شاركنا: سؤال لطيف ومحرج !!

[قلم تائبة..!!]

أسعد الله صباجكم/مسآئكم..

موضوع رآآئع...جدآ استمتعت فيه وتعلّمت منّه..

واتحمست أقولكم حكايتي...

لماذا دخلت كلية الحاسب وهل هي رغبتك ؟

أيام الثانوي ..كانوا أهلي إلا وإلا يبغوني طب حتي خوالي ما تركوني في حالي ..ويقنعوني ..وينادوني يادكتورة.."عشان شايفين إنه مستوايا الحمد الله حلو في الدراسة"..

وأنا وقتها كنت مرره أحبّ الكمبيوتر وكنت أقول اذا ما دخلت طب رح أخش حاسب ..وكنت يعني ماشاء الله عليا أعرف أشياء في الكمبيوتر وكان نفسي أتعلم أكثر ..أكثر..

خصوصا مره تعرفت على وحده في ملتقى البحرالصيفي ..هي تخصصها رياضيات في الكلية لكن ماشاء الله صاروخ في الكمبيوتر ..كان نفسي أكون زيها..

المهم دخلت اختبار القياس والحمد الله ما جبت الشي المطلوب

المهم قالو تبغي علوم ترم ثاني ولا ادارة واقتصاد ترم أول ..دخلت علوم على أساس بعدين أحول كلية صحية..

دخلت العلوم..وبدأت اميل أكثر وأكثر للحاسب..وأخش أقرأ عن القسم في النت .<<فيلم هندي

وطبعا عشان تخش حاسب كان لازم معدّل مرتب..

وفحطت عشان المعدل ..وجاء وقت التخصص ..وقتها انفصلوا الكليتين واللي يخش حاسب لازم تحويل يعني ما يقدر بعد كده يحول..انا خفت شوية إنه مثلا مايعجبني وما أقدر أحول

..المهم استخرت واستخرت واستخرت

والحمد الله دخلت ..ومرره مبسوطة ..خصوصا أول ترم في البرمجة ..يوم طلعلي شاشة الرن "hello world"
واللي كمان عجبني في الحاسب إنه أحسه غير ..شي جديد..وكنت دايما أسمع إنه صعب..كان نفسي أكتشف دا الصعب

وهل رسمت لنفسك منهجا وسرت عليه ؟

رسمت لنفسي منهج بس مو الآن بعد التخرج..

أحس إني طوّلت..بس عن جد الموضوع عجبني..:

3: