اخي نبض الخفوق اما ان لك ان تبشرنا عن نتيجتك ؟

[R O Y A L]

اخي نبض الخفوق بشرنا عن نتيجتك وفقك الله

[نبض الخفوق]

ياهلا اخوي رويال

آخر شي كنت اتوقعه موضوع مثل هذا هههههههههه

بصراحه يالغالي ما ادري وش اقولك يعني ممكن تسميها صدمه

منصدم من الاسئله اللي ماتوقعتها بهالشكل وهي من النوع السهل الممتنع

الفقرات بعضها سهل جدا وبعض متوسط وبعضها صعب لانها تحتوي على كلمات اول مرهـ تمر علي

يعني ما ادري اصلا وش معناها ويبغالها وقت على بال ما تقعد تقرأ وتتوقع الاجابه

اللي انا مقهور منه تماما البرقراف والسنتينس والتوبيك

يعني اشياء سهله جدا لكن حقيقه الوقت داهمني وعدم التوقع لنوع الاسئله هو اللي ما ساعدني

اجل في احد كان يتوقع انه يجيب لنا هالبراقرافات السهله مثل :-

1- حادث مروري
2- اول يوم في الجامعه

هذي المفروض نكتب عنها واحنا مغمضين ونضمن منها اكثر من 10 درجات على الاقل

لكن صدق اني خبصت فيها تخبيص على كيفك والله كريم

ما اقول الا الله يوفقنا وإياكم ان شاءالله والله يعدينا من هالمادهـ على خير

اقل شي لو درجة النجاح

[الحربي77]

معليش على المداخلة لكن الموضوع شدني وقهرني

المشاركة الأصلية كتبت بواسطة نبض الخفوق اجل في احد كان يتوقع انه يجيب لنا هالبراقرافات السهله مثل :- 1- حادث مروري 2- اول يوم في الجامعه

والله اني جبت العيد يبي حادث مروري وانا كاتبله ومتفلسفله عن حوادث الطرق

[نبض الخفوق]

المشاركة الأصلية كتبت بواسطة الحربي77 معليش على المداخلة لكن الموضوع شدني وقهرني والله اني جبت العيد يبي حادث مروري وانا كاتبله ومتفلسفله عن حوادث الطرق

وش الفرق بينها ؟؟

[الحربي77]

الي فهمت
الحادث المروري ....تكتب عن حادث حصل ومات فيه السايق والراكب طارا والمكينه دخلت فالغمارة والجربوكس طار في الخط الثاني وووو.... ههههههه
وحوادث الطرق انا كتبت ان البشر كانوا يموتون بسبب الحرب والجوع وصرفتله من راسي عدد وفيات يوميا في العالم وسويت نصايح