تمويل صحي - استاذه سوزان ابو العينين ... شرائح العرض بصيغة وورد ..

[اميرة بجروحي ..~]

ألف شكر عزيزتي ماقصرتي يعني الحين بس نذاكر من ذي الملزمه هي شامله للمنهج كله,,

العفو خيتوو .. باذن الله بس راجعوا الموضوع عشان لو في شي قالته الاستاذه في الاسبوع دا حكتبه لكم باذن الله ..

اميرة بجروووحي لك ياشيخه جعل ربي يحقق لك كل مايتمناه قلبك ويوفقك بحياتك ويجعل الجنه مستقرك جدا جدا جدا خدمتينا خدمة العمر ماتعرفين ايش كثر ناس ح تدعيلك حتى لو بعد سنوات بغيت اسالك يااالغلا الملزمه كامله ؟؟؟؟ من المحاضره الاولى للاخيره؟؟؟؟؟؟

تسلمييين حبيبتي .. ايوا يالغلا خلاص كدا كامله و اي ملاحظات حكتبها لكم ارجعوا شئروا على الموضوع بين فتره و فتره :)

ناااااات الله يسعدكم قولولي كيف احمل الملزمه لنمويل الصحي

حبيبتي يعني ما تعرفين كيف و الا ما اشتغلت معاك الروابط .؟؟؟

[color="rgb(0, 191, 255)"]الله يسعدك ويجزااكي خيييييير .. جت في وقتهاا ^^ موفقة ياعسل .. [/color]

وياااكم ياااارب و لكم مثلللله ...

[nany ju]

يعطيكي الف عافية يارب
ولكي بإذن الله احلى دعوات في ظهر الغيب

بالتوفيق للجميع

[دودي قمر]

ماعرفت احمل الشرايح كيف الطريقه البرنامج صعب ياليت احد يشرح لي بليز

[اميرة بجروحي ..~]

حملته لكم على المديا فاير ان شاء الله يتحمل معاكم ..


لا اله الا الله محمد رسول الله

[macbook]

الله يوفقك ويعطيك العافيه يااااااااااااااارب

[اميرة بجروحي ..~]

المشاركة الأصلية كتبت بواسطة macbook الله يوفقك ويعطيك العافيه يااااااااااااااارب

وياااك يا عسسسل ..

[بقايا أنسان]

اميره يعطيك الف عافيه ياقمر

لاتنسي تكتبي لى ملاحظات الاسبوع الاخير

واذا في مسائل بالماده ممكن تقولى لى عن طريقه الحل

لاني بديت حاليا بالموازنه العامه

[عاشقة الخواطر]

فينها التمويل الصحي مافي

[اميرة بجروحي ..~]

بسم الله الرحمن الرحيم ..

اخر شي وقفت عند القوائم المالية .. بالنسبة للمسائل اللي فيها كانت بس تشرح القانون و من وين نجيبه من ايت قائمة (انا كاتبه فوق كل قانون من وين نجيب كل بند من اي قائمة )و تحل و بعد كددا تعلق على الحل ..

المحاضرة اللي بعدها كان السستم عطلان فما دخلت غير ربع ساعه اتوقع و يا دوبك كملنا فيها كم فقره و مشيت ..
هذي التكملة




من فقرة سعر السهم الواحد و سعر العائد و اللي بعده ما حنجيبها من القوائم حتكون معطي براس السؤال بعد كلمة علما بأن : ارجعوا لراس السؤال حتلاقوا كاتب علما بان سعر السهم الواحد يساوي ... و سعر العائد يساوي .. جمعتها الاستاذه تحت بعض و حلت بسس عندكم نسبة السعر السوقي الى الدفترية و الربحية لكل تسريح و صافي السعر للتسريح الواحد و متوسط مدة الاقامة بدون تعليق يعني ما نحفظ التعليق على الحل ..

و هذا هو



بعد كدا دخلنا في الموازنه التقديريه في المستشفيات .. صفحه 79 بالملزمة اخذت منها بس من عند ( و الموازنة هي اسلوب تخطيطي .... اللي هوا تعريف الموازنه البراجراف اللي بعده فيه اهداف الموازنه معانا من باعتبارها وسيلة .. الى مستقبلا .

بعد كدا الصفحتين اللي بعدها مو معانا ,, لين توصلون للرسم البياني الموازنات التشغيليه في المستشفيات مهممممه نعرف موازنة الايرادات تشمل 3 اشياء ..

