تعهد جامعة بلا تدخين ؟ ارجو المساعده

[غاوية دراسة]

السلام عليكم ورحمة الله وبركاته
اخواني واخواتي سجلت اليوم في التعليم عن بعد وقبل ان اكمل الطباعة فصل النت عندي
يوم رجع الخط بعد فترة فتحت الموقع من اول وجديد وحطيت رقم الطلب وكل شي تمام الا رقم الdhl
كتبولي محل الرقم اتصل بالجامعة للحصول على رقم! هل صار معكم كده ؟
وماطبع لي الا نموذج بيانات الطالب وماطبع لي تعهد الجامعة بلا تدخين ولا تعهد احضار الشهادة
حاولت ادورلهم بمكان ثاني مالقيت ؟

الي اعرفه انهم ينطبعوا اتوماتيك مع اوراق نموذج بيانات الطالب ؟
طيب ليش ماانطبعوا
قفلت الموقع ورجعت دخلت من جديد وطلبت طباعه....و نفس الشي طبعلي بس النموذج بدون تعهدات
احترت افيدوني جزاكم الله خير!

[حطام أنثى]

راجعي الموقع كدا مرة واطبعي كدا مرة .. وحاولي من كدا جهاز لما يزبط الموضوع معك ولو مرررة مازبط اتصلي على الجامعه واحكي لهم مشكلتك وهم ان شاء الله محا يقصروا خاصه لو اتصلتي على قسم البنين ..

[][_ غــــــيــــــر _ ][]

وعليكم السلام ورحمة الله وبركاته ..
حاولي مرة أخرى مواقع الجامعة في الليل تكون تحت الصيانة
واذا مازبط معك تواصلي مع الجاعمة مباشرة ويستحسن الاتصال
في بداية الدوام افضل .. بالتوفيق اختي ..

[aymans]

غريبه صراحه

[غاوية دراسة]

مشكورين على الردود
جربت الطباعة عدة مرات واباوقات مختلفة نفس الشي
ودقيت عليهم الصبح طبعا من موظف لموظف لما ردوا علي ان الموقع فيه مشكلة جربي بعد يومين ولو مازبط
معاكي دقي علينا تاني ..

يلا نصبر يومين واجرب تاني وعلى الله..

[حطام أنثى]

خلي احد من اقاربك يجرب من جهازه يمكن يزبط..

واذا مررة مازبط روحي الجامعه في اقرب فرصه اذا انتي في جده ووريهم مشكلتك.. لاتستني يومين عشان يمكن ياخذوا بأولويه التسجيل ويروح عليك..

[@أبو بسام@]

انا افضل انك ترسلي احد الأقارب الى أي مقهى انترنت تتوفر لديه طابعة
وبإذن الله ستنحل مشكلتك .

[غاوية دراسة]

ولا انتهت المشكلة للان
الله المستعان
شكلي بأروح للجامعة بنفسي وخلاص

[غاوية دراسة]

الحمد لله
تم حل المشكلة اليوم
دخلت للموقع الصبح ولقيت رقم الارسالية
وطبعت بس برضه ماطلعت التعهدات
فسويت مثل مانصحتوني وجربت من جهاز ثاني
الا كل الاوراق المطلوبة طبعت ولله الحمد

[شذى الأترج]

كبف طبعتيها ممكن تقوليلنا ؟؟
أنا مرة ماعندي طباعة !!!!