تجمع ماجستير علم الادوية ... اختبار المفاضلة لعام 1436-1437هــ

[besho92]

السلام عليكم و رحمة الله وبركاته

حبيت اعمل تجمع لماستر علم الادوية نفيد و نستفيد من بعض وطبعا ما نستغني عن اهل الخبره

بطرح اول سؤال : بالنسبة لاختبار المفاضلة حيكون تحريري او موضوعي ؟ وايش هو المرجع اللي نذاكر منو ؟

متخوفة جدا من فكرة انو انا كيميا حيوية و اختبر في تخصص من كلية ثانية

سمعت كلام انو حيكون في مقابله شخصية وعليها نسبة قبول صحيح دا الكلام ؟؟


الله يكتبنا جميعا من المقبولين في الدارين

[besho92]

معقول مافي احد مقدم ماستر علم ادوية او حتى يدرس دحين يدخل المنتدى

[pharm]

وعليكم السسسلام
انا طال عمرك مقدم ع البرنامج مثلك لكني ماعندي الان أدنى فكرة الصراحة
ياليت أي أحد يعطينا لو شي بسيط نستفيد منه ..
الاختبار متى .. 16/3 والا كيف ؟؟ وبأي قسم ..
ننتظر منكم الاجابة جزاكم ربي كل خير

[besho92]

المشاركة الأصلية كتبت بواسطة pharm وعليكم السسسلام انا طال عمرك مقدم ع البرنامج مثلك لكني ماعندي الان أدنى فكرة الصراحة ياليت أي أحد يعطينا لو شي بسيط نستفيد منه .. الاختبار متى .. 16/3 والا كيف ؟؟ وبأي قسم .. ننتظر منكم الاجابة جزاكم ربي كل خير

تاريخ الاختبار زي ما حددت العمادة الا اذا اعلنت الكلية عن تغيير التاريخ
بالنسبة للمكان و الوقت المفروض الكلية و القسم يعلنوا عنها و لحد الان ما عندي خبر عنها

[سمو العلم]

و عليكم السلام و رحمة الله و بركاته

بالنسبة للمرجع من خلال البحث في المنتدى و المنتدى الرسمي للعمادة وجدت هذه المشاركات من تجارب سابقة

المشاركة الأصلية كتبت بواسطة qresh ارجو من الدي عنده اختبار مفاضلة علم الادوية يدخل عشان نتساعد سوي حتي نعدي هدا الامتحان العون ياخوان و اخوات

المشاركة الأصلية كتبت بواسطة qresh عزيزتي المرجع هو كتاب لبن كوت و الله يعيننا عليه

في هذا الموضوع: http://www.skaau.com/vb/showthread.php?t=378817

_________________________________


هنا ايضا:

المشاركة الأصلية كتبت بواسطة Great Expection السلام عليكم اتصلت اليوم بالدكتور سمير الحارثي قالي ان الاختبار راح يكون باذن الله يوم الاحد الساعه 10 الى 12 الاختبار من جزئين اختبار تحريري mcq 30 سؤال من الساعه 10 الى 11 ومقابلة شخصية من الساعه 11 الى 12 الاختبار راح يكون في مبنى الطب رقم 7 الدور الارضي قسم علم الادوية ان شاء الله بالتوفيق للجميع

المشاركة الأصلية كتبت بواسطة Pharmacist المرجع lippinccot pharmacology illustrated review و الاختبار 30٪ و المقابلة 20 ٪ الموعد الاحد 20 ابريل الساعه 10 - 12 اتمنى لو احد عندو امثلة عن الاختبار يساعدنا شكرا

في هذا الموضوع: http://forum.kau.edu.sa/vb/uacie-cai...55/index2.html

_________________________________


أو استفسروا من القسم: http://medical-pharmacology.kau.edu....g=AR&cid=47044

و أما كيفية الاسئلة و نماذج منها فلم أي موضوع بهذا الخصوص و تم إرسال رسائل

أكاديمية لعدد من الأخوات بطلب المشاركة في هذا الموضوع

لأن سبق أن تقدمنّ للمفاضلة كما هو واضح في مشاركات سابقة لهنّ

بإذن الله تجدوا ردّ في أقرب وقت لتستثمروا الوقت المتبقي في

الإستعداد للإختبار ,,

وفقكم الله,,

[besho92]

الله يديك العافية " سمو العلم " جزاك الله خير

اعتقد طبعا المقصود Lippincott Pharmacology

ياريت لو كلية الطب تعمل مثل الكليات الاخرى و تعلن على صفحتها معلومات رسمية و طبعا ما يردوا ع الايميل

ان شاء الله بس يتكرموا ويردوا ع التليفون وقت الدوام

[Great expectation]

السلام عليكم
انا احد طلاب الماجستير من جامعة الملك عبدالعزيز تخصص علم الادوية
اختبار المفاضله بسيط يعتمد على معلوماتك
مراجعة لبن كوت كافية جدا
في اسئلة عن انواع الانسولين
المضادات الحيوية
واسئلة بسيطة مفروض ان صيدلي او طبيب فاهمها
بالنسبة للكليات الثانية زي البايو كمستري ايضا مرجعهم لبن كوت فارماكولوجي
ويقبلون تخصصات البايو وغيرها
بالنسبة للمقابلة الشخصية تعتمد على اللباقة والافكار يكون عندك فكرة عن ايش راح تسوي في الفارماكولوجي
شئ تبغى تبحث فيه اي موضوع اهم شئ تقنعهم انك متحمس للدراسة
يسالونك عن اخر موتمرات حضرتها او دورات علمية
عن بحث تخرجك
المعدل حق الباكلوريس عليه نسبه 50%
الاختبار 30%
المقابلة 20%
هذاوالله اعلى واعلم
وصلى الله على سيدنا محمد

[besho92]

المشاركة الأصلية كتبت بواسطة great expectation السلام عليكم انا احد طلاب الماجستير من جامعة الملك عبدالعزيز تخصص علم الادوية اختبار المفاضله بسيط يعتمد على معلوماتك مراجعة لبن كوت كافية جدا في اسئلة عن انواع الانسولين المضادات الحيوية واسئلة بسيطة مفروض ان صيدلي او طبيب فاهمها بالنسبة للكليات الثانية زي البايو كمستري ايضا مرجعهم لبن كوت فارماكولوجي ويقبلون تخصصات البايو وغيرها بالنسبة للمقابلة الشخصية تعتمد على اللباقة والافكار يكون عندك فكرة عن ايش راح تسوي في الفارماكولوجي شئ تبغى تبحث فيه اي موضوع اهم شئ تقنعهم انك متحمس للدراسة يسالونك عن اخر موتمرات حضرتها او دورات علمية عن بحث تخرجك المعدل حق الباكلوريس عليه نسبه 50% الاختبار 30% المقابلة 20% هذاوالله اعلى واعلم وصلى الله على سيدنا محمد

اشكرك ع المعلومات الجميلة

واضح من الاسئلة انها حتكون مقالية صحيح ؟

برأيك انا كخريجة بايوكمستري اركز على ايش غير الانسولين و المضادات الحيوية ؟

الاختبار سهل ع الصيدلي و الطبيب بس بالنسبة للبايوكمستري صعب ع اعتبار ان الدراسة تختلف

طيب بالنسبة للمقابلة عادي اتكلم عربي - انجليزي ولا لازم كلها انجليزي ؟

لو عندك فكره عن عدد المتقدمين و المقبولين في دفعتك ياريت تقولنا

الله يديك العافية و اسفه ع الاطالة

[besho92]

لاحظت في كتاب لبنكوت معادلات حسابية ممكن تجي في الاختبار ؟