InstagramTwitterSnapChat


 
وصف

العودة   منتديات سكاو > الكليات الجامعية > منتدى كلية الآداب والعلوم الإنسانية > قسم اللغات الأوروبية و آدابها
   
   


||تجاربنا مع أستاذات قسم اللغات الأوروبية - طالبـــــات || ~ متجدد

قسم اللغات الأوروبية و آدابها

موضوع مغلق
 
أدوات الموضوع إبحث في الموضوع انواع عرض الموضوع
منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 25-06-2013, 12:58 AM   #11

white rose

الصورة الرمزية white rose

 
تاريخ التسجيل: Mar 2009
كلية: كلية الآداب والعلوم الانسانية
التخصص: English Language~
نوع الدراسة: عضو هيئة تدريس
المستوى: متخرج
البلد: جــــدة
الجنس: أنثى
المشاركات: 9,171
افتراضي رد: ||تجاربنا مع أستاذات قسم اللغات الأوروبية - طالبـــــات || ~ متجدد

تجارب الطالبات مع د. إيمان حمزة

انتظام :

المشاركة الأصلية كتبت بواسطة banana| مشاهدة المشاركة

أ. إيمان حمزة في الدراما
ممتعة ممتعة من جد ، خصوصًا إن الأستاذة ماشاءالله تشرح بإخلاص ، يعني ما انتهى الكورس إلا وإحنا فاهمين المسرحيات كلها 100%
تكاليفها مو صعبة ، وأسئلتها حلوة ومن نفس الشرح . (الله يسعدها من جد)


المشاركة الأصلية كتبت بواسطة brilliant shores

أ/إيمان حمزة شرحها ممتع وكلاساتها رآآآئعة وكريمة في الدرجات واسئلتها وآآضحة

المشاركة الأصلية كتبت بواسطة nour al3mr مشاهدة المشاركة

د. إيمـآن حمزة ما درست معاها صديقاتي درسوا و أنشقت الآراء بين مؤيد و معارض :$
لكن بالأغلب أمشي معاها تمام تسلك أمورك و طولوا بالكم و خلوه وسيييييع جدًا
المشاركة الأصلية كتبت بواسطة مشاعر صماء
أستاذة ايمان حمزة تجيب الاختبار من شرحها ومن الأسئلة اللي تكتبه لكم قبل الاختبار ، الاختبار طبعا ً من عشرين كل سؤال عليه عشرة ، بالفاينل تجيب اسئلة قصيرة على الواحد خمسة درجات . كان الفكشن معاها طفش لأنه يحتاج شغل تقسم الرواية على فصول وكل طالبة تشرح فصل أو فصلين من الرواية وهي تعقب وتعطي تعليق على النقاط المهمة فلا ترتبكي لأن اسلوبها كذا مو حلو تقطع عليك وتقول اللي تبغاه, طبعاً الشرح مو صعب لأنه فقط تعمل سمري على أهم الأحداث بالفصل وتشرحي وأنتِ بمكانك ، كثير شرحت وبالنهاية كله عليه 5 لكن هي تعصب لو غبتي بدون ماتبادلي مع صديقتك لأنه تعتبره اجباري نشرح احنا الروايات . بنهاية الترم تشرحي الجزء اللي مخصص لك من القصة القصيرة اللي وزعتها عليكم طبعاً كل قروب لهم قصة وكل طالبة من القروب تمسك شيء إما الشخصيات أو الثيمز وكلها تحددها الأستاذة و تأخذ الاسايمنىت اللي هو عبارة عن شرح وتعليقك على الجزء الخاص فيك من القصة القصيرة وعليه 15 درجة مع العرض.




المشاركة الأصلية كتبت بواسطة nadoy مشاهدة المشاركة
fiction 342 مع مس ايمان حمزة انا من 2 سنتين والمادة هذي تنزلي مع استاذة اايمان حمزة وانا احذفها عشان ابغا اخذ مع وحدة ماتعب نفسي معاها وماقرا القصص مع اني اخذت لترتشر مع ايمان وكانت روعة والى الترم هذا اضفت المادة بدون ماعرف الاستاذة وطلعت ايمان قلت خلاص خيرة والحمدلله في بنات ماكانو يقراو القصص لكن اذا قراتي الرواية يصير ماتحتاجي تذاكري تدخلي الاختبار بدون مذاكرة والحمدلله مرة انبسطت معاها مفروض نسوي معاها 2 برزنتيشن تشرحي شابتر من كل رواية لكن عشان البنات كانو قليلين سوينا 5 برزنتيشن واعطتنا عليها علامات حلوة يعني من 5 وبعدين في نهاية السمستر تعطينها قصة قصيرة 20 صفحة او اكثر بشويا ونعمل عليها سمري في مجموعة ونسي عليها برزينتيشن وعلليها 15 واختبارين من 20 وكل مانخلص رواية تعطيكي عنها النقاط المهمة الي تركزي عليها والاسئلة تجي من النقاط هذي في الاختبارات الله يسعدها بجد استفدت معاها

المشاركة الأصلية كتبت بواسطة englishh student مشاهدة المشاركة

practicum 1
مع أيماااااااااااااااااااااااااااان حمزه

ربي يسعدها دنياا واخررررررررررررررره
تقسيمها
انتر فيووو >>20
كوفر ليترووسي في>>20

بريزينتيشن 1>>10
برزينتيشن 2>10
اختبار ميد تيرم 20
فاينل 20
المنهج جداااااااااااااا رائع معاها وممتع وسهلل واسئله تتكررنقرتين لعرض الصورة في صفحة مستقلة







المشاركة الأصلية كتبت بواسطة m!ss.cute مشاهدة المشاركة
براكتكم 1 / lane 462 - مع مس إيمان حمزة

الكورس أكتر من رائع ومريح ومرتب معاها ودرجتي حلوة الحمدلله

مطلوب منك تسوي 2 برزنتيشنز ( واحد هيا تحددلك جزء من الكتاب وتشرحيه للبنات - الثاني انتي تختاري الموضوع يا book report, movie review, advartisment, lesson ) الأول عليه 5 درجات والثاني عليه 10 .

يتخلل الكورس essays لازم تكتبيها بعد ما تشرح لك طريقة الكتابة والترتيب على السبورة وتعطيك يوم أو يومين تحضري موضوعك وتختاريه وتجي تكتبيه في الكلاس وهي :
1. Comment on an article : 10 marks
2. An interview : 15 marks
3. Cv : 5 marks
4. Cover letter : 5 marks

+ دوري موحد من 20 درجة + نهائي موحد من 30 درجة

أسئلة الاختبارات منوعة بين اختياري وفراغات وواحد ايساي وعددي بالاضافة لجزء من اختبارات التوفل في القرامر

وبالتوفييييييق :)
المشاركة الأصلية كتبت بواسطة ღحلا الدنيـاღ مشاهدة المشاركة
fiction - مسز إيمــان حمزة

الكورس مرررة كان ممتع بالنسبه لي .. منظم و تعرفي من البدايه اللي لك واللي عليك

اسلوبها لمن تحكينا ما شاء الله رااائــع لدرجه اشتقت له والله

اختباراتها يبغالها واحده تحضر وتكتب كل حرف تقوله

كثير ايام تمر ماتآخذ حضور بس اللي ماتحضر كلاس واحد يفوتها كثير

ماتحب البنات يستهونو بالكورس ..

الخلاصه:احضري واكتبي كل كلمه واقرآي الروايات وشدي حيلك وماراح تجيب شيء من برا

تعدو بدرجه حلوه بإذن الله ..
المشاركة الأصلية كتبت بواسطة doll مشاهدة المشاركة
فكشن مع أ\إيمان حمزة، ركزي معاها تحلي تمام و لو غبتي كلاس حاولي تاخديه من البنات لأنو من جد كل شيء بتقولوا غالبًا يجي منو، ما تاخد حضور و غياب لكنها تعرف البنات اللي يغيبوا و اللي يجوا. توزيع الدرجات: اختبارين على كل واحد 20 تجاوبي على سؤالين ايساي، و 2 برزنتيشنز على كل واحد2 و نص، 10 درجات تسوي ريسيرش على شورت ستوري هي تختارها و تختار عنصر معين تتكلمي عنو و 5 درجات برزنتيشن على نفس الموضوع، الفاينل صححي الخطأ و essay كويسشنز. بنات انتبهوا حيكون على كل رواية فترة تاريخية حاولوا قدر الإمكان تحفظوها أول بأول لأنها دسمة حبتين. الكورس عمومًا ممتع لا بأس فيه.

