هل تبخرت الاحلام؟!!

[دكتور100٪]

يا أخي العزيز درجاتك ممتازة والطب له ثلاث فروع السليمانية وعسفان ورابغ فلا تقول تبخرت الاحلام ترى في طلاب درجاتهم اقل من كذى ودخلوا طب

[فتى تثليث]

اخوي ترا والله بدري على انك تحكم على نفسك...وترى درجاتك حلوه بس شد حيلك وان شاء الله انك قدرها...اعتبر اللي صار عقبه بسيطة وعديها لان الطريق للامل المنشود ما رح يكون مفروش بالورد دائما....لا تخلي اللي صار يهبط من معنوياتك ويهزك انسى اللي صار وتخيل انو ما صار شئ وانك ما اختبرت وانسى امر القبول بالكلية اللي تبغاها وخل براسك انك تجيب درجه عالية الاختبار الجاي وصدقني رح تبدع..الله يوفقك ونشوفك معانا قريب يا دوك.

[محمد الداود]

مهند ♥ ، العبرة بالنهايات ..
إذا بتسمح لأخطاء و ذكريات الماضي بأنها تأثر في عملك الحاضر
حتخسسسسر كثيييير !!
بل ، ابدأ واجعل تجارب الماضي وقود للحاضر و للعمل الصحيح

[ ومن يتوكل على الله فهو حسبه ] ، وكفى بالله حسيباً ..
أسأله سبحانه من لا يضيع أجر العاملين ، أن يكتب لك الخير حيث كان
وأن يعطيك ما أحببت ♥ ..

[lovely one]

كلنا مرينا بمراحل الاحباط دي لدرجة اننا جاتنا فتره نفكر انو نبوس يدينا وش وقفا لو بس اتقبلنا في قسم الادارة و الاقتصاد من كتر الناس الي حولينا كانو برسلو اشارات سلبيه (محطمين ) لهم وللي حولهم
شد حيلك واعمل الي عليك و بس ولا تقلق نفسك الاولاد يخشو طب وبالراحه نسب القبول عندكم نازله و عندكم ٣ فروع للكليات الصحيه كما اعتقد
بس نصيحه لوجه الله خلي الانقليزي و الحاسب و مهارت الاتصال يرفعوك لولا الله ثم الانقليزي كان ما خشيت كليه صحيه لاني دخلت بالفاصله
اتوكل على الله و ربنا محا يضيع تعبك

[Ghadeer.N]

ياللللللللله معنوياتي اترفعت و حسيت انو في امل لانو درجاتي قريبا جدا من درجاتك و نفس الحال يدي على قلبي و مرة خايفة بس ربي قادر يغير كل شي في لحظة و الله يوفقك
ربي يحقق كل الي نبغا يارب دعواتكم بلييز

[نايف الناصر]

الله يجزاك خير وبارك الله فيك

[امنيتي الطب]

يااااشبااااب ويابنااااااااااااااااات ابغى حقق امنية في دخوووول الطب لكن الخياااس قصدي القياااس معقدني ولكن درجاااتي في ثاالث ثانوي في اعماال السنه قبل اختباارات نهاية الدوور الثااني والرياضيات 20من20 والفيزياء 20من20 والاحياء 20من20 والكيميااء20من20 والحااسب الالي 20من20 وففي النهاائي 30من30 باستثناء الحااسب لان اختباره قبل نهاية الدور والانجليزي19من20 فيدووني قسم بالله متحطم قبل مادخل معركة اختباارات ثااااالث ثااانوي تكفووون فيدووني وردووو سريع هل لدي امل في الدخوول ام تبخر وصااار حلم تكفووون ارفعووا من معنويااتي ابغى كلاام اكيد علما بأن نسبتي في ثاني ثانوي97,11

[امنيتي الطب]

تكفووووون ردددووو

[محمد الداود]

^
أخوي الحبيب
بدايةً أعتذر على هذا الرد المتأخر *_* لقلة دخولي المنتدى في الفترة السابقة

نسبتك في الثانوي حتدخلك التحضيري فقط ، يعني عشان تنقبل في الجامعة.
وبعدين ان شاااء الله لما تخلص التحضيري تدخل الكلية على حسب معدلك فيها.

الخلاصة ،
عييييش حيااتك يااااا رجل !!!!
متحطم وانت بعد في الثانوي :/ ، واش بيصيرلك في التحضيري !!! هههههه
بالعكس =) ، التحضيري سهلة وتعتبر اعادة لدروس الثانوي .
لاتعقد نفسك أخوي ، حتى اذا تجيب ٩٠ ٪ في ثالث ثانوي حتنقبل في التحضيري ان شاء الله

اعرف طلاب ثنويتهم العامة ٩٣٪ وأقل !! بس في التحضيري أبدعوا ودخلوا طب !
على عكس طلاب ثنويتهم العاامة ٩٧٪ وانت طالع !! وما انقبلوا بسبب اهمالهم في التحضيري !!!!
التحضيري هي الفيصل ..

سُددت دروبك وخطاك ..

[INORI]

ما شاء الله الدكاترة كفوا ووفوا ,
بس عندي نصيحة صغيييييرة ,
إذا تبغى تدخل طب , أو تحقق أي حلم
كلمة ( تبخرت الأحلام ) شيلها من قاموسك للأبد ,
الحلم هذا مو شي يتبخر , هذا شي موجود في قلبك و انت إلي اخترته و آمنت فيه,
استعن بالله شد حيلك ورح يتحقق بإذن الله وبقوة ,
ما فيه شي يتبخر , الانسان بجانبه السلبي - الي موجود في كل البشر - ممكن يخرب أشياء كان باستطاعته يحققها بسهولة .
خاصة إنك تبغى كلية الطب المكان إلي لازم تحافظ فيه على قوة الأمل و الثقة بالله و لازم تتحلى بالصبر لأنها الطريقة الوحيدة لتحقيق أحلامك بعد توفيق الله ,
و لا تنسى ( و استعينوا بالصبر والصلاة وانها لكبيرة إلا على الخاشعين )

مافيه شي صعب او مستحيل , أي شي حققه غيرك رح تقدر بعون الله وتوفيقه إنك تحققه ,
ومتأكدة إنك رح تبشرنا بقبولك (:

بالتوفيق جميييييعاً ,

أخوي أمنيتي الطب , الله يهديك ليش الإحباط وانت لسا في الثانوي , و زي ما قالك دكتور محمد أنا معاه في كل حرف , الله يوفقكم ,