ما هو اسم تخصصنا ؟؟؟

[shinystar]

السلام عليكم

الحين كلنا عارفين اننا في قسم لغات اوروبيه قسم انجليزي

لكن انجليزي ايشششش

في ديوان الخدمه المدنيه حاطين مجموعة خيارات هل هي :

لغة انجليزيه.
لغه انجليزيه وادابها.
انجليزي لغويات.
انجليزي ترجمه.

الحين اش اختار اية وحده ؟

المصيبة انا رسلنا لدكتوره رندا وما ردت علينا تتوقعوا ماتعرف؟

تحياتي

[اللهلوب]

اكتبي

انجليزي .. بتاع كلو

يعني .. احنا اللي بندهن الهواء بويه

هذي موادنا .. صدقيني هي كذا

[shinystar]

المشاركة الأصلية كتبت بواسطة اللهلوب اكتبي انجليزي .. بتاع كلو يعني .. احنا اللي بندهن الهواء بويه هذي موادنا .. صدقيني هي كذا

هههههههههههااااااااااااااااااااي

صدقني انهم ليشطحوني في مدينه ماهي على الخريطه بتاتا البته

شاكره مرورك بصراحه افدتني جداً

[لقيت روحي]

اممممممممم ..

نحنا ندرس مواد من الترجمة ومن اللغويات

ومن الادب ..

والله حالة ..

[الباسل3003]

حالنا يذكرني بــفلم (الدكاترة سعد) لبكر الشدي رحمه الله
اخذ 7 شهادات لسبع تخصصات ,, لاهو اللي تخصص في شيء محدد و فهمه ولا هو اللي قعد و استراح

عاد احنا بناخذ 3 تخصصات ويبقى لنا 4 تخصصات ونصير كلنا الدكاترة سعد.

ندرس شوية ترجمة و شوية لغويات و شوية أدب و نطلع ملخبطين ولا نفهم في شيء محدد

بس بصراحة بعدما شفت الوضع كذا في جامعتنا العزيزة وللأسف مادريت الا بعدما تورطت قلت مالنا الا نصبر و الوعد الماجستير ان شاء الله و دراستنا في نظري ماهي إلا طريق لشهادات أخرى باختصار(وسيلة و ليست غاية)

الله يعوضنا خير

اما بالنسبة لك اختي صاحبة الموضوع فالأفضل انك تزورين القسم و تسألينهم السؤال هذا .

[BANDAR-777]

يكتب في وثيقة التخرج

تقبلي مروري

[shinystar]

المشاركة الأصلية كتبت بواسطة bandar-777 يكتب في وثيقة التخرج تقبلي مروري

ايييييييييييييه مو هنا المصيبه الثانيه الديوان بيقفل يوم 20 من هذا الشهر وتسليم الوثايق يبدأ يوم 25

يعني لازم نلحق نعبي البيانات الان .

احسها مقفله من كل مكان
استغفر الله العظيم بس

شاكره مرورك

[قلم سائل]

انت تخصصك لغه انجليزيه يعني ( انجليزي لغه )
هذا هو اللي يٌدرّس في جامعه الملك عبدالعزيز فقط

[بوليمر®]

حسب الشهادة

لغة انجليزيه.

[shinystar]

قلم سائل

بوليمر

الف شكر لكم