 


التعديل الأخير تم بواسطة white rose ; 12-01-2014 الساعة 08:56 AM.
white rose غير متواجد حالياً  
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 25-06-2013, 01:00 AM   #12

white rose

الصورة الرمزية white rose

 
تاريخ التسجيل: Mar 2009
كلية: كلية الآداب والعلوم الانسانية
التخصص: English Language~
نوع الدراسة: عضو هيئة تدريس
المستوى: متخرج
البلد: جــــدة
الجنس: أنثى
المشاركات: 9,171
افتراضي رد: ||تجاربنا مع أستاذات قسم اللغات الأوروبية - طالبـــــات || ~ متجدد

تجارب الطالبات مع أ. نجوى الغريبي

انتظام

المشاركة الأصلية كتبت بواسطة nour al3mr مشاهدة المشاركة

د. نجوى الغريبي غنية عن التعريف الله يحفظهـآ قد ما حتنكرفوا و تطلع لكم قرون ع قد ما بتستفيدوا و تلاقوا ثمآر تعبكم بالدرجـآت الطيبة إن شاء الله


المشاركة الأصلية كتبت بواسطة 9code
الإستماع والتحدث 2 (أ. نجوى الغريبينقرتين لعرض الصورة في صفحة مستقلة) :
طبعاً معروفة الأستاذة نجوى الغريبي الله يسعدها نقرتين لعرض الصورة في صفحة مستقلة
تختبر ثلاثه اختبارات دوري والدرجات أول بأول ترسلها عالأيميل ..
البرزنتيشنات كمان خلتنا نسوي اثنين واحد نسويه لوحدك كالعادة بس هنا خلتنا نختار الموضوع الي نبغاه وفتحت لنا المجال وأنا سويت عن graphology و وحدة سوت عن الكوزبلاي في اليابان وكذا يعني .. أما الثاني ف قروبات وكان اختيار بنات القروب عادي اذا الصحبات وزي كذا .. وكان نفس الشيء عن العصور الرومانتيك والفكتوريان والدارك وكذا ... نقرتين لعرض الصورة في صفحة مستقلة

كانت الأستاذة تخلي يوم السبت والاثنين أيام شرح أما يوم الأربعاء ف كان الغياب فيه والحضور ب 3 درجات ! يعني على كل اربعاء تغيبي 3 درجات تروح عليكي ! لآنو يوم الأربعاء كانت مخليته للدسكشن في الكلوب مو في الكلاس وكان عن أي موضوع يختاروه وكذا يعني كلاس تدخلي تسولفي فيه وتخرجي تاخذذي 3 درجات نقرتين لعرض الصورة في صفحة مستقلة
وكانت كمان الأستاذة مخليه 6 درجات بونس اذا حليتي الأوراق الي توزعها ورجعتيها لها نقرتين لعرض الصورة في صفحة مستقلة
أخذت ف المادة a طبعا كان يمديني بالراحة أجيب الفول مارك وأي أحد يقدر يجيبها مع البونس بس الكسل والمذاكرة للاختبار ف الجامعة فنفس اليوم وكمان الخرجات من الجامعة نقرتين لعرض الصورة في صفحة مستقلة
فشدوا حيلكم ويمديكم تجيبوها بالراحة نقرتين لعرض الصورة في صفحة مستقلة
المشاركة الأصلية كتبت بواسطة banana|

مادة الاستماع والتحدث 2 : ( مع أ. نجوى الغريبي )
الدرجات كانت متوزعة على مجموعة اختبارات قصيرة كل واحد من خمس درجات و20 درجة على المناقشات ( كل أربعاء تصير مناقشة في موضوع تختاره الأستاذة قبلها) و من 2 – 3 برزنتيشنات في مواضيع تختارها الأستاذة، المادة تعتمد على مذاكرة الطالبة للنوتس اللي تاخذه مع الأستاذة ومن الجزئيات اللي تحددها الأستاذة في الكتاب، الله يسعدها مس نجوى كانت مخففتها علينا وتعطينا المختصر المفيد، بس الاختبار النهائي نوعًا ما كان يحتاج تركيز شديد جدًا جدًا بعكس الدوريات، من الأشياء اللي ما حبيتها في هذه المادة، إن أي غياب في أي دسكشن يطير من الطالبة درجتين كاملة، حتى لو كانت الطالبة جايبة عذر قوي أو تقرير طبي، يعني الأستاذة ماهي مرنة في هذه النقطة، وبالمقابل كل البنات اللي حضروا معاها الدسكشنز أخذوا الدرجات كاملة حتى لو كانوا مايشاركون أبدًا.
المشاركة الأصلية كتبت بواسطة مني يغار الورد
استاذة نجوى الغريبي- نقد أدبي
بصفة عامة انسانة رائعة ومريحة جدا
بالنسبة للمنهج كان مقرر 20 كويز 1- 20 كويز2 – 20 بحث
بس نظرا لانها كثرت علينا واجبات جدا كنسلت البحث وخلت الدرجات ع البوب كويزيز و الواجبات
طبعا المحاضرات كانت تحط كل عمل ناقد بموقعها وتطلب مننا نقراه ونجي ننناقشه معاها
تشرح من سلايدات فالافضل انه تكتبو معاها خصوصا الخمس نقاد (بلاتو-ارستوتل-لونجاينس-سيدني-جون درايدن) ماكانت تحطها بالموقع تبعها
اما المدارس نزلتها ع موقعها :)
المنهج كريه نقرتين لعرض الصورة في صفحة مستقلةبس ماشاء الله عليها توصله لك بطريقة رائعة وتدي المهم
تحب ان الطالبة تفهم معاها وكمان اسئلتها غالبا تعتمد ع الفهم
نصيحة مهمة مذاكرة كل ناقد اول بااول لانه في كم ناقد عنده افكاره العجيبة فحلو انه ترسخ من البداية عشان ليلة الاختبار تكونو مرتاحين بس مراجعة
كثير تعتمد ع التطبيق تجيب عمل تقولك اقرايه وطبقي ع الشيء الفلاني >تتاكد من فهمك
وهنا رابط باسئلة الاختبارات
http://www.skaau.com/vb/showpost.php...3&postcount=22
المشاركة الأصلية كتبت بواسطة صِبا





مس نجوى الغريبي استماع 1
مس نجوى من الاستاذات الي يفيدوكِ جوا الكلاس و بعد ماتخلصي الكورس معاها من كثر ما طريقة شرحها رائعة،تتعامل برقي و أخلاق و ماتقبل عربي بالكلاس أبدًا حتى سوالف بينك
وبين صديقتك تقول انقلش خخخ .. منتظمة بمواعيدها و ماعندها مانع تسمع لإقتراح أي بنت ماشاء الله عليها لاحظت اني لما اتكلم ما تقول اوكي و تسكت لا تحاول تحجر لي عشان أتكلم
زياده و هذي النقطة مرة حبيتها فيها تنمي قدرة البنت على الكلام بطلاقة.
انسانه تدرس بضمير و تحاول قد ماتقدر إنها تساعدك، اختباراتها تجننننننننننن ، ماتجيب لنا اشياء كثيرة من الكتاب لان مواضيعه ممله و ما يستفاد منها، التراك الي نسمعها كلها من برا الكتاب و أسهل بكثيير منه ،
حتى الفوكاب تعطينا فوكاب من برى الكتاب كلمات مهمه و نسخدمها كل يوم .. نظامها دوريين كل واحد منهم 20 درجة و 2 برزنتيشن كل واحد عليه 10 و 40 نهائي، اسئلتها عموماً سهله و جميله ()
كانت كل اسبوع تعطينا موضوع نتكلم عنه بكلاس الربوع و تخلينا نقوم و نتكلم يعني القاء من غير عرض،وأحيانا تخلي الكلاس نفسه سبيكنق بس نتناقش حول أي موضوع و ماترضى أحد
يقعد ساكت لازم كل بنت تشارك .
برضو أخذت معاها لسننق 2 .. كان زي 1 مافي اختلاف كثير و سهل جدا .
نظام الدرجات غيرته عن لسننق 1 .. خلت 25 درجة على السبيكنق ! كل ربوع كان عندنا دسكشن بموضوع احنا نختاره قبل و اذا شاركتي و تكلمتي تاخذي درجتين عن كل محاضرة دسكشن و يصير التوتل 25 درجة
مستوعبين كيف 25 درجة بيدك بس تكلمي و تاخذي درجات خخ ،
كان فيه 3 اختبارات دورية كل واحد عليه 5 ! و 2 برزنتيشن كل واحد عليه 10 و يصير المجموع كلو 60 درجة .



مع مس نجوى الغريبي كتابة 2 .. أعتبر نفسي محظوظة صراحة لأني قدرت أخذ معاها 3 كورسات و لله الحمد
المنهج عموما غثيث شويه فيه بحث من 6 صفحات تقريبًا كان غثيث بس مس نجوى الله يسعدها سهلتة لنا كثير، خلتنا نسوي مجلة اشتغلنا عليها طول الترم
و يوم الـ achievement day وزعناها على الدكتورات
مررررة انبسطوا بشغلنا.

بأختصار الي تشوف اسم مس نجوى بالاودس و لا تاخذ المادة معاها هذي ضيعت على نفسها شي كثيييير ،
بجد انسانة رائعة كل ما افتكرها أدعي لها من قلب
المشاركة الأصلية كتبت بواسطة i will do مشاهدة المشاركة
مودرن مع د-نجوى من اروع المواد اللي درستها والحمدلله الراويات تعتمد ع الفهم واهم المعلومات -اختباراتها القصيرة سوال او 2ا-ذا حضرتي الكلاس تعرفي المفيد وتذ اكريه اسلوبها رائع وراقي تعطيك فرصه2وتعذرك - درجااات البنات كانت مرررررررررة حلوة نقرتين لعرض الصورة في صفحة مستقلة






تجارب طالبات الانتساب مع أ/نجوى الغريبي

المشاركة الأصلية كتبت بواسطة شخصية مستهدفة مشاهدة المشاركة


مس نجوى الغريبي 449 مودرن ليترتشر

شرح قمه في الرووووعه + أسئلة روووووووووووعه = نجاح بأعلى الدرجات

ربي يوفقها و يسعدها وين ما كانت


المشاركة الأصلية كتبت بواسطة ام حمدان مشاهدة المشاركة
مقدمة الادب341 مع مس نجوى الغريبي
شرحها جدا رائع ماشالله وواضح حتى مفرداتها الي بتستخدمها في الشرح جدا سهله ومفهومه للكل
محاضراتها جدا مهمه لانه من خلالها تعرفوا اسلوبها واسلوب اسئلتها والنقاط المهمه الي المفروض تكتبوها في اجوبتكم
اسئلتها كانت شامله للمنهج كله تقريبا وكانت الاسئله مباشرة جداً وتفهما المطلوب من السؤال على طول
وجدا طيبه وماتظلمكم في الدرجات ابداً الله يسعدها ويوفقها وين ماكانت :)
اسئله اختبارها كانت جزئين جزء مقالي تسئل عن امور اساسية وواضحه زي الثيم والشخصيات ومنها سؤال طلبت نحلل فيه قصيدة ونشرح استخدام الشاعر للعناصر فيها زي الثيم والاستعارة وكل الصور الي فيها الخ وجزء اختيارات على القصايد تكتب ابيات واسم الشاعر والقصيدة وانتوا تختاروا الصورة الجمالية الي في البيت