1- موازنة الاقامة و تشمل : ( جناع خاص + جناح عادي ، غرف منفردة + غرف مزدوجه )

2- موازنة ايرادات العيادات الخارجية و تشمل : ( الكشف ، المتابعه ، الاشعه ، التحاليل )

3- موازنة ايرادات الخدمات العلاجية الاخرى و تشمل : ( غسيل كلوي ، جلسات كهربائية ، فحوصات ، اشعه تشخيصية )

طريقة السؤال تجيب لك كل بند براس السؤال طاقته و السعر و النسبة ما حتجيبها بجدول انتي لو حابه ما تتلخبطي رتبيها بجدول و حلي ... كيف نحل ناخذ كل اللي عطاني هوا مثلا للجناح الخاص ( الطاقة × السعر × النسبة × اهم شي المدة و هي 30 لا تنسونها ركزت عليها الاستاذه ) و نطلع الناتج للجناح الخاص


و نطبق نفس الشي على الجناح العادي و الغرفة منفردة و الغرف المزدوجه و نجمع كل النواتج اللي طلعناها و نحطه على جنب .. بكدا طلعنا اجمالي ايرادات موازنة الاقامة

بعد كدا نروح لـ موازنة ايرادات العيادات الخارجية و نطلع نتيجة كل بند بنفس الطريقة السابقة و ما ننسى المده و نجمع النواتج و نحط الناتج النهائي على جنب

و نروح لـ موازنة ايرادات الخدمات العلاجية و نفسس الشي


بعد كدا نجي للتكاليف عندنا تكليف مباشرة و تكاليف غير مباشرة من الرسم البياني

المباشرة تشمل : ( الاقامة + العيادات الخارجية + الخدمات العلاجية الاخرى ) << نفس موازنة الايرادات :)

و الغير مباشرة تشمل : ( تكاليف اداريو و عمومية + تكاليف الوقود و القوى المحركه + الصيانة و الاصلاحات )


بالنسبة للتكليف المباشرة قلنا نفسها الايرادات لان لها نسبة منها فحيجب لك براس السؤال النسبة كيف نحل ..

نجيب الايراد اللي طلعنا قيمته اول مثلا ايراد الجناح الخاص = 45000 × 25% هذي النسبه اللي عطاني هيا بالسؤال اضربها في الايراد عشان اطلع التكاليف المباشرة للجناح الخاص .. و باقي الاقسام نكملها بنفسس الطريقه

قسم الاقامة حنطلع تكاليف الجناح الخاص و الجناح العادي و الغرفة الفردية و الغرفة المزدوجه بعد ما اطلعه اجمع النواتج و اطلع الناتج الاجمالي ..

بعد كدا نطلع تكاليف العيادات الخارجية بنفس الطريقة اللي قلتها فوق بعد ما اطلعه اجمع النواتج و اطلع الناتج الاجمالي ..

و نفس الشي نسويه مع الخدمات العلاجيه الاخرى ..

بكدا طلعنا التكاليف المباااشرة

بعدها بتلاقوا في جدول مقسم لـ 3 عواميد العمود الاول من جهة اليمين نحط الاجمالي يعني الناتج النهائي اللي طلعناه من كل مجموعه

و العمود اللي بالنص نحط التكاليف مفصلة يعني تكلفة الجناح الخاص كدا كدا و و و و

قالت المغزى من هالجداول انك توريها انك فاهمه هذا الشي وين مكانه و اهم شي انك تعرفي ان التكاليف الغير مباشر تجي اسف التكاليف المباشرة حتلاقو جدول التكاليف الغير مباشرة بعد 6 صفحات تقريبا هذا الجدول تحطوه اسفل الجدول الاول .. و هذا المهم عندها .. طبعا قالت انو التكاليف الغير مباشرة هيا حتجيب لك الاسم و الارقام ما يحتاج تعملي عمليات حسابيه. زي الجدول مكتوب فيه اجور و مربعات و قبالها الرقم 253600 هيا حتجيبه احنا بس نرصها بالجدول ..

بعد كدا عندكم الموازنه التقديرية اشطبو على تقديرية و حطوا نقدية خطأ مطبعي ..

هالموضوع بس نظري مو معانا العملي .. اخذت من الصفحة الاولى اول 3 سطور و بعد كدا عندك مكتوب وتأسيسا معانا اللي هي 3 مزايا ..

و الحمدلله كدا ختمنا الماده .. فان كان من خطأ فاعذروني مني و من الشيطان و ان كان من صواب فمن الله سبحانه و تعالى


و السموووووحه لو في شي مو واضح حاولت قد ما اقدر اني اوصلكم المعلومة و السموحه ع التأخير كمان حاولت اني ما اطول عليكم .. و دعوااااااااااااتكم لا تنسوني منها و انتوا تذاكرون و انتوا تصلون اذكروني بالدعوة اللي من خاطركم ..


و اي سؤال انا حاضرة و ان شاء الله ارد عليكم و اتمنى للكل التوفيق و شدوا حيلكم لان الكل يقول ان هذي الماده تعتبر مادة لرفع المعدل و باذن الله ان معدلاتنا تتعدل :)

[بنت الجامعة 26]

بنات الاستاذه نزلت شرايح العرض بموقعها..بسرعه حملوها لان قالت 10 ايام وراح تحذفها