InstagramTwitterSnapChat


 
وصف

العودة   منتديات سكاو > الكليات الجامعية > منتدى كلية الآداب والعلوم الإنسانية > قسم اللغات الأوروبية و آدابها
   
   


||تجاربنا مع أستاذات قسم اللغات الأوروبية - طالبـــــات || ~ متجدد

قسم اللغات الأوروبية و آدابها

موضوع مغلق
 
أدوات الموضوع إبحث في الموضوع انواع عرض الموضوع
منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
  #1  
قديم 20-05-2013, 05:58 AM
الصورة الرمزية ام حمدان

ام حمدان ام حمدان غير متواجد حالياً

مشرفة مُتألقة سابقة

 
تاريخ التسجيل: Jan 2009
التخصص: English Literature
نوع الدراسة: إنتساب
المستوى: متخرج
الجنس: أنثى
المشاركات: 10,198
Skaau.com (19) ||تجاربنا مع أستاذات قسم اللغات الأوروبية - طالبـــــات || ~ متجدد








السلام عليكم ورحمة الله وبركاتة

الأخوات الكريمات طالبات قسم اللغات الأوروبية المنتظمات والمنتسبات ..نقرتين لعرض الصورة في صفحة مستقلةنقرتين لعرض الصورة في صفحة مستقلة

لعلمنا بمدى اهمية معرفة اسلوب استاذات المواد الدراسية قبل اتخاذ القرار النهائي واضافة اي مادة

قررنا عمل موضوع يخص تجارب من سبقكن بالدراسة مع أستاذات القسم وقمن بسرد تجاربهن

ونسخنا تجاربهن هنا لتكون مرجع لكن عند الحاجة ..


وايضا تم فهرسة الردود في الموضوع بحيث تم تخصيص رد مستقل جُمعت فيه الاراء عن كل استاذة على حده






فهرس الردود:

تجارب الطالبات مع د/ناريما آل معينا رد رقم 2#

تجارب الطالبات مع د/مآثر الراوي رد رقم 3#

تجارب الطالبات مع د/نجاح الجحدلي رد رقم 4#

تجارب الطالبات مع أ/ليلى هاشم رد رقم 5#

تجارب الطالبات مع د/صفاء المنصوري رد رقم 6#

تجارب الطالبات مع د/منال التاودي رد رقم 7#

تجارب الطالبات مع أ/نسرين الحربي رد رقم 8#

تجارب الطالبات مع أ/هيفاء الروقي رد رقم 9#

تجارب الطالبات مع د/خديجة باوزير رد رقم 10#

تجارب الطالبات مع د/إيمان حمزة رد رقم 11#

تجارب الطالبات مع أ/نجوى الغريبي رد رقم 12#

تجارب الطالبات مع أ/ ايمان بوترعة رد رقم 13#

تجارب الطالبات مع أ/منى البلوي رد رقم 14#

تجارب الطالبات مع أ/شادن الخزيم رد رقم 15#

تجارب الطالبات مع أ/عبير الفيفي رد رقم 16#

تجارب الطالبات مع أ/ابرار مجددي رد رقم 17#

تجارب الطالبات مع أ/اشواق بصنوي رد رقم 18#

تجارب الطالبات مع أ/سحر نصيف رد رقم 19#

تجارب الطالبات مع د/ابتسام فكهاني رد رقم 20#

تجارب الطالبات مع أ/ايمان عبده رد رقم 21#

تجارب الطالبات مع أ/حارس فايز نور الدين رد رقم 22#

تجارب الطالبات مع أ/ريم سائحي رد رقم 23#

تجارب الطالبات مع د/عزيزة العيسى رد رقم 24#

تجارب الطالبات مع أ/ألاء المحمدي رد رقم 25#

تجارب الطالبات مع أ/سهام فطاني رد رقم 26#

تجارب الطالبات مع أ/ مايا اليافي رد رقم 27#

تجارب الطالبات مع أ/رشا قزاز رد رقم 28#

تجارب الطالبات مع أ/حنان جبر رد رقم 29#

تجارب الطالبات مع أ/ أفنان فطاني رد رقم 30#

تجارب الطالبات مع أ/حنان الطرازي رد رقم 31#

تجارب الطالبات مع د/خولة زهران رد رقم 32#

تجارب الطالبات مع د/ميرفت الببلاوي رد رقم 33#

تجارب الطالبات مع أ/ عبير العامري رد رقم 34#

تجارب الطالبات مع د. سوزان فكهاني رد رقم #35

تجارب الطالبات مع د. مائسة رد رقم #36

تجارب الطالبات مع د. أمل شعيب رد رقم #37

تجارب الطالبات مع د. رابعة الخطيب #38

تجارب الطالبات مع د. نهى الشرفا #39


تجارب الطالبات مع ا/ الاء المحمدي #40

تجارب الطالبات مع د. رنده آل الشيخ #41

تجارب الطالبات مع أ/ لولوة الفريح
#42

تجارب الطالبات مع أ/ جيهان عبد النبي #43

تجارب الطالبات مع أ/ منال عارف #44

تجارب الطالبات مع أ/ خلود السريحي #45





وفقكم الله جميعاً لمايحب ويرضى نقرتين لعرض الصورة في صفحة مستقلة




 


توقيع ام حمدان  

||اللهم اغفر لوالد nour al3mr وارحمه وعافه واعفو عنه واكرم نزله ووسع مدخه واغسله بالماء والثلج والبرد ونقه من الذنوب والخطايا كما ينقى الثوب الأبيض من الدنس||

..ربي اغفر لنا ولوالدينا ولجميع المسلمين والمسلمات الأحياء منهم والأموات..






اختنا الغالية صالحة ،، الفردوس الأعلى مثواك يارب



جعل الله مثواك الجنة اختنا صالحة Conscientious







 


التعديل الأخير تم بواسطة nour al3mr ; 24-12-2014 الساعة 10:53 AM.

 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 23-06-2013, 09:23 AM   #2

white rose

الصورة الرمزية white rose

 
تاريخ التسجيل: Mar 2009
كلية: كلية الآداب والعلوم الانسانية
التخصص: English Language~
نوع الدراسة: عضو هيئة تدريس
المستوى: متخرج
البلد: جــــدة
الجنس: أنثى
المشاركات: 9,171
افتراضي رد: ||تجاربنا مع أستاذات قسم اللغات الأوروبية - طالبـــــات || ~ متجدد

تجاربنا طالبات مع د. ناريمان آل معينا

انتظام


المشاركة الأصلية كتبت بواسطة banana| مشاهدة المشاركة

د. ناريمان المعينا في البوتري
المادة هذي أكثر مادة شلنا همها ، خصوصًا إن الأستاذة تتوقع منك إنك تشتغلي عن نفسك وتذاكري مع نفسك .
أسئلتها السهل الممتنع ، بس النهائي جزء الإم سي كيو كان جدًا جدًا غريب وتخرجي تلاقي كل وحدة حالة شيء مختلف !
المشاركة الأصلية كتبت بواسطة nour al3mr مشاهدة المشاركة

د. ناريمـآن شدوا حيلكم معاها لا تزعلوها أهم شيء خليكم شُطـآر نقرتين لعرض الصورة في صفحة مستقلة
و لو للمادة كذا شعبة خذوا ثاني شعبة بس لا تكون متأخره نقرتين لعرض الصورة في صفحة مستقلة
المادة بتعتمدوا فيها على النت و البحث و الشرح بشكل كبير + القصايد بتقسمها عليكم و بتشرحوها أنتم و على البرزنتيشن درجـآت
المشاركة الأصلية كتبت بواسطة nour al3mr مشاهدة المشاركة

الشعـر مع د. ناريمـآن :$
ممكن تتعبوآ نفسيًا معاها خاصة لو ما كانت رآيقة ع دفعتكم و تهزآكم لكن الكورس أنتم حتشرحوه بتقسم القصايد عليكم و تشرحوها برزنتيشن
بعدها بتقولكم الموجز أكتبوا معاها و ركزوا على اللي تقوله و اختبارها مقالي سؤالين و تختاري وآحد و تحليه كإسـآي
و الفاينل يدخل كل القصايد كبآكقرآوند + تحدد قصايد تكون معاكم كمقالي
فهذه المادة سلف ستدي + أنتِ و النت حبآيب من كثر ما بتدوروا و تطبعوا و تذاكروا منه
المشاركة الأصلية كتبت بواسطة m!ss.cute مشاهدة المشاركة
poetry with mrs. Nariman

الكورس يعتمد عليك ، كلو self study ، ما تشرح كتير ، يتعب شوية ، بس في النهاية تفرحي بدرجتك

تقسم الكلاس لقروبات من 5 بنات تقريبا وتطلبكم تسوي برزنتيشن عليه 10 درجات عن وحدة من البويمز

اختبرتنا 4 اختبارات من 20 اختارت منها واحد بـ 10 واتنين بـ 20 مع 10 درجة البرزنتيشن = 60 درجة

و 40 ع الفاينل

في الاختبار تطلب منك تكتبي paragraphs على الاسئلة ، دايما تركز على characteristics of the era, themes, poets' believes.

