دراسته حلوه و مُمتعه بس مذآكرته سسسيئه .. ماحبّيت المنهج قدّ ما مدحُوه ليّ البنات .. وإختباراتهآ مآ أقدر أقُولك سهله ..
بسّ أقلّها تضمنين درجاتك في الريسيرتش و البرزنتيشن .. لأنها ماشاءالله متعآونه في الموضوع ذا
و مو زي أي استآذه تخسفك إذا ماعجبهآ =( الريسيرتش و البرزنتيشن عليهآ 15 أظن ..

موفّقه

المشاركة الأصلية كتبت بواسطة مملكة عمري مشاهدة المشاركة
sociolinguistics

د.عزيزة العيسى (يسعدها ربي وين ماراحت)
اخلااااااااااااااااااااااااااااق اخلاااااااااااااااااااااااااق
كل اختباراتها في صح وخطأ مع التصحيح وفي ايسي كوستشن
كويز1<<10 درجات
كويز2 << 20
كويز << 20
بحث وبرزينتيشن (قروب) << 10 درجات
الفاينل <<40

((ماني متأكدة من تقسيم الدرجات))

اسئلتها مو مرة سهلة ولا مرة صعبة
اللي يذاكر تمااام يقدر يجيب علامة عالية
المشاركة الأصلية كتبت بواسطة m!ss.cute مشاهدة المشاركة
السوسيو مع د. عزيزة العيسى

أكتر من رااااائع ومريح ، ما تشيلو همو كتير ، تشرح من سلايدات تذاكري منها اكتر شي وتمري على الكتاب مرور بس

3 اختبارات ( 15 + 15 + 20 )

طريقة الأسئلة : صح وخطا مع التصحيح + سؤالين ايسايز

تطلب منك تسوي ريسيرش مع برزنتيشن عليه عن موضوع من اللي درستيه في السوسيو تطبقيه على ارض الواقع وتسوي استبيان وهيك

7 درجات على الريسيرش + 3 درجات على البرزنتيشن

مرررررة لا تفوتو الكورس معاها

هادي كل المواد اللي اخدتها الترم دا وأي استفسار أنا هون والله يوفقكم وينجحكم يآآآرب
المشاركة الأصلية كتبت بواسطة ღحلا الدنيـاღ مشاهدة المشاركة
phonology - دكتورة عزيزة العيسى ..

واحده من آفضل دكتورات القسم بالنسبه ليه هيه و دكتوره مآثر مافيه زيهم ..

ربي يسعدها تحاول تبسط لنا قد ماتقدر و تساعد في الدرجات ..

كل اللي تبغاه تشدي حيلك شويتين و تنجحي الماده غثيثه شويه بس معاها جداآ مريحه

اسألتها منوعه بين اختيارات - مقالي - فراغات

والفاينل جابت رسمه من آخر الدروس ..
المشاركة الأصلية كتبت بواسطة small ant مشاهدة المشاركة

رابع مااااده الفنولوجي مع الدكتوره عزيزه العيسى كان مرره حلو والدكتوره مرره متعاونه تتطلب دايما اسيمنت بسيط من الكتاب تاخذي معاها درجات كويسه والبراحه .





انتساب:

المشاركة الأصلية كتبت بواسطة MeZaJya مشاهدة المشاركة

سيمنار مع دكتورة عزيزه : انسااانه جدااا رائعه شرحها كووويس وتفهمي منها في المحاضره وجدا متعاونه
كان مطلوب بحث من 8-10 صفحات عليه 30 والاختبار من 70 .. 30 فقره صح وخطأ مع التصحيح و9 اسئلة شورت انسر تختاري منهم 7 و اسئله ع البحث عليهم 5 محسويه من درجة البحث
الماده عمووما دمممها تقيل فييها دراسات وحفظ دراسات وتعريفات لكن معاها كان جيد جدا وعلى قد ماذاكرنا على قد ما اعطتنا درجات ..كوورس معاها مايتفووت الماده عموما يبغالها حفظ وفهم ..

