][هل تؤيد الذهاب لمدرس خصوصي لمساعدتك لفهم المادة أكثر ؟!][

[CrEaTiVe4ever]

المشاركة الأصلية كتبت بواسطة asooom يا هلااا والله بكرييتيف بخصوص المدرس الخصوصي أنا ما عمري أخدت مدرس خصوصي في حياتي ,,,, لكن هادي السنه ومع الإحصاء راح أخد وبإذن الله اليوم راح يكون أول كلاس ليه معاه إن شاء الله ,,, أتمنى إني أفدتك أختي والله يكون في عونك

ماشاء الله ..

إن شاء الله .. بالتوفيق يارب :) ..

مشكوووور ماقصرت .. وتشكر جزيل الشكر لإعطائنا رأيك ..

مُـــوفق ..

[CrEaTiVe4ever]

المشاركة الأصلية كتبت بواسطة tom tom طحت من عيني تاخذ مدرس خصوصي ؟ << ما كأنو حيروح معاه خخخخخخخخخخخخ و الله شوفي أنا عن نفسي اجرب المدرس اذا اوكيه استمر اذا مو اوكي ما اكمل

خخخ

هوا دا اللي حأسوي إن شاء الله ..

مشكووووور ع الرد ..

بالتوفيق :) ..

[CrEaTiVe4ever]

المشاركة الأصلية كتبت بواسطة asooom حتكمل ولا وربي تنضررب ترى مرررره متحمس بلااا نذاله

[CrEaTiVe4ever]

المشاركة الأصلية كتبت بواسطة كتكوتة الحاسبات بالنسبة لي أميل لرأيك كثيييييييييير أكره التشتيت وعلى فكرة أنا ماجربت ولا مرة في حياتي وانشا الله ماأحتاج وأنتي انشاالله ماتحتاجي الله يسهلهاعلينا ياااااااارب

أممم ..

بس لما فكرت فيها انتي حتاخدي طريقتين لحل مسألة مثلاً .. فتشوفي اي وحدة حتناسبك وعليها حتذاكري .. ما أدري دا اللي جاء فبالي لما قرأت ردك

ماشاء الله ..

إن شاء الله يارب ..

آمييييين يارب العالمين ..

مشكرة أوي ع ردك ياعسل ..

مُـــوفقة :) ..

[CrEaTiVe4ever]

المشاركة الأصلية كتبت بواسطة محتاج لها خذي مدرسة واجتهدي وراح تحسين بطعم الدرجات أكثر ^_^

ان شاء الله ..

أفهم كدا انك تدرس عند مدرس ؟ .. أو جربت قبل كدا ؟ ، ما أدري

اذا كان صح ياريت تفيدنا بتجربتك

مشكوووور ع الرد

بالتـــوفيق :) ..

[CrEaTiVe4ever]

المشاركة الأصلية كتبت بواسطة chocolate cake <3 بالعكس روحي عند مدرسه عشان ترفعي درجاتك انا مارحت في التحضيري ودرجاتي كانت على قدي وما كنت ازاكر اصلا بس هادي السنه لازم ان شاء الله عشان التحويل لاني مابا حاسب ابدا طيب ممكن ازا عندك ارقام مدرسات كويسات تقوليلي ابا مررررررره لل"بـــرمجه" مع اني ماقيد شفت مدرسة برمجه والاحصاء والحوسبه برضو يكون احسن ازا اخدتها مع مدرسه المواد صعبه احسها اصعب من التحضيري كمان :s الله يوفقنا كلنا بس

آهاا .. يعني تنصحيني أروح ..

إن شاء الله .. آهااا الله يوفقك يارب وتجيبي 4.5 وفوق وتحولي اللي تتمني ياعسل

أنا عندي رقم مدرسة إحصاء بس ماتحب أي أحد يتصل عليها لما تتصلي ماترد بسرعة ولو ردت من فين جبتي رقمي ؟

لا في مدرسات برمجة <<أفتكر استاذتنا تقول انها كانت تدرس عند مدرسات لأنها ماقدرة
تفهمها .. بس اذا مالقيتي تقدري تعلني في الوسيلة او المبوبة وبسعر زهيد الإعلان .. أو تروحي
المعاهد اللي تدرس حاسب وتطلبي منهم أرقام المدرسات اللي عندهم أو تروحي بنفسك لهم وتشوفي الأستاذة المناسبة لك وتعرضي عليها فكرة انها تدرسك <<مجرد فكرة ،، والله أعلم ..

