اخيــــــــــــرا ,,, وليس اخرا ........I am graduating

e.academic · #1 19-01-2012, 03:17 AM

اللهم لك الحمد كما ينبغي لجلال وجهك وعظيــــــــــــم سلطانك

من الله علي بالتخــــرج ..

ولكم تجربتي في الجامعة من البدايه الى النهاية حتى تكون سطوووري الاخيره ..

اولا : امضيت في الجامعة اربع سنوات + ترم صيفي + ترم اول من العام الحالي 1433

ثانيا : حملت اربع مواد خلال دراستي ..وتخرجت بمعدل 2.68 صح انه معدل قليل بس حبيت ابلغكم بشي انا ماكنت اعرفه من اول مادخلت الجامعه .. المعدل من البدايه ما كنت اعطيه اهتمام ولاادري اش فائدته .وكنت امشي على الخطة ..اذكراني اخذت مقدمه في اللغويات والادب الانجليزي والنحو عند لطفي فيزو وسيد احسان ومروان الصايغ وحملت المواد وخذتها الترم اللي بعده عند نفس الدكاتره واعديها بالقوه ,,

ثالثا: ماينفع تعيش حياه اكاديميه معزوله عن المجتمع لازم يكون لك زملاء حتى لو باتصال ..

رابعا : اللغة الانجليزية مكتسبه .
حاول تغير حياتك الى الانجليزيه بقدر المستطاع . الراديو .التلفزيون, الجرائد (سعودي قازيت ) والجوال . الفيس بك ... وغيرها.

خامسا: حاول تبداء الترم من بدري بقدر المستطاع لان التخصص يحتاج الاى وقت كبير .
سادسا : لاتستهين بقدرات احد .فربما انت افضل منه في التحدث ولكنه افضل منك في الكتابه .الترجمه .الاستماع. القراءه.النطق .الاستيعاب....

سابعا: تذكر ان الله قد كتب لك رزقك وعملك وماسيواجهك في حياتك قبل ان تخلق في بطن امك
نجحت او اخفقت فمن الله وما اصابك ماكان ليخطئك . فترض باللي كتبه الله لك ..

ثامنا: اذاجيت تحضر لاي ماده خل عندك 3 ساعات قدام لانه ماينفع تروح تتغدا وترجع تكمل وتروح البقاله وترجع تكمل يكون التركيز غير مرتب . وحاول انه يكون غذائك فوكه وخضروات لانها تساعد على التركيز ( ممكن واحد يستغرب بس صارت معي والله اكلت وجبت برقر وجيت افتح الكتاب حسيت ان راسي ثقيـــــــــل مره ) . وحافظ على الصلاه لان في السجود عملية تصفيه لجزء من الدماغ مسئول عن الايستسعاب
( سبحان الله ) .

تاسعا : اي واحد يحتاج مساعده ساعده ولاتبخل عليه باي معلومه . انا كنت اشرح لاقربائي منهاج الثانويه (الانجليزي)
ميسر الله علي اختباراتي.

عاشرا : ابعد عن المدرسين الخصوصيين لان مستواهم بكالوريوس مثل مستواك . يعني مو دكاتره .وانا مجرب مع واحد فحط معي في مقدمة في الادب وقال (ما اقدر اكمل معك ) المنهج بسراحه يحتاج لاعتماد على النفس حتى تفهم اكثر وتحفظ فلوسك.

الحادي عشر : لازم يكوم لك هدف معين .. وتكون اخترت التخصص لانك تهواه وليس لانه تخصص قوي ومرغوب ..

الثاني عشر: اذا حسيت بعدم رغبه في الدراسه او ما وجدت نفسك كما كنت عليه اول المشوار او معلوماتك اللغويه تتلاشى .. اقراء الرقيه الشرعية والدعاء الذي اوصى به الرسول صلى الله عليه وسلم .. لانها صارت معي والحمد لله ,,

الثالث عشر: احتفض بالكتب في مكتبه لديك حتى تكون مرجع

واخيـــــــــــــرا .. اشكر زوجتي العزيزه التي سخرت جل وقتها لراحتي وتهيئة الجو المناسب ومساعدتي بك استطاعتها .. حتى التخرج .
فجزاها الله كل وخير..
واحب ان اشكر هذا المنتدى ومشرفيه واعضائه على ماقدموا من معلومات ..
فجزاكم الله خيرا ,,
وبالتوفيق للجميـــــــــــع ,,