Cs مستوى سابع

[أرنوسية]

السلام عليكم ورحمة الله وبركاته
في البداية أحب أهني الجميع بالنجاح
واللي ما نجح لا ييأس
الله يوفقه ويجيب بالمادة +a بالترم الجاي
واللي لسة مانزلتله كل الدرجات "زي حالتي" الله يصبره

الموووووووهم
أحب أستشيركم بالمستوى السابع
في الخطة الدراسية المحترمة عندنا ست مواد تخصص

1. مقدمة إدارة مشاريع أ.علا الشقران
2. خوارزميات2 مع د.زينب
3. ذكاء اصطناعي1 مع د.لمياء
4. هندسة برمجيات1 مع أ.مي فاضل
5. نظم تشغيل1 مع د.لمياء
6. شبكات حاسب مع د.اعتماد


طبعا أنا لسة بعقلي
ما بخذهم الستة مع بعض
أفكر أحذف الشبكات

إيش رأيكم أحذف مادة واحدة ولا إثنين؟؟؟؟
وإيش تقترحوا علي أحذف؟؟؟؟
وإيش رأيكم بالأستاذات خاصة أستاذة علا وأستاذة مي لإني ما أعرفهم؟؟؟؟

جوزيتم الجنة

[وحشCS]

بالنسبه لماده هندسه برمجيات يقول سهله ومادة a+ وانا بنزلها الترم الجاي

اما الباقي ماعندي علم عنها

بالتوفيق...

[Anemon]

المشاركة الأصلية كتبت بواسطة أرنوسية 1. مقدمة إدارة مشاريع أ.علا الشقران 2. خوارزميات2 مع د.زينب 3. ذكاء اصطناعي1 مع د.لمياء 4. هندسة برمجيات1 مع أ.مي فاضل 5. نظم تشغيل1 مع د.لمياء 6. شبكات حاسب مع د.اعتماد

خوارزميات وهندسة برمجيات اسهل مادتين عندك يعني لاتحذفيهم
انا اخدت في المادتين a مع نفس الدكتورات

نظم تشغيل اصعب مادة الدكتورة ابدااا ماتشرح كويس
الى الان انا مش فاهمة شي في المادة

ذكاء اسهل من نظم انا جبت فيها b+

شبكات المادة كلها حفظ في حفظ انا اخذتها لما غيروا الكتاب
صراحة الكتاب مررررة مايفهم بس الترم اللي بعدنا رجعو الكتاب القديم
بالنسبة للدكتورة شرحها مو مرة وتجي نص وقت المحاضرة وتخرج بدري
بس اسالتها تعتبر سهلة وتعطي بونس انا جبت معاها a

ادارة مشاريع الاستاذة في البداية كانت عسل وشرحها مرررة حلو
بس في نص الترم صارت تشرح بالانجليزي تقول ممنوع اشرح بالعربي
واسالتها مهي حلوة ,المادة المفروض انها موحدة مع الاولاد حتى في الاختبارات
بس هيا في الاختبار النهائي ماعجبتها اسئلة الدكتور فحطت اسئلة لحالها وجات صعبة
حتى في تصحيح المشروع مرررة ماتراعي بس مشروع واحد اللي اخد كامل عندها

اتمنى اكون افدتك

بالتوفيق ياعسل

[أرنوسية]

وحشCS
&
Anemon

مررررررررررررة شكرا

[أرنوسية]

بس ما حد جاوبني
أي مادة تنصحوني أحذفها؟؟؟

[red flower]

مرحبا ياعسل

شوفي حبيبتي بالنسبه لمقدمة إدارة مشاريع مع أ.علا الشقران بصراحه الماده نظري بحت ومو حلوه
انا اشوف الماده المفروض اصلا لبنات الـ is بس .. مررره مالها علاقه بتخصصنا
بس بشكل عام الماده مو صعبه .. هي صح مو حلوه لكن عادي من ناحية الصعوبة
بس في الدرجات انسي الموضوع
زي ماقالت Anemon تخسف في المشروع
وماتراعي في التصحيح ابدا واسألتها مو حلوه
وكمان لاب الماده غبي بصراحه

اما خوارزميات2 مع د.زينب
مره حلوه الماده ... وطبعا انتي عارفه مواد د.زينب ومنال فيها قاعده
ركزي وافهمي في المحاضره ولا تفتحي المنهج الا ليلة الاختبار وتجيبي a او a+ كمان
مرره ضروري تفهمي في المحاضره ..عشان ماتتعبي في المذاكره
والحلو ان الماده خفيفه .. دوريات وفاينل وبس
لا مشروع ولا كويزات ولا معمل ولا واجبات ولا اي شي