)
نقرتين لعرض الصورة في صفحة مستقلة
المشاركة الأصلية كتبت بواسطة s.w مشاهدة المشاركة
بسم الله الرحمن الرحيم ..حبيت اكتب عن مذاكرتي لمادة السيمنار لآني كنت خائفة منها والعالم تقول انها صعبه ..انا اخذتها مع مس عزيزة الله يسعدها انصح اي وحدة تأخذ معاها تركز على شرحها وتفرغ كل كلمة تقولها وتذاكرها مزبووووط واهم شئ الدراسات الموجودة تحفظ واحدة لكل موضوع يعني الموبيليتي تحفظ واحدة صم والنيت وورك وسوشال كلاس تحفظ لهم واحدة فقط مع فهم الباقين لانها راح تطلب اننا نكتب دراسات وأسئلة مقاليه ثانية ومهم جداً الاطلاع على اختبار المناطق مررررررة يشبهله ويعطيك تصور عن الأسئلة ..كمان التعريفات مهمة بالفهم طبعا لان المادة جميلة ومهضومة على قول اللبنانين والصح والخطأ اللي جا في الاختبار من فهمي للمادة من شرح الأستاذة وفيه أشياء المناطق نبهوني عليها ..وبالنسبة للبحث طلبت منا من 5-7صفحات محتوى البحث من غير الكفر بيج والريفرنسز وكانت مأكدة على ان الريفرنسز تكون منوعه وما تقل عن 5والبحث حيكون عن مواضيع تعطينا إياها تتعلق باللغة وراح تعطيكم نماذج عشان تعرفو كيف تبغا البحث ..المادة فرغتها في أسبوع وذاكرتها في أسبوعين والحمد لله كفاني الوقت والأفضل المذاكرة من بدري وفالكم الفل مارك ان شاء الله
~>
تجربتي في مادة السيمنار مع دكتورة عزيزة العيسى

 


التعديل الأخير تم بواسطة white rose ; 20-06-2014 الساعة 10:21 PM.
ام حمدان غير متواجد حالياً  
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 15-07-2013, 06:05 AM   #25

ام حمدان

مشرفة مُتألقة سابقة

الصورة الرمزية ام حمدان

 
تاريخ التسجيل: Jan 2009
التخصص: English Literature
نوع الدراسة: إنتساب
المستوى: متخرج
الجنس: أنثى
المشاركات: 10,198
افتراضي رد: ||تجاربنا مع أستاذات قسم اللغات الأوروبية - طالبـــــات || ~ متجدد

تجارب الطالبات مع أ/ ألاء المحمدي

انتظام


المشاركة الأصلية كتبت بواسطة faith^_^ مشاهدة المشاركة
انا حابه اكتب لكم تجربتي مع بعض الاستاذات

طبعا راي الشخصي و يمكن يختلف من بنت بنت

و ما قصدي اخوف احد ولا شي .,... اقصد فيها المساعده لبعض الطالبات و اجر وعشان تاخذو فكره

والله يوفق الجميع



الاء المحمدي >> اخلاق و طيبه جدا و الاهم تمشي في الدرجات و تراعي ضروف البنات و صعوبه اللغه عندهم











انتساب


المشاركة الأصلية كتبت بواسطة mezajya مشاهدة المشاركة
ريدينق 1+2 : مس الاء المحمدي
شرحها جيد جدا في الكلاس واختباراتها صعبه للاسف ..الاختبار قطعتين وعليهم اسئله وحده معقده ومفرداتها صعبه والتانيه سهله ..
ريدينق 1 كانت شورت انسر ريدينق 2 كانت اختيارات كلها .. جزئية كتاب الفوكابلري نفس طريقة الكتاب بس الجمل اسهل
في ريدينق 1 اخذت درجه اقل من اللي اتوقعتها بكتير بصراحه ومرا انصدمت في 2 كان العكس هههه اتوقع درجه واخذت اعلى منها

المشاركة الأصلية كتبت بواسطة suzi مشاهدة المشاركة
احسن وحدة قابتلها بصراحه مس الاء المحمدي :) ريدنق 212
على الرغم من آنه مادة الريدينق1 دسمة آلا انها تشرح +وقت الاختبار تمر تشرحلك السؤال بكل هدؤ والله آمس 5 دقايق وهي منتظر ة بالقاعه لانو الوقت ماكفى ومافي وقت نرآجع ويكفي فخر انها من عفت

[/b][/color]

 

ام حمدان غير متواجد حالياً  
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 15-07-2013, 06:16 AM   #26

ام حمدان

مشرفة مُتألقة سابقة

الصورة الرمزية ام حمدان

 
تاريخ التسجيل: Jan 2009
التخصص: English Literature
نوع الدراسة: إنتساب
المستوى: متخرج
الجنس: أنثى
المشاركات: 10,198
افتراضي رد: ||تجاربنا مع أستاذات قسم اللغات الأوروبية - طالبـــــات || ~ متجدد

تجارب الطالبات مع أ/سهام فطاني

انتظام

المشاركة الأصلية كتبت بواسطة مشاعر صماء
أ. سهام فطاني أخذت معاها مادتي النقد والشعر شرحها جداً رائع وتوصل المعلومة بشكل جميل واسلوبها مرح وماعندها شيء اسمه تكاليف. النقد كان فيه ملزمتين صغيرة وكبيرة الصغيرة كثير تجيب منها اسئلة الاختبارات والملزمة الكبيرة تجيب الأشياء اللي اشرت عليها تقريباً الملزمتين مكمله لبعض لأن الصغيرة اختصار لأهم النقاط. أسئلة الاختبار متنوعة وكثيرة. الشعر معاها شوي صعبة لأن كان عدد القصائد كبير وكانت تشرح رؤوس أقلام صح تجيب من شرحها لكن والله أذكر تعبت كثير وأنا ابحث من النت عن شرح للقصائد واذاكرها وفعلاً قدرت أعدي المادة.

