كل ماتريد عن تعرفه عن سكن الكليه الشرفيه والسلامه

[خوخة القلب]

السلام عليكم ورحمة الله وبركاته

اخواتي المستجدات ابارك لكم على القبول واتمنى لكم السعاده والتوفيق

هذا الموضوع خاص للطالبات الكليه فرع السلامه والشرفيه (المتغربات )

انا راح اتكلم عن عن السسكن بشكل عام وخاص

السكن يقع في شمال جده عند دوار الفلك

الفئات الموجوده فيلو التخصص( كلية الفيصليه ) (كلية الرحاب ) التحضيري علمي (الشرفيه )
التحضيري اداري (السلامه )

السكن عباره عن 5 عمائر في كل عماره دوراين في كل دور 4 شقق
في كل شقه 3 غرف وحمام ومطبخ
يوجد مكتبه وكافتريا في باصات في اشياء للترفيه باسكت بلياردو
ولاتقلقو من ناحية الصرافه هما يودوكم يوم السبت والاثنين مع مشرفه

وكمان لاسمح الله صارلك شي مرضت يجبو الاسعاف >>مررره تعبونا من ناحية المستشفى :( الله يهديهم

الاشياء الا المفروض تجيبها معاك في السكن ثلاجه خاصه تحطيها في غرفتك وغساله وسخان لانو الا فران ممنوع واي شي يشتغل على 220 ممنوع جيبي معاك مؤنتك اذا تبغي
وجوال كام ممنوع >>بس بالدس يمشي كل شي ^_^

اللاب بالكام عاادي وانتبهي علي لانو على ايامي 4 لابات انسرقات

وفي حراسات امن الساعه 12 يدخلو كل وحده على غرفتهاا >>الله يعينكم طبعا في شي ابغا انبهكم على شي
اول ماتدخلي السكن راح ياخذو اورقك طبعا مافي شي اسمو مفتاح غرفه راح يقولولك روحي عماره رقم كذا وشوفيلك غرفه >>هذا الشي انا مرررره نرفزني

اول شي اتاكدو الغرفه مهي لاحد ولا اسالي الغرفه دي فيها خريجه
عشان تستقري نفسيا وجسديا
طبعا ماحصل معانا في السنه الا راحت
قالولنا روحو دورلكم غرف في عماره كذا روحنا انا انبسطت اني انا راح اختر غرفتي رتبت الغرفه نظفتها وفرشت السرير وسوت كل شي بس ابغا انام
:(((( جاتني وحده قالتلي لو سمحتي هذي غرفتي هيا معاها حق ماقلنا شي بس انا الا نرفزني المشرفات عشان كده اتحملووووو قد ماتقدرو انتو خلاص وقتها راح تكونو في غرربه
بنات التخصص الله يهديهم مايجو من اول اسبوع عشان كده انتبهو لاتاخو غرفهم لانو العام صارت مضاربات على الغرف انا 3 مرات نقلت من غرفتي :(

وانشاءالله كلها سنه وجيبو معدل حلو فوق 3 ونصف وينقلوكم الجامعه ان شاءالله
مررررررررره فرق سكن الجامعه عن الكليه الله يعينكم ويسهلكم اموركم


والا عندو اي استفسار انا حاااضره :) ^^بالتوفيق

وهذي الموضوع مزود بالصور الاخت بدورماقصرت
http://www.skaau.com/vb/showthread.php?t=430168

[the best one]

فعلا كلام الاخت خوخة القلب كله صحيح

بس عشان ما تنصدموا بصحح غلطه اذا ممكن

الشقه فيها 4 غرف و حمامين و مطبخ واحد

يمكن تحسوا بالظلم احياناً بس ما عليكم تهون ان شاء الله

و بإذن الله حتعيشوا اسعد ذكرياتكم في هذا السكن

اخت خوخـه ممكن سؤال لو سمحتي ؟

انا اتسكنت زيك في كلية الاقتصاد و الإداره بس ما نزلوا لي تخصصات عندك فكره متى حتنزل ولا لا ؟

و شكراً على الموضوع

تحيـــــاتـــــي ...

[خوخة القلب]

واللهي يااخت مدري متى بس بالكثير على رمضان ينزلولنا الرغبات ونحنا نرتبها

[the best one]

يسلمووو خيتوو

الله يعين بس

[خوخة القلب]

upupup