في الفاينل جابت 20 اختيارات اغلبها تعتمد على الثيمز ، الفورم ، مميزات العصر ، الشعراء يعني كانت شاملة لكل شي بشكل عام وبدون تفصيل وتعقيد

والله يوفقكم
المشاركة الأصلية كتبت بواسطة i will do مشاهدة المشاركة

براكتكم1 اخذته مع مس ناريمان كان طول الترم رعب وكلام يخوف و الاختبارات القصيرة كانت وراء بعض وبرزينتشين على نهاية الترم وكان فيها ا ختباردوري واحد والنهائي كان حلو واللي تبغى راحه نفسيه تاخذ مع مس ايمان وتعررف كوعها من بوعها مع اني ماارتاح لها بلاسببنقرتين لعرض الصورة في صفحة مستقلة
المشاركة الأصلية كتبت بواسطة doll مشاهدة المشاركة
بويتري مع د.ناريمان الصراحة كل شيء عليكي يعني self-study، و التهزيء شغّال طول السمستر بس تعتبر أحسن من غيرها و قلبها طيب و تزعل لما ما نحل كويس ف الكويزات بس تزعل علينا مو مننا و تحاول تعرف ايش السبب و إلخ. توزيع الدرجات: الصراحة ماني عارفة كيف وزعت الدرجات لأنها كذا مرة تغير التوزيع بس حسب ما فهمت 4 كويزات تاخد أحسن 3 و 2 بريزنتيشنز تاخد الأفضل. أسئلتها: أول واحد كان 5 أسئلة تختاري 1 و تجاوبي عليه بشكل ايساي، التاني برجراف كويسشنز كل 1 عليه 5 و ع حسب ما أفتكر إنها تكون مجموعة أسئلة تختاري منها 4، و الكويز3 و 4برضوا أسئلة و تجاوبي عليها. أما الفاينل 20 فقرة اختاري السهل الممتنع تشوفي الإجابات تتشابه لكن واحدة هي الصح و أحيانا الإجابات تقولك أناااا هناااا و الـ20 الباقية على الأسئلة افتكر 4 و كل واحد فيه فقرات بس انتي تختاري واحد من الأربعة و تقريباً كل سؤال كانت فقراته عبارة عن مقارنة بين قصيدتين. الزبدة انو د.ناريمان تعاملها صعب شويتين و ما تناسب البنوتات الحساسات لكنها طيوبة .
مورفولوجي مع د.منال التاودي، عن نفسي أشوف شرحها جدًا عادي و تقريبًا 3\4 الكلاس تقرأ من الكتاب و أحيانًا تعطينا notes نكتبها معاها، تموووووت ف الحضور و الغياب حتى لدرجة انو لما خلصت كشف الأسماء جابت واحد جديد و احنا مفكرينها خلاص ما راح تحاسب=( توزيع الدرجات: 3 كويزات كل واحد بــ20 و 40 فاينل، لكن التوزيع جدًا مجحف كل اسبلنغ مستايك بـنص درجة و كل شيء تقريبا عليه درجة لو مو أكتر. اختباراتها: فراغات غالبًا تكون إما مصطلح أو تعريف بس أحيانًا تجيب من وسط السطور و الباقي نفس طريقة الاكسرسايز اللي ف الكلاس(حنين ما عرفت اللون).



 


التعديل الأخير تم بواسطة white rose ; 12-01-2014 الساعة 08:56 AM.
white rose غير متواجد حالياً  
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 23-06-2013, 09:26 AM   #3

white rose

الصورة الرمزية white rose

 
تاريخ التسجيل: Mar 2009
كلية: كلية الآداب والعلوم الانسانية
التخصص: English Language~
نوع الدراسة: عضو هيئة تدريس
المستوى: متخرج
البلد: جــــدة
الجنس: أنثى
المشاركات: 9,171
افتراضي رد: ||تجاربنا مع أستاذات قسم اللغات الأوروبية - طالبـــــات || ~ متجدد

تجاربنا طالبات مع د. مآثر الراوي

انتظام


المشاركة الأصلية كتبت بواسطة banana| مشاهدة المشاركة

د. مآثر الراوي ف الأبلايد
بكرة إختبارنا النهائي معاها إن شاءلله ، المادة معاها خفيفة (خلال الترم ) ومتعبة منهكة قبل الاختبارات .. لأن المادة أصلًا كلها حفظ، و ثلاث أرباع الستديز اللي بالكتاب داخلة معانا ..
بس الأستاذة لطيفة ماشاءالله ومو من الأستاذت اللي الواحد كذا يكش منهم نقرتين لعرض الصورة في صفحة مستقلة

المشاركة الأصلية كتبت بواسطة nour al3mr مشاهدة المشاركة
د. مـآثـر أخذت معاها السنتـآكس و كنا أول دفعة تدرس الكتاب الجديد و المادة كانت مشتركه بينها و د. نهى فللحق كان من أصعب الكورسـآت لأنها تشرح من ملفات وورد لأشياء معينة و الإختبار د. نهى اللي تكتبه فنروح فيها لأن الأشياء ما انشرحت لنا
لكن بعد كذه صارت كل دكتوره لوحدها فالوضع صار أفضل بكثيـر لأن أسئلتها ماهي صعبة و المادة ممتعة لكن تحتاج مذاكرة أول بأول و تركيز

::
الآبلايد مع د. مآثــر المادة حفظ × حفظ لكن إن شاء الله ما بيكون صعب معاها
المشاركة الأصلية كتبت بواسطة nour al3mr مشاهدة المشاركة
أنا درست المادة مع د. هيفـآء الروقي
و صديقاتي مع د. مآثــــر فأعطيك نبذهـ عن نظـآمها

المـآدة كتابها كثيـره معلومـآته و بيتكلم لك عن علمـآء و نظرياتهم في كيفية اكتسـآب اللغة و مجموعة من الدرآسـآت و نتائجها
على وقت ما أخذت المادة كان الكتاب جديد أتغير و أول دفعة تدرسه فأخذنا الكتاب كامل من الجلده للجلدهـ
د. مآثـر كانت تشرح لبناتها من ملفات هي عاملتها و الإختبار كله موضوعي فالمادة معاها ما تعبوا فيها الحمد لله لكنها تحتاج حفظ و مذاكرهـ أول بأول
لكن لو ما ذاكرتيها و راكمتي الدروس عليك بتتعبي فيها
+
تقسمكم لقروب عادة كل قروب من بنتيـن و تشرحوآ درس و هي من بعدكم تعقب على أهم المعلومـآت

الله يوفقك
المشاركة الأصلية كتبت بواسطة nour al3mr مشاهدة المشاركة


د. مـآثــــر لا تخافوا منها لكن فحطوا بالكتـآب و السلايدآت مذآكـرهـ و أي شيء مانتم فاهمينه أسـالوها لا تراكموا + أسألوا هنا غير كذه بتتعبوآ بالكورس ~> هذا سينتـآكس
بالآبلايد كمان تمام تذاكروا من سلايدآتها و الأسئلة عادة موضوعيه أفضل من غيرها يخلوها مقالية و المادة ما تسآعد لكثرة الحفظ فيها

::
المشاركة الأصلية كتبت بواسطة مشاعر صماء

دكتورة / مآثر غالباً تعطي مادتي السنتاكس والآبلايد , الدكتورة قمة بالأدب وراقية جداً بتعاملها أنا أخذت معها كورسين ولا مرة سمعت منها كلمة سيئة أو تصرف مو حلو لكن مشكلتها ما توصل المعلومة للطالبة ، وما تعتبر مشكلة كبيرة بنظري لأنها أصلاً تجيب أسئلة الاختبار من الفايلات اللي تنزلها بصفحتها على موقع الجامعة.
نظامها بمادة السنتاكس يعتمد على 3 اختبارات دورية من 20 الواحد بالإضافة للفاينل اللي من 40 ، أسئلة اختبار السنتاكس تقريباً نفس طريقة حل الأمثلة اللي بالمحاضرة لكن مع تغيير بسيط في الجمل زي الرياضيات مثلا يغيروا ارقام.
بالابلايد نفس الطريقة تشرح من الفايلات وتجيب منها مايقارب الـ 80% من أسئلة الاختبار لكن الشيء الزيادة هو أنها تقسمكم قروبات كل بنتين مع بعض وتطلق على كل قروب رقم ، هي طبعا تنزل على صفحتها ملف وورد فيه اسئلة لكل القروبات وكل طالبتين يشوف سؤالهم ويحلونه ويعملوا عرض له ويشرحوه امام الطالبات تقريباً 4 مرات شرحنا انا وصديقتي ، كل مرة نشرح عليها 5 درجات أي مايقارب 20 درجة عليه وهو من باب زيادة الدرجات ومو شيء صعب حتى دكتورة / مآثر الله يسعدها تعطي درجات حلوة مابين 4 أو 5 من 5 ، هذي الاسئلة يجي منها مايقارب 20 بالمئة من اسئلة الاختبار ، وركزوا على اسماء الباحثين وتجاربهم في اكتساب اللغة ونتائج التجارب اللي بالكتاب لأنها تجيب منها اختيارات وأصلا كل اسئلة اختبار الابلايد اختيارات يعني لو القيتي نظرة سريعة على كتابك بعد مذاكرة المحاضرات اللي تنزلها بتأخذي الفل مارك بكل سهولة.


