محتار ايش انزل مواد في الصيف !!!

[Aziz1433]

السلام عليكم ... يا اخوان انا محتار ايش انزل مواد في الصيف
..!!!!


يعني ابغا مادتين تكون خفيفة علي في الصيف ...

وقد اخترت هذه المواد ..وابغا رايكم للي درسها من قبل ...


1- مقدمة في اللغويات 321 .
2- مناهج بحث 331 .
3- مقدمة في الادب 341 .
4- مقدمة في الترجمـة 350 .
5-ثقافة اسلامية 4 .


ابغا مشورتكم اللــه يعافيكم ....

[Aziz1433]

للرفــع .....

[ابو ريان 126]

المشاركة الأصلية كتبت بواسطة aziz1433 السلام عليكم ... يا اخوان انا محتار ايش انزل مواد في الصيف ..!!!! يعني ابغا مادتين تكون خفيفة علي في الصيف ... وقد اخترت هذه المواد ..وابغا رايكم للي درسها من قبل ... 1- مقدمة في اللغويات 321 . 2- مناهج بحث 331 . 3- مقدمة في الادب 341 . 4- مقدمة في الترجمـة 350 . 5-ثقافة اسلامية 4 . ابغا مشورتكم اللــه يعافيكم ....

والله وانا خوك الكلام كله على الدكتور اللي بيدرس الماده في الصيف
واي ماده تنزل في الصيف عند دكتور طيب مثل محمد فوزي او عمر باقبص لا تفوتها
ولكن افضل انك تحاول تاخذ مادتين وتراها دسمه ولكن بتريحك كثير في المستويات الجايه اللي هي 321 + 341 و بشرط تبدأ فيها من الحين .
وتضيف لها مقدمه في الترجمه
مثل ما قلت لك المادتين الاوله دسمه ويبغالها تشد حيلك فيها من بدري
اتمنى لك التوفيق والنجاح

[الحجازي]

رأيي من رأي ابو ريان

خذ مقدمة في اللغويات ومقدمة في الأدب وابدا بمذاكرتها من الآن
واضف عليها مادة مقدمة في الترجمة أو الثقافة الاسلامية 4 لأنها خفيفة

انا اخذت المواد المذكورة باستثناء مقدمة في الادب

مناهج البحث + مقدمة في اللغويات عادة ماتكون سهل في الاختبار ولكن مذاكراتها طويلة ومتعبة
مقدمة في الترجمة+ الثقافة الاسلامية سهلة نوعا ما

[abukaled5]

السلام عليكم

الصيف الماضي أخذت مادة مقدمة في اللغويات والله أعلم كانت عند الدكتور محمد فوزي

وعديتها أبشرك من أول مرة

الترم هذا ناوي بإذن الله على مقدمة في الأدب ومقدمة في الترجمة والنحو بشرط مو عند مروان الصائغ ومادة رابعة كمان

وكل هالإختيارات راح تتغير بمجرد نزول أسماء الدكاترة

وفالك التوفيق

[Aziz1433]

يعنـــي ... اتوكل على اللــه ... واخــذ مقـدمة في اللغـويات ومقــدمة في الادب ...

وهل تتوقعون انهــا تكــون سهلـة نوعا ما في الصـيف ؟؟؟

[Aziz1433]

ابغا اكثر الاراء ... حول افضل مادتين في الصيف ....

[ام حمدان]

وعليكم السلام ورحمة الله وبركاته

احنا هنا نشور عليك لكن بالاخير محد يعرف قدراتك وظروفك غيرك انت

عن نفسي اشوف الادب مع اللغويات في الصيف (زحمة)
وماانصحك باخذهم مع بعض الا في حاله وحده فقط
ان نزلوا مع دكاتره مايتعوضون

الي اشوف انه سهل تدرسهم مع بعض

لغويات + ترجمه

او

ادب+ ترجمه

الثقافه سهله ماتفرق تاخذها الان او السنه الجايه وماتفرق معك من ناحيه الدكتور
3او4 ايام بالكثير تكون مختمها منهجها قليل بس يحتاج تركيز لان نقاطه بعضها يتشابه قليلا

يعني لو شفت عندك وقت لها مع المادتين الي بتختارها فتوكل على الله وضيفها

هذا مجرد راي
في النهايه قرارك الاخير اتركه بعد ماتظهر اسماء الدكاتره وبعدها استخير وربي يكتبلك الي فيه الخير

موفق

[madaniao]

مفاتيح القسم هي

مقدمة في اللغويات 321

مقدمة في الادب 341


الله يكرمك وتعديها بدرجة عالية

[Aziz1433]

مشورتكــم وهـداية اللــه ....

خلاص ... قررنا ...

مقدمة لغويات + مقدمة ترجمــة ...

والله يكتب لنا ولكم الخير ...

وشكرا لكل من اعطاني رايــه ... وبارك الله فيكم ...