استفسار بخصوص ماده التدريب العملي 1

[غلاالروح]

السلام عليكم..

استفسار بخصوص ماده التدريب العملي 1
معروف اننا الانتساب نداوم في الترم 3اسابيع
ونذاكر في فتره بسيطه مابين شهر ونص و3اسابيع ونختبر في النهائي
بدون حذف للمنهج او اختبارات دوريه تساعدنا في رفع معدلنا

سؤالي .. هل احنا مكلفين بعمل اشياء جانبية زي السيرة الذاتية والكوفر لتر والبرزنتيشن وترجمه قصه واحنا طالبات انتساااااب
مع العلم اننا مانعرف نسوي دي الاشياء بطريقه صحيحه لأننا ماتعلمنا طريقتها خلال الدوره والاستاذات مايستقبلونا كثير في الساعات المكتبيه ..والاستاذه تقول انه عليه 30 درجه << ماصرنا انتساب


اتمنى القا منكم تجاوب
وشكرا

[lovely aroma]

هذي المادة ضيعتلي وقتي بشكل
اترجم واسوي السي في اللي اصلا مني عارفة اش احط فيه لانه لا عندي خبرات ولا عندي شي اضيفه فيها غير هواياتي واني طالبة تحت التخرج والكوفرلتر حايسة فيها اش اكتب
والبرزنتيشن والترجمة كل هذا لمادة وحدة والخمسة المواد التانية جالرلاسة على جنب تستناني اخلص
يعني لو انتظام كان قلنا معقول الاستاذة معانا خطوة بخطوة طول الترم لكن تجي في 3 ااسابيع حتى المحاضرة كانت تقراها لنا قراية لانه مافي وقت وتطلبنا كل دي الاشياء كيف نتصرف
والبنات اللي استعانو بالنت في الكوفر لتر والسي في اتهزئو

احنا انتساب عندنا اختبار من 100 درجة هذا المعروف واللي احنا مطاللابين فيه

[NaNa_2009]

ايوه حبيبتي كلوا على راسنا
تعملي السي في مع الكفر لتر
وتعملي short story
وال presentation
بكره اخر موعد

[غلاالروح]

طيب ليش نسويهم واحنا انتساب
مو المفروض الدرجات تكون على ورقه الاختبار ؟؟
اذا قدمنا معناه مافي فرق بيننا وبين الانتظام

ابغا اعرف ليــه نقدم السيرة الذاتية والكوفرلتر والبرزنتيشن وترجمه قصه واحنا طالبات انتساااااب
معروووف الي يقدموه طالبات الانتظام لأنهم بيحضرو والاستاذه تشرح لهم الطريقه
اما احنا لأ!!!

[غلاالروح]

المشاركة الأصلية كتبت بواسطة lovely aroma هذي المادة ضيعتلي وقتي بشكل اترجم واسوي السي في اللي اصلا مني عارفة اش احط فيه لانه لا عندي خبرات ولا عندي شي اضيفه فيها غير هواياتي واني طالبة تحت التخرج والكوفرلتر حايسة فيها اش اكتب والبرزنتيشن والترجمة كل هذا لمادة وحدة والخمسة المواد التانية جالرلاسة على جنب تستناني اخلص يعني لو انتظام كان قلنا معقول الاستاذة معانا خطوة بخطوة طول الترم لكن تجي في 3 ااسابيع حتى المحاضرة كانت تقراها لنا قراية لانه مافي وقت وتطلبنا كل دي الاشياء كيف نتصرف والبنات اللي استعانو بالنت في الكوفر لتر والسي في اتهزئو احنا انتساب عندنا اختبار من 100 درجة هذا المعروف واللي احنا مطاللابين فيه

والله شهر ونص وانا احاول اخلص دي الماده وطلبات الاستاذه
ضاع وقتي عشانها وماذاكرت باقي المواد
المشكله مو فاهمين ايش تبغا الاستاذه ولما نروح ماتستقبلنا
ولما نسوي من عندنا تقول ليــه وتشتغل تهزيئ

ابغا اعررررررررف بعد البهدله دي كلها من جد في درجات واحنا طالبات انتساب؟؟

[lovely aroma]

ياريت احد يجاوبنا

[deserter]

اطلق العنان لخيالك وسوف تستطيع كتابة c.v فالمطلوب هو النمودج الصحيح للكتاب او القالب الشكلي للسيرة الذاتية

يعني بالله هذه صعبة على طالب بمستوى خريييييييييييييييج

الله اكبر ضاعت الهمم

[غلاالروح]

المشاركة الأصلية كتبت بواسطة deserter اطلق العنان لخيالك وسوف تستطيع كتابة c.v فالمطلوب هو النمودج الصحيح للكتاب او القالب الشكلي للسيرة الذاتية يعني بالله هذه صعبة على طالب بمستوى خريييييييييييييييج الله اكبر ضاعت الهمم

ماضاعت ولاشي
انا طالعت في نماذج وطلعت لها سي في وكوفرلتر ممتاااااااز
ولما سلمته لها قالت مستحيل تكوني مسويته
ولما حلفت لها اني مسويته بيدي واني طالعت في نماذج
قالت ليه تتطلعي في نماذج هذا اسمه غش ومستحيل اعطيكي عليه درجه وحده

<<يعني انتساب ماحد يشرح لنا ومانطالع كمان في نماذج وماتستقبلنا في ساعاتها المكتبيه!!مصيبه والله

اكرر سؤالي ..من جد عليه درجات ؟؟معروف انه الانتساب درجاتهم على ورقة الاختبار النهائي ومو مكلفين بشي تاني !!

[halah almansour]

يعني ادا ما سلمتو حنرسبني طيب انا ما حضرت

[غلاالروح]

المشاركة الأصلية كتبت بواسطة halah almansour يعني ادا ما سلمتو حنرسبني طيب انا ما حضرت

تقول انه اليوم اخر يوم للتسليم
في بنات ماحيسلموها لأنهم شافوها بهدلت البنات الي سلمو وجلست تحقق في كل كلمه كاتبينها
والي شايفتها مسويه اشيائها بطريقه حلوه تقولها مو انتي مسويته وتشخمط على الورق
والي مسويه بطريقه مقبوله تبهدلها

احترنا معاها والله