المشاركة الأصلية كتبت بواسطة am emad مشاهدة المشاركة
صحباتي اخدوا معاها وكانوا مرتاحين معاها
تعطي سلايدات و يذاكروا منها و اسألتها ايسيز مو موضوعي زي منال

ولو رجع فيه الزمن كان اخدته مع د ماثر لانو مع د منال لازم تحفظين كل شئ لانو ممكن تجيب منها فراغات
و الماده زي ما تعرفي مرررررررررره دش

انتي استخيري و الله يكتب لك الخير ان شاء الله






المشاركة الأصلية كتبت بواسطة سعادة الطالبه الشاطره مشاهدة المشاركة
syntax نحو ..مع مس مأثر .,, مع احترامي الشديد لها ولاخلاقها العاليه
بس الشرح قدرااات وهي اشوفها تفتقر هذه القدره
رغم انه السنتااكس سهل جدا لو انشرح بطريقه وحده خبره ومحترفه الشرح .,,
لكن انا وصحباتي طول الترم واحنا نفهم بعض ونقعد على المحاضره في البيت عشاان نعرف محتواها وعلى ايش تركز
غير كذا اتحدا وحده تعدي معاها الا اذا على الحافه ..واللي زاد الطين بله انهم وحدوا الاسئله وتعاااالوا شوفوا العجب
شرح مس مأثر مختلف تماما عن الاختبارات .,,مواضيع جديده نتعرف عليها في الاختبار خخخخخ
تقسيمها كان 15 15 5 5 5 5 5 5 40
دوريين وسته اختبارات صغيره وفاينل..

.....................................

وبس .,,


اتمنى انه مايكون ظلمت احد او زودت في المدح ..
وفي النهايه التوكل على الله و مفتاح التوفيق مو الاستاذات..
المشاركة الأصلية كتبت بواسطة بهجة الروح مشاهدة المشاركة
اخذت ابلايد مع دكتوره ماثر ماده غثيثه وصعبه الحمدلله اني افتكيت منها
دكتوره ماثر مره دقيقه باسئلتها تركز على شي واحد وتطلب منه كذا فقره
يعني كنت انقهر لما اذاكر كثييير وهي تركز على موضوع واحد تحط عليه كل الدرجات
البرزنتيشن والبحث عليهم 20 درجاتهم حلوة الحمدلله
واختبارين دوريه من 20
ادتني بالاخير 89 يابناااات تخيلوا مره انقهرت كان باقي بس درجه وحده اااه بس الحمدلله

بالتوفيق للجميع
المشاركة الأصلية كتبت بواسطة m!ss.cute مشاهدة المشاركة



الابلايد مع د. مآثر

المادة دسمة وتطفش يبالها حفظ بقوة بس مع مس مآثر كانت رووووعة وسهلة انسانة منظمة ومرتبة ماشاء الله عليها

تقسيم الدرجات : 20 اختبارين - 10 ريسيرش - 10 برزنتيشن - 40 فاينل

المذاكرة من محاضراتها طبعا اللي لازم تنحفظ مزبوووط والاسئلة منوعة بين مقالية و فراغات واختيارات
المشاركة الأصلية كتبت بواسطة الــود طــبعي مشاهدة المشاركة
هلا بنوتاتي << نقرتين لعرض الصورة في صفحة مستقلة

كيفكم شخباركم عساكم طيبين:)
أخذت سنتاكس مع دكتور مآثرالراوي نقرتين لعرض الصورة في صفحة مستقلة
بصراحة على وقتنا حاسونا .. لأن الدوريات والفاينل كانت موحدة بين كل الشعب حتى مع شعبة دكتور نهى الشرفا..فأسلوب الاستاذتين يختلف..
دوريين من 15 وفاينل 40
الدوري الثاني كان سيء لأن نهى اللي حطت الأسئلة وكان فيه أسئلة مرة صعبة ماتوقعنا شي زي كذا يجينا .. أصلا مآثر ماشرحت هالشي..
الدوري الأول كان حلو كان أسلوب مآثر..
الظاهر اتفقوا وحدة تحط الدوري الأول ووحدة تحط الدوري الثاني..نقرتين لعرض الصورة في صفحة مستقلة
الفاينل كان لا بأس بس الدرجات مرررررررة كبيرة على الأسئلة يعني غلط واحد تطير درجة كبيرة..
المهم الحين 15+15+40 = 70
باقي 30 درجة << كان فيه 6 paired exercises كل واحد عليه 5 درجات كانت تسويها أربعاء ايه وأربعاء لا << يعني بس يوم الأربعاء..
كل بنتين يحلون مع بعض في ورقه وحدة ..
جبت في هالمادة b+



الآبلايد مع دكتور مآثر الراوي أيضًا نقرتين لعرض الصورة في صفحة مستقلة
هذي المادة حقيرة بكل ماتحمله الكلمة من معنى .. ماأخوفكم بس اللي شاطرة في الحفظ يابختها والله..
المهم دوريين من 20 و10 درجات على بحث مشترك بين بنتين فقط
و10 على عرض فردي على نفس البحث..
صراحة تقهر الأستاذة في هالمادة صح عندها سلايدات
لكن أسئلتها تجيبها من مكان واحد تكرفين تكرفين وتجيب لك سؤال عليه 20 درجة
من مكان واحد ومن محاضرة وحده..
طبعا أسئلتها مي حلوة .. يعني جابت في الفاينل 10 فراغات << عليها 20 نقرتين لعرض الصورة في صفحة مستقلة
وسؤال مقالي عليه 20 وبس
يعني درجات مو تطيح منك لا تسعى سعي .. نقرتين لعرض الصورة في صفحة مستقلة
المهم جبت 88 في هالمادة << أدري بتقولون حلوة بس ملاحظة أنا دخلت الفاينل وأنا ماني ناقصة إلا 3 درجات فقط لاغير يعني انخسفت في الفاينل خسف كله من الفراغات أم الدرجتين ذي وكان اختبارنا يوم المطر المفجع نقرتين لعرض الصورة في صفحة مستقلة



أتمنى أكون أفدتكم وماطولت عليكم نقرتين لعرض الصورة في صفحة مستقلة
وبالتوفيق للجميييييييييع
المشاركة الأصلية كتبت بواسطة am emad مشاهدة المشاركة
انا اخدت معاها سنتاكس
تشرح من سلايدات مررررره مرتبه وواضحه و تعطيكم هيا و تزاكروا منها
و الكتاب مو مهم
في نهاية كل درس في اسئلة تعطيكم تحلوها زي واجبات يعني و عليها درجات
و بعدين تحلها معاكم

اسئلتها في الدوريات بس من الواجبات
بس النهائي لا يجي من البوكسات الي في السلايدات بالاضافه للواجبات

عموما هيه انسانه مرررره محترمه الله يسعدها نقرتين لعرض الصورة في صفحة مستقلة

دعواتكم بتحقيق الي فبالي
المشاركة الأصلية كتبت بواسطة حنين الشوق مشاهدة المشاركة
نفس السؤال


واللي خااايفة من السنتاكس ....تاخذه مع د.ماثر وماراح تندم بس للامانه أنا ماكنت أفهم مره معها بس كنت اعتمد على التمارين المحلوله تبع العام اللي قبله وكنت افهم نفسي بنفسي وكنت اجيب درجات بالساهل .....لكن أهم شئ تعملي براكتس حتى لو كنت مش ولا بد بالفهم ...فالغالب تجيب باختباراتها تمارين مقاربه للتمارين اللي بالكلاس نقرتين لعرض الصورة في صفحة مستقلة
المشاركة الأصلية كتبت بواسطة ღحلا الدنيـاღ مشاهدة المشاركة
morphology - دكتوره مآثر الراوي

هذي الدكتوره قد ما اتكلم فيها ما أوفيّها حقها .. كثير بنات بيظلموها

ربي يسعدها .. المآده كانت مريححححه ما شلت همها كثير الحمدلله

تسوي ويكلي بلان .. من اول الترم تعرفي اش راح تآخذي في كل محاضره

ومتى الاختبارات و كل شيء >> ممكن تآجل اختبار بس اذا اتفقو اغلبيه الكلاس

تراعينا لأبعد حد .. الفاينل فاجأتنا كان كله اختيارآت ..

كان فيه برزنتيشن و بحث بسيط من نفس المنهج مايحتسب بحث لانو بس صفحتين

والبرزنتيشن على نفس بحثك.. مسز مآثر -- ربي يوفقك --
المشاركة الأصلية كتبت بواسطة doll مشاهدة المشاركة
سنتاكس مع د.مآثر ما شاء الله عليها أخلااااااااااااق و طيوبة و عسل بس الشرح ليكي عليه، توزيع الدرجات:20 essay + برزنتيشن و 20 كويز و الـ 20 الباقية paired quizes ، الصراحة نفسيًا كنت مرة مرتاحة ف كلاسها و هي كمان إنسانة هادئة و دائمًا مبتسمة ما شاء الله عليها. حاولي تحلي الاكسرسايز اللي بعد كل محاضرة و توريها اياه عشان على نفس النمط يكون الاختبار.
المشاركة الأصلية كتبت بواسطة small ant مشاهدة المشاركة

ثالث ماده السنتاكس مع الدكتوره ماثر الراوي كانت الماده مررره ممتعه وسهله وحلوه وتقسيم درجاتها مررره حلو تساعد البنات قد ماتقدر جزاها الله خير .



 


التعديل الأخير تم بواسطة white rose ; 12-01-2014 الساعة 08:57 AM.
white rose غير متواجد حالياً  
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 23-06-2013, 09:28 AM   #4

white rose

الصورة الرمزية white rose

 
تاريخ التسجيل: Mar 2009
كلية: كلية الآداب والعلوم الانسانية
التخصص: English Language~
نوع الدراسة: عضو هيئة تدريس
المستوى: متخرج
البلد: جــــدة
الجنس: أنثى
المشاركات: 9,171
افتراضي رد: ||تجاربنا مع أستاذات قسم اللغات الأوروبية - طالبـــــات || ~ متجدد

تجاربنا مع د. نجاح الجحدلي

انتظام

المشاركة الأصلية كتبت بواسطة nour al3mr مشاهدة المشاركة

د. نجآح أخذت معاها اللغويات الإجتماعية و أعرف اللي أخذ معاها السمـآنتكس
رآئعـة بالشرح و الإنضبآط ( لا تفكري تدخلي الكلاس بعدها بمجرد ما تدخل و بدأت المحاضرة ممنوع دخول أي طالبة )
أسئلتها متنوعه ما بين مقالي و موضوعي في المقالي بتلاقي الإجابة يادوب سطر أو سطرين تكتبي فيهم فقط الإجابة مباشرة و بشكل وآضح فهما و حفظًا
و بيكون عليكم عرض و بحث لازم لشيء مبتكر ما يكون مكرر مره و مستهلك
و أنتبهي على الأخطـآء الإملائية تروح درجاتك فيها لو ما ركزتي بشأنها
المشاركة الأصلية كتبت بواسطة مشاعر صماء

الدكتورة / نجاح السيمانتكس معها جداً سهل لأن شرحها رائع لكنها عيبها صارمة في التعامل وماتسمح للطالبة تدخل بعدها وكمان دقيقة بالتصحيح ، تحب أحد يشارك معها عشان كذا هي تحدد بنهاية كل محاضرة تحدد الأسئلة اللي لازم تحلها الطالبة وعليها تقريباً 5 درجات وتختار بمحاضرة " حل التمارين " أسماء من القائمة وإذا راحت عليك وماجاوبتي صح بالخمس مرات اللي قومتك فيها يصعب عليك تعوضين خصوصاً إذا كان عدد الطالبات كبير. توزيع الدرجات كان 3 كويزات بالإضافة إلى 5 درجات حل تمارين و بحث تعملينه مع قروبك وتشرحوه بنهاية السيمستر عليه .الاختبار متنوع أول شيء تجيب صح وخطأ كم فقرة بعدين جيبي مثال على شيئين مثلاً وأيضا تحب المقارنات وتجيب عدة اسئلة تطلب منك تختاري واحد وتكتب برقراف صغير عليه وتركز على الأخطاء الاملائية والنحوية. مو صعب الاختبار كله من السلايدات اللي ترسلها لكم لكن حاولوا تركزوا على شرحها ومع السلايدات بتجيبوا ان شاء الله الفل مارك بكل سهولة.

المشاركة الأصلية كتبت بواسطة غـــرور مشاهدة المشاركة
الي تسأل عن سوسيو مع د.نجآح رووووووووووووعه هي أخلآق والمآده أصلاً تآفهه

أسئلتهآ مويه بس يبيلهآ شويه تركيز وفهم .. اختبارين من 15 وميد تيرم من 20 و10 على ريسيرتش وبرزنتيشن مررررررره متسآهله فيهم


تأخذي a بالرااااااااحه بس احضـري وافهمي معآهآ لمصلحتك ..



 


التعديل الأخير تم بواسطة white rose ; 10-08-2013 الساعة 08:47 PM.
white rose غير متواجد حالياً  
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 23-06-2013, 09:30 AM   #5

white rose

الصورة الرمزية white rose

 
تاريخ التسجيل: Mar 2009
كلية: كلية الآداب والعلوم الانسانية
التخصص: English Language~
نوع الدراسة: عضو هيئة تدريس
المستوى: متخرج
البلد: جــــدة
الجنس: أنثى
المشاركات: 9,171
افتراضي رد: ||تجاربنا مع أستاذات قسم اللغات الأوروبية - طالبـــــات || ~ متجدد

تجاربنا مع أ. ليلى هاشم

انتظام


المشاركة الأصلية كتبت بواسطة nour al3mr مشاهدة المشاركة

فونولوجي أخذته مع د. منـآل التآودي لكن د. ليلى تمام معاها بتشرح لكم الزبده و المهم و نصه حتقول لكم هذآ قرنبع و أفتهمليكـآ و الغرض من دراسة اللغويات to make your life miserable
كلاساتها رآئعة صرآحة مافيها غلبة لكن المادة ركزي فيها تمام تدوخ حبتين لو رآكمتيها
المشاركة الأصلية كتبت بواسطة مشاعر صماء


أستاذة ليلى هاشم الفونولوجي سهل جداً معاها تعطيك المختصر المفيد واللي تتكلم عنه وتشرحوه هو اللي تجيبه حتى اسئلتها بالاختبار جداً سهلة وواضحة واذا كانت تشرح من عرض لا تذاكري إلا منه ومن الأشياء اللي تحددها ب الكتاب، ماتحب الفلسفة الزايدة ولا تعترف بشيء اسمه واجب اختبارات وخلاص . الاسئلة مافتكرها كويس لكن اذكر انها فراغات كثير لكن تحط بوكس فيه الكلمات و تجيب تعاريف وانتي تكتبي المصطلح.

المشاركة الأصلية كتبت بواسطة doll مشاهدة المشاركة
فونتكس مع miss.ليلى هاشم، الصراحة على قد ما كنت مترددة و بشدة إني أخد معاها لكني و اللهِ و بدون مبالغة كان من أفضل الكورسات في دا القسم و هي ما شاء الله بشوشة و تحب تبسط المعلومة قدر الإمكان. توزيع الدرجات: 20 على كل كويز بس هي تحب تكتر الفقرات عشان تساعدنا. جزاكي الله خير يا miss.ليلى...






تجارب طالبات انتساب
المشاركة الأصلية كتبت بواسطة mezajya مشاهدة المشاركة

فونولوجي : مع الرائعه ليلى هاشم
الانسانه دي من جد مافي زييها في الدنيا دي
قد ماهيا كووويسه بتسوي جهدها في المحاضره وبتحاول توصل لك المعلومه
الماده جدا غثيثه لكن مع مس ليلى صارت جدا خفييفه
اختبارها وااااضح وجدا سهههل ومن اللي هيا شرحتو واسلووبها جدا واضح
يكفي الراحه اللي تحسيها وانتي تشووفيها او تسمعي صووتها والروح الحلوه اللي تحسيها فيها
من جد ثالث كورس معاها وكلللها كانت ممتازه جدا الله يسعدها فين ماتكون
كووورس معاها ابدا لا تفكرو تفووتووه

المشاركة الأصلية كتبت بواسطة الدمعه الحائره مشاهدة المشاركة

مس ليلى هاشم .. فونتكس + لنقوستكس

ربي يسعدها الانسانه هذي اللي تحمل كل معاني الانسانيه شرح واسلوب مريح في الكلاس دمها خفيف

اشتاق لمحاضرتها وانتظرها بفارغ صبري اسئلتها رااااااائعه وجدا حلوووه

الله يوفقها ويسعدها ...