المشاركة الأصلية كتبت بواسطة e m a n مشاهدة المشاركة

بويتري .. أ/سهآم فطآني .. شرحهآ جداًجداً مُمتآز .. بسّ المشكله قصآيدها كثييييره كثيييره ..
واللي اختبرتيهآ في الدوريّات تدخل معاك في الفآينل بسّ تجيب منّها أشياء بسطيه زيّ التكنيك بسّ

موفّقه


المشاركة الأصلية كتبت بواسطة الــود طــبعي مشاهدة المشاركة


بويتري مع أستاذة سهام فطاني نقرتين لعرض الصورة في صفحة مستقلةنقرتين لعرض الصورة في صفحة مستقلةنقرتين لعرض الصورة في صفحة مستقلةنقرتين لعرض الصورة في صفحة مستقلة
بنات نصيحة مني هي صح تشرح وتشرح من قلب
لكن << القصائد كثيييييييييييرة وغثييييييييثة والمشكلة العظمى إن كل الدوريات تدخل معانا في الفاينل ..
في الفاينل دخل معنا 40 قصيدة وفيه بعضها 800 بيت << ياللهول نقرتين لعرض الصورة في صفحة مستقلة
والله عانينا بس الحمدلله عدت هالمادة وافتكينا
طبعا دوريين من 30 وفاينل من 40 وبس
جبت b+<< بعد طلوع الروح.. ماأقول إلا الحمدلله نقرتين لعرض الصورة في صفحة مستقلة

بالنسبة للي سألت هل تعطيكي حقك وإلا لا.. والله الله اعلم لأن الدوري الأول والثاني أخذت نفس الدرجة وأنا حسيت نفسي حليت في الثاني أكثر بكثير..
على فكرة ترى يمدحون استاذة ناريمان ومادخلّت معهم في الفاينل الا 20 قصيدة نقرتين لعرض الصورة في صفحة مستقلة


المشاركة الأصلية كتبت بواسطة englishh student مشاهدة المشاركة


poetry

مع .أسهام فطاني
الكلاس جدا مممتع معاهانقرتين لعرض الصورة في صفحة مستقلةنقرتين لعرض الصورة في صفحة مستقلةنقرتين لعرض الصورة في صفحة مستقلةنقرتين لعرض الصورة في صفحة مستقلة
بس مو اي شي تكتبيه يعجبها
الماده منهجهاا كثيررررر
ولازم تشدي حيلك فيهااااااااااا وتذاكري وتحضري اول باول معاها
اختبارتهاا
دوري اول 30
دوري ثاني 30
فاينل 40

literary criticism
مع سهام فطااني
نفس الشي
مو اي شي يعجبها لازم تكوني كريتكل حتى في كتاباتك
بس المنهج يبغالو مذاكرره اول باووووووول وحضوور كمان دايما


هذه المواد اللي اخذتهااااااا



المشاركة الأصلية كتبت بواسطة حنين الود مشاهدة المشاركة
الكريتيسيزم مع د. سهآم فطآني
المآده فيهآ 2 إختبآرآت دورية كل وآحد عليه 30 درجة ..الإختبآرآت تكون في نهآيه السيمستر يعني فيه وقت طويييييل للحفظ .. و40 على الفآينل ..
المآده مو سهلة ..يبغآلهآ حفظ .. عبآره عن 7 نقآد 3 يدخلوآ في الدوري الاول و 3 في الدوري التآني والفآينل يدخلوآ الــ6 مع آخر نآقد كمآن يدخل في الفآينل ..
مآتآخد حضور بس تحفظ البنآت الي مآحضروآ.. شي ضروري تعرفك الدكتورة ..لآزم تطوري الكتآبه عندك لأنو كتيييير بنآت بينقصوآ في الرآيتنق مع الدكتورة سهآم لآنهآ بتركز عليه ..بمآ إنو الي بيآخدوآ المآده تخرج خلآص ..
لآزم تجمعوآ أسئلة السيمسترآت الي فآتت عشآن تعرفوآ إسلوبهآ في الإختبآرآت ..السيمستر دآ غيرت الأسئلة ومآتكرر شي أبدآ ..بس للمعلومية وللفآئده وعشآن تعرفوآ إسلوبهآ إطلعوآ على الأسئلة الي فآتت..







انتساب



المشاركة الأصلية كتبت بواسطة شخصية مستهدفة مشاهدة المشاركة
مس سهام فطاني 446 كرتسزم ,, 447 بويتري

بصراحه توصل المعلومه بطريقه بسيطه جداً يعني بصراحه الحلو انك تحسي انك مو بكلاس كأنك بجلسة حريم شرح + سواليف بس انسانه ذووووووووق

أسئلتها في الاختبار وسط لا سهله ولا صعبه لكن تراااااااعي كثير بالتصحيح

بالنسبة لي نجحت بدرجات خيال عندها الحمدلله ربي يسعدها


المشاركة الأصلية كتبت بواسطة andalus ~ مشاهدة المشاركة
سهام فطاني ..

