~✿{ ما هية الدورات التأهيلية - الدليل الشامل لطالبات المستوى الثالث المتخصصات ✿❥~

[white rose]

السلام عليكم ورحمة الله وبركاته أسعد الله سائر اوقاتكن بطاعته ورضاه في البداية احب ان ابارك لكن التسكين والقبول في التخصصات سواء بكلية الاداب او الاقتصاد والادراة وسوف نتناول في هذا الموضوع اهم المحاور التي ينبغي لكنّ كطالبات تخصص الالمام بها : أولاً : التقويم واهميته نظرا لان اغلب الطالبات تجهل ماذا يقصد به وما اهميته فحبيت اوضح لكنّ ان اهمية التقويم تكون في : 1-معرفة مواعيد السداد متى تبدأ ومتى تنتهي ؟ 2- معرفة مواعيد الحذف والاضافة متى تبدأ؟ ( حتى تتمكني من إضافة المواد لجدولك ) ومتى تنتهي ؟ ( حتى تثبتي على جدولك وقتها وما تغيريه + تسددي قبل لا تنتهي المواعيد عشان تلحقي تضيفي المواد اللي تبغيها بدون اي مشاكل لانو لو سددتي بعدها راح ينفرض عليك الجدول اللي نازل لك بالاودس فينبغي عليك التنبه لذلك ) 3-معرفة موعد الاختبارات النهائية ؟ ( عشان تعملي حسابك وتستعدي من قبلها للنهائي ) 4- موعد الدورة التأهيلية ( السنترا ) : وهي المحاضرات التي تقام مباشرة مع الاستاذات في الفصول الافتراضية وفي التقويم نعرفها لمن نلاقي كلمة الدورة التأهيلية لكلية الاداب طالبات ( سنترا ) [ في حالة كنتي من طالبات كلية الاداب ] او لطالبات كلية الاقتصاد طالبات ( سنترا ) [ في حالة كنتي من طالبات الاقتصاد والادراة ]: وهذا رابط مباشر للتقويم : [ من هنا ] وايضا هالموضوع مفصل فيه المواعيد لطالبات كلية الاداب : ~||مواعيد الدورات التأهيلية لطلاب وطالبات الانتساب للفصل الدراسي الاول 1434هـ-2013م~✿ ثانياً: الجدول وكيفية الحذف والاضافة من خلال الخطة الدراسية لقسمك تقدري تعرفي المواد اللي لازم تضيفيها لجدولك في الاودس بلس لانو مو الكل تنزل لهم الجداول كاملة الحين انتي تعتمدي على نفسك في الحذف والاضافة هذي نقطة والنقطة الثانية ركزي على مسمى المواد بقسمك يعني مواد التخصص مثلاً عندك رمز قسم اللغات الاوروبية دايما يكونlane ومواد قسم اللغة العربية رمزها arab وهكذا بقية الاقسام واهمية معرفة هالرمز عشان لمن تسوي عملية بحث لازم تحطي عند المادة رمز التخصص تبعك عشان تطلع عندك الشعب المتوفرة لكم وتقدرو تسجلو فيها. وهالموضوع راح يفيدك في عملية البحث والاضافة : بالصور شرح الحذف والاضافة -وايضا معلومة مهمة لمن تبحثي عن مواد زي التحرير الكتابي والشباب والثقافة والمواد العامة انتبهي على الرمز اللي جنب الرقم عشان تحطيه مكان المادة عند البحث في الشعب الدراسية وبعدها تضيفي المادة العامة او الحرة حسب الرقم والمسمى اللي عندك .. -بالنسبة للاستاذات والاستفسارات المتعلقة بالمواد ومين احسن استاذة : إما انك تكتبي استفساراك في مواضيع الاستفسارات المثبته بالقسم اللي انتي متخصصه فيه في المنتدى او انك تستخدمي محرك البحث جوجل الخاص بالمنتدى راح يفيدك كثير عن أسلوب الاستاذة وعن أي شي تحتاجيه وهذا رابطه : [ من هنا ] -بالنسبة للتواصل مع الاستاذات في هذا الرابط فيه طرق التواصل وصفحات الاستاذات على موقع الجامعة : (هام جدا) لجميع طلاب وطالبات الانتساب(التواصل مع الدكتور ومعلومات عن المواد) -ومعلومة اخيرة مهمة تقدري تضيفي المواد اللي تبغيها في الشعب اللي تبغيها لكن بشرط ما تكون متعارضة مع المواد بجدولك واهتمي واحرصي في انزال المواد على انو موادك تكون في اوقات غير عن بعض لانو ما ينفع تنزلي مادتين بنفس الوقت تلقائيا راح تلاقي الاودس شال الصح اللي جنب المادة اللي تبغي تضيفيها لانها تتعارض مع المواد بجدولك .. -أيضا عندك في كل قسم منتدى الملخصات والمواضيع المميزة راح تلاقي فيه في المواضيع المثبته : مواضيع الدورات التأهيلية السابقة لو حابة تطلعي عليها + ملخصات لاغلب المواد اللي تاخذيها فأرجعي له كمساعد لك في المذاكرة .. ثالثاً : اضافة المواد لجدول الدورة التأهيلية ( السنترا ) : عندكم هالموضوع شارح اضافة المواد لجدول السنترا او الدورة التأهيلية بالصور لكم : ▓◄ نظام السنترا بالصور►▓ طبعا انتي تضيفي المواد لجدولك في الدورة التأهيلية بنفسك بعد ما تضيفيها لجدولك بالاودس بلس واذا ما انضافت معك اي مادة اصبري كم يوم وارجعي حاولي تضيفيها المهم تنضاف معك قبل موعد الدورة التأهيلية لكم .. رابعاً: البرامج المهمة لتشغيل السنترا : من خلال تجربتي متصفح الاكسبلولر او جوجل كروم هم اكثر المتصفحات اللي بتفتح معك السنترا اما الفايرفوكس فمرة ما يفتحها معك بالذات الكلاسات فانتبهي من البداية.. بعدها عندك هالرابط مباشر من العمادة لتحميل البرامج الضرورية للجهاز : [ من هنا ] وهالمواضيع مساعدة لكم تشرح لكم نظام السنترا : شرح تثبيت Java + Flash Player بأسهل طريقة برامج مهمه لتشغيل المحاظرات في الـCentra برامج السنترا ..عشان تشتغل عندك بأذن الله..مهم}}} -ايضا حابة انبه على شغلة انو لازم تفحصي النظام قبل لا تبدا المحاضرات عشان تتأكدي انو نظامك سليم ومتصفحك راح يفتح معاك الكلاسات عندك في هالموضوع تحت عنوان ( فحص النظام قبل التشغيل ) جدا مهمة هالخطوة احرصو تعملوها من بدري عشان تتأكدوا انو وقت المحاضرة راح تدخلون الكلاس بسهولة .. وفي نفس الموضوع يشرح لك خطوات الدخول للكلاسات انتبهوا لها وركزو عليها ربي يوفقكم وهذا الرابط : ▓◄ نظام السنترا بالصور►▓ بالنسبة للايقونات في المحاضرة بعد ما تفتح لكم هالرابط مفيد لكم عشان تعرفو اهميتها وطريقة استخدمها : [ من هنا ] -طبعا لا حاجة الى مايك لكن انتبهو من اول الكلاس افتحو ايقونة الشات اللي رمزها كان في الرابط السابق اضغطوا عليها وافتحوها واكتبو اللي تبغوه للاستاذة وتناقشوا معاها من خلالها .. في حالة كتبتي وما ظهرت لك الكتابة وكانت باللون الازرق اعرفي انو الاستاذة قفلت الشات لكم لكن يظهر عندها اي كلام تكتبيه وايضا كوني حذرة اي كلام ينكتب في الشات تقدر تقراها الاستاذة حتى لو انتهت المحاضرة .. خامساً : معلومات هامة عن السنترا للانتساب الجديد 1- المحاضرات تسجل لكم يعني لو ما حضرتيها المفروض تلاقيها بجدولك للسنترا تنزل تلقائيا بعد انتهاء المحاضرة يعني تقدري تسمعيها فاي وقت بالاضافة انها تنزل لكم على موقع العمادة بعدها بفترة على هذا الرابط : [ من هنا ] تكتبي رقمك الجامعي ورقم المرور الخاص بالاودس بلس وتنفتح معك وتقدري تحمليها بجهازك .. 2- حضور المحاضرات ليس اجبارياً ولكن اختياري وما عليه اي درجات وما تنقص درجتك لكن يفضل انك تحضريها عشان تطرحي اي اسالة تواجهك مباشرة للاستاذة.. 3- حاولي تحضري قبل بدء المحاضرة بربع ساعة .. 4- أحيانا يحصل خلل بالسنترا وتدخلي كلاس وتقعدي فترة ما تجي استاذتك ساعاتها اخرجي وارجعي ادخلي السنترا ثاني راح تلاقيها في الكلاس الاساسي وبلغي استاذتك بالخلل اللي صار معك.. 5- عند الحذف والاضافة وقت الدورة التاهيلية يعني بعد ما تبدأ لكم (اذا كان متاح لكم بعد ما تبدا الحذف والاضافة ) فانتبهي انك لو غيرتي الشعبة او حذفتي المادة راح يتاخر عنك الكلاس الجاي لمدة يومين او ثلاثة لانو نظام السنترا بطيء في عملية التحديث .. أرجو من الله ان نكون وفقنا في اعطائكن فكرة عن الاساسيات اللتي تحتجنّ اليها خلال المستوى الثالث من التخصص مشرفات القسم ام حمدان د.نورهـ شمعة الجامعة ومشرفي القسم الافاضل بلا موعد mohshehri مراقبتنا العامة nour al3mr رعاكم الرحمن

