ملخصات الرياضيات والفيزياء

[haneen1994]

السلام عليكم ورحمه الله وبركاته

اول موضوع ليا وياليت القى تجاوب واحد يساعدني وكدا .. :$

لي فتره اسال البنات عن افضل الملخصات , والاغلبيه تقول اشرف بركات وجمال السعدي بس بصراحه انا ماذاكرت ولا شي من الملخصات ف الدوري الاول فمااعرف ولا شي , حتى مدري فين تنباع , دورت ف النت ومالقيت فاستنتجت انو من مكان برا ..


لذلك عزيزي/تي الطالبه اللي جرب الملخصات ويعرف فين تنباع وكدا يفيدنا ويقلنا ايش استفاد منها وايش افضل شي (تيست بانك ولا ملخص ) ..

والله يوفقنا كلنا ونجيب اعلى المعدلات ونخش الكليات اللي نبغاها ياااااارب :)

[طُهرٌ أنَا..]

وعليك السلام ورحمة الله وبركاته ..
شوفي حبيبتي .. بقولك عن تجربتي مع الملخصات ..
أنا جربت ملخص جمال السعدي للرياضيات ..
كان جميل جدا ومرتب.. كان مجمّع أفكاري ..
وجداً استفدت منه ..

أما للفيزياء ..
م أخذت ملخصات لكن الكل بيقول يوسف زويل كويس ..
م أدري عن الباقين كيف في الفيزياء ..

الملخصات تلاقيها في مكتبة 2000 (ألفين) قدام الجامعه فرع السليمانية ..
أو مكتبة دار حافظ .. وتقريبا كل المكتبات اللي قدام الجامعه تبيعها ..
وممكن تلاقيها في النت موجودة ..
أنا حملت ملخصات جمال السعدي للرياضيات من النت م اشتريتها ..
هذا الموضوع حيفيدك ..
http://www.skaau.com/vb/showthread.php?t=586279

وكمان هذا ..
http://www.skaau.com/vb/showthread.php?t=271871

أما عن سؤالك أي الأفضل تست بان او ملخص ..
عن نفسي في الرياضيات كنت أذاكر من الوورك شوب ..
لانه منه بتجي اسئلة الاختبارات ونفس الأفكار ..

الفيزياء تقريبا كنت ساحبه عليه .. بس كنت أذاكر الكتاب والتمارين اللي فيه ..
عموما الفيزياء اسئلته م تطلع عن الكتاب أبدا ..
نفس أفكار الكتاب ..

وبالتوفيق لكِ ي رب .. وأي استفسار أنا حاضرة .. :)

[L.a.m.a]

بالنسبة للرياضيات :
ذاكري من الكتاب وحلي التمارين والهوم وورك وحلي الوورك شوب ، وإذا احتجتِ ملخص
أشرف بركات كويس ويحل بطرق حلوة ()

بالنسبة للفيزياء :
ذاكري اللي تكتبينه مع دكتورتك ثم حلي التمارين والبنات يمدحون ملخص الدكتورة هناء فرحان
تنباع في مكتبة خوارزم = الفرع الرئيسي للجامعة ( مبنى العلوم 7 أو مبنى 12 )

[haneen1994]

طهر انا .. مرره شكرا جد استفدت من اللي كتبتيه الله يوفقك ياارب
L.a.m.a .. الوورك شوب كلهم يقولو مهم بس انا ماحسيت انو جا منه في الدوري الاول : /

[haneen1994]

انا ف الدوري الاول ذاكرت بس من الكتاب ونماذج الدوريات السابقه والفيزيا ملخص هناء فرحان وكانت درجتي الحمدلله ماشي حالها , ودحين حابه اذاكر من الملخصات عشان ارفع درجتي ...


ياليت تفيدونا بتجاربكم يلللا خلينا نستفيد من بعض :))

[f R u t Z]

إزا سمحتوو ايش يعني ورك شوب *_*

[سكاg]

^

ملخص كله تمارين

[محمد باقيس]

الرياضيات ملخص السعدي
والفيزياء احمد العربي