اما بالنبسه لـ ذكاء اصطناعي مع د.لمياء
شوفي بصراحه الماده حلوه .. انا حبيتها مررره
لابها حلوه كمان
بس مشكلتها الجزء النظري في البداية .. انا مااحب احفظ والجزء النظري كان متعبني شويه
بس بشكل عام حلوه الماده لو فهمتيها
طبعا مع د.لميا انا مااااااااااافهم شي
مخي مايجي مع مخها
بس كنت افهم من أستاذة اللاب مره كويس
بس د. لميا الله يسامحها .. في الدوريات الاسئلة كان حلوه وجبنا درجات .. في االفاينل جات زي السم
وانخسفنا بسبب الفاينل
انا والله كنت داخله الفاينل على اساس a لو خبصت شويه .. ولو حليت a+
وفي النهاية جبت b

بالنسبة لـ هندسة برمجيات مع د.مي
الماده عاديه .. بس اعتمدي على نفسك في فهمها
د. مي شرحها باااااارد وتنامي في محاضرتها بدل ماتفهمي
المادة لها مشروع .. بس عادي حلو مو مره صعب
تلاقي في قسم الملخصات موضوع كامل عن الماده ومشروعها .. مره حتستفيدي منه ..

بالنسبة لـ نظم تشغيل مع د.لمياء
انا قلت لك في البداية ان لميا مخها مايجي مع مخي
بس اقسم بالله في هذه الماده اني دخلت وخرجت منها بدون ماافهم شي
المادة غبيه غبيه غبيه ..
بصراحه انا من كثر ماكنت كارهتها كنت بس ادعي اني انجح فيها
بس بصراحه انا المنهج نفسه ماكان عاجبني ، يعني مو بس شرح د.لميا
في بنات كاتوا حابين هذا النوع من المواد .. انا ماكان داخل مزاجي

شبكات حاسب مع د.اعتماد
نفس كلام Anemon ماعندي اضافه

بس شوفي بالنسبه انك تحذفي طبعا لازم تحذفي شي
خصوصا ان مقدمة مشاريع وهندسة برمجيات وذكاء صناعي لهم مشاريع
ويقولوا دحين شبكات الترم الماضي عملتلهم مشروع

انا لو مكانك احذف شبكات او نظم تشغيل
لانهم ياخذوا وقت في المذاكره ... فيهم حفظ كثيييييييييييير
وشبكات معملها صعب بصراحه وواجباته كثيره وممله

احذفي وحده منهم وخذي حر لو تبغي نصيحتي
امشي بـ 6 مواد احسن لك
ترى 5 مواد حاسب ووحده حره كأنها 5 مواد حاسب بس
الحره ماراح تاخذ كثير من وقتك
واخر الترم حتمشي كلها وتقولي الحمدلله اخذت 6 وافتكيت
وكمان عشان لاتتأخري في التخرج


بالتوفيق يااارب

[أرنوسية]

red flower

مرررررررة شكرا
كفيتي ووفيتي يا عسل

يعني إنتي شايفة إني لو حذفت شبكات كفاية؟؟؟
في بنات ينصحوني إني أحذف مادتين... إيش رأيك؟؟؟

ما أدري ليش عندي إحساس إني أعرفك!!!

[it boy]

ارجعي لخطه شوفي الماده الي اقل متطلبات لها واحدفها بس ما ادري اعتقد الشبكات لازم يتطلب لها نضم التشعيل

[أرنوسية]

it boy

جزاك الله خير
الشبكات متطلبها الوحيد عندنا تنظيم وبنيان حاسب
[CPCS214]

[red flower]

والله ياقمر انتي استخيري وشوفي
بس انا اشوف ان موادك اصعب وادسم شي فيها هي نظم تشغيل وشبكات
فـ لو حذفتي وحده منهم حيصير عندك مادة وحده دسمه والباقيين زي ماقلت لك عاديين
مافيهم صعوبة زيادة عن اللزوم

بلاش تحذفي 2 وتتأخري

مااعرف انا كذا رأيي
لأنه كذا كذا حيكون ضغط .. 5 او 6 ماتفرق كثير

وطبعا في النهاية القرار قرارك
استخيري ربنا احسن شي



ويمكن تعرفيني .. ليش لأ