معدلك 5 او 4.9 يللا لاااازم تدخل طب x_x

[حلاوة ليمون]

بسم الله الرحمن الرحيم

السلام عليكم ورحمة الله وبركاته !!!

ندخ ـل ع الموضوع على طووول !!!

لاحظت في التحضيري عندنا إنو إدا معدلك ع الي لازم تدخل طب لاااااااااااااازم

و إلا حتصييير مشكله كبيره و ... etc

أشوف ناس بتقوللي شفت فلان هدا معدله 5 من 5 >> من دوون ما يذكروا إسم الله !!!

ولااااا كمان يقولو هدا أكييييد أكييييد طب

الخلاصه أنا مو عارف مستوى تحصيلي العلمي كل ما كان أعلى كل ما كان ميولي إجباري طب و كأنو علاقة طرديييه بييينهم ؟؟

لييييش ؟؟

انتوا إسألو نفسكم لاااازم ادا معدلاتنا عاليه إجباااري ندخل طب و نقفل على دماغنا و أمانينا وميولنا بحجة هده العلاقه ((( معدل عالي = طب ))) اللي مالها أي أساس

بأجلس مع قروب و يسألو عن المعدلات و ييجي واحد منهم و يقووول معدلي 5 من 5 و نفسي أدخل حاااسب أحس هدا عاالمي و لا افكر فغيره فجأة بغمضة عين يدخلو فيه 60 ألف واحد ايييييييش ؟؟؟ تدخل حااسب و معدلك 5 من 5 ولله ما حبيناها منك لا لا لا أدخل طب

^
^
هههههههههههههههههههههههههههه فهموووني بلييييييز

[مَـزٍآج ..}..]

وعليكم السلام ..

باختصآر اختيارك لتخصصك نقطه مفصليه في حيآتك المهنيه .. قرار مره مهم ..

ايش هيا المعآيير الي لازم احطهآ قداامي عشان اختارر تخصص يكون منآسب لي ..

اولاً الميوول .. ثانياً ما يحتاجه سووق العمـل .. ثالثاً امكانيآتك ومستواك العلمي

كل العوامل هذي مرتبطه ببعضهاا ..

انا من وجهه نظري ما يحتاجه سوق العمـل في المستقبل من اهم العوامل ..

على سبيل المثال انسان يحبب التخصص (س ) بدون ذكر كليه معينـه .. ومعروف عن هذي الكليه

انها مشبعة بالطلاب المتخرجين منها وما حصلوا وظـائف .. هنـآ حتى لو ميولكـ في التخصص هذااا

لازم تصرف النظر عن الكليه هذي حتى لو انت او انتي تحب الكليه هذي وميولكـ لها .. لانك راح تتعب

وتتخرج وتبروز شهادتكـ في غرفتكـ :) ..

طيب كيـف اختـار تخصص مناسب لمستواي العلمـي ..

وعلى سبيل المثال حتكلم على التخصصات الطبيه .. تركز بشككل كبير على الحفظ وعلى طوله البال والصبرر

اذاً مدام انا مو هاوي حفظ كثيـر .. ممكن اتجه لكليه مثل الهندسه تهتم اكثر بالرياضيات والفهم اكثـر من الحفظ ..

وهكذا لازم تجلس مع نفسسسك وتفكر فيها من جميييـع النوااحـي ..

اخيراً ونصيحه مني ..

لا تختار تخصصك على حسـب اصحابك او كلام الناس او حتى اهلكـ .. تخصصك خيارك انت وبس .. !!

ولا مانع تسال وتاخد خبرات من الي حولكـ ..!!

بالتوفـيق للجميـع !!

[اكوس نفرر]

^ +1

يعني من الاخر .. شوف معدلك

وحط قدامك كم اختيآر .. اللي ممكن معدلك يأهلك وتدخل التخصصات المختآرة

وبعد كذآ رتبها بالمعآيير اللي قالها د.مزآج

يعني واحد مثلا ميولو فيزياء ..

ممكن يدخل قسم اشعة .. او كلية العلوم .. او الهندسة

بس الادمي هذا ما يحب يحفظ .. يعني لو دخل قسم اشعة بيجيب العيد ..

يعني اما كلية الهندسة او العلوم ..

وحسب ما يحتآجه سوق العمل .. الهندسة :)

^

مجرد مثآل ..

[XHA]

المشاركة الأصلية كتبت بواسطة اكوس نفرر ^ +1 يعني من الاخر .. شوف معدلك وحط قدامك كم اختيآر .. اللي ممكن معدلك يأهلك وتدخل التخصصات المختآرة وبعد كذآ رتبها بالمعآيير اللي قالها د.مزآج يعني واحد مثلا ميولو فيزياء .. ممكن يدخل قسم اشعة .. او كلية العلوم .. او الهندسة بس الادمي هذا ما يحب يحفظ .. يعني لو دخل قسم اشعة بيجيب العيد .. يعني اما كلية الهندسة او العلوم .. وحسب ما يحتآجه سوق العمل .. الهندسة :) ^ مجرد مثآل ..

