أول فريق نسائي بالمملكة لإطفاء الحرائق والإنقاذ والدفاع عن النفس

[عاشق الفهد]

ياناس لانضحك على بعض والا هو تقليد وبس نعرف بناتنا ونعرف الخوف الي فيهم والله الوحدة لو يمر من جنبها فأر تنصرع مو عاد حريقة
قال نجاح قال ودي اشوف مجال يملا العين والله الواحد ليفتخر لكن كورة سلة كورة قدم واخرتها حرايق لا ومن زين الاجسام والله لتشب فيها النار وهي ماتحركت

[أنثى المفاجآت]

اول فريق نساء لاطفاء الحريق و اول فريق نساء لكرة القدم و غدا اول فريق نساء يعملوا في محطة وقود و بكذا تحررت المرأه السعوديه و وانتصرت لحقوقها الشخصيه و كأن حقوق المرأه محصورة في كرة قدم او قيادة السيارة او كشف الوجه و اخيرا فريق اطفاء وللاسف اللي يقهر لما يحصرا المطالبين بحقوق المرأه الحقوق في مثل هذه المجالات ....
ويحتفلون بها و كأنها اكتشاف علمى او انجاز عالمي و نلاحظ اغلب القنوات و الصحف تحتفي بهذا الشئ بينما نحن في وقت قد سلبت منا حقوق المرأة الاجتماعيه و الاسريه و الماديه و اصبح الرجل يطغى في المجتمع ..
إمرأه مضطهده من زوجها و إمرأه معلقه تطالب بتطليقها من زوجها وهو لا يريد و يستمر في تعليقها ثلاث سنوات الى اربع الى ....و مطلقه تحرم من نفقتها و إمرأه تحرم من ابنائها او ارثها و عامله تحرم من راتبها و طفله تباع لرجل طمعاً في المهر و فتاه تحرم من تعليمها ...
هذه هي حقوق المرأه اللي المفروض تحصل عليها , هذه هي القضايا التى من المفروض ان تشغل المطالبين بتحرير المرأه لا السعي وراء كرة القدم ...
انا مش ضد لعب المرأه لكرة القدم او عملها في فريق لاطفاء الحرايق حتى ماتفهمونى غلط بس انا مش مع الاحتفائيه التى نشهدها من بعض الناس و الضجه الاعلاميه لمثل هذه المجالات و التى يعتبروها و كانه انتصار للمرأه او انجـــــــــــــــــــــاز عظيم مع العلم ان في وقت المرأه تعانى من غياب الدعم و المسانده لها في قضايا انسانيه و مصيريه كبيره في حياتها ...

[memoooo.]

المشاركة الأصلية كتبت بواسطة عطلجية ماني شايفه ضروره لهذا الفريق يعني لو لقيوا مثلا رجال مصاب حيقدرون النواعم ( حريم الاطفاء ) ينقذونه مااتوقع !! خاصة لو نظرنا لأعمارهم

انا كمان معاكي عطوله ،،،


في شي تاني كيف حتطفي الحريقه وهيا بالعبايه


يعني سار لازم تفسخ العبايه


ومن تفسخ لتفسخ وللخلف سر ،،


يعطيك العافيه على الموضوع

[بوليمر®]

المشكلة مو مشكلة ان المرأة تتعلم على كيفية الإطفاء

انا بصراحة من مشجعي ان المرأة تتعلم ع كيفية استخدام طفاية الحريق المنزلية او اللي في السيارة ،، والأمر دا ما يحتاج له تدريب ولا معهد ولا غيره

كلها طفاية حريق وشب شوية حطب في اي مكان واتعلم << مع اني متأكد ان طفاية الحريق 5 كج ثقيلة كمان عليها !!