المشاركة الأصلية كتبت بواسطة ام حمدان مشاهدة المشاركة
أ/ليلى هاشم

جربتها في ثلاث مواد الصوتيات 332-علم الاصوات 335-التدريب العملي 463

والحمدلله ماندمت ابدأً على دراستي معها استاذة عسل وطيوبة الله يذكرها بالخير ويوفقها وين ماتكون
ماتخرج في امتحاناتها عادةً عن الي تقولة في المحاضرات فركزوا على اللي تقوله وتنبه عليه
اسئلتها واضحة ومنوعة فيها المقالي وفيها الموضوعي اسلوبها في الفونتكس والفونولجي تقريبا نفسه في وضع الاسئله تجيب التعاريف اغلبها فراغات وتجيب بوكس تختاروا منه المصطلح وتجيب تعريفين او ثلاه تطلب تكتبوا التعريف بس يكون شي سهل وواضح
وبقية الاسئلة تكون اختيارات شامله لنقاط للمنهج الي ركزت عليه وكم سؤال مقالي سهل وواضح وتصحيحها عادل ولو فيه مجال تراعي مابتقصر

اسلوبها في مادة التدريب العملي

تطلب تتدربوا في اي مكان تقدروا تمارسوا فيه اللغة ماتشرط مكان معين
والساعات المطلوبة مننا كانت 90 وبعض الاحيان يخففوها لـ 60 لو قدرتوا تقنعوا الدكتورة تخفف:)
وعلى التدريب تحط 40 درجة
وبعد انتهاء التدريب مفروض تكتبوا ريبورت عن تجربتكم في المكان الي تدربتوا فيه تدوروا في النت على نماذج تتعلموا منها كيف تكتبوا التقرير وتمشوا ع خطواته وتقدروا تسالوا مس ليلى لو ماعرفتوا كيف تسووه وبتشرح الطريقة وتجط عالتقرير 20 درجة

وباقي 40 درجة تكون عالفاينل مافي منهج ذاكرناه مجرد تدربوا انفسكم على مواقع منوعه تبع اختبار مستوى اللغة سواء في القرامر او الريدنق يجي الامتحان مشابه لها وبنفس الطريقة كانت الفقرات كثيرة يمكن ع كل فقرة نص درجة

موفقين
المشاركة الأصلية كتبت بواسطة mezajya مشاهدة المشاركة

وارجع مررا تانيه للصوتياات مس ليلى

بصرااحه ماتتفوت الله يسعدها ويكتبلها الخير فين ما كانت اختبار واضح واسئله كتيره ومتعاااونه جدا اذا سألتيها بتجاوبك
والله افتكر انها وقت ماتشرح في السنترا اذا مافهمتي شي تقوولك اتصلي علييا افهمك بعد المحاضره
المشاركة الأصلية كتبت بواسطة mezajya مشاهدة المشاركة

مقدمه في اللغويات: مس ليلى هاشم

شرحها عادي جدا تقرأ من الكتاب فقط متعاووونه جدا معانا اي وقت بتسأليها حتى ع الواتس اب بتجاوبك وتفهمك
اختباراتها رهييييبه اوضح من اختباراتها مافي واسئلتها كتيييره كلها اختيارت وفراغات وصلي في اللغويات درجتي كانت اعلى من اللي اتوقعتها :)
المشاركة الأصلية كتبت بواسطة white rose مشاهدة المشاركة
مس ليلى هاشم

درست معها ثلاث مواد وكانت رائعة الله يسعدها ويطيب خاطرها وللان اذكرها بالخير .. درست معها فونتكس : وكنت متخوفة منها ومن اسلوبها بالاختبار لكن الحمدلله كانت طيبة واسلوبها كان حلو تعاريف تكون مكتوبة بس تختاري المصطلح من بوكس وسؤال خيارات واسئلة ترانزكربشن خفيفة وكم تعريف نكتبه من التعاريف الواضحة ..

وايضا درست معها علم اصوات: وكان من اجمل الكورسات معها تقريبا مشابه للفونتكس في اول صفحة بالاختبار وبعدها كان يتعلق بفهمك للعمليات والتعاريف .. وككل المادة تعتمد عليك وعلى فهمك يعني لازم تفهمين زين كل عنوان يتكلم عن اش مضبوط عشان تقدرين تحلين زين بالاختبار وتعتبر اختبارات مس ليلى متوسطة الصعوبة بس تحتاج حفظ ومذاكرة زين لكن مقارنة بغيرها الله يرضى عنها ما قصرت ..

اما بالنسبة للمادة الثالثة التدريب العملي : الحمدلله كان كورس طيب تدربت كثير فوق المطلوب 90 ساعة وكان المطلوب مننا 60 ساعة وكان عليه 40 درجة والاختبار كان عليه 40 عبارة عن مواقع توفل تتدربين عليها او تمسكين كتب جرامر وجاء اظن صفحتين الى ثلاث صفحات جرامر وصفحتين تقريبا قطع وسنتس استركشر واخر سؤال عن كلمات واش اقرب معنى لها والتقرير تبع التدريب كان عليه عشرين وسلمناه يوم الاختبار .. الكورس مع مس ليلى ممتع وانصح اي بنت تدور على اسئلة مس ليلى في المنتدى لاي مادة قبل لا تختبرها عشان تعرف طريقتها لانها تمشي على نفس الاسلوب في الاختبارات واذا غيرت تخبركم قبلها بالكلاس فركزو معها زين
المشاركة الأصلية كتبت بواسطة نعم أنا قادرة أن أكون..!
السلام عليكم ورحمة الله وبركاته ,,,

مواد اللغويات "introduction to linguistics 321 + phonetics 332 " د.ليلى هاشم
اختبارات مس ليلى الله يسعدها سهلة .. ماتحب التعقيد .. أغلبها معلومات سطحية وأساسية عن المادة .. ماتتعمق كثير
اختبارها يعتمد على "التعاريــــف " وأسلوبها بالتعاريف انها تجيب التعريف مكتوب أمامك والمصطلحات أيضا ,,وعليكي اما توصلي او تختاري المصطلح المناسب للتعريف وتضعيه في الفراغ ..طبعا تكون الفقرات كثيرة بس سهلة جدا للمذاكر باذن الله وماتلخبط .. وبالتوفيق يارب =)


..
المشاركة الأصلية كتبت بواسطة كنز المعرفة

أستاذة ليلى هاشم - رائعة في تنوع الأسئلة في الاختبار.
المشاركة الأصلية كتبت بواسطة mero ab مشاهدة المشاركة
اغث مواد القسم فونولوجي و فونتكس كانت اختباراتها حلوه و سهله من اسهل ما يكون مع مس ليلى هاشم

سمعت بنات كتيييير يمدحو مس ايمان عبده دولا مدري كيف .. شرحها حلو وتفهم بس اختباراتها سيئه
المورفولوجي ماده جددددداااا سهله اتوقعت اجيب ال a اخدتها معاها ادعي ربي اجيب ال 60 ههههههه
تجيب مقارنات و اشرحي و و و و يقولو تعشق تجيب اساله فيها كتابه و عرفي نقرتين لعرض الصورة في صفحة مستقلة

 


التعديل الأخير تم بواسطة white rose ; 12-01-2014 الساعة 09:03 AM.
white rose غير متواجد حالياً  
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 23-06-2013, 09:32 AM   #6

white rose

الصورة الرمزية white rose

 
تاريخ التسجيل: Mar 2009
كلية: كلية الآداب والعلوم الانسانية
التخصص: English Language~
نوع الدراسة: عضو هيئة تدريس
المستوى: متخرج
البلد: جــــدة
الجنس: أنثى
المشاركات: 9,171
افتراضي رد: ||تجاربنا مع أستاذات قسم اللغات الأوروبية - طالبـــــات || ~ متجدد

تجاربنا مع د. صفاء المنصوري

طالبات الانتظام :

المشاركة الأصلية كتبت بواسطة banana| مشاهدة المشاركة
د. صفاء المنصوري في الفكشن .
خفيفة المادة معاها ماشاءالله ، وما ينشال همها .
بس الشيء الوحيد اللي ماعجبني هو إنها كانت تستعجلنا في قراءة الروايات، يعني برايد آند برجدس خلتنا نقرأها في أسبوع ، مع إن عندنا مواد ثانية تحتاج مننا شغل .
المشاركة الأصلية كتبت بواسطة nour al3mr مشاهدة المشاركة

د. صفـآء مريحه الله يريح عليها الكورس معاها ماهو صعب تعتمد على الكوتيشن و مين قاله و أسئلتها غالبًا خياليه
مثلاً تقولك أتخيلي نفسك وحده من شخصيات الروآية في العصر الفلاني كيف حيكون ..آلخ
المشاركة الأصلية كتبت بواسطة banana|

مادة الاستماع والتحدث 1: ( مع أ. صفاء المنصوري )
المادة هذه كانت خفيفة على القلب نوعًا ما ، ومع أ. صفاء المنصوري كانت أكثر من ممتعة، تقسيم الدرجات كان على أربع اختبارات ( كل واحد من 10 درجات ) في مجموعة من الكلمات كانت تعطينا هي، في كل اختبار كانت تعطينا 80 كلمة نذاكرها ونشوف كيف تجي وسط الجمل، وبعدين تجي تملينا تقريبًا 20 كلمة، نكتبها وبعدين تطلب مننا نكتب خمس جمل (بكل جملة نحط كلمتين من هذه العشرين كلمة اللي ملتنا إياها). بعد كذا فيه 10 درجات كانت على المناقشات في المحاضرة ( بكل محاضرة كانت تخلي تقريبًا معظم الطالبات يقوموا يحكوا قصص صارت لهم أو سمعوا عنها، لازم بنهاية الترم كل طالبة تكون حكت من 8-10 مرات)، و10 درجات على برزنتيشن نسويه على أي كتاب مفيد، وطبعًا 40 درجة على النهائي اللي كان أكثر أكثر من سهل ماشاءالله معاها. مس صفاء كإنسانة ماشاءالله عليها اجتماعية ولطيفة، وقلبها كبير – من واقع تجربة معاها - تحب القصص والحكايات، وهذا الشيء طبعًا كويس بالنسبة لمادة اسمها (التحدث والاستماع).