اخذت معها كمان مناهج بحث 331
وبرضو كانت رائعة ومتعاونه معنا في المادة طلبت مننا عمل بحث عن اي عمل ادبي وشرحت لنا كيف نعمله وكانت ترسل الخطوات لنا عالايميل والجدول الي محدده فيه مواعيد كل خطوة ومتى ينتهي وقت اخر خطوة
وكل خطوة ترسلها لنا نبدا مباشرة بكتابتها والعمل عليها وبعدها نرسلها لها تصححها وهي ترجع ترد ان كان فيها اخطاء تحط ملاحظاتها حتى تعدلها الطالبة وان كانت اوكي ترسلها الخطوة الي بعدها وهكذا واخر خطوة الي هي الطباعه وبعدها التسليم يكون بالعادة نفس يوم اختبار المادة والبحث كان على وقتنا عليه 30 والفاينل عبارة عن اسئله على المنهج المقرر جابت اسئلة منوعه بين مقالي وموضوعي واضحة الحمدلله وكان عالاختبار 70



بالتوفيق
المشاركة الأصلية كتبت بواسطة white rose مشاهدة المشاركة
مس نجوى الغريبي

الله يسعدها رائعة بكل ما تحمله الكلمة من معنى واخلاقها جدا عالية من الاستاذات اللي اتشرفت بمعرفتهم وشوفتهم هيا ومس ليلى الله يرضى عنهم .. درست مع مس نجوى مقدمة في الادب وكانت لسه جديدة وتوها متعينة وكانت مرتبة الدوروس على شكل سلايدات عجبني فيها اهتمامها بالطالبة وتحضيرها لدروسها وفي الاختبار كانت تشجعنا نكتب ارائنا حسب ما نراه مناسب ودعمتنا وصححت لنا على هالاساس للامانة لو ما درست الادب مع مس نجوى ما كنت حبيت الادب .. انصح البنات اللي يدرسو معها بمتابعة موقعها لتحميل الدروس وحضور الكلاسات لانها ما تطلع عنها ابدا ..

ايضا درست معها مناهج بحث وكانت ترسل لنا على ايميلاتنا الدروس والواجبات المطلوبة مننا ومشيت معها بالخطوات للبحث حتى انتهيت وكانت ترسل لي وتصحح لي الله يحفظها بدون اي تذمر او تضجر ومتعاونة لاقصى حد مع الطالبة طالما انتي مستعدة انك تشتغلين هيا راح تساعدك .. الكورس معها ممتع لاقصى حد وانصح الكل ينزل معها اي مادة ولا تفوتهم فرصة الحضور معها
المشاركة الأصلية كتبت بواسطة كنز المعرفة

أستاذة نجوى الغريبي- النقد الأدبي - أكثر من رائعة, شرح و أخلاق وأسئلة اختبارها ما خرجت عن شرحها.
المشاركة الأصلية كتبت بواسطة mezajya مشاهدة المشاركة

النقد: د. نجوى الغريبي
اممم والله مدري ايش اقوول بس شرحها جيد جداا وحتفهمي معاها كوويس
بس المشكله الرئيسيه اللي كانت معاها في الكورس انها خلتنا كدا تايهين كانت بتشرح طريقة النقد بصفه عامه
مماكانت تدخل معانا ف تفاصيل ولا طبقت معانا بالضبط ..صح طبقت ع نص بس كلو شفوي وفكره عامه
بس الاساس والتفاصيل و كيف المفروض تكون الاجابه الصحيحه كيف نكتب جوابنا ما شرحتلنا :/
اختبارها كان 60 على 3 اسئله ايسسي وجدول اكتبي المصطلح وككلها من المراجعه تبعها وسؤال تطبيق للنقد عليه 40
للأسف الاختبار كان جدا طويل وماكان في وقت نفهم القصيده بالضبط ونقدر ننقد ونرتب الافكار
ماحبيت الاختبار للأسف :/

 


التعديل الأخير تم بواسطة white rose ; 12-01-2014 الساعة 09:04 AM.
white rose غير متواجد حالياً  
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 26-06-2013, 02:17 PM   #13

white rose

الصورة الرمزية white rose

 
تاريخ التسجيل: Mar 2009
كلية: كلية الآداب والعلوم الانسانية
التخصص: English Language~
نوع الدراسة: عضو هيئة تدريس
المستوى: متخرج
البلد: جــــدة
الجنس: أنثى
المشاركات: 9,171
افتراضي رد: ||تجاربنا مع أستاذات قسم اللغات الأوروبية - طالبـــــات || ~ متجدد

تجارب الطالبات مع أ. إيمان بوترعة

انتظام
المشاركة الأصلية كتبت بواسطة nour al3mr مشاهدة المشاركة


أ. إيمان بو ترعه أخذت معاها الدرامـآ .. بالنسبة ليا شفتها تمام
دقيقة جدًا جدًا في التصحيح خاصة الأخطاء الإملائية و ترآكيب الجمل + الأفكار و الإجابات + تكوني معاها آكتف و تشاركي و تحضري
و ركزي في شرحها كل اللي تقوله مهم جدًا للي ما اتعود على نمطها يمكن في البدآية يشوف شرعها سريع و كلماتها أو مصطلحاتها تبارك الرحمن أكاديمية تووب بروفيشينال

المشاركة الأصلية كتبت بواسطة nour al3mr مشاهدة المشاركة
و عليكم السلام و رحمة الله و بركآته

الله يعطيك العافية و يبلغكم التوفيق جميعًا

ركزوا على كل اللي تشرحه بالمحآضرة لأنه بالعادة هو المُهم جدًا
لما تحلوا أنتبهوا لكتابتكم من ترآبط الأفكار و تسلسلها و الأخطاء الإملائية و التراكيب النحوية و اللغوية
إجابتكم بالضبط تكون على السؤال المطلوب دون تشعب و لا تنسوا تدعموا الفكرة بأمثلة

و فالكم معاها التوفيق يارب :)


المشاركة الأصلية كتبت بواسطة مشاعر صماء

أستاذة إيمان بو ترعة آممم طيبة لكن مزاجية جداً جداً ، أخذت معاها دراما توزيع الدرجات كالتالي : اختبارين كل واحد عليه 20 ، 10 كريتيكل ريفيو و 10 على برزنتيشن تعمليه مع قروبك يكون تحليل لمسرحية مو فاكره كويس الاسئلة لكن اذا اعطتكم ورق فيه خصائص كل عصر ذاكروها لأنها تجيب منه بالاختبارات, وذاكري كل شيء يخص الرواية من ثيمز رموز كاركترز . أنا كنت أذاكر من سبارك نوت وكنت أجاوب على أسئلتها.

المشاركة الأصلية كتبت بواسطة صِبا

مس إيمان بوترعه قراءة 1
شرحها كان واضح و مفهوم تعطي اللي تقدر عليه،بس أهم شيء البنت نفسها تكون مجتهدة معاها و تحل الواجبات و التكاليف أول بأول لأن الريدنق مادة دسسمه جدًا و تحتاج اجتهاد مضاعف
مس ايمان انسانه أخلاق،عملية جدا ،تحب تعطينا هوم وورك كثير وتحله معانا بالكلاس و تزعل اذا البنت ماحلت و شافتها مستهترة ، و فيه تمارين كانت تقلنا ارسلوها لي عالأيميل عشان بالكلاس تعرضها بالبروجتكر و تصحح لنا
أخطاء بعض ، لاحظت انها ما تحب الإهمال مره و تفضّل إنك تحلي بنفسك واجب حل مش و لابد و لا تنقلي من النت مرره تعصب اذا وحدة سوت كوبي بيست .
أسئلة الاختبارات كانت موحدة مع مس شادن فكانت شوي صعبة و بجد بجد الاجتهاد طول الترم مطلوووب الريدنق بالذات ماينفع تهمليه لازم تذاكري ـ الكلمات الجديدة مايستوعبها المخ ان حفظتيها دفعة وحدة
ممكن ألخص هالمادة بإنها self study
الشي الي ماحبيته هو ان مواعيدها شوي مو مضبوطة يعني الاختبارات تتأجل و الدرجات تتأخر فيها.
برضو أخذت معاها ريدنق 2
كان أسهل من ريدنق 1 بمراحل! الدوري الاول و الثاني كانو حلوين الأول عليه 20 و الثاني 25، كان فيه 15 درجة على برزنتيشن لرواية تختاريها
النهائي كان جيد بس جزئية الفوكاب كانت جدا مو حلوة :( كل الكلمات عارفة معانيها و كيف استخدمها بس الجمل الموجودة كأنها مقصوصة من نص مالها أي معنى !

المشاركة الأصلية كتبت بواسطة 9code

القراءة 1 (أ.إيمان بوترعه) :

ممم الأستاذة كان غيابها كثير وقتها + معروف عن الأستاذة إنو المود عندها متقلب , يعني ممكن تجي يوم مالها نفس وتمسك على كل شيء ويوم تجي مرا النفسية حلوة ومبتسمة وكذا , طبعاً الأستاذة تحب الواجابات وأنا أكرهها ف كنت بصراحة منزلة حلول الكتاب من النت وأنقشها وقبل ماتجي الأستاذة أرجع أقرأ الواجب بشكل عام عشان مايطلع شكلي أهبل ويبان إنو مو حلي
وكانت الأستاذة متجاوبة معايا وتعرفني لأني الوحيدة الي كنت أجاوب معاها والكلاس كلو ساكت حتى صحبتي أوقات تقول إنو لما أتأخر كانت متحمسة مع الأستاذة وبس أدخل أنا ينسحب عليها
ف أهم شيء جاوبو وأتحمسو معاها

طبعاً التكليف كان إنو تقرأي رواية أنتي تختاريها عادي أنا أخترت كتاب لـ أغاثا كريستي .. وتسوي عنها ريبورت بس على شكل برزنتيشن والي استغربتوا إنو الأستاذات حقين الكلاسات الثانية كانو يخلوهم يسووا ريبورت مكتوب وأوقات كمان يسووا برزنتيشن !

