دردشة حول تطوير اللغة الإنجليزية للمنتسب

[ام سجو]

جربت المعاهد..جربت اسوي فيها فاهمه واستمع لسي ان ان ..(وساعتها يبان الضعف اللغوي من جد) ..وهذا شيء يجيب التوتر واخيرا اكتشفت شيء بنفسي ان اللغه زي الطفل بتكبر يوم بعد يوم ..بس احنا مانلاحظ .. تعلم اللغه صعب للغايه مو من صعوبة اللغه ولكن من المجتمع بس اللي لاحظته يقوي اللغه ماهي الافلام بالدرجه الاولى لان دراستنا اكاديميه وفيه اختلاف وانما القراءه اشتريت من جريرروايات ومنها رواية لتشارلز دكنز صفحه عربي وصفحه انجلش وترجمته رائعه اسم الروايه hard time وانتبهوا لاتشتروا اي قصه مترجمه لان احيانا الترجمه تكون بالمجمل ...استفدت كثير منه ..وتذكرت الايه اقرأ وربك الاكرم...وقلت فعلا مافي مثل القراءه ربي يفتح على القاري ابواب العلم والمعرفه ..اما الاستماع ففعلا مثل ماقال الاخ ابو الاء قنوات الاخبار والبرامج الرسميه مفيده .

[عبدالعزيز هباش]

!!!!!!!!!!!!!!!!

[ahmed-1]

الله يجزاك الف خير ياصاحب الموضوع المهم جداً

ويجزا الي أفادونا بالمشاركات وعلى رأسهم الأستاذه/ نور

وفعلاً شوية المفردات الي عند الواحد لازم يطلعها وياخد ويدي ويطور ويزيد...
ولا يقتصر موضوع اللغة وممارستها من الترم إلى الترم .

لخصت لنفسي من المشاركات الثرية :

1-الإستماع للأخبار (bbc) أو غيرها
2- محاولة قراءة روايات قصيره وغير مملة
3- ( كثرة ) المحادثه مع من يتكلم الإنجليزية

وموضوع المراية يبغاله تفكير شوي ،،،

[Lily roses]

يعطيكم العافيه موضوع جدا رائع وعن جد نحتاج احد يوجهنا ماقصرتو الله يعطيكم الف عافيه
انا عن نفسي اشوف افلام واحس اني بس جثه قدامها بس اقول لنفسي يابنت مع الوقت بتصيرين شطوره واكمل لين يخلص الفلم دري انا اظحك ع نفسي ولا بجد بيصير بيوم انا نتكلم زيهم الله يوفقنا جميع
هههههههههههههههههههههههههههه عجبتني موضوع المرايه
اخوي لا تفكر زياده سويها بس بعد ماينامون الاهل يعني عشان الاحراج

[ام سجو]

ماشاءالله عليك يااخ نايف ...من الجميل جدا ان الانسان يكتب تجربته عن شيء مر فيه ليستفيد غيره نفتقد تدوين الخبرات في حياتنا..تجربتنا في تعلم اللغه ماهي بسيطه والكل من الجيل القادم بيمر بنفس اللي مرينا فيه..بارك الله فيك يااخ نايف النصائح والملاحظات من المجرب تكون اقوى واكثر شفافيه وان شاءالله ربي يعوضك باحسن من السياره اللي بعتها لكن ياليت ترفع لنا غلاف الكتاب ان كان مايخالف قوانين المنتدى..هذا رابط احد المواقع بجد مفيد للتواصل مع اصحاب اللغه الام
http://www.livemocha.com/sihp
لكن اوصيكم اخواني واخواتي بمراقبة الله سبحانه وتعالى

[الحجازي]

موقع جميل،شامل وبسيط وبه مقاطع صوتية..
http://www.speakenglish.co.uk/?lang=ar

[ahmed-1]

المشاركة الأصلية كتبت بواسطة lily roses يعطيكم العافيه موضوع جدا رائع وعن جد نحتاج احد يوجهنا ماقصرتو الله يعطيكم الف عافيه انا عن نفسي اشوف افلام واحس اني بس جثه قدامها بس اقول لنفسي يابنت مع الوقت بتصيرين شطوره واكمل لين يخلص الفلم دري انا اظحك ع نفسي ولا بجد بيصير بيوم انا نتكلم زيهم الله يوفقنا جميع هههههههههههههههههههههههههههه عجبتني موضوع المرايه اخوي لا تفكر زياده سويها بس بعد ماينامون الاهل يعني عشان الاحراج

[sherlock]

اشكركم جميعاً لمشاركتكم
والموضوع متاح للجميع ونتمنى نرى تجارب أخرى وقيمة

[دعاني الشوق]

من واقع تجربة
الاستماع ثم التحدث ثم الممارسة ثم الايجادة والاتقان
نصيحتي لكم السفر للدول المتقدمة كي تجبر نفسك على ممارسة اللغة
ليس بصعب حتى لو تقدر على شهر

[الــمــحــتــار]

من اراد تطوير لغته باختصار شديد ..

عليه بممارسه اللغه وعليه ان لا يخجل حتى وان اخطا...





المحظوظ من كان عمله يتطلب التخاطب باللغه الانجليزيه ...