الله يسعدها كل ترم يخوفوني منها ..
أخدت كورسين عندها وما شاء الله عليها ممتعة في الكلاس لكن مشكلتها ماتشرح للبنات قد ماتسولف
أسئلتها متوسطة لا صعبة ولا سهلة مرة زي ماقالو البنات
مافي داعي تخافو منها أبدا والحمدلله أسئلتها في مقدمة في الأدب كانت أسهل بكثير من نجوى الغريبي
طلعت من الامتحان على طول أهزئ كل بنت قالتلي الله يعينك عليها و نجوى أحسن منها واللي حقلي حترسبي معاها ..

انا مرتاحة معاها ومافي خوف من النقد والشعر بعدين !
المشاركة الأصلية كتبت بواسطة white rose مشاهدة المشاركة
مس سهام فطاني

من اروع الاستاذات بقسمنا بجد الكلاس معها رائع عندها معلومات وتشرح بقلب وامانة وتخليك تلمين باشياء خارجية حتى لو مو مطلوبة منك بس عشان تفهمين بشكل جيد .. اخذت معها ليسننغ 1 وبويتري ونقد وادب حديث وشكسبير .. كانت تراعي كثير وتحسي ام بتصحح ورقتك اكثر من استاذة وحريصة على الطالبة كثير وتساعد الله يرضى عنها اكثر استاذة استمعت معها بالدراسة اعطت بقلب وياليتها تعطي كلاسات زيادة ومحاضرات للخريجات اكيد كنت ححضر لها موسوعة مثلها صعب تتقاعد ونفسي ترجع تكمل رسالتها مع الطالبات .. الاختبار معها يعتبر حلو لانها تعطيك فكرة اش راح يجيك واش المطلوب وكيفيته خاصة بالمواد الادبية لكن بالنقد والليسننغ كان يعتمد اكثر شي على حفظك للمطلوب بحكم انك ما تقدرين تكتبين رايك كثير وانه كان اختبارها فيه اختياري وفراغات وتعاريف وفي النقد كان فيه جزء مقالي وايضا كان فيه بالمواد الادبية .. الكورس معها ممتع خاصة لو ادبي الله يعطيها العافية ما قصرت معنا ربي يوفقها :-)
المشاركة الأصلية كتبت بواسطة ام حمدان مشاهدة المشاركة
أ/سهام فطاني
الشرح : رائعة هالانسانة عسل واخلاق وموسوعة متنقلة الله يحميها اخذت معها عدة كورسات شعر- نقد- مودرن- شكسبير وكانت من اروع الكورسات الحمدلله هي تقاعدت حالياً لكن بكتب تجربتي معها يمكن ترجع يوماً ما
محاضراتها جدا جدا مهمه وماتطلع عن اللي تقولة فيها ابد فمهم تنتبهوا للي تقولة وتشرحة
اسئلتها تقريبا نفس الاسلوب في كل موادها وهي منوعة بين مقالي وموضوعي تحط تقريبا 50 او 60 اختيارات وفراغات و50 او 40 مقالي
حلوه اسئلتها وكلها تدور حول اللي شرحته في محاضراتها ونبهت عليه
مثلا في في شكسبير والمودرن الخيارات معظمها مشابه للي بالمواقع الادبيه زي سبارك نوت وغيره وكلها حاجات واضحة ورئيسيه وكم خيار من عندها بس مره واضح للي ركزت وهي تذاكر وركزت علي الي شرحته
والمقالي جابته كله اما عالثيمات الرئيسية تشرحيها او عن الشخصيات الرئيسية تتكلمي عنهم او تقارني بينهم
وفي الشعر برضو خيارات عن الثيمات والرزميات والاستعاره ومالى ذلك في القصائد والفراغات تجيب ابيات وتقلك مين الشاعر واسم القصيدة وايش هو المحسن البديعي في البيت
والمقالي يكون عباره عن تحليل كامل للقصائد تجيب القصائد بدون ماتكتب اسمها او اسم ؤلفها وتقولك حلليها من كل النواحي يعني تشرحي هي باي عصر وايش ثيمهاتها والصور الي فيها وتشرحي المقصود في الابيات الشعريه وماالى ذلك وهي في المحاضرات توضح ايش تبغى تكتبوا لها في الامتحان
وفي النقد جابت لنا فرغات عالمدارس تجيب مزايا وتقولك اكتبي اسم المدرسة النقدية الي تنطبق عليه هالميزة والخيارات جابتها منوعه ع معلومات من كل الشابترات الي شرحتها وركزت عليها والمقالي كله كمان واضح وسهل لاي وحده مذاكرة ومركزه معها
التصحيح : رائعة وحقانيه وتراعي ان كان فيه مجال للمراعاة ماتقصر ابد

