مراسل الفرنسية ساخراً من لاعبي الأخضر: مثل الدجاج لا يعرفون ماذا يريدون

[ضيدان]

طيب

انت اقوى واحد

وانت هولق هوقن

ولا يهمك

بس لا تغير الموضوع واذا عندك تعليق على موضوع ( الدجاج ) اسدحه هنا

ما عندك ..... انت اقوى القويين ولا يهمك بس اتفرج على نفسك بالمراية واستمتع

تحياتي

[مهندس الزعيم]

^

هههههههههه

هذي نهاية أي نصراوي يحاول مجادلة هلالي ...

عزيزي انا لم اخرج عن الموضوع كان ردي في البداية عن أسباب الاخفاق الاسيوي وبعدها انت رديت وغيرت مسار الموضوع -على حسب كلامك- وقلت ان سبب الاخفاق انه لا يوجد ولا لاعب نصراوي بتشكيلة المنتخب وبعدها رديت انا عليك ووضحت غلطك بالحقائق والارقام وليس بالهياط
تعريف المهايط : هو الشخص الذي يقول معلومة خاطئة ويدعي بصحتها وبعد ذلك الارقام والحقائق تثبت عكس ما يقوله ...
ونسأل الله أن لا يجعلك منهم ,,
تحياتي لك ودعواتي لك بالتوفيق في دراستك ..

[ضيدان]

والله جد .. شر البلية ما يضحك هههههههههههههههههههه

ياخي ذا من جده؟؟؟؟؟؟؟؟؟؟؟؟؟؟؟؟؟؟؟؟؟؟؟


ياقوي انت يا توني اطلس

يابو الشباب

انا اشهد ......... بيتعب كل من يجادلك

يجلس سنة يشرح لك على ما تستوعب

واترك انت رديت وانا رديت وانت قلت وانا قلت

البلبلة اتركها وكثر الحكي اللي ما يفيدك .. لكن يخرب مزاجي وموضوعي


طيب يالله

عطنا رايك باللي انقال عن المنتخب ......... انت يبي لك واحد يدير الحوار معك على شان ما تشطح

والله ابتلشنا به ذا ....... نجيبه يمين يشطح يسار ........نجيبه يسار....... يشطح يمين

ما ادري متى يتعلم؟؟؟؟؟

بالقوة الا يحول الموضوع عالمي ومحلي


الا اذا تبي تخرب الموضوع ..................... شئ ثاني

واذا لك راي بالموضوع هاته

ما لك رأي؟ شئ راجع لك ........ ولا تجي تتفلسف بمواضيعي وتخربها

الزبدة

الفرنسي قال المنتخب السعودي ( كالدجاج ) لا يعرف ماذا يريد؟

انت وش رايك باللي قاله؟؟؟؟؟؟؟؟؟؟؟؟؟؟؟؟؟ هات رأيك والا اترك الفلسفة والقيل والقال!


المرة الجاية بجيب محقان احقن لك المعلومات باذنك حقن

[مهندس الزعيم]

المشاركة الأصلية كتبت بواسطة مهندس الزعيم لاعبين الاتحاد والشباب والهلال وبقية الاندية مبدعين مع انديتهم ويعطون بكل روح لكن مع المنتخب العكس ,,, والسبب معروف من سنين وهو ادارة المنتخب والاتحاد السعودي لكرة القدم ... حتى مع التغيير هذا تغيير الامير سلطان وحطو الامير نواف ما كانهم سوو شئ .. لازم تغيير جذري في الكرة السعودية ...

أعزائي أعضاء الشبكة هذا ردي الاول على موضوع الدجاجة هل فيه خروج عن مسار الموضوع ؟
علقت زي بقية الاخوان تعليق على موضوعك ..
بعدها انت اللي بنفسك غيرت مسار الموضوع بذكر معلومات خاطئة ورجعت وعدلت أخطائك ..
عزيزي ضيدان انا ماني فاضي كل شوي ارجع افهمك اظن كلامي واضح للكل ...
واي متابع للموضوع شاهد من اللي شطح عن الموضوع ..
وأخيرا خلاص لا تزعجنا كل شوي راد على الموضوع بنفس كلامك عارفين وش بتقول اذا عندك رد مسكت اسدحه الله لا يهينك واترك الاساليب القديمة ..