طبعاً الاختبارات كانت فاجعة للدفعة حقتنا خاصة الدوري الأول
وفيه كلام بين البنات إنو دائماً كذا عشان يبغوا البنات يسحبوا أو يحولو من القسم , ومنجد كثير بنات أعرفهم حولو !
إنفجعت من درجتي ف المادة أخذت فيها 80 ! صحيح إني كنت لعابة وماحسيت إني كنت أحل بس إتوقعت أجيب 85 أو يمكن 82 < ما أحب الدرجات الي عالحاف



المشاركة الأصلية كتبت بواسطة banana|

المستوى الثالث:
مادة القراءة 1 + 2 : ( مع أ. إيمان بوترعة )
المادة كانت عبارة عن مجموعة من الأبواب تتكلم عن مواضيع مختلفة في مجالات متنوعة (علم الاجتماع, العلوم الطبيعية, علم النفس ، أدب ... الخ)، بكل فصل قطعة أو قطعتين نقرأهم وعليهم مجموعة تمارين نحلها بناء على مجموعة من الاستراتيجيات تشرحها لنا الأستاذة، مانجي للمحاضرة إلا وإحنا قارئين القطعة اللي تحددها لنا الأستاذة وحالين عليها التمارين، أحيانًا كانت تطلب مننا نرسل لها الحلول على إيميلها وهي تصحح معانا الإجابات في الكلاس. تقسيم الدرجات كان على ثلاث اختبارات دورية، وبرزنتيشن نسويه على أي كتاب قرأناه وعجبنا واختبار نهائي، تتفاوت أسئلة الاختبار من حيث السهولة والصعوبة بس كانت أكثر شيء تعتمد على فهم الطالبة لاستراتيجيات القراءة والاستنباط، مس إيمان بوترعة تقدر كثير الطالبة اللي تجتهد معاها وتحل التمارين وتشارك في الحل وفي النقاشات، محترمة معانا كانت في الكلاس ماشاء الله، كثير كنت أسمع عن أستاذات بالمستويات الأولى يقللون من قدرات الطالبات ويشككون في قدرتهم على الاستمرار في التخصص, لكن ماشاءالله ماقد شفتها سوت كذا مع أي طالبة.



المشاركة الأصلية كتبت بواسطة الــود طــبعي مشاهدة المشاركة

الدراما (أدب المسرحية ) مع أستاذة \ إيمان باسلامة
والله كثير يظلمونها هالأستاذه
خلاص يحطوا في بالهم إنها سيئه
هي بس تحب إنك تكوني مجتهده مو تعتمدي عليها وأصلا المادة مي سهله عشان الواحد يجيب درجات بسهوله
يعني بنات يجوا مايكونوا قارئين المسرحية.. كيف حيشاركوا معاها وكيف حينجحوا؟ تحب المجتهده اللي تشارك معها
وتبحث وتسوي ...<< يعني امشي سيده وشاتغلي تاخذي درجتك تمااام..
هي طيبة جددددا.. وحقانيه في الدرجات وتصحصح بذمه وضمير وتوريكي ورقك في كل دوري..
أخذنا 3 مسرحيات
توزيع الدرجات
20 دوري أول
20 دوري ثاني
10 يريزنتيشن
10 كريتكال ريفيو
40 فاينل
ودرجتي الحمدلله مرة حلوة معاها..
المشاركة الأصلية كتبت بواسطة small ant مشاهدة المشاركة
ثاني ماده دراما مع مس ايمان باسلامه /بوترعه ماده معاها شوي ثقيله ويبغالك تشاركين معاها اول باول يعني الماده ماهي سهله يبغالها مذاكره اول باول






انتساب
المشاركة الأصلية كتبت بواسطة #روووح# مشاهدة المشاركة
اسأل الله ان يكتب اجر كل من علمني حرف,,اشكر كل الاساتذة اللي درسوني ..جزاهم الله كل خير(:



بس راح اتكلم عن الاشياء االبارزة اللي واجهتها ...ﻻني اقل من اني اقيم دكاترة واساتذة افاضل...


3/إيمان بوترعة تعطي درجات المهم انك تكتب و ما تترك شي فاضي بالاضافة الى انك محتاج تذاكر كل شي تعطيك اياه..



المشاركة الأصلية كتبت بواسطة mezajya مشاهدة المشاركة

مقدمه في الادب : مس ايمان بو ترعه
بالنسبه ليا في البدايه كان اسوأ كورس يمكن لأني ماكنت فاهمه اسلووبها من ناحية الشرح شرحها جدا كوويس وبتعيد وتزيد في الاشياء المهمه
وبتفووت اشياااء كتيره يتقول self study وانتو مطالبين فيها << هنا المشكله اننا بنذاكرها لأنها بتقول مطالبين وحسألكم عنها
الاختبببار وااااضح وماطلع من اللي شرحتو وعادت وزادت فيه اي شي ما شرحتو ماجابتو الا كم فقره وكانت بونس نقرتين لعرض الصورة في صفحة مستقلة
اشووف انها راعتنا كتتير في التصحيح واهم شي عندها القرامر والاسبيلنق يكون صح


المشاركة الأصلية كتبت بواسطة سكرة هانم مشاهدة المشاركة
مس ايمان بوترعة اخذت معاها لسننق1 شرحها بالسنتراء مو مره, و في البرزنتيشن بالها طويل و تساعدك بتجميع افكارك, بالتصحيح نوعاً ما تراعي

المشاركة الأصلية كتبت بواسطة mezajya مشاهدة المشاركة
انتساب :)



الشعر : ايمان بوترعه
انا قبل كدا مدحت فيها في كورس اخذتو معاها بس للأسف الكورس دا كان جدا سيء
ما ادري الاختبار كان ادب ولا تاريخ :/
شرحها معروف بتقرأ شروحات جاهزه اون لاين ومافي ترتيب بالافكار ابدا
تكون تتكلم ف موضوع فجأه دخلت في نقطه تانيه عكسها تماما اممم كنا لما نرجع نسمع المحاضرات نلاقي تواريخ غلط ومعلومات متناقضه ومو مترابطه
الاختبار كان 90% من الماتيريالز اللي ارسلتهم يعني لو كانت ماتعبت نفسها ولا تعبتنا في المحاضره وما قالتلنا اعتمدو ع المحاضرات واكتفينا بالماتيريالز كان جبنا درجات كويسه
قالت محا تسألنا عن تاريخ ولادة ووفاة الشعرا ولكن في الاختبار كان في اسئله عن دا الشي
اغلب الاختبار كان عن الشعرا والباكقراوند
للأسف كورس سيئ جدا معاها

 


التعديل الأخير تم بواسطة white rose ; 17-06-2014 الساعة 12:01 PM.
white rose غير متواجد حالياً  
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 26-06-2013, 02:19 PM   #14

white rose

الصورة الرمزية white rose

 
تاريخ التسجيل: Mar 2009
كلية: كلية الآداب والعلوم الانسانية
التخصص: English Language~
نوع الدراسة: عضو هيئة تدريس
المستوى: متخرج
البلد: جــــدة
الجنس: أنثى
المشاركات: 9,171
افتراضي رد: ||تجاربنا مع أستاذات قسم اللغات الأوروبية - طالبـــــات || ~ متجدد

تجارب الطالبات مع أ. منى البلوي

طالبات انتظام


المشاركة الأصلية كتبت بواسطة 9code

الكتابة 1 (أ.منى البلوي) :
كثير كانو يمدحو الأستاذة وأنها أخلاق وبصراحة هيا كانت أخلاق بس كمان معروف عنها إنها تكنسل الكلاسات كثير أو تغيب وأنا عن نفسي بما إني إنسانة كسولة فكنت أحب هذا النوع الي يغيب نقرتين لعرض الصورة في صفحة مستقلة, بس أنا ماعجبتني الأستاذة لأني ماحسيتها أنها تحاول تدخل مع البنات وكذا .. فَ وقتها أتوقع ماكانت يمكن تعرف أسم أي وحدة ف الكلاس ! بس سمعت أنها يعني تشرح تمام وتركز عالبنات ف المستويات المتقدمة نقرتين لعرض الصورة في صفحة مستقلة
الأستاذات وقتها حقون الرايتينق كانو حاطين 10 درجات على التوتوريالز نقرتين لعرض الصورة في صفحة مستقلة
وبصراحة مافيه الشيء الكثير الي أقدر أقوله عن المادة لآني بس كنت أحاول أعدي المادة وكانت الأستاذة تقولي كثير عن إنو ما أحط punctuation بس أنا حتى لما أكتب ف العربي نفس الحالة ف ماحاولت أصلح هذا الشيء (مرة وحدة حاولت ف الدوري الثاني والاقي دوائر حمرا كثير نقرتين لعرض الصورة في صفحة مستقلة إنو أماكنها غلط ف إستسلمت نقرتين لعرض الصورة في صفحة مستقلة)مع إني كنت دائماً أكتب صفحة ونص وزميلاتي يكتوبي صفحة أو حتى أقل !
تقريباً أخذت 74 نقرتين لعرض الصورة في صفحة مستقلة
وهاذي المادة هيا الأصعب تقريباً لآنو كثير إضطروا يعيدوها , وصراحة كنت متجهزة نفسياً لإحتمالة إني ممكن أعيدها نقرتين لعرض الصورة في صفحة مستقلة
المشاركة الأصلية كتبت بواسطة مشاعر صماء

أستاذة منى البلوي طيبة وحلو تعاملها وشرحها بالكلاس جميل لكن تغيب كثير عشان كذا ماتعرف ايش اعطتكم وايش ما اعطتكم بالاختبار وجدت أشياء ماتكلمت عنها مع إنها دائما تقول اللي ما اشرحه مايهمني. عني شخصيا ما أنصح الطالبة تأخذ معها .