 


التعديل الأخير تم بواسطة white rose ; 10-08-2013 الساعة 05:46 PM.
ام حمدان غير متواجد حالياً  
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 16-07-2013, 05:30 AM   #27

ام حمدان

مشرفة مُتألقة سابقة

الصورة الرمزية ام حمدان

 
تاريخ التسجيل: Jan 2009
التخصص: English Literature
نوع الدراسة: إنتساب
المستوى: متخرج
الجنس: أنثى
المشاركات: 10,198
افتراضي رد: ||تجاربنا مع أستاذات قسم اللغات الأوروبية - طالبـــــات || ~ متجدد

تجارب الطالبات مع أ/مايا اليافي

انتظام

المشاركة الأصلية كتبت بواسطة مشاعر صماء
أ. مايا اليافي انسانة طيبة وهادية وسهلة التعامل ، شرحها حلو وتساعد الطالبات بالدرجات قد ماتقدر .

المشاركة الأصلية كتبت بواسطة سعادة الطالبه الشاطره مشاهدة المشاركة
مايا اليافي >>>اللي يشوف اسمها في الجدول وماياخذ معاها غلطااااااااااااان 100 %
اخذت معاها reading 1 وكانت جدا متعاااااااااااااااااااااونه ((لكن كله عندها بحدود يعني لا تغشش ولا تعطي درجات زايده))
وماتجيب طاري الرسوب ولا تخوفك منه زي عادة اغلب الاستاذات.,,
يعني تحسينها طول الترم وهي تعطيك طاقه ايجابيه

الاسئله موحده
20 20 20 40
.........................



انتساب

المشاركة الأصلية كتبت بواسطة ام حمدان مشاهدة المشاركة

رايتنق (2) 216 مع مس مايا اليافي

استاذه مره عسوله وشرحها حلو ومفهوم واخذت معاها رايتنق 1و2 وفي الاثنين اخذت درجتي الي استحقها معاها الحمدلله
اختبارنا كان سهل بصراحه والاسئله كانت موحده لكل الشعب سواء شعبة مس مايا او غيرها
الي ينزلها الرايتنق معاها او مع حنان الطرازي لاتفوته ابداً
الامتحان كان جزئين جزء يتعلق بالتوثيق والسمري والبارافريز والتوثيق والاقتباس وعليه 15 درجه وجزء المقال وعليه 85 درجه
وبرضو الي تحب تعرف المواضيع الي جاتنا ترجع لموضوع الاسئله المثبت

بالتوفيق
المشاركة الأصلية كتبت بواسطة s.w مشاهدة المشاركة
رايتنج1 مع مس مايا اليافي
استاذة ذوق وعسل وطيبة بكل المعاني صراحة كنت متخوفة من السنترا لكن الله يسعدها كانت متعاونة معانا بشكل خيالي اتفاجات لمن شفتها حامل بصراحة كنت متعبتها من كثر ماارسلها مقالات تصححها لي والله انها تصحح كل كلمة وترد عليه وماتنطش ابدا حتى نكلمها بالجوال وعلى قلبها زي العسل الله يوفقها صح درجتي ماعجبتني بس الغلط ابدا مو فيها الوقت ماكفا وبجد يبغالي اتعلم كيف استعجل في الكتابة

 


التعديل الأخير تم بواسطة white rose ; 10-08-2013 الساعة 05:49 PM.
ام حمدان غير متواجد حالياً  
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 16-07-2013, 06:06 AM   #28

ام حمدان

مشرفة مُتألقة سابقة

الصورة الرمزية ام حمدان

 
تاريخ التسجيل: Jan 2009
التخصص: English Literature
نوع الدراسة: إنتساب
المستوى: متخرج
الجنس: أنثى
المشاركات: 10,198
افتراضي رد: ||تجاربنا مع أستاذات قسم اللغات الأوروبية - طالبـــــات || ~ متجدد

تجارب الطالبات مع أ/ رشا قزاز

انتظام

المشاركة الأصلية كتبت بواسطة سعادة الطالبه الشاطره مشاهدة المشاركة

مس رشا قزاز في مقدمه في الادب

.,,طبعا اغلب البنات مايمدحونها

بس انا اشوف انها ابدا ماتظلم ومو صارمه بالعكس مرنه جدا في تعاملها

وتعطي اكثر من موعد للواجبات ووتقدر الظروف

واسئلتها على قد شرحها بالضبط وبس انتي اقرئي القصه او المسرحيه وحضري لها

وراح تكونين مرتاااااااااااااحه معاها وهي راح تقدر هذا الشئ

بالاضافه الى انها ماتحب الغياااب ابدا والتاخير الدائم.,,

15 15 15 5 >>اختبارات 10 >>بحث بسيط من صفحتين 40 >>فاينل

.............................
اتمنى انه مايكون ظلمت احد او زودت في المدح ..

