نظام اودوس الجديد .... حسبي الله بس

[شيري الحيرانه]

السلام عليكم


حبايب قلبي ابشركم بعد نزاع وقتال واشياء كتير مو حلوة وهبل السنين
هههههههههههههههههههههههه

تقريبا اتخرجت

الترم اللي راح نجحت بكلو والترم دا اختبرت مودرن اختبار بديل

والان انا عندي بروبلم نونو انو مو قادره اشوف نتيجتي بسبب نظام اودوس الجديد اللي يقولو سددي الرسوم
اسدد ايش بالضبط مادري
مو قادره افتح ولاااااااااااااااااااااا شي لا نتايج لا كشف درجات ولا شي
ممل اقوى شي
الموهم
كيف اعرف ازا كانت د. سوزان صححت الاوراق عشان اروح الجامعه اعرف نتيجتي
او اش ممكن اعمل عشان يفتحولي الاودوس زي البشر والخلق



وشوكرن <<< عجبني الاحول

[إبرا]

والله يا شيري مؤ بس انتي اللي حيرانه مع موقع وكالة ناسا دا ( الاودس الجديد )

كلنا حيرانين

[شيري الحيرانه]

طيب والحل ....؟؟؟؟؟؟


بجد مو عارفه اش اعمل ورحت الجامعه ومحد افادني رحت سكرتاريه القسم قالت روحي خدمة المجتمع رحت خدمة المجتمع قالو بكل لكااااااااااااااااعه العالم
ممممممممممممممممممم طيب ليش ما تقولي لاحد بالسكرتاريه يشوفلك ازا نجحتي ولا لا وخلصت القصه

مااعرف كيف اوصف شعوري بس كل الحاجات اللي جات بموخي مو حلوة لانو اسلوب مستفز
وارجع للسكرتاريه اقول طيب حضرتك حاولي تشيكيلي بس ازا نزلت درجات ولا لا
قال ممنوع ممنوع احنا مو مسموحلنا نعمل كدا لاي طالبه
مع العلم انو بكيفهم واحيان كانو يطبعولي جدول ويرفضو يعملو كدا لغيري والعكس يسير
مااااااااني فاهمه هوا تعقيد ولا شي مااقدر اقولو لاني احترمكم كاخواتي بالمنتدى بس بجد اقل شي اقدر اقولو على دولا الموظفات انو اسلوبهم واطي وينقصو الادب او شي يدل انو احد رباهم ببيوت اهلهم بس
يعني مو معقوله كل احد يكون قدامو كمبيوتر وماسك وظيفه مجعوص وقليل ذوق
حسبي الله ونعم الوكيل بس

[white rose]

عزيزتي بالنسبة لمس سوزان اللي اعرفو انها لسه مسافرة في لندن وراح ترجع الاثنين فما اظن صححت شي لانها حتى محاضرات المودرن ماجات تعطيها للبنات صحباتنا
وبالنسبة للتسديد والدرجات طيب ليه مارحتي لمكتب الانتساب اللي اعرفو انو لو باقي لك مادة هما يشيلو الرسوم عنك المفروض كذا جربي وروحي لهم وراجعيهم في المبنى الثامن الدور الثاني أواتصلي عليهم وان شاء الله ربي يفرج عنك همك .

[شيري الحيرانه]

طيب مافي احد من اللي اختبر مودرن بديل هنا

[ahmed-1]

انا لله

حتى في ذي معاناه

الله ييسر الأمور

[white rose]

شيري الحيرانه

اليوم جات مس سوزان عالكلاسات تبعتها واكيد راح تصحح لكم قريب راجعيها على مكتبها او على ايميلها وان شاء الله تطمنك على درجتك وبالتوفيق ^_^

[شيري الحيرانه]

الله يبشرك بالخير

يبغالي اروحلها الاحد ان شاءالله

[الحرف الجديد]

يا عزيزتي أشارككم نفس المشكلة بس عندي بطريقة مختلفة تماماً النظام مايقبل لا اسم مستخدم ولا رقم سري والرد يقول هوية المستخدم غير صالحة وانا داخل قبل يومين أنا مدري أش اللي حاصل بالضبط لكن ياللة الفرج

[منتسـب]

المشاركة الأصلية كتبت بواسطة الحرف الجديد يا عزيزتي أشارككم نفس المشكلة بس عندي بطريقة مختلفة تماماً النظام مايقبل لا اسم مستخدم ولا رقم سري والرد يقول هوية المستخدم غير صالحة وانا داخل قبل يومين أنا مدري أش اللي حاصل بالضبط لكن ياللة الفرج

اخوي اذا انت خريج الف مبرووووك

لانهم اذا تخرجت يمسحوا رقمك ويعطلوا يوزرك بالادوس بلص