تجمع طالبات المستوى الخامس..الفصل الثاني..

روزري · #1 25-04-2010, 09:51 PM

السلام عليكم ورحمة الله وبركاته

هنا تجمع طالبات المستوى الخامس

فتحت الموضوع قبل ابتداء الدوره 17/5 السبت القادم بإذن الله

طبعا في مواد بنات يأجلوها للمستوى السادس وفي تقديم وتأخير وهكذا ولكن ...

تقريبا كلنا نفس المواد..

أتمنى لي ولكم التوفيق ..

ويلا حماااااااااااس

أختكم روز

روزري · 25-04-2010, 10:02 PM

جدولي ياحلوات هو..

اول شئ ريدينق 2 والله مره متخوفه منه بشكل مو صاحي لانو ماعرف كيف استخرج افكار زي الاسئله اللي جات الترم اللي فات...
ثاني شئ عندي لغويات بإذن الله بتسهل مع التجمع اللي سويناه
ثالث شئ عندي مقدمة في الترجمه مو متصوره ايش هذه المادة
رابع شئ عندي مناهج بحث
خامس شئ عندي حلقة بحث في اللغويات

والحين صرت محتااااره كثير.... ايش احذف وايش اخلي وابغى اضيف ماده حره بس اقصى حد عندي اكتمل اللي هو 15 ساعه...

روزري · 25-04-2010, 10:05 PM

أمواج انا حذفت مناهج بحث وابغى اضيف مادة حره اش رايك ايش اضيف كان نفسي في قرآن بس مافيه ..!!؟؟

الأمواج · 25-04-2010, 10:21 PM

ياحلوة أنا أضفت علن نفس نمو..
وإن شاء الله سهل بنات كثير من صاحباتي أخذوها يقولوا سهله بس تركيز كثير..
ماادري شوفي الأسهل لك..والقريب من رغباتك..
مقدمة في الترجمة عبارة في الفاينل قطعتين كل قطعة عليها 50 درجة تترجمي وحدة من العربي للإنجليزي والثانية من الإنجليزي للعربي..
طبعا مسموح لك بمترجم ديكشنري عربي إنجليزي بحجم صغير..
هذا كل اللي أعرفه..
وأنا مررررررررة متررددة أخذها وإلا احذفها..
بس الله يسهل.

الأمواج · 25-04-2010, 10:24 PM

يوه نسيت مبروك علينا هذا التجمع وإن شاء الله نلاقي فيه حماس..
ومساعدة لبعضنا البعض..

روزري · 25-04-2010, 10:36 PM

اهمممم اوكي كويس خلاص اضفت مادة علم نفس نمو وان شاء الله سهاله ...
وعن موضوع المادة مقدمة في الترجمه قولي لي ايش جدولك عشان نشوف كيف يترتب ..؟؟

انا ماراح احذفها باخليها عشان ابغى احاول اخلص كل المواد اللي في هذا المستوى ..

والله لا يهينك ممكن تقولين لي اسم كتاب مقدمة في الترجمة
ومن فين شريتي الكتب ؟؟!!
لسه مااشتريت ابغى اروح بكرا بس ابغى اسماء كل الكتب مره وحده اشتريها...

الأمواج · 25-04-2010, 10:42 PM

الكتاب أسمه أسس الترجمة من العربية للإنجليزية..
للدكتور عز تقريبا لونه أبيض ومكتوب بالأسوس ترجمة من العربية للإنجليزية والعكس.. إنت قولي لهم ترجمة طالبات إنتساب وتلاقينه..

جدولي ياطويلة العمر..
مقدمة في اللغويات..
مقدمة في الأدب..
علم نفس النمو..
ورايتينج2<<أنا قدمت على مراجعة الورقة وإن شاء الله خير ...
وبس..
أما الترجمة صارت معاي حكايات..
أول شيء أرسلت معاملة إنها لها متطلب مااجتزته أبغى أضيفها ارسلوي سيتم التنفيذ..
واستنى استنى وماألقى شيء..
اضطريت أروح للجامعة بنفسي وأضيفها رحت لهم قالو اكتبي ورقة وماني عارفة ورقة اعطوني إياها أعبيها..
قالو خلال 48 ساعة وتلاقيها في جدولك..
مالقيتها..
أصلا حسيت بضيقة وماني قادرة امسكه..
هذا جدولي ياحلوة..
وكفاية وقتي حأعطيه للغويات والأدب بإذن الله..
وشرايك فيني..

الأمواج · 25-04-2010, 10:45 PM

اول شئ ريدينق 2 والله مره متخوفه منه بشكل مو صاحي لانو ماعرف كيف استخرج افكار زي الاسئله اللي جات الترم اللي فات...

بالنسبة للريدينج2 ستخلصي أفكار من خلال أول شيء لازم تكوني فاهمة البارقراف تمام أو ملمة بأفكاره بعدين حلو وتقدري تجيبي أفكار بس أهم شيء تتقيدي بالقرامر والسبيلنج..
يااااااااااااااااااااااارب يوفقك وينجحك فيه بممتاز بلس وإيش تبي بعد...

روزري · 25-04-2010, 10:54 PM

الله يبارك فيك يااااسكره

آآآمين ياااارب وان شاء الله حمااااااااااس

طيب حلو اسم الكتاب وعلم النفس ايش اسم الكتاب
ولا تنسي من فين؟ ماابغى احوس ابوي في المكتبات اي مكتبه اشتريتي منها؟
شوفي ياسكره جدولك حلو من ناحية ترتيب المواد بس عني انا افضل تزيدي ماده لانو لو نزل معدلك لا قدر الله بينزل جامد زي انا سويت الترم اللي فات عشان كان عندي اربعه مواد فقط
وع الترجمه خليها ياقمر الترم الجاي وانتي خذي الادب هذا الترم ونشوف ايش بيصير ونستفيد من بعض شو رأيك؟
ومشكوره ع نصائحك في الريدينق وآآمين يارب
بعد انا عندي نصائح لك في الرايتنج مهمه مرررررره

روزري · 25-04-2010, 10:56 PM

جوجو برب عشاء ويمكن اتأخر
ان شاء الله ارجع الاقيك
بارجع ممكن ع 12

تجمع طالبات المستوى الخامس..الفصل الثاني..

قسم اللغات الأوروبية و آدابها