[عموريAHLI]

ويستمر الجدال الهلالي النصراوي

رغم اننا اتفقنا احنا والاتحادية نكون اخوان وأحباب , حتى القادسية والاتفاق حبايب
مابقي الا انتو

[صوت الفجر]

لا لا لا هم حبايب بس هذا جدال اخواااان

[مهندس الزعيم]

^
ياخي وش نسوي فيهم يا عموري النصر مسوي مشاكل مع كل الاتدية :
مع الهلال
مع الاتحاد ( ما صديقي الا انا )
مع الشباب ( البلطان الاسم المرعب للنصراوية )
وايض مسوين مشاكل خارجية :
مع الوصل ( سالفة زعبيل يوم جماهير الوصل نزلو وضربوا النصراويين )
واخيرا قبل يومين النصر رايح للكويت مسوي معسكر خارجي ( معسكر المصارعة الحرة ) :
المهم لعبوا المباراة الاولى مع العربي الكويتي وقام المصارع احمد عباسوف بضرب الحكم :

وبعدها لعبوا المباراة الثانية مع فريق من الدرجة الثانية الشباب الكويتي ورفضت الاتحاد الكويتي بتعيين حكام من الاتحاد بسبب ضرب عباسوف للحكم واختارو حكم من خارج الاتحاد واما الحكم الرابع صحفي هههه وبداو المبارة بدون حكم مساعد ههه وفي اخر عشر دقائق احمد عباسوف وحسينوه عبدالغني تضاربوا مع لاعبين الشباب والحكم قام بالغاء المباراة
[

[ضيدان]

ويستمر البكش والتزييف

كمل نسخ ردك وشوف اخر شئ وش كاتب ؟

دخلت النصر بردك والموضوع ما له اي علاقة بالنصر..!


لن ادخل بجدل معك بعد اليوم سأترفع وإسمح لي على هالكلمة .. عن الجدل مع مزيف حقائق

حتى بنسخك لردك نسخت جزء وتركت الجزء الأهم


مو مشكلة ........... اتمنى لك التوفيق ( انتهى الجدال )

ولا يهمكم يا جماعة


هذا جدل خارج عن الإرادة

والمشجعين الهلاليين احترمهم مثل ما ابغاهم يحترموني
وما دام قلة وهم ينعدون على الاصابع مثل الاخ القوي بعتبر انهم نصراويين مندسين بين جماهير الهلال على شان يخربون العلاقة ههههههههههه

وانا متأكد ان الجدل مع هؤلاء الاشخاص لن ينتهي دام التعصب محرق تفكيرهم ودام ( من ليس معنا فهو ضدنا بل ليس له وجود وكل ما يصدر منه خاطئ حتى لو كان صواب ) تمثل نظرتهم لبقية الجماهير المنافسة لهم


لذلك سأترفع عن الجدال الذي لن يفيدني ولن يفيدكم ولن يفيد المنتدى

وسيبقى رأي الفرنسي بلعيبة المنتخب كما هو .. مثل الدجاج .. لا يعرفون ماذا يريدون ... شاء من شاء .. وابى من ابى

ولكن الرد المناسب لهذا الفرنسي وغيره ممن يحتقرون المنتخب ( ولا الومهم اثر النتائج المخيبة للامال والمعيبة والمشينة والمسيئة لسمعة منتخب بلدنا ) هو بالتغيير

التغيير بمعنى الكلمة


وكنت اتمنى بيني وبينكم يتم تعيين منصور البلوي (ما نبي نقول رئيس الهرم الرياضي) مستشار

فهو كان سبب بيوم من الايام بتطور الاحتراف والمنافسة الشريفة وعنده افكار يستفاد منها


تحياتي للجميع واعتذر لكم باني تسببت بحصول مثل هذه الانواع من الجدل الغير مفيد والغير مجدي باعطاء الغير مؤهلين الفرصة والمجال لاحداث مثل هذا الجدل

بالتوفيق للجميع

ودعواتكم ......... بكره اصعب مادة بمساري بالجامعة ( مادة بحوث العمليات ) رياضيات على ادارة على ما ادري ايش والله يستر


فانا بأمس الحاجة للدعوات في هذه المادة

نشوفكم بكرة بعد الاختبار

[صوت الفجر]

^^

الله يوفقك ويسهل اختباراتك~َ~َ

وباذن الله كل شي يزول ومثل ماقلت مجرد جدال اخوان َ~َ~

[مهندس الزعيم]

هههههههه ايوه صح يا ضيدان انا كنت كاتب بردي " بالتوفيق للنصر " بس يا ضيدان هل تشوف ان في هذه الكلمة تغيير لمسار الموضوع او الشطح بعيدا عن الموضوع !!!!
فقط لاني عارف انك نصراوي وانت كاتب الموضوع وحبيت ادعي للنصر بالتوفيق فقط لا غير لم اسئ للنصر ولم اشطح بعيدا عن صلب الموضوع بأفكار جديدة

وانا كنت اكتب الرد قلت خليني امسح كلمة بالتوفيق للنصر وقلت في نفسي انا عارف ان ضيدان راح يركز عليها علشان يخرج نفسه من الرد الاصلي ... وطبعا طلع كلامي صح ..
شفت قد ايش انا احبك يا ضيدان اعطيك خيط بسيط يطلعك من الموضوع علشان ما تنحرج قدام الاعضاء في المنتدى ..

وبعيدا عن الكورة ومشاكلها ...
دعواتي الصادقة لك بالتوفيق في اختبارك ..
وانصحك بدعاء تقوله قبل الاختبار اذا قلته سبع مرات فإن الله يجلي همك ..
قول :حسبي الله لا اله الا هو عليه توكلت وهو رب العرش العظيم