هل هناك فرق بين طلاب الانتظام والانتساب

[كلي لكـ]

هل هناك فرق بين شهاده الانتساب وشهاده الانتظام في التوظيف

*يعني بالعربي لو تخرجت من جامعه الملك عبدالعزيز (انتساب)

اقدر اقدم على ديوان الخدمة المدنية واتوظف مثلي مثل طالب الانتظام والا كيف ...؟

* وهل هي معتمده ومعترف فيــــها في الشركات والمجالات الاخــرى .....!!!!!

[البرنس1414]

يفيدك اللي بعدي

[BeEera]

تدري وش المشكله ؟


انك طالب تخرج ودفعت دم قلبك واستنزفت طاقتك كل هالسنين ..

والحين جاي تسال شهادتنا معتمده ولالا ؟؟

اكيد معتمدهـ .. والاولويه بعد ماكانت لطلاب الانتظام على الانتساب

صارت لاصحاب الواسطات سواء منتظم او منتسب او خريج ابتدائي ,

[بحرالمشاعر]

.

على حسب واسطتك :) ,

لو معك متوسطه مو بكالوريوس بس واسطتك قويه تدخل اللي تبي ,

.

[Aseel99]

من جد والله الواسطه هي الشهادة في هذا الزمن

[المحترف]

شهادة الإنتساب معتمدة



كأي شهادة ثانية



والدليل فيه ناس تخرجت من الإنتساب السنة الماضية


والآن مبتعثين برا مع طلاب الإنتظام يعني ما فيه فرق



شد حيلك عشان تجيب معدل وتقدر تقدم على الديوان وعلى الإبتعاث أو على الشركات .



تمنياتي للجميع بالتوفيق والنجاح ...

[كلي لكـ]

شكرا وانا ماني متخرج ياخوي

انا كاتب بالمعلومات الشخصية اني متخرج <<< قاعدي يحلم

وشكرا لمداخلاتكم ولكن سمعت انها غير معتمده بالديوان هذا اللي سمعته عاد مدري

[BeEera]

بالنسبه لمهنة التدريس .. اعتقد من الشروط انك تكون منتظم الله اعلم ..

بس باقي الوظايف نو بروبليم ..

[زوجة وأم وطالبة علم]

السلام عليكم ورحمة الله وبركاته
دى اول مرة اشترك بالمنتدى واتمنى ان يفيدنى احدكم ولكم جزيل الشكر
اود الانتساب للجامعه ولا اعرف ما الشروط تحديدا فقد علمت من موقع الجامعه انه شرط اساسى ان اكون سعودية او من ام سعودية ولكن اخبرنى بعض الاشخاص ان هناك منتسبين اجانب
ارجو الافادة السريعة
وفقكم الله جميعا

[BeEera]

زوجه وام ..

الانتساب للسعوديين والاجانب

اهم شي تدفعي ال 3000 ريال حتى لو كنتي من البوسنه والهرسك