وفي النهايه التوكل على الله و مفتاح التوفيق مو الاستاذات..

المشاركة الأصلية كتبت بواسطة cramilla مشاهدة المشاركة
السلام عليكم

مقدمة في الأدب
أستاذة رشا قزاز > شرحها رائع و تاخدك لعالم تاني و محاضرتها الوحيدة اللي ما اطالع للساعة فيها من كتر ما انا مستمتعة، تحب البنات انهم يحضروا و يتفاعلوا معاها في المحاضرات، حتى لو اللي في راسك مو معقول او خطا رح تقدر انك بتتحاوري معاها و احيانا تقتنع برأيك و تنبسط منك، اتذكرو في الأدب مافي شي صح الا قدرتي تثبتيه، و مافي شي خطأ إذا أثبتيه
أسئلتها شوية عميقة - زي كل أسئلة مواد الأدب - و اذا ما بتحضري او تشاركي معاها لا تحضري لها
مرنة في التعامل و تعامل الطالبات زي أخواتها، تمزح و تضحك و تأجل مواعيد التسليم او افختبارات على حسب ظروفنا
الكل خوفني منها يقولوا انها شديدة، و قصدهم انه في التصحيح تدقق، بس اشوف انه كل الأستاذات بيسووا نفس الشي
المشاركة الأصلية كتبت بواسطة nour al3mr مشاهدة المشاركة
مادة مقدمة في الأدب ..
أخذتها مع الأستاذه رشـــــــا قـزاز,,

المنهج عبارة عن 3 أجزاء,,
الجزء الاول خاص بالشعر poetry
درسنا فيه يمكن 6 تشابترز عن العصور وتطور الشعر في كل عصر,,
(المذاكره من الكتاب ومن السلايدات),,

وبعدها درسنا 5 قصائد,,
the passionate shepherd to his love
a poison tree
sonnet 138 for shakespeare
i felt a funeral, in my mind
stopping by the wood

ثاني جزء من المنهج خاص بالقصص fiction
أخذنا سيلايدز خاص بالعناصر حق القصص elements of fiction
بعدها درسنا 5 قصص
miss brill
the open window
the diamond necklace
a pair of silk stocking
the tell tale heart

ثالث جزء من المنهج خاص بالدرامــــــا (المسرحية) ..drama
برضوه درسنا عناصر الدرامــــــــــا ,,
بعدها مسرحية when the moon has set


هذا حصيلة كل ما درسناه في الكورس ,,
بالنسبه للاستاذه مـــاشاء الله تبارك الله تشرح وماتقصر,,
والحلو انك تعرفي لما تذاكري ايش بيجيك...
الماده كثيره نوعا ما مايبغالها انه تهمليها لازم تتذاكر اول بأول,,
الاختبار عباره عن ::...
فراغات بالنسبه للسلايدز elements
اما الشعر والقصص والمسرحية,,
الاسئله عبارة عن short essay
تطلب شيء محدد وتكتبي عنه..
طبعا يعتمد على فهمك واستعابك للسؤال اول شيء..
بعد كذه يعتمد على فهمك للشعر او المسرحيه او القصه وابداي بالكتابه,,
الدرجات هنا تتفاوت لانه على حسب اذا عجب الاستاذه الكلام وطلع كما هو مطلوب راح تحصلي على الدرجه,,

اما الفاينل ..
نفس طريقه الدوريات اضافه لها سؤال خاص لالمحسنات البلاغية...
واسئله المقالات كانت متنوعه ..
.....................................

كـــــــل الشكر لك يالغلا على هذا الموضوع ..
واتمنى انه يتثبت للفائده وسهوله الوصول له,,
بالتوفيق..
المشاركة الأصلية كتبت بواسطة سعادة الطالبه الشاطره مشاهدة المشاركة
انا اقولكم عن اهم شئ عند مس رشا .,,
وتراا مستوااي اقل من المتوسط في الرايتنق
عشاان لا تفهموا اني دافوره واتفلسف.,

مس رشا اهم شئ عندها .,,
في الدرجه الولى

الالتزام

في الدرجه الثانيه

الالتزام

في الدرجه الثالثه.,,

الالتزام.,,

والالتزام يشمل
((الواجبات - التحضير للمحاضرات- الحضور وعدم التأخير..))
واشياء كثير غيرها .,,انتي تحدديها.,,

هذا غير انها اخلاق والترم كله وانتي ريلاكس ومع وحده تحترم طالباتها وكأنك صحبتها.,,
يعني لا تحملون هم مس رشا في غيرها اولى بالهم خخخخ

وانا اخذت معاها كورسين والثالث ان شاء الله هذا الترم.,,
المشاركة الأصلية كتبت بواسطة rona مشاهدة المشاركة
موضوع جيد شكرا لكِ :)



writing1 مع مس رشا تشرح كويس وداايما
اي موضوع جديد ناخدو تطلب مننا نكتب كتير عشان نتعود ع الموضوع ونتعلم من اخطاءنا وتصحح معاكي وتعرفك على اخطائك مزبوط دا احلى شي في كلاسها :) بس درجتي فيه الحمدلله مو مره اهم شي اني عديت ولله الحمد


