مستوى رابع reading

[cool2011]

السلام عليكم ورحمه الله وبركاته


الحمد لله فكل ما بدينا في خطوه للعمل الجماعي نجد من يقوم بكل العمل ومثال على ذلك حلول مواد المستوى الرابع والله يوفق من قام في ذلك

المهم ياحبايب وش رايكم بترجمه القطع من شبتر 2 الى 6
طبعا انتم عارفين ان 50 بالميه من الامتحان راح تكون القطع
الصائغ راح يجيب قطعتين وعلى كل قطعه اسئله واللي مايعرف القطعتين نقوووله من الان نعيما ولا درجه غير مرضيه

على العموم اذا ارتم ان تضمنو النجاح بدرجه مرضيه بمشيئة الله ترجمو القطع

والشغله ما تاخذ منكم يوم واحد لو تعاونا
وبشرط مو ترجمه قوقل او مترجم اخر

كل ماعليك هو ان تذهب الى احد المدرسين ويفضل ان يكون سوري لان اخوانا السوريين افضل الموجودين باللغه العربيه وتقوله ابي ترجمه شبتر واحد

تمنياتي لكم بالتوفيق

[عبدالله بن عبدالرحمن]

هلابك كول فكررررة ممتازة حبيبي للى ماصلح شي للحين
بس اعتقد لو يكون مجهود شخصى لكل شخص يترجم جزء يكون افضل (عشان مانكلف على احد ماديا )وكمان يفيد نفسة لمن يترجم قطعة وهو عارف ان اشخاص كثيرين بيعتمدو على ترجمتة

فأنا من الان اقولك انا مستعد اتعاون مع اى شخص لترجمة كلللللللل قطع التشابتر الثاني لان كلماتة جدا سهلة وممكن اكون دقيق بترجمتة

بس اختار معاى شخص يرشح نفسة لخدمة بقية الزملاء

وانت عليك ومن خلال موضوعك تنسق مع بقية الاخوان باقى الاربع تشباتر

للعلم آخر التشباتر غثيثة جدا وكلماتها معقدة لانها علمية بحتى زي حقت التلوث فى البحيرة اللى بواشنطن (فقعت قلبي خخخ)

اشكرك على افكارك المفيدة دائما اخوي كول وانا معاك باى شي يفيد زملائنا
وربي مايحرمك اجر نيتك الطيبة

[cool2011]

الله محييك ياعبدالرحمن اخر شبتر اللي تقول عنه انا بسويه عند احد المدرسين
ملاحظه عبدالرحمن
نبي ترجمه قطع مو كلمات والترجمه تكون بشريه مو الكترونيه
الشبتر السادس عندي لا حد ياخذه باذن الله راح تتصفحوا قطع الشابتر السادس وكانكم تقرون قصه او جريده يعني من اول قراءه تعرف الطبخه كلها وراح تجاوب على اي سوال يخطر في بال الاستاذ

ملاحظه الاستاذ الفاضل الصايغ طريقته بالاختبار تكون القطع نصاً من الكتاب وهذه فرصه لاتفوتونها
بعض الدكاتره يجيب لك قطعه من خارج الكتاب ويقووول حل

باقي شبتر 3,4,5

اللي يبي يشارك وجاد يختار

ياشباب بقولكم نصيحه نحن جميعنا تحت شعار اسماء مستعاره وهدفنا واحد ولا ندور شي من المدح او ما شابه ذلك بس صدقووني ان الدعاء لكم من زملائكم يغير حياتكم كلها فلا احد يبخل على نفسه باكتساب الاجر والدعوه الصادقه من زملائكم التي ظروووفه صعبه
تذكرو بان الاعمال اللي قامو بها بعض الزملاء مثل حلول ريدنق ورايتنق وليسنينق واللي فرغ السيدي في ملف وورد
راح يستفيدو منه جميع الطلاب في السنين القادمه حتى يتغير المنهج وراح يدعى لهم بالتوفيق والذريه الصالحه الخ........


هذا ودمتم بود

[عبدالله بن عبدالرحمن]

ملاحظه عبدالرحمن
نبي ترجمه قطع مو كلمات والترجمه تكون بشريه مو الكترونيه






معليش اخوي مافهمت قصدك هنا...
اكيد مو كلمات بس..راح نأخذ القطعة ورقم الصفحة ونترجمها بالعربي جملة جملة وننزلها على شكل نص يحمل رقم الصفحة ... هذا قصدي وماتكون الكترونية طبعا بس اكيد راح استخدم قواميسي الخاصة (قوقل-الوافي-اطلس) بس مالكم غير نص مترجم بطريقة بشرية على قولتك
:)

[ابو الاء]

وأنا معكم يالربع
انا ان شاء الله راح اترجم قطع الشابتر 3
ولكن راح انقطع عندكم اسبوع تقريبا بسبب المشاغل
وان شاء الله ارجع والقطع مترجمة

[cool2011]

المشاركة الأصلية كتبت بواسطة عبدالله بن عبدالرحمن ملاحظه عبدالرحمن نبي ترجمه قطع مو كلمات والترجمه تكون بشريه مو الكترونيه معليش اخوي مافهمت قصدك هنا... اكيد مو كلمات بس..راح نأخذ القطعة ورقم الصفحة ونترجمها بالعربي جملة جملة وننزلها على شكل نص يحمل رقم الصفحة ... هذا قصدي وماتكون الكترونية طبعا بس اكيد راح استخدم قواميسي الخاصة (قوقل-الوافي-اطلس) بس مالكم غير نص مترجم بطريقة بشرية على قولتك :)

الله يقويك

[cool2011]

عبدالرحمن بخصوص مادة الرايتنق 2 ضفتها ولا باقي

[عبدالله بن عبدالرحمن]

المشاركة الأصلية كتبت بواسطة cool2011 عبدالرحمن بخصوص مادة الرايتنق 2 ضفتها ولا باقي

للاسف اخوي مااختبرتها الترم الماضي عشان الامطار ومعاى الترم الرايتنق 1 هذا بأذن الله
منتضر الشخص اللى حاترشحة معاى او اي واحد خفيف دم وفهلوى >>>>بجد مايبى واحد ثقيل دم مايحب الرسمي زيادة
:)
وياليت الاخوات المشرفات يرسلون ايميلى للشخص اللى معاى لان ايميلى موضح لهم فى بياناتى

[cool2011]

عبدالرحمن chpter 2
ابو الاءchapter 3


cool2011 chapter 6

باقي 4 و5 يالله اللي يقدر المده اسبوع

[المحروم..@]

طيب بسألكم يا جماعه

كل شبتر فيه قطعتين وحده صغيره ووحده كبيرة مرة

ما ادري وش المهم فيها هل كلها مهمـه

والسوأل الثاني هل معقول مانزل حل للكتاب لاني بصراحـه ابي حل للكتاب ضروري

وشكراً