المشاركة الأصلية كتبت بواسطة 5o5ah مشاهدة المشاركة
دكتوووره صفا لا لا لا لا تفوتييها ابدا ابدا انساانه مريحة واذا دخلت الكلاس ما ابغى اطلع منه ،تاخذي معاها a+ وانتي تضحكي

 


التعديل الأخير تم بواسطة white rose ; 12-01-2014 الساعة 08:54 AM.
white rose غير متواجد حالياً  
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 23-06-2013, 09:36 AM   #7

white rose

الصورة الرمزية white rose

 
تاريخ التسجيل: Mar 2009
كلية: كلية الآداب والعلوم الانسانية
التخصص: English Language~
نوع الدراسة: عضو هيئة تدريس
المستوى: متخرج
البلد: جــــدة
الجنس: أنثى
المشاركات: 9,171
افتراضي رد: ||تجاربنا مع أستاذات قسم اللغات الأوروبية - طالبـــــات || ~ متجدد

تجاربنا مع د. منال التاودي

انتظام

المشاركة الأصلية كتبت بواسطة brilliant shores

د/منــآل التاودي شرحها عادي بس أسئلتها موضوعية واضحة يعني اللي مذاكرة تمام
وفاهمة تقدري تاخذ الـ a بإذن الله ودرجاتنا معاها كانت مرة حلوة الحمدلله.


المشاركة الأصلية كتبت بواسطة nour al3mr مشاهدة المشاركة
و إيـآك يارب

عندك المُستشـآرة مني يغار الورد درست عن د. منـآل التـآودي الآبـلآيد فإسـأليها أو إن شآء الله تجي تفيدك
أنا أخذت معاها الفونولوجي :$

تجلس ع الكرسي و تفتح الكتـآب و تشرح لك قراءه و عليك تتابعي معاها
أسئلتها متنوعه لكن يغلب عليها المقالي بشكل كبيـر جدًا و مهم أنك تحفظي نصًا مثل ما هو بالكتـــآب
لذلك كثيـر بنات تنخسف درجـآتهم معاها لكن في اللي جآب معاها امتيــآز المهم قطعي الكتآب حفظ و مذآكرة :)
المشاركة الأصلية كتبت بواسطة مني يغار الورد

د منال التاودي- اللغويات التطبيقية
بصفة عامة انسانة طيبة جدا وحقانية بس للامانة اسئلتها تستنفذ جميع القوى العقلية والجسدية
المادة اساسا معلوماتها كثيرنقرتين لعرض الصورة في صفحة مستقلة
المنهج فيه 3 اختبارات وريسيرش وبرزنتيشن
10 كويز1 -15 كويز ثاني -15 كويز ثالث –الريسرش 10- البرزنتيشن 10
متشددة جدا بالريسيرش مايعجبها أي شي للاسف
البرزنتيشن لازم تتبعي اللي تقولك عليه عشان تاخذي درجة كويسة باذن الله
طبعا الاسئلة كلها عددي وقليلة يعني تطير الدرجات بسهولة
وهنا رابط اسئلة اختباراتها
http://www.skaau.com/vb/showpost.php...7&postcount=19
ماانصح انه احد ياخذ معاها صراحة الا في حال مضطرة او عندها قدرة عالية ع الحفظ بسرعة ماشاء الله

المشاركة الأصلية كتبت بواسطة مشاعر صماء
الدكتورة منال التاودي ما أنصح الطالبات يأخذوا معاها باللغويات كانت أسئلتها مقالية وماتعترف بشيء اسمه فهم لازم نص ، وبالفونولجي كانت متنوعة والفراغات كثيرة وماتعرف تحطها صراحة واللي يقولون تشرح وين تشرح كل اللي تعمله تجلس على كرسي وتبدأ تقرأ لك وتترجم ومع تعليق بسيط أنا ما أحب أحد يعمل شفت باللغتين يا يشرح عربي كامل أو انجليزي كامل وبعدين اللي يقولون اللي تأشروه تجيبه ماعرف على أي أساس هالكلام اصلاً هي تأشر على كل الكلام بالكتاب أسلوبها كمان مو حلو .

المشاركة الأصلية كتبت بواسطة englishh student مشاهدة المشاركة
كل شي يتعمد على الاستاذه اللي انتي معاها وانا راح اقووولك
تجاربي للمواد اللي اخذتها مع كل استاذهنقرتين لعرض الصورة في صفحة مستقلة

phonology
د.كتور منال التاودي اخذت معاها تقريبا قبل سنه

منهج قصييييييير
واضح معاها اسئله جداا سهله وااااضحه
تجيب من شرحهاااااا اللي بتاشرو في الكتاب بدون للف ودوران
الفاينل اذكر جااااااااناااااااا مررررررره يجننن
الله يسعدها هاذي الانسانه وين ماترووح





applied linguistics
مع د.منال التاودي

صح المنهج غثيييييييييييييث وطووووووووووويل ومو حلوووه بالمره
بس منال تاشر معاكم وتجيب في الاختبار اللي تاشروو نقرتين لعرض الصورة في صفحة مستقلة
بدون اي لف ودوراننقرتين لعرض الصورة في صفحة مستقلة




المشاركة الأصلية كتبت بواسطة الــود طــبعي مشاهدة المشاركة

مورفولوجي (الصرف) مع منال التاودي
هي تشرح وأصلا المورفولوجي سهل
مشكلتها الوحيده أسئلتها مررررة قليلة يعني مافيه شي عليه نص الا الاسبيلنق<< يعني خطأ واحد ان شاء الله حرف e في الاخير زايد تنقصي نص..
وكمان اسئلتها لازم تكونين حافظه مو بس فاهمه

فونولوجي(علم الأصوات) كمان مع منال التاودي
نفس الطريقه تشرح وكل شي لكن اسئلتها مرة مرة مرة قليلة تطير درجاتك بسهوله
والفراغات من بين السطور وبالنص يعني لازم تكونين حافظه ومركزة

توزيع الدرجات في هالمادتين بما إنها كلها مع منال التاودي
3 دوريات من 20 = 60
وفاينل 40
كله اختبارات يعني..
بس درجاتي في الاثنين حلوة الحمدلله

ملاحظه :
على فكرة أول ماأخذت الفونولوجي مع منال التاودي قالت اللي ماأخذت الفونتكس وعدته تروح تحذف المادة.. وأنا سكت سويت إني أخذتها..لأنه ماكان عندي مادة ثانيه ممكن أبدلها مكانها..
يعني أخذت الفونتكس مع الفونولوجي في نفس السميستر مع إنه كثير قالوا مايجوا مع بعض
بس أنا حسيت العكس
الفونتكس ساعدني في الفونولوجي والعكس صحيح..

بالتوفيق للجميع يااارب






انتساب

المشاركة الأصلية كتبت بواسطة #روووح# مشاهدة المشاركة
اسأل الله ان يكتب اجر كل من علمني حرف,,اشكر كل الاساتذة اللي درسوني ..جزاهم الله كل خير(:



بس راح اتكلم عن الاشياء االبارزة اللي واجهتها ...ﻻني اقل من اني اقيم دكاترة واساتذة افاضل...


5/ د.منال التاودي ..اخذت معاها لغويات اجتماعية سوسيو تخطط ..و فقط اللي تخططه معاكم المهم تذاكرو المادة مذاكرة كافية
جابت التعاريف اختياري من بوكس وصح وخطاء حلوة واسئلة مقالية ...تطلب انك تكتبي نفس النقاط اللي خططتها معاك ما تحب الكلام الكثير ..


