موقع الاختبارات بالرياااااااااااااااااااااااااض

[ريشة فنان]

الاختبار في معرض الرياض الدولي في حي المروج بجوار عزيزية مول ومقابل الخطوط الجوية السعودية
يالي على طريق الملك فهد
-------------

[عبآدي العتيبي]

انا ابجي مع الدايري اطلع مع مخرج كم ؟

[تشتاق]

سهله طريق الملك فهد شماال
جنب هايبر بندة و العزيزية مول وقريبه من المحكمة العليا

[ريشة فنان]

مخرج خمسة

[تشتاق]

لالا مخرج خمسه طريق الملك عبد العزيز
من الدائري الشمالي الين يجيك طريق الملك فهد جنوب تمشي معه وانت متهجه للجنوب وامسك الخدمه ثم تديور من فوق طريق الملك فهد كانك راجع للدائري الشمالي
بيصير مول العزيزية وهايبر بنده على يمينك بعدها لف يمين تلقا المكان على يمينك

[الود طبعي]

ياجماعة الخير تأكدوا ؟؟؟

الأخوان الي فوق والي قاعدين يوصفون ،، أرجو التأكد ؟؟

لأن كل الوصوف الي قاعد أشوفها خطأ ، ولا أدري أن كنت أنا الغلطان أم هم !!

لأني أحنا أختبرنا في معرض الرياض الدولي الترم قبل الماضي ووصفه يختلف كليا عما ذكر أعلاه

الوصف الصحيح حسب علمي والي أنا متأكد منه :

طريق الدائري الشرقي باتجاه المطار مخرج 10 تروح يمين بعدين تديور وترجع علشان يكون وجهتك غرب بس أمشي شوي تلاقيه على يسارك الموقع كبير وواضح جدا

من جهة طريق الملك فهد باتجاه الشمال :

ألين يجيك طريق الملك عبدالله ( فندق الشيراتون )
تروح يمين ، راح يكون بعد الممشى بالضبط تقاطع عثمان بن عفان
على اليمين

المشكله أنا الترم هذا ماراح أختبر علشان كذا انا ماادري بس الي اعرفه هذا الموقع الصحيح وانا ساكن جنبه وكل يوم امر من عنده

الله يوفق الجميع

[ضجيج الورق]

المستوى الثالث كليه اداره الاعمال برابغ
http://www.skaau.com/vb/showthread.php?t=494054

[الود طبعي]

المشاركة الأصلية كتبت بواسطة ضجيج الورق المستوى الثالث كليه اداره الاعمال برابغ http://www.skaau.com/vb/showthread.php?t=494054

إذن يبدوا ان هذا موقع جديد ليس الموقع السابق الي اختبرنا فيه

مشكور على الافادة