اتسكنت اقتصاد منزلي وابغا اتخصص ادارة سكن "ضروري الدخول"

[إيقاع المطر]

السلام عليكم ورحمة الله وبركاته..

انا اتسكنت في كلية الاقتصاد المنزلي وابغا اتخصص ادارة سكن ومؤسسات وناويه بكره السبت ان شاء الله اروح بس ابغا اعرف ايش هي الاجراءات المطلوبه للتقديم على التخصص ؟
وكيف اعرف إذا انا انقبلت في التخصص اللي ابغاه ولا لا؟ ومتى يعني كم يوم حتى وتطلع نتائج التخصص؟ وكيف اعرف مين مرشدتي واجراءات ترتيب الجدول؟


بس هاذي اسئلتي اتمنى القى جواب عليها قبل ما اروح الجامعه

[خوخه القمر]

مي تو

أنا كمان أبي أعرف

[نيكييتا]

على حد علمي كل شي من عند الشؤون >> مبنى 43 الدور التاني على يمين الدرج ^^"

أظن يعطوكي ورقة تعبي بياناتك فيها و النتائج و الله محد يعرف لهم وقت محدد لأنو للآن في بنات ما اتخصصو من السنة الي فاتت

تعرفي انك انقبلتي من الأودس الحين مكتوب مستجد اقتصاد منزلي لو اتخصصتي ادارة سكن رح يكتبو لك اسكان \ ادارة سكن ^ _ ^

مرشدتك و الله ماعندي خبر .. على وقت ما اتخصصت انا كان هنا في المنتدى في موضوع مكتوب فيه اسماء مرشدات الإقتصاد المنزلي حسب كل مستوى

بس عادي فيكي تسألي الشؤون >> ترا تعاملهم حلو مرة مو زي باقي الكليات ^^"

و ان شاء الله اكون أفدتك ولو بالقليل وربي يسهل عليكي امرك اليوم ^ ______ ^

[إيقاع المطر]

نيكييتا الله يسعدك يارب وين مارحتي


للاسف اليوم مارحت بس بكره ان شاء الله رايحه

[نيكييتا]

ترا يسار الدرج مو يمينو >>> ضربت فيوزي ^^"

[ملاك بطيبتي..]

اهنن اهنن بالحلوووين
وانا كمان وحده زيكم قالو امس اكتبو التخصص وحينزل في الاودس خلال اليومين ازا مانزل نراجعهم ..
و مرشدتنا اسمها أ / سماح حمدان حق المستوى الثالث والرابع لإدارة السكن

[نيكييتا]

سماح حمدان مرشدتنا احنا بنات المستوى الخامس كمان

يعني الله يعينكم على الزحمة ^ _ ^

[ياكو]

ياااااا بنات طيب اليوم أحد وفتحت الاودس مالقيتهم حولوني ادارة سكن

في احد زيي ولا انا بس كده

[ملاك بطيبتي..]

المشاركة الأصلية كتبت بواسطة ياكو ياااااا بنات طيب اليوم أحد وفتحت الاودس مالقيتهم حولوني ادارة سكن في احد زيي ولا انا بس كده

حتى انا محد حولني ادارة سكن لسى تخصصي مستجد
يارب يعطينا الصبـــــــــــــــــــــر

[Twix~}..]

اصبرو لما يوم الثلوث لو ما نزلكم شي راجعوووهم ..

مووفقين يارب ..

والله يصبر قلووبكم ..