خبر حصري/ داومت بنفسي واليكم الاخبار ..!

[nooni]

المشاركة الأصلية كتبت بواسطة ღ احسـاس طفلهـღ انا رحت اليوم واشوف الوضع كويس واذا عالنظافه المباني نظيفه بس بعض الطرق مغبره ومو بذاك السوء انا اشوف انه مافي مبرر للغياب للي ماتضرر نتيجة السيل او عنده ظروف يداوم عادي وش المشكله انا استغربت اليوم القاعات فاااااضيه والحضو اكثر شي 15 من 60 طالبه

لأنو كل يوم والتاني نازلين تحذيرات بنزول امطار ووو
ومع كدا كانت الأمطار عادية موزي إلي قبل
وكمان خايفين من البحيرة بالذات إلي بكلية الفيصلية

[ابو مريم]

الله يعين الحااال

[دلع الروووح]

وكمان خايفين من البحيرة بالذات إلي بكلية الفيصلية

بقووووووووة أحس لو روحت للكلية أنا أول وحدا بستقبل البحيرة :(
بالله كيف نداوم وبعدين احنا صبايا يعني يمكن نطير مع الهوا عاد كيف فيضان ونروحلو برجولنا :(

[احلاهم واتحداهم]

عشان اخذ مكافاه انظفهاا
هم ياخذون ميزانيه غير الفلوس الي ياخذوها من الانتسااب غير العشره الي من كل طالب
وكمان ايجارات الرابيس والمحلات الثانيه
مايقدرون يجبون شركات تنظف الجامعه ؟؟
وكمان انا من الناس الي اخااف اداوم ويجي علي السيل وين اروح حتى مبانيهم خاايسه

[آيس شوكليت]

الشهاده اللي راح يعطونا نتيجة دراستنا وتعبنا مو شهادة تنظيف والمكافاه مومن جيوبهم يعطونا وياكثر شركات التنظيف
واحنا رايحين الجامعه نحضر محاضرات ولاننظف وينحسب علينا غياب

[SeNyoOrEtta]

السلام عليكم ..

اخواتي واخواني .. انتو ليش مستصعبين فكرة التنظيف ..

انا متأكده انو ثلاث ارباعكم .. شاف خواطر 5 في رمضاان ..

شايفيين كيف الطلبه بينظفوو فصولهم يوميا .. ( هذا وما سار كارثة ) ..

كيف قدرو يرتقو ويرجعوو دولة قوية بعد ما نزلت اول قنبلة نووية عليهم .. لو احنا كان التمسناها عذر ..

يا عرب اصحوو .. الكارثة سارت وانتهت الحين لازم تفكرو بالحل ..

هما غلطوو .. وانتهيناا .. والجامعة والدراسة تراها لنا مو لهم .. لازم تكونو ايجابيين ..

التعااون هو اللي بيخرجنا من المصيبة وبيرجع الوضع زي ما كان في فترة قصيرة ..

لكن لو اعتمدنا عليهم الوضع بيتأخر وما بيرجع الا بعد فترة طويلة ..

شوفو ما شاء الله جميعة اصدقاء جدة اش سوو .. ليش ما قالو زينا .. هما السبب الحكومة وووووووو....الخ ..

بالعكس حسوو ان هذي مسؤليتهم .. واتعاونوو وماشاء انجزوو .. والدفاع المدني كمان ..

ولا ما كان قدرتو تروحو الجامعة ..

انا ما اقول ان الحكومة ما غلطت او بالاصح الامانة العامة .. لكن ملكنا الغالي بيتكفل فيهم ..

وبيحاسبهم اكيد على اخطائهم .. وانتو اكيد شوفتواا اللجنة اللي بدأت قبل امس ..

واحنا بدورنا .. ننجز اللي نقدر عليه .. وترا التنظيف اضعف الايمان ..

انا عارفة انها اول مرة .. بس اش يفرقو عننا اللي ينظفواا كلنا عبيد لله .. ولا تقولو انا ما انظف لهم ..

ترا المتضرر انتوو .. مو هماا .. وجده الان في وضع حرج .. وكلنا لازم نتكاتف .. ونتعاون .. عشان ترجع زي ما كانت ..

وترا باعمالكم هذي تساعدو المتضررين .. يجو الجامعة يلاقوها نظيفة تنفتح نفسيتهم على الدراسة شوية ..

وينسوو همهم شوية بعيد عن الاحدااث .. ( وانا اخص ردي بالناس الغير متضررره ) ..

اخي صاحب الموضوع : اشكرك على مبادرتك .. وبالنسبة لبلاد برا انا ذكرت اليابان ..

واحنا كارثتنا بالنسبة لهم ما تقااارن .. وللأسف شوفو ردة الفعل .. لكن الفرصة ما خلصت ..

ولسا امامنا الكثير لنتعاون فيه .. وانا متاكدة ان اصحاااب الخير موجوديين .. ومو عيب انك تتعلم من اخطائك ..

وتغير رايك .. العيب والخطأ انك تستمر ..

وتذكروو ترا كل ذا اجر من رب العالمين عسا الله ان يرضى عننا ويكفينا ويحمينا من اي كوارث اخرى ..

جزاكـ الله خير ويعطيك العافيه على الموضوع ..

ملاحظه: مرا اخرى اخص الناس الغير متضرره .. وبالنسبة للناس المتضرره ..

الله يسرلكم يارب .. ويعينكم على ما فقدتكم .. وتذكرو الله اذا احب عبد ابتلاه ..

وبالنسبة للنا الغير متضرره .. تذكرو انو اختلاف الاراء لا يفسد للود قضية ..

بالنسبة لمشاكل الطقس بكرا اخر يوم خطر باذن الله .. بعدها مالنا عذرر ^^

والسلام ختام

[ناموسه جده]

الدول المتقدمه والمتاخره والي لسا في الطريق

ماسمعت انهم يبنو مخططات سكنيه علي مجري سيول

(اولا للي يقول نخاف الموت اقوله الموت بيجيك ولو في بيت امك !!)

احب ارد باختصار > ولاتلقو بابيديكم الي التهلكه

اما هرجت اني اروح انظف مرا سوري عندي مبدا في حياتي > شي انا ماوسختو مو مستعده انظفو
ولا تقعدو تقولو اليابانيين وما اليابانيين
اليابانين بعذرهم وساختهم تفتح النفس ههههههههههههههه عشين كده ينظفو
اما احنا طين وتراب ومويه ايش ينظفها دي ؟؟؟

[اتحاديهـ كوول]

وانااا من بررة جده .. وكل يووم اسمع شي يخووف اكثر من الثااني ..
مدرري ايش بينفجر ..؟ وتوقع هطول المطر ...\
واذا جا المطر كل بيرووح بيتووو واحناا وش بنسووي ع مااوصل اهلي قدي ميتة ...~~
ولاااتلقووو بايديكم الى التهلكة ...

[منتسبة !!]

بسراحه كلامك هوا الواقعي

بس مانقدر نطبقو للاسف .. مافي اي تشجيييييييع

[اكابر]

انت تتكلم عن نفسك
بس في ناس اهاليهم ماتو ولا عندهم بيوت وسيارات ولا حتى ملابس
يعني اذا احنا نقدر نجي في غيرنا مايقدر
وغير كدا الاوضاع ماتطمن يعني ايش فيها لو اعطونا اجازه هذا الاسبوع بس
احتراما للمتضررين مو اكثر

بس احنا في











(...جامعه بلا ضمير...)



ولا تقارن الدول المتقدمه فينا لانو ابدا مافي وجه مقاااااارنه