ملتقى طلاب إدارة الأعمال (المجاني)

[المستبدة]

بالنسبة لادارة معاصرة المادة شغلها كله انك تختاري موضوع تعملي عليه بحث وكل اسبوع بنتين يعرضوا مواضيعهم وحيبدأ العرض من الاسبوع الجاي بس انك لازم تحضري يعني مو مافي حضور ..
أمس وزعت الاسابيع على البنات و اخترنا تقريبا المواضيع
واحتمال كمان يتغير موعدها وتصير يوم الثلاثاء من 10 الى 1 يعني حيصير تبادل مع موعد الدكتور عصام كوثر

[المستبدة]

مشكوووووووور رايس على الخبر الحلوو بس ان شاء الله نقدر نضيفها ,, والسؤال الاهم كيف الدكتور نائل ؟؟؟؟؟؟
وكمان سؤال ثاني اش تتوقعوا المادة الأسهل تحليل استثماري ولا بحوث تسويق
لأني ابغى احذف وحده منهم وأنزل سلوك تنظيمي

[rayes1971]

احذفي بحوث التسويق

[sofaten]

مشكور يا ريس والله يوفقك يا رب ما ادري ليش عندي مو طالعة كدا متغيرة

[sofaten]

المستبدة تسلمي والله يوفقك يارب ودام المادة حتتغير موعدها ان شاء الله احذفها واسجل عند الدكتور نائل يقولو طلاب البكالوريوس اللي اخذو موارد بشرية عندو ان الدكتور ممتاز وتعامله رائع مع الطلاب

[rayes1971]

لسه جاي من محاضرة الدكتور العيتاني يقول انه بيسويها شعبتين للبنات
الأحد والثلاثاء

[لولو 2]

المشاركة الأصلية كتبت بواسطة sofaten انتي مسجلها مع د.عائشة الحسيني وهي الصراحة دائما يمدحوها ما قد اخذت معاها بس الصراحة ماقد سمعت احد يقول ان المادة صعبة معاها اذا ممكن اسالك هي مشيت في المنهج كثير لان طالبة اسجل المادة معاها بس لسه مانزلت لي في الجدول وكيف الخطة الدراسية تبعها

الدكتوره باين انه تعاملها كويس مع الطالبات هي امس حددت ايام و مواضيع العروض الي هيعملوها البنات , بس انا حسيت انه لسه بدري شويه على دي الماده حابه أأخرها شويه مافيها غير البحوث كل بنت تعرض بحثها و تتكلم عنه ساعه كل اسبوع بنتين .

[sofaten]

المشاركة الأصلية كتبت بواسطة rayes1971 لسه جاي من محاضرة الدكتور العيتاني يقول انه بيسويها شعبتين للبنات الأحد والثلاثاء

ما فهمت يعني البنات يوم والاولاد يوم ولا كيف ومتى الاولاد ومتى البنات او انو يعطي شعبتين ونحنا نختار

[sofaten]

مشكورة لولو يعني المادة عملي اكثر
طيب هي الدكتورة غيرت موعد محاضرتها للثلاثاء يعني الثلاثاء دا في محاضرة ولا كيف

[لولو 2]

المشاركة الأصلية كتبت بواسطة sofaten ما فهمت يعني البنات يوم والاولاد يوم ولا كيف ومتى الاولاد ومتى البنات او انو يعطي شعبتين ونحنا نختار

ما اعرف الاولاد لو كمان شعبتين بس البنات هيكون شعبتين واحده الاحد و التانيه الثلاثاء من 1 ل 4
و بالنسبه للدكتوره عائشه الحسيني هتكون الثلاثاء بدل السبت بس مش من دا الثلاثاء من 10 ل 1