المشاركة الأصلية كتبت بواسطة mezajya مشاهدة المشاركة

ترجمه: مس منال التاودي
مابتشرح قد ما بتقرأ من الكتاب وتدينا جمل نتدرب ع ترجمتها وتصححها لنا في الكلاس
الاختبار قطعتين نترجمها من عربي لانجليزي والعكس القطعتين سهله وواضحه واخذت الدرجه اللي اتوقعتها

المشاركة الأصلية كتبت بواسطة white rose مشاهدة المشاركة
دكتورة منال التاودي

اخذت معها كورسين : ترجمة وكانت في الكلاسات تعطينا قطع نتدرب عليها وما كان معنا الكتاب والاختبار النهائي كان قطعتين من عربي لانجلش ومن انجلش لعربي وسمحت لنا بالقواميس الورقية فقط طبعا الكبيرة زي المورد واكسفورد .. التصحيح دقيق نوعا ما يحتاج انك تركزين معها بالكلاسات على الازمنة وترجمتها خاصة الزمن past participle وايضا التركيز على علامات الترقيم باللغتين وكيفية الكتابة الصحيحة السليمة من الاخطاء النحوية ..

ايضا اخذت معها السيمانتكس وللامانة ما كانت تجربة مميزة كانت تشرح لنا قراءة من الكتاب وتصفح وتقرا جزئيات معينة فيه والاختبار كان متعمق جدا يحتاج انك تحفظين العناوين الاساسية والفرعية وتعرفين كل عنوان اش يشمل اسفله من عناوين فرعية وعناوين متفرعة من الفرعية .. والاختبار كان من خمسين عبارة عن سؤالين مقاليين واحد من ثاني او ثالث شبتر والاخير من اخر شبتر تطلبك نظرية وتعريفها ومثال او تعداد كلو تعاريف وامثلة.. والبقية على اختيارات من العمليات والتعاريف من الكتاب.. الكورسات معها تحتاج حفظ وتركيز عميق فانتبهو زين
المشاركة الأصلية كتبت بواسطة نعم أنا قادرة أن أكون..!
السلام عليكم ورحمة الله وبركاته ,,,


بالنسبة لأسلوب الدكتورات :
أبدأ بسم الله بِ أسلوب د. منال التاودي في مادة مقدمة في الترجمة lane350
مادة الترجمة معاها سهلة جداا لأنه اختبارها عبارة عن قطعتين فقط (واحده بالعربية والأخرى بالانجليزية) ,,
في كل محاضرة تقرأ جزء من الكتاب المقرر ,, وفي الجزء الآخر تطبق على جمل نترجمها الى أن نترجم مقالات قصيرة باللغتين ( وهذا الجزء الأهم من المحاضرة ).. نصيحتي ركزوا معاها فيه وانتبهوا لتصحيحها لترجمة البنات .. وللأخطاء الشائعة الي تذكرها في المحاضرة .. وللعلم هيا بهالمادة متعاونة الحمدلله بالتصحيح والأغلبية درجاتهم حلوة معاها .. الله يوفقكم يارب

وأخيرا .. الله يسهل للجميع طرق العلم يارب ويرزقكم الدرجات العالية دنيا وآخرة ..

 


التعديل الأخير تم بواسطة white rose ; 17-06-2014 الساعة 12:05 PM.
white rose غير متواجد حالياً  
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 25-06-2013, 12:52 AM   #8

white rose

الصورة الرمزية white rose

 
تاريخ التسجيل: Mar 2009
كلية: كلية الآداب والعلوم الانسانية
التخصص: English Language~
نوع الدراسة: عضو هيئة تدريس
المستوى: متخرج
البلد: جــــدة
الجنس: أنثى
المشاركات: 9,171
افتراضي رد: ||تجاربنا مع أستاذات قسم اللغات الأوروبية - طالبـــــات || ~ متجدد

تجارب الطالبات مع أ. نسرين الحربي

انتظام :

المشاركة الأصلية كتبت بواسطة 9code مشاهدة المشاركة
أنا أخذتها مع مس نسرين الحربي , والله شوفي فيه بنات كثير كانو مو عاجبهم الكلاس لكن بالنسبة ليا أنا الحمدلله كنت أحسو حلو وعادي يعني أبداً مو ثقيل
الاستاذة باردة شويتين لكن مايعجها البنت الي ماتشارك يعني حاولي تشاركي حتى لو اجابتك غلط عادي عندها وغير أنو أصلا ماحسيتها تسأل كثير
والبرزنتيشن زي ماقلت لك خلتنا نسوي إثنين واحد تسويه لوحدك ي عن فلم قد شفتيه أو عن كتاب قرأتيه والمدة تكون من 5 لـ 7 دقايق وطبعاً لآزم تكوني إتفرجتي الفلم كامل
لآنو فيه بنات أتفشلو لما سألتهم لآنها تعرف أوقات اذا منجد شافوه او لا بس ماخذين الكلام من النت واذا تبغي ممكن أعطيكي حقي
اذا احتجتيه عشان تسوي على نفس النمط تقريباً أنا نقصت درجة بس في هذا البرزنتيشن ..

أما البرزنتيشن الثاني ف في مجموعات تسويه وقالت أنو نسوي عن وحدة من العصور الي هيا الميدل إيجز والفكتوريان وكذا ..

حاولي بس تقرأي الجزئية الي بتاخذوها قبل ماتروحي الكلاس بعشر دقايق عشان تحس انك فاهمه وكذا , وبالنسبة لي الاستاذة يمشي الحال معاها الحمدلله وزي ماقلت لك أخذت a معاها

وأحلى شي ف المادة أنو المذاكرة تبعت الاختبارات ما تاخذ الا عشر دقايق
المشاركة الأصلية كتبت بواسطة 9code


الإستماع والتحدث 1 (أ.نسرين الحربي) :
فيه بنات كثير كانو مو عاجبهم الكلاس وانو أغلبهم كانو بياخذوه مع مس نجوى الله يسعدها نقرتين لعرض الصورة في صفحة مستقلة
لكن بالنسبة ليا أنا الحمدلله كنت أحسو حلو وعادي يعني أبداً مو ثقيل نقرتين لعرض الصورة في صفحة مستقلة
الاستاذة باردة شويتين لكن مايعجها البنت الي ماتشارك يعني حاولي تشاركي حتى لو اجابتك غلط عادي عندها وغير أنو أصلا ماحسيتها تسأل كثير نقرتين لعرض الصورة في صفحة مستقلة

البرزنتيشن خلتنا نسوي إثنين :
- واحد تسويه لوحدك عن أي فلم قد شفتيه أو عن كتاب قرأتيه والمدة تكون من 5 لـ 7 دقايق وطبعاً لآزم تكوني إتفرجتي الفلم أو قرأتي الكتاب كامل
لآنو فيه بنات أتفشلو لما سألتهم لآنها تعرف أوقات اذا منجد شافوه او لا بس ماخذين الكلام من النت وأنا نقصت درجة بس في هذا البرزنتيشن الحمدلله وهاذي فايدة إنو الوحده تشيك عالبرزنتيشين وتوريه لزميلاتها عشان الخطأ الي أنتي ماتشوفيه صحبتك ممكن تشوفوه وكمان تشوفوا الفروق , أنا كنت أعدلو قبلها بيوم ف الليل مع زميلتي ارسلها حقي وترسلي حقها وكذا .. نقرتين لعرض الصورة في صفحة مستقلة

- أما البرزنتيشن الثاني ف في مجموعات تسويه وقالت أنو نسوي عن وحدة من العصور الي هيا الميدل إيجز والفكتوريان وكذا , وكان توزيع القروبات يقهر لآنو كان بالقرعه ماتبغا الصحبات سوا وبالذات أكدت عليا أنا وصحبتي أنو مانكون سوا لأنها شايفتنا مرا قريبين من بعض .. نقرتين لعرض الصورة في صفحة مستقلة بس كانت تجربة حلوة نقرتين لعرض الصورة في صفحة مستقلة

ومس نسرين من النوع الي تحب البنات يكونو محضرين ويتجاوبوا معاها ف الكلاس , فكنت عن نفسي أجي الكلاس واذا ماجات الاستاذة أفتح وأشيك عالكتاب , أما القطع الي كانت تقول أقرأوها كنت أجي بدري وأقرأها قبل مايبدأ الكلاس وأوقات قبل ما أنام , هيا كانت تقول أقرأوها أكثر من مرة بس أنا إنسانة مرا كسولة وما أحب أبذل جهد نقرتين لعرض الصورة في صفحة مستقلة
وبالنسبة لي الاستاذة يمشي الحال معاها الحمدلله وأفتكر أنها نادتني المكتب وقالت لي إني اذا استمريت معاها على ذا الحال ممكن أجيب a+ بس أخذت a معاها لآنو النهائي خسفني شوي وسألتني ليه فقلت لها لآن الأسئلة جات في أشياء ماكنت أتوقعها وماكتبتها من ضمن النوتز نقرتين لعرض الصورة في صفحة مستقلة