تجارب طالبات الانتساب مع أ/منى البلوي

المشاركة الأصلية كتبت بواسطة mezajya مشاهدة المشاركة

التدريب مع دكتوره من البلوي : نقرتين لعرض الصورة في صفحة مستقلة انا عندي تجربة سيئه معاها في السينتاكس ..
التدريب كان عليه 40 والتقرير 20 والاختبار 40
في المحاضرات كانت تجي تجاوب ع اسئلتنا عن التدريب واماكن التدريب وقالت طريقة كتابة التقرير
الاختبار كان جزء ريدينق وكان جددا مستووواه عالي .. وجزء قرامر 10 فقرات اختاري الجواب الافضل والباقي اختاري الاجابه الصح
الاختبار كان جيد بأستثناء جزء الريدينق .. لكن بالنسبه للتدريب واماكن التدريب كانت متعاونه معانا


نقرتين لعرض الصورة في صفحة مستقلة

المشاركة الأصلية كتبت بواسطة #روووح# مشاهدة المشاركة
اسأل الله ان يكتب اجر كل من علمني حرف,,اشكر كل الاساتذة اللي درسوني ..جزاهم الله كل خير(:



بس راح اتكلم عن الاشياء االبارزة اللي واجهتها ...ﻻني اقل من اني اقيم دكاترة واساتذة افاضل...


1/منى البلوي..ممكن تجيب من خارج التحديد وغير متعاونة... بس في التدريب العملي متعاونة بس مستوى الاختبار عالي جدآ عكس توقعاتنا..


المشاركة الأصلية كتبت بواسطة mezajya مشاهدة المشاركة

السينتاكس مع منى البلوي

على قد ماسمعت مدح عليها في المنتدى ماشفت شي منو بصراحه شرحها عادي جدا كان وقالت وعادت اكتر من مرا في المحاضره اي شي ما اشرحو ماراح اسأل عنو بس للأسف في الاختبار جابت اشياء ماشرحتها ولا حتى اتكلمت عنها ونقاط مجرد ذكرتها من غير شرح او تفصيل وجابت سؤاال كامل بفقرات عليها وللأسف رغم دا كلوو كماان في التصحيح مافي احد اعرفو اتوقع درجه واخدها .. الكل كان متوقع درجات سيئه معاها بعد الاختبار بس طلعت الدرجات كمان اسوأ من المتوقع :/
المشاركة الأصلية كتبت بواسطة white rose مشاهدة المشاركة
مس منى البلوي

اخذت معها كورسين :

-مقدمة في اللغويات وكان شرحها جدا رائع والمادة كانت دسمة وافتكر كانت لها شرايح للمادة لكنها رفضت وقتها تعطينا هيا عشان تساعدنا فاستعنا بعد الله بسلايدات مس الاء المحمدي وكانت مفيدة لنا كثير ورتبت لنا افكارنا كثير ووقت الاختبار ما طلعت مس منى من برى المحاضرات والسلايدات بحمدالله وفضله .. كانت الاسئلة منوعة : تعاريف من بوكس تختاري المصطلح، ورسم شجرة لجملتين، وسؤال من الفونتكس وركزت على اول عشرة شبترات ومن الشبترات 13 والبقية من كل شابتر سؤال مقالي بسيط ..

- المادة الثانية : مورفولوجي المادة سهلة تعتبر اخف مادة بالتخصص لكنها دقيقة مجرد تعرفي الاساسيات تسهل عليك المادة يمكن النقطة اللي تعبتني فيها هيا اللغة الاجنبية وكيف نطبق عليها لكن تيسرت الحمدلله بالتدريب وشرح مس منى كان وافي وغطت المادة بشكل وافي واعطتنا كلاس مراجعة وتدريب ساعدتنا فيه وشرحت والاختبار كان تعاريف وبوكس المصطلحات وخيارات على الافكسس بشكل عام والتعاريف واهم المفاهيم واسالتها تحتاج فهم وتركيز فلازم تهتمي وتنتبهي لصياغة كل نقطة تكتبها المس بالاختبار لان ممكن كلمة تغير المطلوب في الاختيار وايضا جانا اسالة مقالية بسيطة وشرح بشكل عام كان الكورس طيب معها

المشاركة الأصلية كتبت بواسطة نعم أنا قادرة أن أكون..!
السلام عليكم ورحمة الله وبركاته ,,,


بالنسبة لأسلوب الدكتورات :


مادة النحو syntax 334 .. د. منى البلوي
د.منى البلوي اختباراتها حلوة بالعاده,, معها ينبغي التركيز على مايتم شرحه بالمحاضرة لأن الي ماتشرحه بالعاده موداخل معاكم باالاختبار ,, وهذا الي تنبه له في المحاضرة الله يجزاها خير..وأنصح بالرجوع لنماذج اختباراتها السابقة لأن أسلوبها مايتغير في الغالب..
وأخيرا .. الله يسهل للجميع طرق العلم يارب ويرزقكم الدرجات العالية دنيا وآخرة ..

المشاركة الأصلية كتبت بواسطة ام حمدان مشاهدة المشاركة
أ/منى البلوي
الشرح: ماشاء الله شرحها اشوفة جدا واضح ومفهوم
درست معها مادتين : صرف ومقدمة لغويات
غالباً ماتطلع عن اللي شرحتة في محاضراتها
اسئلتها: عادةً منوعة بين مقالي وموضوعي واضحة ومافيها صعوبة وفقراتها كثير وتوزيع الدرجات تمام
التعاريف مثلا تجيب اغلبها فراغات وتختاري المصطلح من بوكس موجود قدامك
المقالي جدا واضح وعن نقاط رئيسية وواضحة اغلبها مثلا في اللغويات عن بعض المفاهيم يكون جوابها تعريفاتها مع امثله من الكتاب
والعمليات والعلاقات الموجودة سواء في اللغويات او المورفولجي غالبا تجيب امثله وتطلب تكتبي العلاقة او العملية الي جرت للكلمة وتكون غالبا من امثله الكتاب وقليل من عندها
وتقدروا ترجعوا لمواضيع اسئله الاعوام السابقة بقسم الملخصات وبتلقوا اسئله لها تفيدكم
وتصحيحها الحمدلله اشوفه عادل درست معها كورسين جبت الدرجات الي توقعتها بالضبط فما منها خوف من هذه الناحية ان شاء الله
المشاركة الأصلية كتبت بواسطة كنز المعرفة

أستاذة منى البلوي - النحو- شرح ممتاز لكن جا في الاختبار جزئيات ما شرحتها و جابت من فصل حذفته.
المشاركة الأصلية كتبت بواسطة متفائله، مشاهدة المشاركة
السلام عليكم ورحمة الله وبركاته
ذي تجاربي مع هالدكتورات - تعليم عن بعد-


منى البلوي
درست معها قراءة 2

للأسف من أسوأ اللي درسوني! غير متعاونة ابدًا نقرتين لعرض الصورة في صفحة مستقلة
لو صارت لك مشكلة تقنية وطارت درجاتك ودعيها ماراح تساعدك..
أسئلتها فوق المستوى بكثير مع اني بذلت جهد كبير معها بس جبت درجة c+ ..
وحست معاها بشكل .. وماتتواصل معانا
وبالنهائي جابت 8 صفحات والصفحة الوحدة يبغالها مخمخة نص ساعة ماخلصت حل وقمت احل اي شيء مع الاسف الوقت ماكفى نهائيًا .. كثير بنات بيشتكوا منها ..
مستوى اسئلة الاختبار متقدمة بالنسبة لمستوانا.

 


التعديل الأخير تم بواسطة nour al3mr ; 19-01-2016 الساعة 01:11 AM.
white rose غير متواجد حالياً  
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 26-06-2013, 02:22 PM   #15

white rose

الصورة الرمزية white rose

 
تاريخ التسجيل: Mar 2009
كلية: كلية الآداب والعلوم الانسانية
التخصص: English Language~
نوع الدراسة: عضو هيئة تدريس
المستوى: متخرج
البلد: جــــدة
الجنس: أنثى
المشاركات: 9,171
افتراضي رد: ||تجاربنا مع أستاذات قسم اللغات الأوروبية - طالبـــــات || ~ متجدد

تجارب الطالبات مع أ. شادن الحزيم

المشاركة الأصلية كتبت بواسطة 9code

الكتابة 2 (أ.شادن الخزيم):
هذا الكورس الي حسيت إني قاعدة أدرس فيه شيء منجد نقرتين لعرض الصورة في صفحة مستقلة
بصراحة الأستاذة شرحها مررا جميل وتفهم وكمان تخلي البنات يشتغلو ويوروها شغلهم عشان تصححوا ويعدلو بعدين تحط الدرجات نقرتين لعرض الصورة في صفحة مستقلة
بس شديدة ف التصحيح ودقيقة وكمان ماتتبتسم ف الكلاس الا نادراً وماتحاول ترفع من معنويات البنات يعني مرا عملية وصحبتي تقول أنو مستحيل تأخذ معاها مرا ثانية < مدري ليه نقرتين لعرض الصورة في صفحة مستقلة
تعلمنا ف الكورس عن summarizing paraphrasing and quoting واختبرناهم ف الدوريات وكمان أعطتنا نوع من المقالات وكمان نوع من ألآيساسيز :
Analytical report
أعطتنا كتاب فيه قصص قصيرة وقالت كل وحدة تأخذ الي تعجبها وتقرأها وتكتب عنها مقال تحليلي وكذا نقرتين لعرض الصورة في صفحة مستقلة
+
argumentative essay
خلتنا نتكلم فيه عن الـ euthanasia

قالت أنها حتجيب ف الاختبار النهائي من الي اختبرنا فيها ف الدوريات الي هيا السمرايزينق وكذا بس انو جزئية بسيطة بتكون لكن ف النهاية ماجابت وخلتنا نكتب بس argumentative essay نقرتين لعرض الصورة في صفحة مستقلة

بصراحة كمان ف هذا الكورس كنت حاطة احتمالية اني أعيد أنا وصحبتي بس الحمدلله عدينا





انتساب

المشاركة الأصلية كتبت بواسطة #روووح# مشاهدة المشاركة
اسأل الله ان يكتب اجر كل من علمني حرف,,اشكر كل الاساتذة اللي درسوني ..جزاهم الله كل خير(:



بس راح اتكلم عن الاشياء االبارزة اللي واجهتها ...ﻻني اقل من اني اقيم دكاترة واساتذة افاضل...

