مهم جدا لكل اللي بيختبرون اللغويات التطبيقيه اليوم

[THE EXPERT]

الأختبار في مبنى 26 قاعه 103 و 106
بس مش هذا موضووووووعي .. موضوعي عقـــيم مثل عقاااااامة طريقة الأختبار اليوووووم ..

أكيد الجميع سمع عن سالفة حطها كلها صح وتضمن 66 وناجح

وانا سأت بعض الزملاء وأكدولي هالمعلومه

وأدري انه مش الكل يفكر انه ينجح بس .. فالبعض يبي يجيب درجه وهذي المعلومه ما تفيده كثير .. فأنا اقول ان المعلومه هذي مفيده ومفيده جدا جدا

راح اخذ الموضوع من نضره أحصائيه وبلغة الأرقام <== يحب لغة الأرقام والأحصاء ( هلالي )

اللي يحطها كلها صح يجيب 66 من ميه
وهذا يعني ان هنالك 33 فقره في الأختبار صح وهنالك 17 غلط
ويعني أن كل سؤال ستواجهه ستكون نسبة أنه صح 66% ==> بدلا من 50 % لو ما كانت عندنا هذي المعلومه

بمعنى أن مهمة الطالب انه يحل الأسألة اللي متأكد منها ويترك الباقي ويفكر بعقل .. فأذا أكتشفت انت عشره اخطاء راح تعرف انه باقيلك تكتشف 7 فقط .. فجازف وحط الباقي كلها صح راح تجيب 86 .. ولو أكتشفت 5 أخطاء فقط ومتأكد منها وحطيت باقي الأختبار صح راح تجيب 78 ..
لو باقي 15 سؤال ماتعرف حلها وانت في الأساس أكتشفت 13 سؤال اجاباتهم خطأ وأنته مغمض حط ال15 كلها صح وراح تصير درجتك 92

وتذكر ان الأولويه في حل أي سؤال ما تعرفه انه صح ..

يعني مهمتنا اليوم ليست صح او غلط .. ولكن أكتشاف 17 خطأ فقط ..

أتمنى ان المعلومه وصلت .. فبصراحه اسلوب الدكتور أضطرنا لهذي الطريقه بدل من ان نفكر ونركز على أنواع المدارس وطريقة تفكيرهم جعلنا نفكر في العلماء اللي يتبعون المدارس فقط .. بصراحه الماده ممتعه في فكرتها ....... يااااااااااااااااااااااايخه في طريقة اختبارها والتركيز على العملمااااااااء وبما اننا طلاب فيجب ان نمشي مع الموووود ... <=== واظح أنه طفشاااااان من الماده


لا تنسون يا شباب الأولويه للشيء اللي ما تعرفة هو أنه صح لان نسبته اليوم 66 %

تدرون وش سويت في العلماااء .. بداية أسم العالم أشبهه بأحد أقاربي اللي يبدأ اسمه بأسم العالم ( أقلقت أخوي الصغير كل شوي أقوله عندي لغز أتحداك تقولي واحد من جماعتنا أسمه يبدأ بكذا .. والمسكين متحمس يجاوب ) ... ولما وصلت ربع المنهج أكتشفت ان أسماء أقاربي ماعاد يكفوووون قلت مالها ألا اخوياء الدراااااسه وأولاد الحااااااره (وش فايدتهم اذا ماساعدوني في الشدايد ) .. المشكله لما وصلت نص المنهج ماصاروا يكفون ... قلت مالها الا اللاعبين المشهورين والمصارعين وأبطال الأفلام وأسماء الشخصيات اللي درستها في مواد الأدب والقهر اني ما تعديت شوي الا وخلصو كل اللي اعرفهم .. وألحين تورطناااا .. خلصت الأسماء اللي ممكن اقارنها بأسماء علماء اللغويات التطبيقي... أخر شيء صرت أقارنهم بقطع الأثاث واحد خليته كرسي وواحد كنبه .... والله يستر لا تخلص قطع الأثاث والمنهج ماخلص <<== لا أحــد يـشــره





