تجمع طلاب بحث وتدريب 492 (د.طلعت سندي) للفصل الثاني 1434

[صاحب القضية]

ياشباب اللي عنده ملخص والا عمل البحث يكلمني على 555492590

[الهجيـر]

السلام عليكم ورحمة الله وبركاتة

لاخوي tt22tt او من يستطيع مساعدتي من الاعضاء الكرام

باعطائي نسخة من المجلات المطلوبة أو المواضيع اكون له من الشاكرين

رقمي (0500080097) بمدينة (الرياض)

لاني مرتبط بدوام ودورة بعد الدوام الي (9) مساءاً

والشي الثاني انا باختبر في الرياض هل يلزم حضوري في جدة لاختبار البحث

ولا الدكتور بيحدد لطلاب الرياض اختبار حسب جدول المناطق وشكراً للجميع

[صاحب القضية]

اخواني الاعضاء معقوله محد سوي البحث افزعولنا واذا فيه ملخص افيدونا معاد باقي الا اسبوعين

[الهجيـر]

السلام عليكم
اخواني الاعزاء تم الاتصال على الدكتور صباح اليوم

وسالته عن الاخوان الي بيختبرون في مدينة الرياض

رد بانة بيحدد للي بيختبرون في المناطق اختبار في حدود


تاريخ اختبار المناطق

والشي الثاني امل اني احصل عندكم مايفيدني بخصوص رسالتي السابقة وشكراً للجميع

[chaeb]

الاخوة الكرام صاحب القظية و الهجير شوفوا ردي في الصفحة السابقة 7 رقم 121 ان شاء الله يفيدكم ؟؟؟؟؟؟؟
تحياتي

[محمد العجمي]

ياشباب تم الأتصال على الدكتور طلعت سندي والأستفسار عن موعد الأختبار بالنسبه للمناطق وقال سوف يتم تحديده بعد انتهاء اختبارات المناطق في جده عنده بالقسم وياليت تتفاعلون وتكلمونه لعله يقتنع بظروفنا ويخلينا نختبر في المناطق ياليت تتفاعلون بأسرع وقت لأنه راح يكتب الموعد الجديد في الموقع شاكر لكم.

[جمهور الشمس]

والله يا العجمي إذا كنت تبغنا نكلمه يختبرنا مناطق هذي شلها من راسك و أنا اخوك
حاولت في الرجال و قردنته يمين يسار مافي فايدة مع أن ظروفي صعبة جدأ خصوصا في شهر 7 أني اختبر في جدة
لكن للأسف ما طلعت بنتيجة .
أهم شئ تحقق أنه شال التعارض إلي كان مسبب قلق لي .
وإذا كان على يوم واحد بسيطة نزل ونختبر في جدة
عموما الدكتور محترم جدا وخلوق لدرجة أنك تستحي منه الله يبارك فيه و في ذريته .

[محمد العجمي]

وليش اشيلها من راسي ماهو حق من حقوقنا أكلمه ولو أستلزم الأمر أكلم مدير الجامعه أنت طالب ولك حقوق ندفع رسوم للجامعه ورسوم لأختبارات المناطق ومع ذلك يفهمنا معهد العالميه انا اختبار البحث وتسليمه في المناطق وبعد ذلك يطلعون لنا طلعه جديده كل واحد وله ظروفه حرام ماكلمت وانا شايل هم نفسي بالعكس عندك بعض الطلاب ظروفه ماتساعده وراتب على قد حاله وأعرفهم شخصياً لاكن اشكوى لغير الله مذله( والدعوى ماهي قردنه ياطيب )

[معاند جرحه]

ابلشتنا هالمجلات احد حصلها يالربع مابقى وقت ترى .. نفسي اعرف البحث كم صفحه يااخوان

[معاند جرحه]

والله يااخوان فجيعه انا لقيت الكتاب بصيغة بي دي اف في احد المواقع وحاولت انسخ الصفحات المطلوبه من الدكتور لقيت كم هائل يعني لو تبي تقرى قراءه عاديه مايمديك وفوق كذا لفيت المكتبات في تبوك عندي على شان اسوي البحث كلا يقول صعب نطلع لك المجلات ... الله يهدي هالدكاتره بس يعني لو مجله مجلتين تنبلع بس الكم الهائل من المجلات وين تطلع بالوقت الضيق هذا .. مايدري الواحد يطارد ورى البحث ولا يذاكر للاختبار ... حسبنا الله ونعم الوكيل بس