7/ شادن الخزيم/سمعت عنها اشياء واللي شفته معاها شي ثاني..اخذت معاها ريدنق2

اختبارها كان حلو ..اسئلتها كثيرة ..حددتلنا ..بس حابة انبه لشي..لو اخذتو معاها ريدنق 2 ذاكرو اساسيات الريدنق الموجودة في ريدنق 1...

المشاركة الأصلية كتبت بواسطة ام حمدان مشاهدة المشاركة
أ/شادن

درست معها ادب القصة fiction 342
الشرح- درست معها المادة ومحاضراتها كانت سنترا وكان شرحها كويس ومعظمة تقراه من موقع sparknotes & enotes
كانت اسلوبها انه تنبه علينا نقرأ النصوص بالكامل قبل المحاضرات حتى نقدر نفهم عليها ونتجاوب معها وتخصص محاضرة او اثنين لمناقشة العناصر الرئيسية لكل قصة ومناقشة خلفية الكاتب ومدى تاثيرها على اسلوبه في كتابة العمل ومالى ذلك ومحاضرة تخصصها تكون خاصة بمناقشة اسئلة مقالية هي تحطها للقصص وتشوف كيف نحلها وتناقش الحل معنا وتفهمنا كيف تبغى الجواب يكون واخر محاضرة فهمتنا كيف نكتب لها الاجوابة المقالية وعلى ايه تحاسب يهمها تكون لغتك في الكتابة سليمة وتجاوبي قد المطلوب في السؤال وهي تقريبا تجي اسئلتها مقاربة للي تناقشة في المحاضرات وماتطلع عنه بس ممكن تلعب بالصياغة وانما النقاط تكون شي هي تطرقت له ولو ذاكرتوا مضبوط وفهمتوا التحليلات وتدربتوا على اسئلتها الي تحطها لكم بتجتازوا الامتحان معها ان شاء الله وكانت ترحب باي استفسارات عالايميل تبعها وتقول ممكن تحلوا الاسئلة تبعها وترسلوا لها الاجوبه وهي تصححها لكم وتفهمكم فين الغلط حتى تتجنبوه في الاختبار وهذا شي طيب منها
الاسئلة – كانت على وقت مادرست معها اسئلتها لاول مره منوعة بين مقالي وموضوعي اول سؤال كله فراغات وصح وخطأ على نقاط معظمها شرحتها باول محاضرة وكانت ع كتاب هي اضافته لنا مع القصص اسمة the rise of novel
والسؤال الثاني خيارات منوعه تخص وحده من القصص والقصتين الثانية جابت لهم تقريبا 4 او 5 اسئلة مقالية تختاري منهم واحد وتحليه واسئلتها المقاليه عليها عادةً درجات كبيرة
وسؤال عن اقتباس من احد القصص تذكري المتكلم وعن مين يتكلم وتشرحية
وهي اسئلتها المقالية بنفس نمط الاسئلة الي تطرحها في محاضراتها يكون فيها ربط لكذا معلومه وجوابها طويل غالبا تدور حول الثيمات والشخصيات او الرمزيات يعني امور رئيسية ومهمه في القصص بس الشطارة في كيف تربطيها ببعض بشكل مرتب وبلغة سليمة
التصحيح: تحاسب طبعاً عالاخطاء الاملائية والقرامر ومن هالقبيل وترابط الافكار وترتيبها الخ فحاولوا التركيز وفهم المطلوب ولاتشطحوا في اجاباتكم او تكتبوا لها سمري القصه لو مافهمتوا السؤال لانه بتنقصوا وانتبهوا من الاعتماد عالافلام فقط في فهم الاعمال لانه تقول بنات رسبوا عندها لهذا السبب لانه غالبا يكون فيه اختلاف بين النص الاصلي والفلم فتتورط الطالبة في الاجابة وتحل شي غلط وتخسر الدرجات فانتوا اقروا النصوص وافهموها وافهموا التحليلات وخلفيات المؤلفين وركزوا على الي تنبه عليه في المحاضرات لانه مهم جداً

 


التعديل الأخير تم بواسطة white rose ; 17-06-2014 الساعة 12:08 PM.
white rose غير متواجد حالياً  
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 26-06-2013, 02:24 PM   #16

white rose

الصورة الرمزية white rose

 
تاريخ التسجيل: Mar 2009
كلية: كلية الآداب والعلوم الانسانية
التخصص: English Language~
نوع الدراسة: عضو هيئة تدريس
المستوى: متخرج
البلد: جــــدة
الجنس: أنثى
المشاركات: 9,171
افتراضي رد: ||تجاربنا مع أستاذات قسم اللغات الأوروبية - طالبـــــات || ~ متجدد

تجارب الطالبات مع أ. عبير الفيفي

انتظام

المشاركة الأصلية كتبت بواسطة 9code


القراءة 2 (أ.عبير الفيفي):
هاذي الأستاذة طيوبة بس على وقتي كان غيابها كثير لأسباب خاصة وكنا محترمينها .. ممم هنا كمان نفس الشيء تقرأي كتاب بس هنا حددت أربعة كتب الي هيا :
The hunchback of notre dame, victor hugo-مالقينا لها كتاب غير من النت-
the pearl, john steinbeck-اللغة حقتها كانت أسهل لكن بنت وحدة أختارتها-
wuthering heights, emily bronte -هاذي النوفل كانت اختياري واختيار أغلب البنات-
a man from glasgow, w. Somerset maugham

الاختلاف الثاني أنها خلتنا نسوي الريبورت مكتوب وقالت اذا فيه وقت نسوي برزنتيشن كمان بس عشان ظروفها ماكان فيه وقت ف ماسوينا نقرتين لعرض الصورة في صفحة مستقلة
الأستاذة أفتكر شرحت الطريقة انو كيف نسوي الريبورت وورتنا النقاط وهيا تشرح عالداتاشو بس مارضيت تعطينا هيا وقالت ليه ما أخذتوا نوتز , بس الحمدلله كانت عندنا من ريدينق1 لآن القايد تبع طريقة عمل الريبورت موحد ف أرسلناه للبنات الي ماعندهم نقرتين لعرض الصورة في صفحة مستقلة

أخذت في هاذي المادة 90 نقرتين لعرض الصورة في صفحة مستقلة
المشاركة الأصلية كتبت بواسطة مشاعر صماء
أستاذة عبير أخذت معاها رايتنق تشرح باخلاص صراحة وتعطي واجبات وتفتش عليها تدور بالكلاس حلو اسلوبها وحلو شرحها لكن عيبها ماتحب أحد يتأخر عن الكلاس أو يغيب أو مايحل واجب تكلمت عنه تعصب .

المشاركة الأصلية كتبت بواسطة banana|

مادة الكتابة 2: ( مع أ. عبير الفيفي )
أخذنا فيها الطرق الصحيحة لكتابة وتوثيق البحوث الأدبية والعلمية، و كيف نحلل عمل أدبي في مقالة ما تتجاوز الصفحة ونص تقريبًا كان عليها عشرين درجة، فيه نوع ثالث من المقالات درسناه بس ناسيته، مهم جدًا إنك تطلعي من هذه المادة وإنتِ فاهمة مضبوط كل شيء ينشرح فيها لأنها فادتنا كثير في المواد المتقدمة زي مناهج البحث مثلًا، مس عبير ممكن تغيب كثير لكن شرحها ماشاءالله من النوع اللي يدخل العقل وماعاد يخرج منه، للآن وأنا متذكرة معظم الأشياء اللي درستنا إياها في جزئية التوثيق، صدرها وسيع ماشاءالله خصوصًا في تصحيح الأشياء اللي نكتبها، مهم إن الطالبة معاها تتلزم بالوقت اللي هي تحدده لتسليم الدرافتس، لأنها مرة كانت تتضايق لما البنات يهملوا أو يأخروا التسليم.
المشاركة الأصلية كتبت بواسطة انا رورو انا مشاهدة المشاركة

مس عبير الفيفي رايتنينق ون
شديدة في الكلاس وماتحب احد يهمل مادتها بس مرا اخلاق و ماهي دقيقه بالتصحيح ابدا وتحب البنت الي تجيها بالمكتب والله انا ماكنت اجيها طلبتني فالكلاس وقالتلي ليه ماتجيني يارورو فمكتبي عشان اصححلك ورقك انا ماابغاكي تغلطي بالاختبار ولمن رحتلها اتبسطت مني والحمدلله نجحت بهالمادة الي جننتني لاني كنت حاملتها 3 مرات ورابع مرا اخدتها مع مس عبير ونجحححت ولله الحمد
[/align][/align]