دعـــــــواتـــــــكــــم يالــــــــــربـــــــع

أخــــــوكـــم
the expert

[الجاسر]

ههههههههههههههههههههههه
الله يوفق اخوي الخبير احسك بتلحس بعد الاختبارات
فعلا معلومات مفيده مشكووووووور

[بدر بن فهد]

ههههه

تحليل جميل يابو حاتم
والله ان العلماء لحسو مخي لكن الله يسهلها ان شاء مايكثر الاسئله عليهم

الأختبار في مبنى 26 قاعه 103 و 106

وين فيه هذا ياجماعه ماسبق اختبرت فيه

[ام حمدان]

ههههههه


بس مغامره صراحه نفسي اعرف على اي اساس عرفتوا انه 17 فقره بتكون غلط !!!

الله يوفقكم ويلهمكم بالاجابات الصحيحه يارب

[مناحي دووت كوم]

اللغويات التطبيقيه وكلها صح وخطا؟؟؟؟؟؟؟

غريب

اطلب شي يجيني حليب

الله مير يوفقكم هذا اللي بقوله

كان ودي اني معكم اليوم عشان اخلص من هالماده لكن حسافه

[THE EXPERT]

المشاركة الأصلية كتبت بواسطة ام حمدان ههههههه بس مغامره صراحه نفسي اعرف على اي اساس عرفتوا انه 17 فقره بتكون غلط !!! الله يوفقكم ويلهمكم بالاجابات الصحيحه يارب

سؤال منطقي

لان فيه طالب من النوع اللي يمسك الورقه من اولها الى اخرها ويحطها صح ويمشيء.. وتطلع درجتهم كلهم 66 .. فبهذي الطريقه أكتشفنا سالفة 17 غلط <== قوة أحصااااااااااااء
الدكتور الله يهديه ما يحب يغير الأسأله ولا يحب يصحح ولا يحب يسوي شيء
وأسألته ثابته من خمس سنوات بس المشكله ان العالم تطلع وما تقدر تتذكر سؤال لانهم مو متاكدين

وبعدين حريص حرص شديد على ورقة الأسأله انها ماتطلع ويعد ويوصي الدكاتره الثانين انهم يتأكدون .. فيه مادة السيمنار الأسأله تكررت لثلاث سنوات متكرره مع نفس الدكتور .. ولما أكتشف ان الأسألة تكررت .. ماراح وغير الأسأله ترك الماده براسها ولا عاد يبي يدرسها

وبالتوفيق للجميع

[ام حمدان]

اها فهمت عليك الحين اجل اسمعوا نصيحته ياشباب بس تأكدوا انها نفس الاسئله اخاف لاقدر الله يكون جاه واحد من عيال الحلال الي يحبون الخير وقاله هو صحيح ان طريقتك وحده ماتغيرت ولو جاوبت كله صح بنجح *_*

[مناحي دووت كوم]

ام حمدان صذقتي

عيال الحلال هذولي واجد هالايام ههههههههههههههههههههههههههههههههه

[THE EXPERT]

حتى ولو جاااااه اي أحد وقاله ..

وبعدين في نظام الأسألة الصح والغلط . قريت كتاب عن هالأسلوب .. والكتاب امريكي .. وطريقة الأختبار تعتبر امريكيه

أهم شيء طلعت من الكتاب
أن المتهم بريء حتى تثبت أدانته .. فالسؤال صح حتى تكتشف الخطأ .. فبدلا من الدخول في الذمم وأمكن يقصد كذا والا مايقصد كذا هذا ما ينفع



وبالتوفيق للجميع

[وســـــــن...M]

أما إنتوا الشبااااب إختباراتكم قمة الفله
بلاكم ماشفتوا الأبلايد حقنا

إش إيساي وإش الفراغ اللي من نص السطور وعليه درجتين وإش التعدآآآآآاد

وربي طلع عيوني عشان أنجح فيه والحمدلله أفتكيت منه

يلا ربي يسهل لكم وطمنونا بعد الإمتحان بالله