بخصوص قرب التقديم في بعض النقاط وقت التقديم يجب معرفتها

[بيلف]

معليش في غلط في العنوان مو راضي يتعدل ممكن المشرفين يعدلونه لي =>> تكره الأخطاء

السلام عليكم

يسعدلي أوقاتكم كلها

في نقاط جدا مهمه لازم يعرفها كل طالب ماستر مقبل على هالمرحله
وبخصوص أنو في حملات و تجمعات لعاطلين دراسات عليا بأنواع التخصصات



يلا نبدا



سوق العمل

لازم نراعي في الماستر انه يناسب سوق العمل و نعرف وش مستقبله الوظيفي
ونحط أكثر من أحتمال هل انا بأكون اكاديمي ,في التعليم , في الشركات

ونشوف وش راح يصير لو طمحت أصير عضو هيئة تدريس و ماصار
وش فايدة محبة تخصص ... اذا لم تعطي فرصه لممارسته

و سوق العمل 2008 يختلف عن 2012 و انتبهو لـ هالنقطه
وانتم تقرون مواضيع المنتديات ركزو في التواريخ

أستشيرو اتصلو ع شركات بعض الشركات الموارد البشريه لهم تقول لك احتياجهم
بس كيف تقولكم .. ..اذا انت او انتي ما تسال


الخدمه المدنيه


للأسف ما عندنا جهات حكوميه تهتم فيك مسؤلية أيجاد العمل هي مسوليتك أنت وحدك محد مسؤول عنك ابدا

1- غير معتمده من الخدمه المدنيه بعض برامج الماستر الجديده وما راح أقولكم وشهي
لازم انتم تعتمدون على نفسكم في البحث عن التخصص
واذا قالو لكم اعتماد البرنامج قريب
( نعم ) حتى طلاب في جامعه فلانيه قالو لهم الاعتماد قريب
وهالحين اتخرجو ولهم سنين عاطلين ولا واحد أتوظف من الدفعه
مين المتضرر الأخير في الموضوع ؟؟؟
اذن لا تغلطون نفس الغلط الاعتماد قبل البرنامج


2- متى الخدمه المدنيه تقبل توظفك و متى ما تقبل توظفك

ا- الماستر في نفس مسار تخصصك في البكالوريس

مثلا : أنا بكالوريس أحياء + ماجستير اي قسم من اقسام الاحياء = تقبل توظف

ب- الماستر تربوي مهما كان تخصصك في البكالوريس

مثلا : أنا بكالوريس احياء + ماجستير تقنيات تعليم او اداره تربويه ...الخ = تقبل توظف

غيرا كذا ما توظف بمعنى :

ج- الماستر في غير تخصصك :
مثلا : انا بكالوريس احياء + ماجستير اداره عامه = للاسف ما تقبل توظفك


في الأخير هالكلام من باب حب لاخيك ماتحب لنفسك وانا اشوفكم أخوه لي
اذا ما اعجبكم الكلام ادعو لي بالهدايه بس لا تدعون علي

ودعواتكم لي و للجميع بالقبول هالسنه

[خلوده1]

كلام رائع بيلف والله يسعدك من جد معلومات ما كنت اعرفها .. وان شاء الله يارب ما نكون من فئة العاطلين .. وأي احد عاطل يتوظف يارب ..

جزيتي خيرا ..

[كيميائية العام]

جزاك الله كل خير

[إحساس أنثى]

جزاك الله خير

[طمووح آنثى]

آ

خت بيـــــــــــــــلف الله يسعدك شاكره على معلوماتك
بس ممكن ســـــــــــؤال ..
ليه الللي تخصصها بكالوريس احياء وماجستير ادراع عامه ماتتوظف ؟؟؟؟
ممكن السبب لان شاء الله اذا ربي يسر بأقدم ماستر هالسنه ونفسي في ( الادراه العامه )
ومتخرجة بكالوريس احياء ؟؟

مع خالــــــــــــــص دعواتي لك بالتوفيق ..