 


التعديل الأخير تم بواسطة white rose ; 10-08-2013 الساعة 08:38 PM.
white rose غير متواجد حالياً  
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 29-06-2013, 10:47 AM   #17

white rose

الصورة الرمزية white rose

 
تاريخ التسجيل: Mar 2009
كلية: كلية الآداب والعلوم الانسانية
التخصص: English Language~
نوع الدراسة: عضو هيئة تدريس
المستوى: متخرج
البلد: جــــدة
الجنس: أنثى
المشاركات: 9,171
افتراضي رد: ||تجاربنا مع أستاذات قسم اللغات الأوروبية - طالبـــــات || ~ متجدد

تجارب الطالبات مع أ. أبرار مجدي

انتظام :

المشاركة الأصلية كتبت بواسطة banana|
مادة مقدمة في اللغويات: ( مع أ. أبرار مجددي)
من أجمل الكورسات اللي أخذتها، الأستاذة كانت تعطينا المختصر المفيد ومع كذا كان شرحها من النوع اللي ما يتنسى بسهولة ماشاءالله ، المادة مزيج من كل مواد اللنقوستكس اللي تندرس بالمستويات المتقدمة بس بشكل مختصر، مهم جدًا إن الطالبة تذاكرها أول بأول وما تكومها قبل الاختبار، توزيع الدرجات كانت متوزعة على 3 دوريات كل دوري من 15 و بحث قصير من 10 وبرزنتيشن من 5 درجات ونهائي من 40، مس أبرار من النوع اللي أسئلتها من شرحها اللي هو كله موجود بالسلايدات، لو شديت حيلك معاها في الدوريات، والتزمت بموعد تسليم البحث وقدمت البرزنتيشن بوقته تاخذي بالراحة معاها أ+ بس أهم شيء تذاكري أول بأول.
المشاركة الأصلية كتبت بواسطة مشاعر صماء

أستاذة أبرار مجددي قمة الرقي في التعامل وانسانه مرحة جداً وتضحك كثير تشرح من سيلادات تقريباً تجيب منها كل اسئلة الاختبار لكن عيبها الوحيد إنها تشرح بسرعة يعني لو القيتي نظرها على السلايدز قبل تشرح ممكن تستوعبين معاها ومو مشكلة اصلاً الشرح طالما إن الاسئلة ماتخرج من اللي هي تحدده ، طبعاً نهاية الترم تسلمي بحث وتعملي عرض عليه.


المشاركة الأصلية كتبت بواسطة nour al3mr مشاهدة المشاركة
مقدمة في اللغويات ’’

مـــــــــس أبـــــــــــــــــرار مجددي..

مس أبرار قمة وذوق واخلاق ,,
ربي يسعدها ويبارك لها في ذريتها..

بالنسبه للشرح ماشاء الله تبارك الرحمن تشرح الاشياء المهمه واللي بتجيبها في الاختبار ,,
بس هي سريعه ماشاء الله في الشرح,,
يعني في باب الفونيتكس الى الان ماني فاهمته ,,
الله يستر من الماده لما ناخذهــــــــــــا ,,
واسالتها حلوة ومتنوعه وتوزيع الدرجات تمام ,,
بس تحب اسئله المقارنه والشرح يعني الاختبار متنوع بين مقالي وبين فراغات ,,
,,,,,,,,,,,,,,
بالتوفيق للكـــــــــــــــل ,,,
المشاركة الأصلية كتبت بواسطة سعادة الطالبه الشاطره مشاهدة المشاركة
بنات انا بقولكم عن تجربتي في مادة مقدمه في اللغويات مع مس ابرار مجددي.,,
الصراحه مادري اذا كتبتها هنا من قبل او لا ..


المهم ..مس ابرار عسل واخلاق وتحب النظام .,,وكل جزء نختبره ينحذف ..
ويسير الفاينل مرره قليل وسهل ..وهذه ميزه تخليك تأخذين معاها من غير تردد.,,

الكتاب حلو مرره..لكن اللي بتسيبه طول الترم وبس تراجعه وتذاكر منه وقت الاختبار
مررره ماراح يمديها تخلصه او حتى تفهمه وراح تحسه دسم.,وغبي..
لكن اللي تتابع من السلايدز وتقرا من الكتاب باستمرا راح يكون مره ممتع..
وترى السلايدز غالبا تكون شاااااامله والاختبار تقريبا منها.,
لكن الكتاب ضروري في زيادة الفهم وتحلين الاختبار وانتي فاهمه اللي تكتبينه مو بس حافظه..
وحاولي تراجعي اول بأول واي شئ ماتفهمينه روحي للمس ..مره تساعدك ولازم تفهمك لو الترم كله..
.. بالنسبه الاسئله روووووعه ..
متنوعه قارني بأمثله وفراغات ..ومصطلحات ..وتعريفات ..
وكل شئ هي بتقولكم عليه ..؟؟
والغياب ترى يأثر على مستواك ..حاولي تكونين موجوده دايما ومنتبهه معاها .,,
اذا ناقص شئ اسألوني ..هذا اللي يحضرني الاآآن.,,



 


التعديل الأخير تم بواسطة white rose ; 10-08-2013 الساعة 08:39 PM.
white rose غير متواجد حالياً  
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 29-06-2013, 10:49 AM   #18

white rose

الصورة الرمزية white rose

 
تاريخ التسجيل: Mar 2009
كلية: كلية الآداب والعلوم الانسانية
التخصص: English Language~
نوع الدراسة: عضو هيئة تدريس
المستوى: متخرج
البلد: جــــدة
الجنس: أنثى
المشاركات: 9,171
افتراضي رد: ||تجاربنا مع أستاذات قسم اللغات الأوروبية - طالبـــــات || ~ متجدد

تجارب الطالبات مع أ. اشواق بصنوي

انتظام :

المشاركة الأصلية كتبت بواسطة banana|
مقدمة في الأدب ( مع أ. أشواق بصنوي)
المادة دسمة بس مع مس أشواق كانت ممتعة جدًا جدًا، بداية أخذنا مقدمة عن العصور الأدبية وكانت مس أشواق تختبرنا نهاية كل عصر اختبار من درجة أو درجة ونص إلى درجتين، وفي نهاية كل العصور تجمع الدرجات سوا لين تصير 10 درجات، بعده أخذنا 6 قصايد وكانت مس أشواق الله يسعدها ترسل لنا التحليل على إيميلاتنا أول بأول بس طبعًا كانت تأكد علينا إننا مانتلزم بها فقط وإننا نروح ندور بالانترنت على أشياء منطقية ومقبولة ونذاكرها، نفس الشيء في الفكشن، وفي الدراما، وطبعًا بعد كل واحد منهم كانت تختبرنا اختبار من 10 درجات، قبل نهاية الترم بشهر أعطتنا قصيدة وقصة قصيرة، و طلبت مننا نكتب ورقة بحث نحلل فيها واحد منهم، ورقة البحث كانت من 10 درجات والاوت لاين حقها كان من 10 كمان ( قالت لنا إن هذه فرصة لتحسين الدرجات)، مس أشواق من الأستاذات القليل وجودهم في ذا الكون، ماشاءالله تشرح من قلب، يعني كنا نطلع من الكلاس واحنا فاهمين من جد، أسئلتها على قد شرحها، وتراعي كثير في التصحيح وتتقبل وجهة نظر الطالبة مهما كانت غريبة بشرط يكون لها أساس من الصحة، كل ما أعطيت مادتها من جهد كل ما زادت فرصتك في إنك تاخذي الـ أ+ معاها.


المشاركة الأصلية كتبت بواسطة مشاعر صماء

الأستاذة أششواق زي ماهو معروف عند الجميع انسانه قمة بالذوق والأدب والاحترام ، تمتلك أسلوب جميل وممتع بالشرح وتوصل المعلومات بطريقة سهلة جداً ، أخذت معاها مادة مقدمة بالأدب على أن المادة كثيرة ومتنوعة وشيء جديد علي ّ على أنها سهلة معها بالعكس كنت استمتع معها وتحب المشاركة والتفاعل وتشجع الطالبات على المشاركة وتعطيهم الثقة وتحسسهم بأهمية رأيهم. حتى بالأسئلة رائعة وسهلة كانت المادة مقسمة إلى عدة أنواع من الأعمال الأدبية : قصائد وقصص قصيرة وروايات وكانت كل نهاية عصر و نوع معين من الأدب تعمل كويز. الجميل بالموضوع إنها ترسل لكم التحليل على الايميل يعني اللي عليك فقط تذاكري من اللي ارسلته. بنهاية الترم تعطيك عملين قصيدة وتطلب شرحها على البحث 15 وعلى الاوتلاين خمسة عشان تزيد درجاتكم.

