ممكن طلاب موارد بشريه ....الترم الثالث (انتساااااب)فقط انتسااب .

[*عسل أبيض*]

انا نزل جدولي 6 مواد

مبادئ محاسبة
قانون تجاري
مبادئ ادارة
مبادئ اقتصاد جزئي
تحليل كمي
ثقافة اسلامية


مادري هل الكتب متواجدة؟؟ولا نصبر للدورة التاهيلية ونقعد بطالية هالفترة :)
ماحب اقعد فاضية ياريت الي عنده خلفية عن موضوع الكتب يخبرنا :(

[لورد النور]

السلام عليكم ورحمة الله وبركاته

كيفكم جميعا ان شا الله تمام
انا معاكم بنفس المستوى والمسار
ادارةالاعمال -ادارة وتنظيم المواردالبشرية
وانا معاكم بالقروب ان شا الله بس تكفون لاتسرعون وبعدين اضيع وما اقدر الحقكم
بس عندي كم سؤال كذا
هل الافضل الاستمرار على الخطة الدراسية الموضوعه لك ؟
لو حبيت اني احذف مادة هل تروح المادة للترم اللى بعده ؟
وفيه سؤال ثالث بس نسيته والله لا الحمد لله ذكرته متى الاختبارات بأي شهر لانه ازعجني واحد يقول انها بعد عيد الاضحى يعني بشهر محرم هل هذا صحيح ؟

شاكر لكم يااخواني واخواتي وبالتوفيق لنا كلنا

محبكم لورد النور

[وهم]

عسل يسعدلي صباحك من ناحية الكتب ....
أنصحكٍ انك تشوفين الكتب الي موجودة في المكاتب إذا كانت اصدار العام الماضي ..

توكلي على الله وخذيها لان الجامعة نهائياً ماتغير سنتين متتالية ...

هذي أفضل طريقة ومعتمد عليها ...

[*عسل أبيض*]

الله يجزاك الجنة قل امين

هذا جدولي مدري هل احذف او اضيف ولا اخليه زي ماهو؟؟

[وهم]

عسل ...
بصراحة جدولك مو بذيك الصعوبة ....
لاكن زي ماقلت لك اذا تبين ترفعين معدلك ..
التحليل الكمي ينحذف وتنزلين اي مادة نضري ؛؛
مجرد راي شخصي ...

[وهم]

أولا منور لورد ...
ثانيا نصيحتي تبقى على الخطة الدراسية
واذا بغيت تحذف تحذف مادة فقط ويكون سبب الحذف رفع المعدل في الاترام الاولى من التخصص
وبعدين المادة الي تحذف تنتقل الى الترم الثاني وممكن تنتقل معك الى اخر ترم
وماراح اطلع من النت لين تذكر سوالك الثالث ههههههههه

[لورد النور]

المشاركة الأصلية كتبت بواسطة وهم أولا منور لورد ... ثانيا نصيحتي تبقى على الخطة الدراسية واذا بغيت تحذف تحذف مادة فقط ويكون سبب الحذف رفع المعدل في الاترام الاولى من التخصص وبعدين المادة الي تحذف تنتقل الى الترم الثاني وممكن تنتقل معك الى اخر ترم وماراح اطلع من النت لين تذكر سوالك الثالث ههههههههه

السلام عليكم ورحمة الله وبركاته
تسلم اخوي النور نورك
ما قصرت سؤالي الثالث الله يطول بعمرك متى اختباراتنا؟
لان واحد قال انها بشهر محرم



وعندي اقتراح بسيط ان كل واحد فينا يسجل اسمه في رد واللي بعده يقتبس الاسم ويضيف اسمه مثلا مجرد اقتراح او الادارة تلزم كل مشترك بذكر تخصصه وخصوصا اللي بالمستوى الثالث وفوق عشان نقدر نعرفهم

ماشاء الله كثيرين اخوان هنا وودي لو نكلم الادارة توحدنا على هالموضوع عشان ما يطلع اكثر من واحد من الشباب وينشئ موضوع بشأن عمل قروب للتخصص
"ادري ان هدف بعض الاخوان اننا نجتمع بس لازم نتكتك شوي والا لا اخوي وهم "

دمت بود
لورد النور

[*عسل أبيض*]

الله يعافيك ياخوي وماقصرت ونردها لك بالافراح هههههههههههههههههههه

[ماجد الفاقد]

انا نصيحتي للجميع انه يبقى على الخطة الدراسية بدون حذف او اضافة اي مادة

وبالنسبة للي يقول احذف المواد العلمية وحط بدالها مواد نظرية علشان ترفع المعدل

انا اشوف ان الطريقة هذي حقت (اذكياء)

يااخوان تراها نفس الشي سواء حذفت او اضفت المواد راح تنزل بجدولك

يعني لو رفعت معدلك الترم هذا بسبب حذفك للمواد العلمية ، اكيد انه راح ينزل بعد ماتضيفها الترم الي بعده (كنك يبو زيد ماغزيت) هذا الكلام للي مو جيد بالمواد العلمية اما الي كويس فيها اكيد راح يثبت المعدل او يرفعه

وبالتوفيق لجميع الزملاء والزميلات

[وهم]

عسول ماسوينا شيء ...
ياما سئلنا في بداية الاترام وكنا تايهين قبل هالمنتدى الرائع ..
وتسلمين لي يالغلا نشوف الافراح اخر الترم هههههههه