Lane 321

[سطام]

الاخوان جميعا حياكم الله وشاكر لكم مداخلاتكم
وهنا احب ان انوه الى ان المشكله ليست في صعوبة او سهولة الاسئله فقط
ولكن المشكله في حجم وكمية الاسئله والوقت المخصص لها اضافه الى عدم احترام وقت الطالب داخل قاعة الاختبار وتوفير الجو المناسب ليتمكن من التركيز.
والله يا اخوان وانت بوسط التركيز على حل الاسئله يطلعلك واحد ما يصدق متى يروح لبيتهم ويقول باقي من الوقت اربعين دقيقه طيب يا أخي نقطنا بسكوتك حتى اخر الوقت وبعدين ذكرنا انه باقي على نهاية الوقت كذا وكذا
وبالعقل لو الاسئله بالعربي والله ما يكفي الوقت فما بالك انها انقلش ويالله ترتب الجمله وتعرف ترجمتها
ولا ننسى في الاخير اننا ما زلنا طلاب اي لا زلنا نتعلم وليس لنا تلك الدرايه التامه باللغه
مع العلم انني اعرف مدرسين لغة انجليزية يدرسون بمعاهد تعليمية لتقوية لغتهم
اتمنى من بعض الدكاتره والاستاذه انهم يخافوا الله ويعرفوا ان من سهل على مسلم سهل الله عليه
ويتذكروا كم بنخسر من الناحية المادية والاسريه والمجهود المبذول الي بيختلف عن مجهود طالب منتظم متفرغ جل وقته للدراسه والمذاكره وليس لديه ارتباط بالعمل او الاسرة فضلا عن كونه يتلقى تعليم الماده مباشره من دكتور الماده
ولكم ارق تحياتي وقبلاتي

[سطام]

على فكره يا اخوان جاء سؤال ماني عارف الترجمه بشكل صحيح لكن السؤال يقول
ولد ياباني عاش مع امه وابوه في السعوديه او زي كذا هل الولد اذا كبر بيتكلم سعودي والا ياباني والا سعودي وياباني
اذا ممكن احد يعرف الاجابة

[سطام]

على فكره جاء سؤال ماني فاكر الترجمه بالضبط بيقول ولد ياباني عاش مع امه وابوه من اصل ياباني وعاشواا في السعوديه تقريبا
اذا كبر الولد اش اللغه اللي راح يتكلمها سعودي ياباني سعودي وياباني

[fhd27]

المشاركة الأصلية كتبت بواسطة سطام على فكره جاء سؤال ماني فاكر الترجمه بالضبط بيقول ولد ياباني عاش مع امه وابوه من اصل ياباني وعاشواا في السعوديه تقريبا اذا كبر الولد اش اللغه اللي راح يتكلمها سعودي ياباني سعودي وياباني

السؤال طفل ياباني تم تبنيه منذ الصغر من ابوين سعوديين ولم يسمع لغة سوى اللغة (( العربية السعودية )) معناها راح يتكلم بلغة السعوديين فقط لان اللغة ليست وراثة وانما اكتساب ثقافي

[فواز الجابري]

طول بالك يا سطام إنت وكل اللي إختبر المادة المنكوبة لعل الله يوفقنا .....انا زيك خرجت من القاعة وانا في حالة ذهول ...........من الأسئلة والوقت والكيفية .....لكن كل ما املك حسبي الله ونعم الوكيل ..........وأحب أقول اللي يتكلم عن المثالية اللي خارج الميدان يقول الميدان واسع ........شكر لك يالخبير كلام مناسب من رجل مناسب ...................

[الوهاج]

اولا امسي على كل الشباب بالخير

وعسى الله يوفق الجميع ان شاء الله

السؤال اللي ابي اجابته من اهل الخبرة والدراية من الاخوة الطلاب / هل هو من حق الدكتور انه يعطينا الكميه الهائلة من الاسئلة في 90 دقيـــــقه ؟؟؟؟؟؟؟؟؟؟

[zuhair]

الله يستر مع الأسف تخيلو المادة 100 سؤال 500 اجابة ماهو الوقت والجهد والذاكرة التي تستوعب الحلول في مثل هذه الأسئلة مع مادة صعبة حسبي الله ونعم الوكيل.......اتمنى الخلاص من هذة المادة التي رافقتني ترمين متتاتاليين.....

[zuhair]

السلام عليكم ورحمة الله وبركاته على الجميع وعليك اخ سطام
فعلا هناك ملاحظة عندي وأتوقع عند الكثير مثلي عند الدخول لقاعة الأمتحان لاتركيز ولا هدوء ولاخصوصية احترام الأخرين في القاعة وخاصة عند مايكون الطالب في المقدمة نجد دكتور داخل وآخر خارج كأنة في بيت ابوه ونحن الموجودون داخل القاعة نحتاج على الأقل الى هدوء وتركيز لأن المعلومة تحتاج الى استرجاع وببطأ شديد وهذا لايتوفر في القاعة مثال على ذالك المصري اللي كل ماجيت اجاوب سؤال يشتت تفكيري..........

[فواز الجابري]

أي تركيز وأي هدوء وأي إسترجاع معلومة .......صدقوني في وقت من الاوقات شعرت إن جالس أختبر في قهوة المصريين في شارع باخشب ...............لكن كل شي يهون إلا 100 سؤال في 90 دقيقة ......الله كريم ..............أكرم منه مافيه ...............

[saam95]

من زود التركيز والهدوء مادريت انه الا سئلة مية الا بعد ماطلعت من الاختبار يعني حليت خمسين وباقي خمسين
ااااااااااااااااااااااااااااااااااه والله اكبر صدمة لي لانه اول مرة بحياتي اتعرض لموقف اني ارسب او احمل مادة
مااقول الا لاحول ولاقوة الا بالله