اختصرت كل الكلام ... فنان

[bashair ib]

منجد صح كلامكم الكل يبغا طب طمعا في المنصب و السمعة وتنسو انو وراه مسؤوليه كبيرة دي حياة ناس مؤ لعبة ودراسة 7 سنين وفوق يعني مستعدين انت ولا انتي لما تشوفو اصحاب كم بيتخرجو وانتو وراكم كرف لسا مستعدين تضحو وماتتزوجو الا لما تخلصو دراسة الواحد يفكر لبعيد دا القرار حيعتمد عليه مستقبلهم محنا صغار خلاص بدأنا نختار طريقنا ومحد مسؤول عن دا الخيار الا أنتو كم واحد ووحدة دخلو طب و نمو وسحبو لا تضيعو وقتكم

[M!SS Lara]

مزاج كلامك +11111

[dr.ro0ody]

معاك حق اخويا
انا بشوف اغلب البنات اللي معدلاتهم عاليه تقول ابغا طب
اوكي ازا انتي ميولك من الاساس طب الله يوفقك ويسرلك
بس ازا انتي عشان مجرد معدل عالي بتقولي ابغا طب لاكدا ماراح ينفع

وانا بحكي لكم على قصه اختي دحين رابع طب بشري هنا في عزوز تعرفت على وحده من التحضيري وكانت ماشاءالله البنت هادي معدلها عالي واساسا كانت تدرس في مدارس انترناشونال ولغتها مرة كويسه
بس ماكان ميولها ابدا طب بتقول ( عاادي اي شي اللي ربي يسروا ليا ) واخدت معدل ماشاءالله 4.80 اعلى من اختي كمان والبنت هادي شاطرة وممتازة وبتحب تزاكر وبتجيب فعلا درجات عاليه بس حلمها وطموحها وميولها ماكان طب وماكان عندها طوله بال

خلصت السنه التحضيريه وانقبلوا هيا واختي طب مع بعض ولاكن للاسف من اول اسبوع قالت ايش هادا ؟؟؟ ايش كميه المناهج هادي ؟؟ معقوله ادرس واحفظ هادا كلوا؟؟ مع انوا في التحضيري معدلها+a ماشاءالله
بس اختي ماتركتها تحول وسارت تقنعها بالطب اكتر واكتر وعدا شهرين واختبروا وكانت درجاتها للاسف جدا جدا جدا مخسوفه والسبب انها دخلت شي ماتحبوا ولاتتمناه وكانت البنت بتفضل الفهم اكتر من الحفظ

وبعدها بفترة انخطبت وسحبت على الطب بكبروا عشان خطيبها وتقول تبغا تتفرغ لحياتها وبيتها وزوجها واولادها مستقبلا ومعاها حق طبعا هادي حياتها وهيا حرة فيها بس ليه ضيعت عليها سمستر كامل كدا على الفاضي

وبعدها قالت بدخل شي في رياضيات واستخارت بين الحاسب وتخصص رياضيات
بس هيا كمان للاسف ماتحب الحاسب وتشوفوا صعب عليها وحولت رياضيات
ودحين ماشاءالله عليها تطلع من الاوائل على الدفعه وسمعتها في الجامعه مررة كويسه وفعلا تبدع في الرياضيات اكتر من الطب !!!!

نفس الشي دحين معايا الحمدالله موزوني فوق 90 وحلمي وطموحي من زمان صيدله بس ازا متلا الله لايقدر وقفت الصيدله على موزون فوق 95 راح اقول اكيد خيرة وبدخل بإزن الله كليه العلوم بايوكمستري وبكمل فيه ماستر في الكيمياء حيويه السريريه وهوا فرع من كليه الطب عشان اقدر الاقي حاجه تحقق حلمي

ف لازم كل واحد فينا يفكر في اللي هوا يتمناه ويحبوا ويكون ميولوا وطموحوا بغض النظر عن المعدل
وفي نفس الوقت يفكر في معدلوا بحيث يكون معدلوا يحقق الشي اللي يتمناه

يعني متلا طالبه معدلها 3.50 او 4 وتبغا طب او صيدله او علوم طبيه طبعا هادا المعدل مااينقبل فتفكر في حاجه قريبه من الطب والمختبرات والاشياء هادي يعني متلا احياء او بايوكمتسري ولو كانت متلا تبغا اشعه تدخل فيزياء وتحقق حلمها وتبدأ من الصفر وتشد حيلها وتكمل ماستر عشان تلاقي الوظيفه اللي تتمناها والشي اللي بيرضيها


اعذروني على الاطاله

[Meso0o12]

+11111111111

[THE HILL]

مشكلتنا هنا ان عندنا تخصصات مهمه بس ما تلقى اي تقدير

,,,,,,,,,,,

وعلى فكرة كثير نسبهم عاليه وما اختارو طب او بالاصح كليه صحيه اغلبهم حاسب وادارة واقتصاد وكل وحده وظروفهآ ..

والاستخارة ثم الاستشارة ,,, قبل ما يطيح الفأس في الراس اسالو قد ما تقدرو وحاولو تعرفو كل شي عن تخصصكم عشان ما تندموا ..

بالنسبه للي يبغى كلية صحيه مو شرط يكون حفيظ درجة اولى وانها ما تعتمد ع الفهم " لالا فيه فهم وحفظ " وبعض المواد تمر عليك فهم بحت من غير حفظ يمكن مع السنوات الجايه والادويه تكون كميه الحفظ ادسم ,,

كنت مااطيق الكيمياء احسها متعبه ودسمه ومع ذلك دخلت صيدله و حبيتـــها ولا تكون عندك فكرة سلبيه عن اي ماده زي مافي التخصص شي تكرهه اكيد في حاجه ثانيه تحبها ..












....

[حلاوة ليمون]

ما شاء الله علييييكم :)

ردودكم أرووع م كلمة رووعه

الله يخليكم

تحياااتي :)