دي تجربتي وأتمنى تفيدكم :)
المشاركة الأصلية كتبت بواسطة مشاعر صماء
أ/رشا قزاز دقيقة جداً يقولوا تشرح أنا عني شخصيا ً أحسها شرحهها أقل من كلمة عادي وهي انسانه معقدة

 


التعديل الأخير تم بواسطة white rose ; 10-08-2013 الساعة 05:52 PM.
ام حمدان غير متواجد حالياً  
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 16-07-2013, 06:32 AM   #29

ام حمدان

مشرفة مُتألقة سابقة

الصورة الرمزية ام حمدان

 
تاريخ التسجيل: Jan 2009
التخصص: English Literature
نوع الدراسة: إنتساب
المستوى: متخرج
الجنس: أنثى
المشاركات: 10,198
افتراضي رد: ||تجاربنا مع أستاذات قسم اللغات الأوروبية - طالبـــــات || ~ متجدد

تجارب الطالبات مع ا/ حنان جبر

انتساب :


المشاركة الأصلية كتبت بواسطة white rose مشاهدة المشاركة
اخذت معها رايتنغ 1 و2

كانت جدا رائعة معنا بالكلاسات تعطينا اش المطلوب بطريقة ميسرة وبعد الكلاسات قالت لنا نكتب لها ايسيهات ونراجعها بمكتبها بيوم وتصححها لنا مباشرة ونتعلم من اخطائنا وهالخطوة فادتني كثير اني اعرف اخطائي واتلافها في الاختبار الاساسي لان الاستاذة دقيقة بالتصحيح خاصة في الجرامر واعطتنا بالكلاس الروبيرك اللي تعتمد عليه في تصحيحها للايسيهات وكمان في الاختبار كانت توضح لنا اش المطلوب في السؤال لو ما عرفنا المطلوب وتشرح من قلب تجربتي معها طيبة الله يذكرها بالخير ..



تعليم عن بعد :

تجاربي مع بعض استاذات قسم اللغات الاوروبية ( تعليم عن بعد )

المشاركة الأصلية كتبت بواسطة متفائله، مشاهدة المشاركة
السلام عليكم ورحمة الله وبركاته
ذي تجاربي مع هالدكتورات - تعليم عن بعد-

حنان جبر ..
درستني استماع وتحدث 1 و 2

من أفضل الدكتورات اللي درسوني صراحة كل شيء سهل معها ومستوى الاختبار متوقع واسئلتها جميلة مهما اخبص اطلع بدرجة حلوة! وجدًا متعاونة الله يسعدها.

 


التعديل الأخير تم بواسطة nour al3mr ; 19-01-2016 الساعة 01:09 AM.
ام حمدان غير متواجد حالياً  
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 16-07-2013, 06:37 AM   #30

ام حمدان

مشرفة مُتألقة سابقة

الصورة الرمزية ام حمدان

 
تاريخ التسجيل: Jan 2009
التخصص: English Literature
نوع الدراسة: إنتساب
المستوى: متخرج
الجنس: أنثى
المشاركات: 10,198
افتراضي رد: ||تجاربنا مع أستاذات قسم اللغات الأوروبية - طالبـــــات || ~ متجدد

تجارب الطالبات مع أ/أفنان فطاني

انتظام

المشاركة الأصلية كتبت بواسطة brilliant shores

د. أفنان فطاني خصوصاً في السيمانتيكس شرحها مررة رااائع واسئلتها كثيرة
بس لازم تركزي وانتي بتذاكري يعني تفهمي كل شي وتقدري بإذن الله تأخذي
معاها درجات حلوة وطبعا المادة مافيها شغل بس بحث واحد تسلميه مع الفاينل
وماهو اجباري اذا تبغي ترفعي درجاتك سويه وعليه 10 درجات ، وعلى فكرة أسئلتها
ماتكررها لا في الدوريات ولا الفاينل يعني ذاكروا بذمة نقرتين لعرض الصورة في صفحة مستقلة

المشاركة الأصلية كتبت بواسطة مشاعر صماء
د/ أفنان فطاني أخذت معاها اللغويات الاجتماعية شرحها حلو كبقية أستاذات عائلة فطاني لكن معروفين بدقتهم بالتصحيح و بالاسئلة " يهتموا بالديتيلز " ، الاختبار اول صفحة يكون سؤالين مقالية اجباري تحلينها ثاني صفحة فراغات واختيار من متعدد. الأسئلة تجي من شرحها ومن اللي تحدده بالكتاب . وتطلب بحثين على كل واحد 10 درجات.