الحوسبة سهلة وممتنعة .. بس عموما ممتعة زي الرياضيات أفهميها وحتمشي فيها بإذن الله

لا تعطي نفسك ايحاء بإنها صعبة أبداً .. لأن بدي الطريقة محتمشي
أعطي نفسك ايحاء انها سهلة بس تحتاج جهد .. وأنا قدها، وبإذن الله حتمشي فيها

آميييييين يارب ويوفق الجميع :) ..

مشكووورة ياعسل ..

بالتوفيق ..

[CrEaTiVe4ever]

المشاركة الأصلية كتبت بواسطة men شوفو ترا اول سميستر في الحاسب كدا تحسس انك مانتي فاهمة ولا حاجه كلنا كنا كدا عشان المواد جديدة واول مرة ندرس حاجه اسمها برمجه وحوسبة ومن دا الكلام بس صدقوني شدوو حيلكم وراح تمشو باذن الله اللي يذاكر يحصل:) وربنا ما يضيعلنا و لا يضيعلكم تعب يارب بالتوفيق

آهاا .. زي أول سمستر في التحضيري ؟!

اممم .. بإذن الله حنسوي المطلوب والباقي على ربنا .. صح، اللي يذاكر يحصل ..

ونعم بالله ..

مشكووورة ع الرد ياشوقر :)..

آمين وللجميع يارب ..

[CrEaTiVe4ever]

المشاركة الأصلية كتبت بواسطة Chocolate Cake <3 آميـــــــــــن يارب يوفقنا كلنا طيب انا الى الان مني فاهمه ولا شي في البرمجه كيف ممكن تمشي معايا دي الماده الاستاذه بتشرح وانا بس اطل فيها ومني عارفه حتى من فين راح ازاكرها ولا كيف ازاكرها :|

طيب .. أنا كنت زيك بس أول مابدأنا عملي فهمت كل كلمة قالتها ..

وخصوصا لما طليت طلة ع الكتاب كمان فهمت كل شيء الحمد الله ..

هيا عبارة عن تعريفات وأشياء بسيطة تفهميها وتحفظيها تمشيء فيها بإذن الله .. على سبيل المثال إش وظيفة الـ d% أو f% أو الـ printf أو أو ،، كل هذا حتلقي في الكتاب مع مدلولاتها ..

ولما تطبقي تفهمي أكتر بإذن الله ..

اسئلي البنات كيف حتزاكروها وزاكري مع الشطار .. أو روحي لأستاذة المادة وفهميها حتعطيكي درس خصوصي فـ دا الشيء .. أسوي كدا مع الأستاذات دايماً ..

حتقولي دحين طيب ليش ماتطبقي على نفسك دا الشيء في الإحصاء ؟!

حأقلك إن أستاذتنا ميئوس منها تروحيلها فمكتبها ولا ماتروحي شرحها هوا هوا مايفهم حاولت أفهم فهمت شوية مو كتيير بس اللي خايفة منو كيف حأفهم في الإختبار ؟!
وكيف حأجيب معدل عالي عشان كدا سألتكم :)

آسفة على الإطالة ..

وأتمنى أكون أفدتك :) ..

بالتوفيـــــــق ..

[m-7o7a]

بنوتاتي الحلووين الي عندها رقم مدرسة احصااء كوويسه الله لايهينها تسددح الرقم محتااجه مرره

[mtm]

انا عن نفسي ومن خلال تجربه شخصيه ،مع المدرس الخصوصي في حالة اذا كان الدكتور من جنبها زي (الفيزياء) في السنه التحضيريه. يعني يكون في اجماع على انو الدكتور محدش بيفهم منو . في هذه الحاله الله يعوض عليك،خذلك مدرس خصوصي.اما اذا كنت انت الوحيد اللي ما تفهم على الدكتور فا اعرف ان هذا العيب منك ولازم تجتهد اكثر .مجرد وجهة نظر. وشكراً.