ممكن مساعده انا مو مرا فاهمه طريقة مذاكرة الريدينق212 والرايتينق213

[رياحين الجنة]

السلام عليكم ورحمة الله وبركاته..
مساء الخير.. بنات ممكن مساعده من اهل الخبرا انا لسا مستوى ثالث ومو مرا فاهمه طريقة مذاكرة الريدينق212 والرايتينق213 وكمان ماتيسر لي حضور السنترا المحاضرات عندي بس مو قادرة افهم على الاستاذه لانوا انا مو مرا مرا شاطرا بالانجلش انا بتخصص انجلش لاني ماني متمكنه منوا فعشان كذا وما عندي مشكله انوا بدأ من الصفر فابغى مساعدتكم من بعد عون الله عزوجل ليا.. إذا مافيها كلفه عليكم.. لانوا اذا مانجحت في دي المادتين ماراح اتخصص انجلش عرفتوا فما عندي الا دي الفرصه والحمد لله..
فابغى اعرف كيف اذاكرهم غير حفظ الكلمات في كل شابتر ايش اذاكر كمان وكيف تكون المذاكره حفظ اللي ف الكتاب ولاافهم يعني يكون جرامر فافهموا..يحتاج اترجم الكتاب كامل عشان افهم اكثر ابغى نصايحكم حسا نفسي حايسه بس ما يأست بحاول مرا وعشرا ومحتاجتكم معايا من بعد عون الله عزوجل اولاً واسفه بغلبكم معايا كثير بس لا حرمكم الله الاجر فالله في عون العبد ماكان العبد في عون اخيه.. والله يكتب لنا ولكم الاجر.. ياليت اذا تقدروا تكونوا معايا لانوا مابقى الا تقريبًا 7 اسابيع ع الاختبارات.. وجزاكم الله عني خير الزاء وجعلكم من عباده المقربين يوم الدين ونفع الله بكم وبعلمكم وزادكم الله من فضله وبلغكم اعلى المراتب في الدنيا والاخره وجميع المسلمين اللهم آمين..
أختكم في الله..
رياحين الجنة

[nour al3mr]

وعليكِ السلام ورحمة الله و بركاته

حياك الرحمن أختي الفاضلة
ونســـأل الله لك التيسير والسداد

موادك هذه

~> القــــراءة تحتاج منك إلى قراءة القطعـــــــة وترجمة الكلمات الغير مفهــــومة ومحاولة حل التمــــآرين لتتأكدي من فهمك للقطعــــــة ..

فالاختبار يأتي على هذه الطـريقة .. قطعة من خارج الكتاب وعليها مجموعة من الأسئلة

أما مادة الكتــآبة

تحتاج منك أن تكوني ملمة بقواعد اللغة الانجليزية و معرفة كمية من الكلمـــــــآت وكتابتعا بطريقة صحيحه
ففي الاختبار يحضروا موضوع ويطلبوا منك الكتــــآبة عنه وفقاً لاستراتيجية معينه

مع التدرب على الكتـــــآبة وممارسة اللغة ستتمكني منه بإذن لله

من باب الصدق و التجربة سأوضح لك نقطـــــة ..

ياغالية تخصص اللغة الانجليزية يعاملوا الطالبة على أنها ملمة بحصيلة كبيرة في اللغــــــة الانجليزية
فهم يدرسوا مواد تابعة لفروع التخصص وليس تعليم للغة من الالف لليـــــــآء
وذلك يتم ملاحظته عند التقدم في المستويـــــــآت

لذلك أبدأي من الآن على تطوير لغتك قدر الإمكــــــــآن ولتقرأي كثيراً فهي مفتاح أساسي للمعرفة

وفقك الله ..~

[The Ambition]

انا بتخصص انجلش لاني ماني متمكنه منوا فعشان كذا وما عندي مشكله انوا بدأ من الصفر فابغى مساعدتكم من بعد عون الله عزوجل ليا..

اذا انتي تبغي القسم لهذا الهدف فافضل لكي ان تدرسي اللغه كدوره في أي من المعاهد المتقدمه لأن القسم كما ذكرت لكي الأخت نور العمر يعاملك كأنك ملمه باللغه الانجليزية وممكن تتعبي وماتقدري تواصلي بعدين...

لا تأخذي برأيي كثيرا ولكن استخيري الله مره واثنين وثلاث وأسأل الله لكي التوفيق