نداااء لكل الاخووان والاخووات وغلا روحي

[خايف من التحضيري]

صحيح يااخووان انو اخر يووم يمديني اسحب ملفي من عزوز هوا يووم الاتنين ؟؟
وابغا رايكم بعثة ولا عزوز؟؟
وصراحة انا ابغي عزوز بس خاايف مااخش طب والي مخليني افضل البعثة خووقي من التحضيري
ودمتم بوود ويلام واماان واااسف اززعجتكم
والله يتقبل منا ومنكم صيامنا وقيامنا ههههههه طووولت عليكم

[د. هدّولا]

استخيير وشوف ايش يطلع معاك

..
والتحضيري مايخووووف لازم تجرب بنفسك
وتبطل ترسل لنفسك رسائل سلبية اتوكل على الله
وأعتقد مافي شي يخوف ويرعب زي اختبارات الثانوية العامة هههه


انا والله مثلك كنت محتارة بين البعثة او عزوز
لنفس السبب تقريبا
بس قلت أنا دام مقبولة في عزوز لازم اشد حيلي
واللي خلاني اجيب نسبة في الثانوية اجيب بإذن الله نسبة في التحضيري ..

وتفاائلوا بالخير تجدوه

...

والله يختار لك اللي فيه الخير
موفق أخوي

[عموريAHLI]

بالنسبة لسحب الملف ماعندي خبر

وأكيييد البعثة أفضل

الله يختار لك الخير ويوفقك

[Glamor Mada]

مافي شي يخوف يا بطل ^^
يعني انت الحين خايف من التحضيريه ومحتار بينها وبين البعثه .. طيب منك خايف من البعثه ؟!!!
الدراسه عندنا اسهل بكثير
شد حيك والله يوفقك ^^

[ǁ غــلأآإ ، رٍوٍحــي ǁ]

^^
إذا تقدر على البعثه والغربه توكل على الله ..
والتحضيري حلوهـ .. بسس
لو انحطيت بمكآنك اخترت البعثه

[طالب طب في المستقبل]

شوف انا بصراحه اشوف انك تدخل جامعة الملك عبدالعزيز

لانه دراسة الطب براا اصعب من هنا وسنواتها اكثر من السعوديه

ولا تنسى اول سنه بتدخل لغه وبعدين السنه اللي بعدها تدخل تحضيري قصدي في الخارج

تخيل انو في بعض الجامعات في امريكا تدرس الطب مايقارب 10-11 سنه

يعني لو انا مثلا على قدك ومتخرج من جامعه في السعوديه راح اصير مدير عليك في المستشفى

وبعدين ترى ماتفرق معاك انو من فين اخذت البكلوريس لانك في الاول والاخير ريزدينت

لكن اللي يفرق معاك الزماله من فين اخذتها والزماله اللي هيه بعد البكلوريس يعني هيه اللي تنفعك

اما البكلوريس ماراح ينفعك من فين اخذته فاهم علي

وبعدين الجامعات الامريكيه زي ماقلت انو من 10-11 سنه دراسة البكلوريس

وشوف الزماله كم راح تاخذ فيها من 5-7 سنوات يعني اخي العزيز فكر بالعقل

انت متحمل تقعد بعيد عن السعوديه اكثر من 15 سنه

وفي الاول والاخير القرار راجع لك

ولاتنسى الاستخاره

واي استفسار احنا حاضرين

واتمنى لك التوفيق

اخوك د-عبدالرحمن المالكي

[خايف من التحضيري]

اولا اشكركم ع الردود تاانيا اخووي دكتور الزمالة زي الماستر يعني

[طالب طب في المستقبل]

شوف اخي العزيز جبتلك هذا الكلام من احد المنتديات

بعد ما تتخرج من الطب عندك خيارين او فرعين: 1- مجال عملي مثل انك تاخذ زمالة في دولة معينه وتكون اخصائي وبعدها استشاري 2- مجال اكاديمي وتحصل على درجة الماجستير وبعدها دكتوراه وبعدها تكون بروفيسور مثال: يتخرج الطالب من جامعه الملك عبدالعزيز كطبيب عام اذا كان يفضل العمل فالمستشفيات ياخذ زماله فكندا في تخصص معين ويكون طبيب مقيم لفتره معينه تختلف باختلاف التخصص وبعدها يحصل على درجة اخصائي وبعدها بكم سنه على حسب الخبرة ووو يكون استشاري. أو يتخرج الطالب كطبيب عام ويحب المجال الاكاديمي والتدريس ... يحصل على الماجستير سنتين او ثلاث وبعدها الدكتوراه اربع سنين تقريبا وبعدها استاذ مشارك وبعدها استاذ مساعد وبعدها يكون استاذ(بروفيسور).

وهذا الكلام من طالب متخرج من كلية الطب من جامعة الملك عبدالعزيز

واتمنى اني افدك

والمصدر
http://www.mbt3th.us/vb/forum74/thread72569.html

[عاشق الهندسة]

من شروط البعثة ماتكون قدمت اوراقكــ لاي جامعة يعني وقت التدقيق راح يرفضوكــ
هذا الي عندي والله يوفقكــ

[{halah..]

شوف انا قدمت في البعثات بس ماقبلوني لانو التحصيلي نازل نزلا شويا بسيطا

انا لو انقبلت طووووووووووواااالي حروح << بس يمكن لاني حابا الشي دا يعني مو عشين ايجابيات ولا حتى فكرت في السلبيات

بس بيني وبينك كلام د.عبدالرحمن مرا مقنع

يعني كمل هنا بكالريوس وبعد كدا تكون شديت حيلك اكتر

وادا سنين البكالرويوس هنا اقل اتوقع انو احسلك

وتفكيرك كمان ركز اكتر بعدها سافر

بس في الاول والاخير استخير ويارب يخيرلك الخير

{ الله يوفقك

بايوو ..