المشاركة الأصلية كتبت بواسطة rona مشاهدة المشاركة
موضوع جيد شكرا لكِ :)

reading 1 مع مس أشواق بصنوي
كلاساتها من أفضل الكلاسات عندي ماشالله عليها والله يديها العاافيه تشرح كل المهارات وتحل معانا التمارين ومررره مهتمه بالمنهج ماشالله بس اسئلة الاختبار طبعا مو موحده الاسئله فيها شويه لف ودوران وبالذات سؤال ال synonyms مرره غامض !! وتراعي في الدرجات

writing1 مع مس رشا تشرح كويس وداايما
اي موضوع جديد ناخدو تطلب مننا نكتب كتير عشان نتعود ع الموضوع ونتعلم من اخطاءنا وتصحح معاكي وتعرفك على اخطائك مزبوط دا احلى شي في كلاسها :) بس درجتي فيه الحمدلله مو مره اهم شي اني عديت ولله الحمد


دي تجربتي وأتمنى تفيدكم :)
المشاركة الأصلية كتبت بواسطة مني يغار الورد مشاهدة المشاركة


رايتنق 1 مع مس أشواق بصنوي قمة الرووووووووووووووعة الله يسعدها ويرزقها كل خير كانت معانا خطوة بخطوة وكلفتنا بنوت كل مرة تدينا واجب ونحله منجد استفدت ودايما تحمسنا نكتب ونوريها وتصحح ماترفض اي فكرة اهم شي عندها يكون ترتيب الاساي تمام

والتوزيع طبعا
20>>2 برقراف
واحد process
والثاني comparison and contrast
20>>comparison and contrast essay
20>>opinion essay
الفاينال 40>> نختار واحد من نوعين الاساي البروسيس والا الكومباراند كونتراست

ريدينق 2 مع مس أشواق بصنوي ولله الحمد

وتوزيع الدرجات
الدوريات الثلاثة عليها 20
والفاينال 40
((أدري كتبت قصة حياتي مو تجربة))
واذا اتذكرت شي جديد سدحتهنقرتين لعرض الصورة في صفحة مستقلة
وربي يوفقنا جميعانقرتين لعرض الصورة في صفحة مستقلة



 


التعديل الأخير تم بواسطة white rose ; 10-08-2013 الساعة 08:40 PM.
white rose غير متواجد حالياً  
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 29-06-2013, 10:54 AM   #19

white rose

الصورة الرمزية white rose

 
تاريخ التسجيل: Mar 2009
كلية: كلية الآداب والعلوم الانسانية
التخصص: English Language~
نوع الدراسة: عضو هيئة تدريس
المستوى: متخرج
البلد: جــــدة
الجنس: أنثى
المشاركات: 9,171
افتراضي رد: ||تجاربنا مع أستاذات قسم اللغات الأوروبية - طالبـــــات || ~ متجدد

تجارب الطالبات مع د. سحر نصيف

انتظام

المشاركة الأصلية كتبت بواسطة banana|

مادة الكتابة 1 : ( مع أ. سحر نصيف )
أخذنا فيها أساسيات كتابة الإيسّيز، تقريبًا المادة كانت كتابة في كتابة، ومس سحر نصيف كانت ضاغطة علينا، تقريبًا كل اسبوع كنا نسلم لها 2 ايسيز في مواضيع متنوعة بحسب نوع الايسّي اللي بندرسه، بس كان طبعًا ذا الشيء في صالحنا، يعني تعبنا بس استفدنا كثير والحق يقال، مس سحر نصيف كإنسانة رائعة جدًا ماشاءالله، وكلاساتها دايمًا دمها ظريف، بس كانت تدقق كثير على الواجبات وإننا نقرأ الفصل اللي تحدده لنا قبل مانجي للمحاضرة.
المشاركة الأصلية كتبت بواسطة e m a n مشاهدة المشاركة
الكتآبه أخذتها مع سحر نصيف :)
حلو الكلآس معاهآ و مآ تملّين ..
بسّ أهم شيّ ششآركي معاهآ ، خلّيهآ
تعرفك ، لمّا تقُول لكم أكتبُولي واجب إسّي
روحي البيت وأكتبيه و لمّا تصحّحه لك رُوحيلها
المكتب عشآن تورّيك أخطاءك ، دائماً رُوحيلهآ
مع كُل وآجب ، خلّيهآ تحسّ إنك مهتمّه وتبغين
تطوّرين كتآبتك ، صدّقيني كذا إن شاءالله تنجحين معاهآ نقرتين لعرض الصورة في صفحة مستقلة
المشاركة الأصلية كتبت بواسطة i will do مشاهدة المشاركة
رايتنق1 اخذته مع مس سحر كانت المواضيع حلوة ودرجاتي مرضيه تعاملها كان فيه تفضيل بس الحمدلله نجحت ومشيت ع الخطوات اللي طلبتها والاسلوب اللي تبغاه




 


التعديل الأخير تم بواسطة white rose ; 07-08-2013 الساعة 01:13 AM.
white rose غير متواجد حالياً  
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 14-07-2013, 05:23 AM   #20

ام حمدان

مشرفة مُتألقة سابقة

الصورة الرمزية ام حمدان

 
تاريخ التسجيل: Jan 2009
التخصص: English Literature
نوع الدراسة: إنتساب
المستوى: متخرج
الجنس: أنثى
المشاركات: 10,198
افتراضي رد: ||تجاربنا مع أستاذات قسم اللغات الأوروبية - طالبـــــات || ~ متجدد

تجارب الطالبات مع د/إبتسام فكهاني

انتظام

المشاركة الأصلية كتبت بواسطة englishh student مشاهدة المشاركة
كل شي يتعمد على الاستاذه اللي انتي معاها وانا راح اقووولك
تجاربي للمواد اللي اخذتها مع كل استاذهنقرتين لعرض الصورة في صفحة مستقلة





research methods
د.ابتساام فكهاااااااااااااااااااااااااني هذا السمستر
كويزاات سهله جدا ..
ميد ترم سهل واااضح
تتعبي بس في الريسيرش وتحسي نفسك ضايعه في البدايه بس بعد كذا كل شي يتسهل
تشرح لو منتي فاهمه اي شي عادي عندهاا
اهم شي لاتخلي احد يسوي لك الريسيرش لانها تعرف!




المشاركة الأصلية كتبت بواسطة small ant مشاهدة المشاركة
انا هذا الترم اخذت المواد التاليه
رسيرتش مع دكتوره ابتسام فكهاني كان مره ممتع وسهل ,اسئلتها واضحه متعدده فرااغات تعاريف عددي تمارين للديكيمنتيشن بعدين تتعلموا عليها ومن اللي تركز عليه في المحاضره
اهم شيء عندها في البحث حقك انه مافيه بليجرزم ( السرقه ), ودائما تشجع البنات وتعطي هدايا للجيبين درجاات كويسه في الدوريااات .




بالتوفيق للجميع





انتساب

المشاركة الأصلية كتبت بواسطة mezajya مشاهدة المشاركة


دراما مع مس ابتسام فكهاني

والله ما ادري اش اقول بالضبط عنها ::/
شرحها مو قد كدا وكانت بتشرح من سلايدات وقالت نعتمد ع السلايدات في المذاكره واذا في اي اضافه هيا حترسلها لنا
اللي صار انو كل اللي في السلايدات كان تحليل للمسرحيات ودا اللي ركزنا عليه الاختبار كان 95 % من احداث المسرحيه وتفاصيلها اللي مررا مو مهمه بصراحه
الاختبار كان كلو صح وخطأ -فراغات-واختياري وكم سؤال شورت انسر
مع العلم انو لما كنا بنسألها عن طريقة الاختبار قالت انو 30% حيكون عن تاريخ الدراما ودا حيكون صح وخطأ وفراغات وجزء المسرحيه حيكون ايسسي
بس للأسف الاختبار كان كلو صح وخطأ وفراغات واسوأ درجه في تاريخي الجامعي للأسف كانت في دي الماده اللي هيا نجاح عالحافه

بحث مع د/ابتسام فكهاني

شرح ماكانت تشرح بصراحه زي الناس
بتقرأ السلايدات واغلب المحاضرات كانت بتدخل قبل الوقت وتشرح قبل ما الطالبات يدخلو وماترضى تعيد
طلبت مننا بروبوزال عليه 20 درجه ونسوي الكروت برضو مافهمنا منها اش هوا البروبوزال ولا حتى كيف شكلو كان كلو اجتهاد شخصي
والمشكله الاعظم انو ما كان عندها رأي ثابت يعني انا بروحلها بتطلب مني تعديل في البروبوزال .. بتروح وحده غيري مسويه نفس تعديلي تطلب منها تعديل شكل تاني :/
يعني بالمختصر محد كان عارف ايش المطلووب يمكن هيا بنفسها ما كانت عارفه اش تبى
الاختبار كان كلو صح وخطأ وفراغات واختياري وسؤألين شورت انسر وسؤال توثيق سهل
بالنسبه للأختبار دا انا اخدت الدرس من الدراما معاها وذاكرت مررا سطحي بصراحه يعني الحاجات اللي مالها داعي اللي ماتخطر ع بال احد ذاكرتها ورزكزت عليها
والحمدلله طلعت من الاختباار ضااامنه اني عالاقل عالاقل خاخد 75 من ال80رحتلها عشان البروبوزال وطلبت تعديل بسيط فيه وكان كلو اكسلنت ع قولها في الاخير اتفاجئ بدرجتي انو كأنها ماحسبت لي شي في البرروبوزال يعني مافي احد اعرفو جاب درجه اعلى من 80

 

توقيع ام حمدان  

 

||اللهم اغفر لوالد nour al3mr وارحمه وعافه واعفو عنه واكرم نزله ووسع مدخه واغسله بالماء والثلج والبرد ونقه من الذنوب والخطايا كما ينقى الثوب الأبيض من الدنس||

..ربي اغفر لنا ولوالدينا ولجميع المسلمين والمسلمات الأحياء منهم والأموات..






اختنا الغالية صالحة ،، الفردوس الأعلى مثواك يارب



جعل الله مثواك الجنة اختنا صالحة Conscientious







 


التعديل الأخير تم بواسطة white rose ; 07-08-2013 الساعة 01:36 AM.
ام حمدان غير متواجد حالياً  
 

موضوع مغلق

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 08:51 AM


Powered by vBulletin® Version 3.8.9 Beta 3
Copyright ©2000 - 2024, vBulletin Solutions, Inc.
Ads Organizer 3.0.3 by Analytics - Distance Education

أن كل ما ينشر في المنتدى لا يمثل رأي الإدارة وانما يمثل رأي أصحابها

جميع الحقوق محفوظة لشبكة سكاو

2003-2023