المستوى الرابع (( معلومات مهمه للطالبات اللي ماحضرو الدوره ))

[عبير العسيري]

بسم الله الرحمن الرحيم

اخواتي طالبات قسم اللغه الانجليزيه وعزيزاتي بالمستوى الرابع بالذات

رجعت لكم بعد انقطاعي لفتره بسبب زواجي بس ابشركم انتهى شهر العسل والدلع وبرجع للمذاكره ولمنتداي العزيز

ولانني حضرت الاسبوعين الاولى من الدوره وماكنت اكتب لكم بسبب انشغالي

قررت اني اكتب لكم المختصر المفيد من كل ماده كيف تذاكرونها وايش المهم فيها

ويارب اقدر افيدكم على قد ما اقدر

ولوعجبكم اسلوبي قولولي اكمل لكم باقي المواد

دعواتكم لي بالتوفيق

راح ابدأ معاكم ماده ماده بالترتيب

اولا مادة الاستماع والتحدث

تنقسم الماده لجزئين

1 - المفردات<<< اساسيه ومهم وبتجي في الامتحان

2 - المقاطع الصوتيه<<< تدربكم على انكم تسمعون مقطع وتجابون عليه وماراح تجي نفس اللي بالكتاب في الامتحان ولكن راح تجي من برا

يكون عندنا في كل شابتر مجموعه من المفردات لازم نعرف معناها بالانجليزي وتلاقون كل التعاريف موجوده بالكتاب ماعدا الباب السادس بعدين بكتبها لكم
ولازم تعرفون syllable اللي هو تقسيم الكلمه من حيث النطق وتحددون مكان الاسترس بالكلمه
هاذي هي الاساس من كل باب تصمونها صم زي اسمائكم وتراها قليله وسهله وبتقدرون تذاكرونها في اسبوع لو ركزتو بالمذاكره يوميا

بعطيكم الصفحات المهمه
5 ,6, 7 , 34 ,35 ,64 , 65 , 92 , 93 , 94 , 95 ,123 ,124 , 136
149 , 150 , 151 , 152 , 153 ,

هاذي اللي تصمونها صم

اما باقي التمارين فهي تعودكم فقط على انكم تسمعون مقطع وتجاوبون عليه لكن ماراح يجيبون من اللي بالكتاب
لكن انصحكم تسمعون المقاطع الصوتيه اللي بموقع الكتاب لانها حلوه وعليها تمارين اسهل وتعودكم على الاستماع





اذا حسيتو انكم بتستفيدون مني وتبغون اكمل لكم باقي المواد اعطوني خبر


اللي يوفقني واياكم باعلى الدرجات