اللى دكتوراه احياء يدخل

[bioc4all]

السلام عليكم

حبايبي ياريت تساعدوني في شغله ..

المفروض حسب كلام المشرف انزل المواد الاجباريه الثلاثه اول سمستر
بس فس قائمه الشعب مافي غير واحده اجباريه
و 2 اختياريه من التخصص

انا ابغا اسأل يعني عادي لو مانزلت الاجباري في واحد ترم ؟ ؟


يعني مافي 811 احصاء بيولوجي
و لا 812 البيولوجيا الجزيئيه للخليه


بس في 813 تاثير الانسان على النظم البيولوجيه


ياريت احد يفيدني

و اذا ممكن تلفون الاخ عبد القادر شيخ اللى مسؤول عن الجداول حقت الدراسات في قسم الاحياء

تحويلتو طبعا ما ترد عشان الاجازه

ابغا الرد ضروري و اللى عندو رقم جوال أ. عبد القادر ياريت يرسلها على الخاص

و شكرا

[فراوله]

تلفون ا/ عبدالقادر6400000 او 6952000
والتحويله 64050

[BACTERIA]

السلام عليكم ياريت احد يقولي كيف شفتوا الجدول والمواد

[BACTERIA]

مو شغال

[BACTERIA]

عفوا اقصد نظام odus مو شغال

[bioc4all]

اختي باكتيرولوجي

يمكن من شويه مو شغال لكن حاولي بعد الساعه 8 ان شاء الله يفتح
هو بس عليه ضغط

و هذا رابط

http://odus2.kau.edu.sa/students/index.asp?

نزلي المواد العامه اذا انتي اول مستوى

811
812
813


و اذا ما قدرتي تسجلي كلميهم يوسعوا لك الشعبه

روحي اما للدكتوره فاطه فستي او للدكتوره هدى قاري



و ياريت اعرف كيف ممكن نتقابل عشان ننسق سوا اي شي
انا حكون موجوده يوم الاثنين عشان استخرج البطاقة الجامعية :)

[BACTERIA]

مشكورة يأختي يابيو بس معليش استفسار في خانة الرقم السري كتبت رقم الهوية والا رقم سري

انا ان شاء الله حأكون موجودة يوم الاربعاء ومو قبل لظروف صحية عافاك الله وجميع المسلمين
وان شاء الله نتقابل وننسق كل شي
وياليت لو عندك تحويلة الدكتورة هدى قاري اكون ممتنة
الى لقاء قريب بإذن الله

[BACTERIA]

رسالة الى الاخت بيو ان شاء الله سوف اتواجد غدا في الجامعة وياريت تقولي لي عن طللبات استخراج البطاقة و من اي مكتب جزاك الله خيرا

[bioc4all]

روحى لعماده الدراسات العليا
المبني 3- الدور الاول (فوق الارضي) صاله القبول و التسجيل

اعطيهم ورقة سند الاستلام اللى سلموها لكي يوم ما سلمتي الاوراق
و اذا كان عندك اوراق ناقصه راح تطلبها منك

ثم توقعي على ورقه عندها و تسلمك البطاقه و ترجع لكي سند الاستلام


ثم من المكتب اللى امامه تلاقي أ دانيه باسهل هي المسؤوله عن الشعب حقت المواد
لانهم نزلو المادتين اللى طلبتها انا بس ما اتفعلت لسه و ترا يوم الاربعاء اخر يوم للحذف و الاضافه عن طريق النت
و اذا كنتي راح تنزليها اعتقد لازم توسيع للشعب
لانه هي مكان واحد فقط انا لما اسجل فيها تتقفل على طول فاطلبي توسيع للشعبه ..
بعدها تضري تروحي الكليه عندي استاذه هدى قاري (قسم الاحياء) او استاذه شفا العمودي (دراسات عليا في كلية العلوم)

بعدها لو معاكي صوره من الجدول الدراسي روحي لمبنى شؤون الطالبات اللى جنب البنك
و روحي لمكتب 19 عند أ رقيه و اعطيها الجدول عشان يسلموكي بطاقة المكافأه و راح تقولك ارجعي لنا آخر شهر ذو القعده


اممممم ان شاء الله ما نسيت شي

دراسه مافي هذا الاسبوع
و اول يوم لنا ان شاء الله يوم الاحد الساعه 12 مع الدكتور منصور... ما اعرف موقع الغرفه .. يوميها انا راح اكون متواجده من بدري عشان ننسق الغرفه مع مبنى الوسائل التعليميه (9)

[BACTERIA]

مشكووووورررررررررررة ياقمر ياعسولة بالتوفيق