محتار ايش انزل مواد في الصيف !!!

[yahya alnajmi]

والله يا أخي أنا نفس وضعك متاح لي نفس المواد الي عندك ومحتار
ما أفكر إني أنزل مادة مقدمة في الأدب حتى لو نزلت عند دكتور جيد بسبب إنها مادة جديدة علي ومحتاجه شغل لفترة طويلة
أفكر أنزل مقدمة في اللغويات + مناهج بحث+ثقافة إسلامية
وأفكر كمان إني أستغني عن مادة مناهج البحث وأنزل بدلها مادة حرة إذا تأكدت إن المواد الحرة تدخل في المعدل حتى أرفع المعدل خصوصاً أني أعتقد أنه هذي الفرصة الأخيرة لرفع المعدل بصورة ملموسة نوعاً ما.
عموماً ما أستغني عن توجيه ونصح الإخوة الي سبقونا ولهم تجارب الي أتمنى إنهم ينورونا.

مع جزيل الشكر،،،

[جريح يقوم ويطيح]

خذ 3 مواد وشد حيلك وتخلص ان شاء الله

[Aziz1433]

اكيد وانا اخوك ... ان شاء الله ناخذ مادتين ... وترفع المعدل ...

واكيد هذا رمضان اذا ربك اعطانا طولت العمر ...

بيكون غير ....

[انا رورو انا]

والله اشوف مقدمة باللغويات مرا مهم تاخدها بالصيف على رواقة لان المادة دسمة بس ماهي صعبه مرا
واذا خلصت منها على الترم الجاي حتفتحلك مواد كتيرررررررررره زي الفوناتكس مورفولوجي فونولوجي سينتاكس سيمانتكس ابلايد سوسيو فخدها مع استاذ كويس اهم شي

وخد الترجمة مادة سهله وخفيفه
بس اهم شي تختار استاذ كويس اذا لاقدر الله الي حيعطي لغويات بالصيف دكتور م قد كدا والي حيدرس مقدمة بالادب استاذ يخاف الله خد المقدمة بالادب برض حتفتحلك مواد ادبيه كتير زي الفكشن والدراما والبويتري والكرتيسيزم مودرن شكسبير
بس لا تجمع اللغويات مع مقدمة بالادب لانك حتتعب كدا بالصيف رمضان كمان داخل علينا ماينفع
بالتوفيق يارب

[Aziz1433]

الاخت / رورو ..

بصراحة كلامك منطقي واقنعني ...

وان شاء الله ناخذ المادتين ... وتعدي على خير ...

تحياتي لكــي ...

[ام حمدان]

المشاركة الأصلية كتبت بواسطة yahya alnajmi والله يا أخي أنا نفس وضعك متاح لي نفس المواد الي عندك ومحتار ما أفكر إني أنزل مادة مقدمة في الأدب حتى لو نزلت عند دكتور جيد بسبب إنها مادة جديدة علي ومحتاجه شغل لفترة طويلة أفكر أنزل مقدمة في اللغويات + مناهج بحث+ثقافة إسلامية وأفكر كمان إني أستغني عن مادة مناهج البحث وأنزل بدلها مادة حرة إذا تأكدت إن المواد الحرة تدخل في المعدل حتى أرفع المعدل خصوصاً أني أعتقد أنه هذي الفرصة الأخيرة لرفع المعدل بصورة ملموسة نوعاً ما. عموماً ما أستغني عن توجيه ونصح الإخوة الي سبقونا ولهم تجارب الي أتمنى إنهم ينورونا. مع جزيل الشكر،،،

انت خلصت ساعاتك الحره ؟
يعني هل تقصد انك خلصت ساعاتك الحره وممكن تاخذ ماده حره زياده عن المطلوب منك في حال تاكدت انها تحتسب في المعدل ؟

هالسؤال من وقت مادخلت التخصص للان ماحد اعطانا اجابه شافيه عنه
نفسى نلقى تاكيد من طالب تخرج ومجرب هالشي حتى نكون على يقين

بالنسبه للادب ان كان عذرك انها تحتاج تبحث وتشتغل فتطمن كل شي جاهز عندك في المنتدى وماعليك الا تبدا بالقراءه والمذاكره
وان نزلت لك مع دكتور تمام لاتفوتها

اهم شي ماتجمعوا بين الادب واللغويات في الصيفي لانهم متعبين مع بعض والصيفي مدته قصيره

عموما انتوا الان انتظروا اسماء الدكاتره وبعدها لكل حادث حديث بس خلوكم متحضرين ومجهزين لانفسكم اكثر من خطه بديله

موفقين

[Aziz1433]

متى راح تنزل اسماء الدكاترة ... يا شباب ..؟؟؟