وأحلى شي ف الأورال بشكل عام أنو المذاكرة تبعت الاختبارات ما تاخذ الا عشر دقايق بس تشيكي عشان كذا هيا أسهل مادة عندي بما إنو لغتي من الأفلام نقرتين لعرض الصورة في صفحة مستقلة

 


التعديل الأخير تم بواسطة white rose ; 14-07-2013 الساعة 01:01 PM.
white rose غير متواجد حالياً  
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 25-06-2013, 12:55 AM   #9

white rose

الصورة الرمزية white rose

 
تاريخ التسجيل: Mar 2009
كلية: كلية الآداب والعلوم الانسانية
التخصص: English Language~
نوع الدراسة: عضو هيئة تدريس
المستوى: متخرج
البلد: جــــدة
الجنس: أنثى
المشاركات: 9,171
افتراضي رد: ||تجاربنا مع أستاذات قسم اللغات الأوروبية - طالبـــــات || ~ متجدد

تجارب الطالبات مع أ. هيفاء الروقي

انتظام

المشاركة الأصلية كتبت بواسطة nour al3mr مشاهدة المشاركة

أ. هيفاء الروقي رآئعــــــة و كويس رجعت بالسـلآمة الحمد لله ربي يسعدها و أطفالها
المشاركة الأصلية كتبت بواسطة مشاعر صماء
أستاذة هيفاء الروقي حلو شرحها وحلو تعاملها وماتخرج عن السلايدز لكن مشكلتها البحث لو لطشتي شيء من النت بدون ماتعملي برفريزنق أو تذكري إنه اقتباس تشطب البحث كامل عندها استعداد تعطي صفر وعملتها مع طالبات. أسئلة الاختبار متنوعة.



المشاركة الأصلية كتبت بواسطة am emad مشاهدة المشاركة
استازه هيفاء تشرح من السلايدات و تزاكروا منها
و تاشر اشياء بسيطه في الكتاب

اسألتها متوسطه يعني مو مره سهله و لا مره صعبه
يعني الدوري الاول يكون مرررره سهل الي بعده اصعب شويه و هكذا تدريجيا بس عموما مقدور عليها

و الحلو فيها انها تساعد في الدرجات و مرررره لطيفه و حبوبه الله يسعدها
يعني خدوا معاها و انتم مرتاحين

على فكره انا جربتها في مقدمه الى اللغويات

دعواتكم بنات بانو يتحقق الي فبالي



 


التعديل الأخير تم بواسطة white rose ; 10-08-2013 الساعة 08:51 PM.
white rose غير متواجد حالياً  
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 25-06-2013, 12:57 AM   #10

white rose

الصورة الرمزية white rose

 
تاريخ التسجيل: Mar 2009
كلية: كلية الآداب والعلوم الانسانية
التخصص: English Language~
نوع الدراسة: عضو هيئة تدريس
المستوى: متخرج
البلد: جــــدة
الجنس: أنثى
المشاركات: 9,171
افتراضي رد: ||تجاربنا مع أستاذات قسم اللغات الأوروبية - طالبـــــات || ~ متجدد

تجارب الطالبات مع د. خديجة باوزير

انتظام:

المشاركة الأصلية كتبت بواسطة brilliant shores

د/خديجة باوزير عسسولة وتسسآعد في الدرجات وبرضو شرحها كويس لو لقيتوا
معاها مواد لاتفوتوها
المشاركة الأصلية كتبت بواسطة nour al3mr مشاهدة المشاركة
^
لا تخآفي من د. خديجة الله يجزآها الجنّة و إيآك
تروحي عندها و بتعطيك إجراءات أوراق التدريب
ممكن تتدربي دآخل الجآمعة ( كآن في بمركز اللغة و هي المسؤولة عن هذا المركز eli ) ،، وكآلة الخريجآت ،، العمآدة ،، المهم عندهم مكآن تمارسي فيه اللغة
و ممكن خآرج الجآمعة في مكتبة بالإنجليزي ،، بِـ شركة ،، بمدرسة
اللي تشوفيه ينآسبك تروحي تقترحيه عليها و هي تبلغك إن موآفقة عليه فَـ تبدآي أو لا


المشاركة الأصلية كتبت بواسطة nour al3mr مشاهدة المشاركة
د. خديجة باوزيـر ممتـآزة و إن شاء الله تكون أمورها تمام على حظي كان غيابها كثيـر لما أخذت معاها الريسيرش الله يقويها و يعينها
المشاركة الأصلية كتبت بواسطة مشاعر صماء
دكتورة خديجة مادة الترجمة معاها حلوة ، الاختبارات حقتها فيها قطعتين مرة تترجمي من عربي لانجليزي وتكون درجته نصف درجة الترجمة من انجليزي لعربي اللي هو النصف الثاني من الاختبار، واجباتها كثير بداية الترم لكن هذا الحماس يذهب كل ما مشيتوا ب الترم وغيابها كثير، تطلب بنهاية الترم الفايل اللي فيه الواجبات بالإضافة إلى عمل تترجمينه من عربي لانجليزي وآخر تترجمينه من انجليزي لعربي.

المشاركة الأصلية كتبت بواسطة انا رورو انا مشاهدة المشاركة
مادة مقدمة في الترجمـــــــة طبعا مع افضل واحسن واطيب ادميه عرفتها فحياتي دكتورة خديجــة باوزيــر

والله ماحضرت معاها الا يمكن 3 محاضرات بالترم كلو واختباراتها سهله مرا وبالفاينل تديكي اسئله عليها بونس 5 درجات نادرا جدا جدا مايرسبو البنات عندها صراحـــة ياليتها تدرس كل المواد والله لاخد معاها كل موادي




المشاركة الأصلية كتبت بواسطة مني يغار الورد مشاهدة المشاركة
السلام عليكم

اورال 1 مع مس خديجة باوزير
رووووووووووووووووووعة ربي يسعدها
ع قد مااتكلفنا بواجبات بس والله العظيم ابدااع اصلا حسيت استفدت من واجباتها للمواد الثانية كمان
طبعا اختباراتها
من كتاب الكولج اورال نحفظ منه كل الفوكابلري
وكل مرة نحدد جزء ونختبره 3 اختبارات فوكاب
واليسنينينق كان عبارة عن قصص كل يووم نسمع قصة اختبرنا مرتين
من هذ الموقع
365 esl short stories
وكان برضك عندنا 3 برزنتيشن 2 ماحسبتهم وهذا اللي عجبني لاني في البداية خبصتها والحمدلله المرة الثانية كنت احسن نوعا ما والثالثة الحمدلله تمام:)

طبعا كلفتنا بأنه نسوي نوت بوك او فايل ونخلي جزء للفوكاب وجزء للقصص جزء الفوكاب كل يوم نحفظ 7 كلمات ونكتبها من كتاب الاورال
جزء القصص كل سوم نسمع قصة ونكتب الكي وورد والفكرة الرئيسية بعدكم قصة زودنا عليهم الاوت لاين وبعد فترة زودنا عليهم السمري
وفي نهاية الترم سوينا مسرحية منجد استمتعنا فيها <<احب التمثيلنقرتين لعرض الصورة في صفحة مستقلة

- اختبار الفوكاب جابت لنا جدول فيه تقريبا 10 صفوف وعمودين عشان تملينا 10 كلمات والعمود الثاني للمعاني حقت الكلمات
وتحت سؤال نجاوب عليه ع حسب اللي تطلبه <<يعتمد ع انك تسمعي بتركيز
1 مثلا تطلب الـnoun او الـصفة او الفعل من الكلمات اللي ملتنا هيه
والثاني مثلا كم صفة في الكلمات اللي عطتنا هيه
وبعده سؤال نسوي جملة بكلمتين برضك من اللستة اللي ملتنا هية
- اختبار القصص سألتنا عن آخر قصتين سمعناها منهم وايش الفكرة الرئيسية حقتهم
- الاختبار الثاني سالتنا عن اخر قصتين والفرة الرئيسة والسؤال الثاني كم قصة تكلمت عن القيرل فريندنقرتين لعرض الصورة في صفحة مستقلة


وكذا كان توزيع الدرجات:

vocabualry quiz 1 >>5
vocabulary quiz 2 >>5
listening quiz 1 >>5
listening quiz 2 >>10
vocabulary quiz 3>>10
play >>20
presentation 3 >>5
final >>40




 


التعديل الأخير تم بواسطة white rose ; 05-09-2013 الساعة 11:18 AM.
white rose غير متواجد حالياً  
 

موضوع مغلق

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 01:14 PM


Powered by vBulletin® Version 3.8.9 Beta 3
Copyright ©2000 - 2024, vBulletin Solutions, Inc.
Ads Organizer 3.0.3 by Analytics - Distance Education

أن كل ما ينشر في المنتدى لا يمثل رأي الإدارة وانما يمثل رأي أصحابها

جميع الحقوق محفوظة لشبكة سكاو

2003-2023