سؤال الي طلاب الهندسة من طالب سنة تحضيرية

[ahmed 19]

السلام عليكم ورحمة الله وبركاته

اخواني انا والله تعبت من كثر التفكير << صار يجيني صداع لما افكر في الموضوع ذا

انا من وانا في ثاني ابتدائي وانا ابغا اكون مهندس مدني

بس انا خايف انقبل في رابغ ورابغ ما فيها هندسة مدنية

ابغا النصيحة منكم كأخوان لي

لو انقبلت في رابغ اكمل وادخل اي تخصص هندسي ؟؟

ولا اسحب ملفي ؟؟
علما اني لو سحبت ملفي يا اسافر برا يا ادخل السنة التحضيرية مرا ثانية

[eng.mosaab]

هلابك اخوي ,
انت توكل على الله ولا تشيل هم وحدد رغبتك الاولى هندسة جدة والثانية رابغ وباذن الله تقبل في جدة مثل اغلب الطلاب , ان ما قبلت في جدة ادرس في رابغ اي تخصص وحاول تحول وما تدري ترى دايما يفكون اقسام جديدة وان شاء الله يكون فرع للمدنية في رابغ ,

اذا كان معدلك جيد لا تشيل هم تنقبل ان شاء الله

توكل على الله اولا واخرا

[ahmed 19]

الله يسمع منك ويفتحون هندسة مدنية

[عاصم العاصم]

السلام عليكم ورحمة الله وبركاته .. أخي الغالي أحمد
حياك الله بين أخوانك ..
...
ان شاء الله يكون قبولك هنا في الفرع الرئيسي ..
لاسمح الله كان قبولك في غير جدة ..
حاول تقدم على طالب زائر في الفرع الرئيسي ..
ويجب عليك انك تشد حيلك وترفع معدك حتى تيم تثبيتك في الفرع الرئيسي ..
..
ان شاء الله يجي الوقت اللي تبشرنا فيه .. بالتوفيق للجميع ان شاء الله

[AbsolutioN]

اذا سحبت ملفك و قدمت على السنه التحضيرية من جديد او انك سحبت ملفك و سافرت للخارج

فكذا انت هتضيع سنه على نفسك

لذلك يفضل انك لا سمح الله في حالة عدم قبولك في جدة

انك تشد حيلك و تحاول انك ترفع معدلك خلال اول سنه عشين تقدر تحول الى جدة

لانه حرام انك تضيع سنه كامله على الفاضي

و غير كذا لا تدخل حاجه انت مو حابها و تقول امشي نفسي على اي تخصص و السلام
لانه اذا كنت مو حاب التخصص ما هتمشي فيه وهيجيك ملل مو طبيعي
وهيجي في بالك مرات كثيرة انك توقف و تسحب من الجامعه او تنقل كلية اخرى



و الله يوفقك و يتكبلك اللي فيه الخير
وان شاء الله تدخل التخصص اللي انت تبغاه بدون اي مشاكل و بكل سهوله

[ahmed 19]

انا هذي كانت فكرتي اني احول بعد سنة

بس قبل ما يقفلوا التسكين بيوم جتنا رسالة من الجامعة انو الي ينقبل في احد الفروع ما يقدر يحول لفرع ثاني