[عماد الحسن]

شكار لكم أختي لهذا الموضوع المفيد ، نصائح طيبة وكل الطلاب يحتاجوها في هذه الفترة ، ومن حق الطالب يغير التخصص في الماجستير بشرط أن لا تتعارض الكلية في التخصص الجديد،

في اجتماع العمادة الأخير خلال الأسبوع الماضي تم طرح موضوع سوق العمل والحاجة للتخصصات الجديدة ، وهناك توصيات من المسئولين بقفل بعض التخصصات المكتفية أو اقتصارها على الدراسات العليا، وهذا امتداد لكلامك في الموضوع.. أما التخصصات الغير معتمدة فسيتم لهم الاعتماد قريباً بحول الله.

[بيلف]

المشاركة الأصلية كتبت بواسطة طمووح آنثى آ خت بيـــــــــــــــلف الله يسعدك شاكره على معلوماتك بس ممكن ســـــــــــؤال .. ليه الللي تخصصها بكالوريس احياء وماجستير ادراع عامه ماتتوظف ؟؟؟؟ ممكن السبب لان شاء الله اذا ربي يسر بأقدم ماستر هالسنه ونفسي في ( الادراه العامه ) ومتخرجة بكالوريس احياء ؟؟ مع خالــــــــــــــص دعواتي لك بالتوفيق ..

الخدمه المدنيه لم تتغير قوانينها أظن من 30 سنه
هي ترفضك لانك أخذتي ماستر في غير أمتداد تخصصك

لكن
أنتي عند أختيارك لللأدراه كماستر وش كان هدفك من الماستر
لنفسك أو للعمل في الحكومه أو للقطاع الخاص ؟

و أبحثي في موضوع كيف القطاعين الحكومي الخاص يتعاملون مع اختلاف التخصصين ؟

لان ماعندي خلفيه عن هالشي صراحه غير الكلمتين اللي فوق لكن بعطيكم مثال

مثلا :
بعض طلاب الهندسه يدرسون أداره ليش ؟
لانهم يبغون القطاع الخاص ( الشركات ) وهالشي يساعدهم يمسكون مناصب قياديه
بالاضافه ان الشركات قد تكون طالبه بكالوريس هندسه + تعتبر اللي معه ماستر في غير الهندسه
يحسبله نقاط تعليم زائد .. وهالنقطه الخدمه المدنيه ما تسويها للأسف والطلاب اصلا مركزين هنا ع الخاص

[shada_Ak]

2- متى الخدمه المدنيه تقبل توظفك و متى ما تقبل توظفك ا- الماستر في نفس مسار تخصصك في البكالوريس مثلا : أنا بكالوريس أحياء + ماجستير اي قسم من اقسام الاحياء = تقبل توظف ب- الماستر تربوي مهما كان تخصصك في البكالوريس مثلا : أنا بكالوريس احياء + ماجستير تقنيات تعليم او اداره تربويه ...الخ = تقبل توظف غيرا كذا ما توظف بمعنى : ج- الماستر في غير تخصصك : مثلا : انا بكالوريس احياء + ماجستير اداره عامه = للاسف ما تقبل توظفك في الأخير هالكلام من باب حب لاخيك ماتحب لنفسك وانا اشوفكم أخوه لي اذا ما اعجبكم الكلام ادعو لي بالهدايه بس لا تدعون علي ودعواتكم لي و للجميع بالقبول هالسنه

جزاك الله خير

[طمووح آنثى]

( آخت بــــيلف ) الله يسعدك ويرزقك من حيث لاتحتسبي .. ومشكوره على المعلومات ان شاء الله الكل يقرآها ويستفيد
.. آعذب تحيآتي لك ..

[نوف الحربي.]

ماشاء الله تبارك الله عليك اختي بيلف بجد عجبتني كثير العقليه الرائعه التي تفكرين فيها

تصدقي كان غايب هذا الشئ عن بالي إلى قبل شهر لما نصحتني زميلتي بتخصص تقنيه حيويه

انا كنت افكر بعلم الاجنة او الوراثه لكن الآن محتاره كثير

و ما ادري عن التخصص و ما اني متأكده أذا فيه ام لا هذا التخصص في الماستر

مع انه المفروض مثل هالتخصص و التخصصات المهمه الاخرى تكون هي الاساس