تم تغيير موعد الاختبار النهائي للبرمجة واساليب الكتابة العلمية ..!!

[مهموم والله]

السلام عليكم ورحمة الله وبركاته

مساء الخير للجميع

طبعا ياشباب اليوم تم وضع جداول توضح تغيير موعد اختبار البرمجة واساليب الكتابة العلمية وللأسف جميع اوقاتها غير مناسبة للأغلبية وفيها ضغط كبير عالطلاب ..

يعني الآن راح تبدأ اختباراتنا يوم 12/2 وراح يكون هذا اليوم اختبار ثقافة اسلامية بعده بيومين يعني الثلاثاء راح يكون اختبار نظرية الإحتمالات بعدها كان عندنا فراغ ليوم الاحد نذاكر مادة مقدمة الحوسبة لكن للاسف الان خلو بعد اختبار نظرية الاحتمالات يوم فقط راحة وبعدها الخميس برمجة ..!! والحوسبة مثل ماهي الأحد وبعدها على طول الإثنين اساليب الكتابة العلمية يعني فرق يوم فقط ..!!

طبعا جدولنا الأول كان افضل بكثير والان غيروا الجدول وأعتقد راح يكون فيه ضغط كبير علينا والواحد ماصدق غلق اختبارات الدوري الثاني ..

مثل ماتعرفوا ياشباب فيه امكانية لتغيير المواعيد واعداتها لوضعها الاول اذا كان هناك اعتراض من الأغلبية فما ادري هل توافقوني الرأي أو لا بخصوص اعادتها لوضعها الأول ..؟؟

بانتظار ارآئكم ..

دُمتم بخير

[gentle man]

ياشباب افضل طريقة نراسل الدكتور عبدالرحمن الطلحي ..


ahaltalhi@kau.edu.sa


ع الاقل يأجل موعد اختبار البرمجه لأنها طويلة ويبغالها وقت وتفكير

[مهموم والله]

ياسلام عليك ياجنتل باذن الله راح يتم ارسال الرسالة وهذه فرصتنا واعتقد ماهي صعبة الشغل وانت جالس ببيتك ترسل له ايميل وبحاول اعمل موضوع او في هالموضوع نضيف نص الرسالة لو مثلا احد مافيه حيل يكتب رسالة بس ينسخ ويرسل ..

ياشباب لاتتهاونوا بالموضوع وصدقوني لو شافوا اعتراض بيغيروه غصب عنهم لانه هو اصلا ماهو بهالشكل وهم لعبو فيه ..

دُمتم بخير

[The.Eagle]

ان شاء الله الدكتور يتفهم الوضع

[مهموم والله]

المشاركة الأصلية كتبت بواسطة the.eagle ان شاء الله الدكتور يتفهم الوضع

الله يسمع منك حبيبي النسر بس اهم شيء انت ارسل رسالة وياريت الكل يرسل له رسالة ويتكلم بأسلوب ويوضح انه الجدول الأول كان مريح جدا وعندنا فترة كافية للمذاكرة بين كل اختبار واختبار ..

ياشباب لاتستهونوا بالموضوع وربي شكوى واحدة راح تؤثر فيهم فما بالك لو اشتكوا كثير ..

دُمتم بخير

[BukhBukh Devil]

طيب الاساليب احد يعرف متى موعد الاختبار ؟؟ وفين ؟؟

[m.zeezo]

المشاركة الأصلية كتبت بواسطة bukhbukh devil طيب الاساليب احد يعرف متى موعد الاختبار ؟؟ وفين ؟؟

يوم الاثنين في اخر اسبوع من الاختبارات
في المسرح

[Sweet_Boy]

فعلا كلامك مزبوط يامهموم الوقت ضيقوه بشكل غير طبيعي !!
يعني بصراحه الثقافه والأحصاء والمقدمه .. مواد ملياااااانه معلومات حفظ وكثيره جدن .. ماراح يكفيها يوم او يومين !!
ويوم حطو البرمجه يوم 16 .. سار الوقت جدن جدن ضيق
جزاك الله الف خير اخ مهموم ماتقصر والله ..
...

تفضل اخويا BukhBukh الجدول صورتو اليوم :

هنا..~



وعشان ترتاح اكتر خد رتبت لك الجدول : << بس لا تشره ع التصوير

هنا..~



يلا بالتوفيق للجميع ..

[مهموم والله]

هلا حبيبي نزار ..

صحيح كلامك وربي الوقت ضيق جدا بس وش نقول خليها على ربك بس ..

بس مااوصيك ارسل رسالة للطلحي الآن لانه كثيرين ارسلو له وطبعا اهم شيء تكون الرسالة باسلوب محترم وتوضح له فيها وجهة نظرك وان شاء الله يقتنع ويرجعوا الجدول مثل ماكان والدكتور عبدالرحمن فيه الخير والبركة ..

دُمت بخير

[Sweet_Boy]

المشاركة الأصلية كتبت بواسطة مهموم والله هلا حبيبي نزار .. صحيح كلامك وربي الوقت ضيق جدا بس وش نقول خليها على ربك بس .. بس مااوصيك ارسل رسالة للطلحي الآن لانه كثيرين ارسلو له وطبعا اهم شيء تكون الرسالة باسلوب محترم وتوضح له فيها وجهة نظرك وان شاء الله يقتنع ويرجعوا الجدول مثل ماكان والدكتور عبدالرحمن فيه الخير والبركة .. دُمت بخير

افا عليك يالغالي الرساله قد وصلت لنو من جد هالشي من صالحنا ..~
دمت بخير يالغلآ ..