[شمعة الجامعة]

وعليكم السلام ورحمة الله وبركاته
تبارك الرحمن مجهود مميز غاليتي روزا
ربي يبارك فيكِ وفي جهدك ووقتك
وأسأل الله التوفيق والسداد وتحقيق أعلى الدرجات للجميع

[nour al3mr]

وعليكم السلام و رحمة الله و بركــــآته

الله يكتب أجرك و يعظم ثوآبك على ما قدمتِ و أفدتِ :)

و بإذن لله تتيسـر أمـور الطلبة الكرآم و فالكم النجـآح يـآرب .

[لصممتي حكممه]

ماشاءالله تبارك الله ..~

موضووع راااائع وشاامل لكل المستجدين ،،..~

مو غريبه المواضيع المميزه عليك مراقبتنا ..~

اثابك الله وكتب لك الاجر ..~

ما ننحرم

[white rose]

المشاركة الأصلية كتبت بواسطة شمعة الجامعة وعليكم السلام ورحمة الله وبركاته تبارك الرحمن مجهود مميز غاليتي روزا ربي يبارك فيكِ وفي جهدك ووقتك وأسأل الله التوفيق والسداد وتحقيق أعلى الدرجات للجميع

يا هلا بالغالية شموعة نورتي

اللهم امين اجمعين

شكرا لك ولدعواتك الطيبة وكلماتك الرقيقة وعلى تشجعيك واشرافك على الموضوع بارك الله في جهدك

المشاركة الأصلية كتبت بواسطة nour al3mr وعليكم السلام و رحمة الله و بركــــآته الله يكتب أجرك و يعظم ثوآبك على ما قدمتِ و أفدتِ :) و بإذن لله تتيسـر أمـور الطلبة الكرآم و فالكم النجـآح يـآرب .

حياك الله أستاذتي الفاضلة

ولك بالمثل ربي يجزاك عني كل خير ما قصرتي معي في توجيهي وارشادي لك جزيل الشكر والامتنان

المشاركة الأصلية كتبت بواسطة لصممتي حكممه ماشاءالله تبارك الله ..~ موضووع راااائع وشاامل لكل المستجدين ،،..~ مو غريبه المواضيع المميزه عليك مراقبتنا ..~ اثابك الله وكتب لك الاجر ..~ ما ننحرم

يا هلا بصموتة

ربي يعافيك نورتي والروعة مرورك يا جميلتنا الاوروبية

واياك يا قلبي ووفقك الرحمن وسدد خطاك :-)

[SσσσMαα]

ماشاء الله
الله يجزاك خير على المجهود الرائع
مجهود متميز تستحقين الشكر عليه ..

[little Angel]

مجهود رائع وضحت كثير من الغموض للطلبة
بارك الله فيك ووفقك يارب

[white rose]

المشاركة الأصلية كتبت بواسطة sσσσmαα ماشاء الله الله يجزاك خير على المجهود الرائع مجهود متميز تستحقين الشكر عليه ..

هلا سوما

نورتي يا غالية

واياك ياااارب ربي يسعدك :-)

المشاركة الأصلية كتبت بواسطة little angel مجهود رائع وضحت كثير من الغموض للطلبة بارك الله فيك ووفقك يارب

حياك الله ليتل

نورتي يا عسولة

واياك يارب

فتح الله عليك :-)

[❤ α̲и̲єєи̲]

،,


لاقوة الا بالله اخراج مميز و مضمون نافع باذن الله

جوزيتي الجنآن ياغالية على مجهودك

[Lily roses]

وعليكم السلام ورحمة الله وبركاته
مجهود جبار ورائع
مو غريب عليك هالتميز
واضح ومفهوم راح يساعد الكثير والكثير ممن يشكل عليهم بعض الامور
جزاك الله جنات الفردوس