ان المرأة تكون حرمة اطفاء او تعمل عمل رجل الاطفاء فهذا الشي الصعب و لي اكثر من مُبرر

حضرت مره تجربة وهمية عن حريق في احد الشركات << لاحظ بقول وهمية يعني مش حقيقية يعني كل شي كان مجهز له والكل عارف انها تجربة
الهوز حق الحريق واحد غلط وكابر وقال ان اقدر عليه وامسكه لوحدي ،، حده اشتغل الضغط والموية الرجال في جه والهوز صار يضرب فيه ،، خرج من التجربة بيد مكسوره

حتى تكون رجال اطفاء قادر على مواجه الحريق هناك اختبار وقدرات لازم تمتلكها
القوة الجسمانية
الطول
وو وغيرها من القدرات الي تساعدك على مواجهة الحريق

المعهد او المؤسسة المزعومة في الخبر ،، نفسي اعرف ايش الالية والطريقة الي دربتهم فيها
يعني هل كان التدريب نظري والا عملي ؟؟

لو عملي انا ابصم بالعشرة ان مافي احد اجتاز الاختبار لو طبقوا النظام لتأهيلهم ليكونوا مكافحين للحرائق بصحيح

خلاصة القول
ياليت كل شخص رجال او امرأة يعرف القدرات الي عنده ويلتحق بالمؤسسات والمراكز الي تليق به من ناحية الجنس والقوة الجسمانية

مدري هو تقليد وخلاص والا مع الخيل يا شقرا

[يلدرم]

المشاركة الأصلية كتبت بواسطة عاشق الفهد ياناس لانضحك على بعض والا هو تقليد وبس نعرف بناتنا ونعرف الخوف الي فيهم والله الوحدة لو يمر من جنبها فأر تنصرع مو عاد حريقة

مرعب النساء معروف

السيد صرصور

لكن بدال فرق اطفاء يتعلمو دروس للاطفاء والاسعافات الاولية حتى لا تتكر الحكاية المأساوية التي حدثت في احدى مدارس البنات قبل سنوات

انا لست ضد المرأة لأني شفت حريم يسوقو تريلات كبيرة وامكن انا مااقدر اسوقها بالحرفية اللي شفتهم بيها لكن في الخارج وحتى اطفائيات

لكن طبيعة النساء عندنا في الوقت الحالي ماتنفع لهذه الامور

[dr.hope]

طب ايش نوع التدريبات حق الدفاع عن النفس اللي تلقوها

يعني هيا في الكارتيه ولا تايكوندو

بصراحة انا اذا ما كان تدريبهم على رياضة الكونغ فو وفي اليابان

ما راح ازهمهم اذا سارت حريقة

[قاهر المتكبرين]

كلام فاضي بمعنى الكلمة ..

البله اللي يعتقدوا انه هذي من خطواتنا نحو التحضر أوجه لهم نفس كلام أنثى المفاجآت ماشاء الله عليها ..

غير كدا ما أعتقد انه فيه فتاة سعودية ممكن تحصل على الحزام الأزرق في الكاراتيه ولو اتدربت مية سنة ..

[~Aspirant~]

يحليلهم..

أقول الرجال مالقوا وظايف تروحون تاخذونها عليهم!

إلا أقول .. الهمة الهمة

[northstar]

المشاركة الأصلية كتبت بواسطة بدرالبدر راح احرق غرفتي اليوم ممكن يطفوها

هلا بدر البدور
ازيك

وينك من طول الغيبات جاب الغنايم

[northstar]

المشاركة الأصلية كتبت بواسطة قاهر المتكبرين كلام فاضي بمعنى الكلمة .. البله اللي يعتقدوا انه هذي من خطواتنا نحو التحضر أوجه لهم نفس كلام أنثى المفاجآت ماشاء الله عليها .. غير كدا ما أعتقد انه فيه فتاة سعودية ممكن تحصل على الحزام الأزرق في الكاراتيه ولو اتدربت مية سنة ..

ليش كلام فاضي

ممكن المراه تحصل على الحزام الاسود
بس لايسمعونك الصينيات واليابانيات ينحروك
هم يشوفوها رياضه اكثر من رائعه

بعدين ولايهمك ان شاء الله اقدم عليها واخذ الحزام الاسود