المشاركة الأصلية كتبت بواسطة m!ss.cute مشاهدة المشاركة
السيمانتكس مع د. أفنان كان بالنسبة ليا روعة بصراحة بس أهم شي تحضري الكلاسات معاها وتركزي وتفهمي كل فتفوتة في الكتاب وباذن الله تضمني الـ a+ ،،
الفرق الشاسع بينها وبين منال التاودي انها تختبرك في شابتر واحد بس ومرة وحدة بس يعني اللي اختبرتي فيه ما ترجعيلو تاني والفاينل كمان شابتر واحد بس ،، بعكس منال تختبرك في المنهج كلو زي ما قالوا بعض البنات


والله يوفقك =)
المشاركة الأصلية كتبت بواسطة englishh student مشاهدة المشاركة
كل شي يتعمد على الاستاذه اللي انتي معاها وانا راح اقووولك
تجاربي للمواد اللي اخذتها مع كل استاذهنقرتين لعرض الصورة في صفحة مستقلة



semantics
د افنان فطاني(قبل سنه)
تجنن .. تووصلك المعلومه صح تشرح تعيييييييد بشرحهاا مليون مره لين تحسي نفسك فاهمه المنهج صح
الماده معاها تعتمد على الفهم كثير وماهي صعبه معاها ابداا
تساعدك على النجااح وتطلب منك اسايمنت عليه 6 درجات عشان البنت لاقدر الله ولاماباقي لهاغير شي بسيط على النجااح تدفهم
هذا غير البونسسس اللي بالاختبار
اختبارتها تجي من 4 صفحات لااكثر
3 اختبارات كل اختبار عليه 20 درجه واللي اختبرتو فيه دوري اول ترمو وراكم خلاص يجي شبتر جديد للدوري الثاني وهكذا
حتى الفاينيل اختبرنا بشبترين بس اللي ماختبرنا فيهم في الدوريات
يجي الاختبار
اختياري كثيييييير
وكم سؤال شورت انسر
وكل شي يكون واضحنقرتين لعرض الصورة في صفحة مستقلة



المشاركة الأصلية كتبت بواسطة m!ss.cute مشاهدة المشاركة


السيمانتكس مع د. أفنان فطاني

الكورس كان خفيف وقليل ومرتب بس يبغالو تركييييز وحضور مستمر وفهم أكتر من الحفظ وبصراحة تعامل الدكتورة راااائع وراقي جدا الله يسعدها

تقسيم الدرجات : 20 على 3 اختبارات + 40 على الفاينل

في كل اختبار تختبري في شابتر واحد ومعد ترجعيلو ، والمنهج كلو كان 4 تشابترز
الأسئلة كثيرة وشاملة بس حلوة ومنوعة بين شورت ايسي و اختيارات وفراغات عشان كدا لازم تركزي على كل فتفوتة في التشابتر
المشاركة الأصلية كتبت بواسطة small ant مشاهدة المشاركة

خامس ماده السمانتكس مع الدكتوره افنان فطاااني الماده ممتعه بس الاستاذه اسئلتها السهله الممتنع تتوه بعض الشيء
كل شابتر عليه اختبااار وماتدخل في الفاينل هذا احسن شيء .


بالتوفيق للجميع



طالبات الانتساب :

المشاركة الأصلية كتبت بواسطة #روووح# مشاهدة المشاركة
اسأل الله ان يكتب اجر كل من علمني حرف,,اشكر كل الاساتذة اللي درسوني ..جزاهم الله كل خير(:



بس راح اتكلم عن الاشياء االبارزة اللي واجهتها ...ﻻني اقل من اني اقيم دكاترة واساتذة افاضل...


10/ افنان فطاني/تفهمي منها ما تنقص في المنهج المذاكرة من السلايدات..بس اختبارها ابدا مو حلو..تحسي انه انت ذاكرتي شي وهي جايبة شي ثاني..ﻻ تستسهلو المادة معاها و ذاكرو تمام

المشاركة الأصلية كتبت بواسطة mezajya مشاهدة المشاركة
انتساب :)

سيمانتكس : د. افنان فطاني
شرحها جيد جدا وتشرح بذمه وتوصل المعلوومه بصراحه
اختبارها متنوع ومن الشرح ومن سلايداتها الاختبار
الاختبار يعتمد ع الحفظ+ الفهم
لكن بصفه عامه الاستاذه جدا كويسه واختبارها من المحاضرات والسلايدات

 


التعديل الأخير تم بواسطة white rose ; 17-06-2014 الساعة 12:13 PM.
ام حمدان غير متواجد حالياً  
 

موضوع مغلق

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 07:48 AM


Powered by vBulletin® Version 3.8.9 Beta 3
Copyright ©2000 - 2024, vBulletin Solutions, Inc.
Ads Organizer 3.0.3 by Analytics - Distance Education

أن كل ما ينشر في المنتدى لا يمثل رأي الإدارة وانما يمثل رأي أصحابها

جميع الحقوق محفوظة لشبكة سكاو

2003-2023