ياشباب ويابنات وش رايكم نشكيهم ...

[سلسبيل الجنه]

بصراحه انا اندبلت كبدي من قرف هالمدرسات انا حملت الفرنسي والقراءه والاستماع للمره الثانيه واناالله اعلم بظروفي ..
وبعد التغلب على كل الضغوط اللي حولي علشان بس اجي واترك عيالي وقت امتحانات اللي المفروض انا اوفر لهم الجو المناسب للمذاكره اتركهم واتحمل التحبيط من الكل باني غلطانه ومكاني في البيت بس بدون تقدير لرغبتي مع تحملي للامور الماديه كلها ومع اني حليت كويس القى الاف منور في الجدول وتلحقه خواته ..
يعني وبعدين واخرتها لي سنه وانا ادور حول نفس المواد
وش الحل مع اللي مايخافون من الله ..
فققرت اني اروح لهم (انا من خارج جده) واطلب اشوف اوراقي علشان اعرف اخطائي على الاقل
واتمنى من كل قلبي اكون ناجحه ولو في ماده وحده بس علشان اشكي المدرسه اللي رسبتني
وانا متاكده ان الباقين بيخافون منا ..وبيلتزمون التصحيح الصحيح ..احنا لازم نتعاون كل واحد في قسمه علشان نرد الظلم عن انفسنا ومانسكت ..يكفي سكتنا واجد
وترى عندي ارقام محامين بس لسى ماسالتهم..
هاه انتوامعاي ولا لا
قولوا تم

[سلسبيل الجنه]

ماحد حاس فيني الا اللي حمل مواد ظلم ..

[يااااي]

الحين فاتحين طلبات الي تبغى تشوف ورقتها روحي وسوي طلب ان شالله تكوني ناجحه

[Rock99]

اه اه اه اه
ايش اقول انا بس دخلت ومعدلي 3ونص
الحين 2و30
ايش اسوووووووي ياربي
مافي شيء في الحيياة الا جربته والحين مقررة احول ادارة واقتصاد والله اعلم اذا بيقبلوني ولا لا ؟؟؟
والله نفس المشكله رسبت في اريدينج والرايتنج للمرة 2
ونفسي اعرف ايش علتي وايش المفروض اسوي
براييكم في احتمال اذا استمريت ينرفع المعدل ولا احول حفاظا لكرامتيي الللي انذلت
ياااااااااااااااااااارب

[nour al3mr]

حيـآكِ البـآري وأثلج صدرك ..

يمكنك مـرآجعة ورقك وهو الأفضل لتعلمي أين تكمن الأخطـآء و تتفاديهـآ..
وفي حال وجود خطـأ في التصحيح سيتم تعديل الدرجة بإذن لله ..

كـآن الله في عونك وحقق لك كل مـرآد ..

[nour al3mr]

المشاركة الأصلية كتبت بواسطة rock99 اه اه اه اه ايش اقول انا بس دخلت ومعدلي 3ونص الحين 2و30 ايش اسوووووووي ياربي مافي شيء في الحيياة الا جربته والحين مقررة احول ادارة واقتصاد والله اعلم اذا بيقبلوني ولا لا ؟؟؟ والله نفس المشكله رسبت في اريدينج والرايتنج للمرة 2 ونفسي اعرف ايش علتي وايش المفروض اسوي براييكم في احتمال اذا استمريت ينرفع المعدل ولا احول حفاظا لكرامتيي الللي انذلت ياااااااااااااااااااارب

صرف الله عنك كل حزن و هم وضيق ..

إن كنتِ تري في نفسك المقدرة على العطـآء وتطوير ذاتك ولغتك وبذل ما تستطيعي لإجتيـآز الموآد و التطور في اللغة .. فالتستمري دون كلل أو احبـآط ..

فعدم اجتياز الموآد ليس نهاية المطـآف .. و بالحصول على درجات عاليه يمكن رفع المعدل ..

أما إن كنتِ تري في ذاتك أنه لامجال للعطـآء أكثر .. فلك أن تحولي من القسم ..

المهم أن تتخذي القرار بعقلك دون عوآطف تؤثر عليه .. لكي لا تندمي ..

وجهك الله لكل خير وصوآب وأرشدك للنور ..

رعـآكِ الله ..~

[ام حمدان]

ياعزيزتي
والله حاسين فيكي لكن
الامور ماتتم بالبساطه ذي للاسف :(

لازم في البداية تقدمي طلب مراجعة ورقتك لمعرفه اخطائك خلال هالفتره وعلى وقت دورتك التأهيليه تقدري تراجعي ورقتك مع استاذتك وتعرفين ساعتها اذا الحق معك او معها وبعدها وتقرري اذا تشتكي عليها او لا
الله يعينك ويفرج همك ويعوضك عن كل ماده حملتيها بالفل مارك يارب

[سلسبيل الجنه]

ياي ونور العمر وام حمدان الله يطمنكم صراحه هونتوا علي شوي بس كملوا جميلكم وقولولي كيف اقدم طلب علشان اشوف ورقتي وانا من خارج جده ..تكفون ردوا علي بسرعه ابي اعرف وش وضعي بالظبط
وبالنسبه لكي ياروك الله يجبر بخواطرنا جميع اللهم امين

[nour al3mr]

^
تروحي لقسم اللغـــــآت الاوربية في مبنى الجوهرة وتطلبي منهم ..
وراح يعطوك ورقة تعبي فيها طلبك .. بعدها بيحددوا لك يوم ..

بالتوفيق ..~

[syma50060]

المشاركة الأصلية كتبت بواسطة سلسبيل الجنه بصراحه انا اندبلت كبدي من قرف هالمدرسات انا حملت الفرنسي والقراءه والاستماع للمره الثانيه واناالله اعلم بظروفي .. وبعد التغلب على كل الضغوط اللي حولي علشان بس اجي واترك عيالي وقت امتحانات اللي المفروض انا اوفر لهم الجو المناسب للمذاكره اتركهم واتحمل التحبيط من الكل باني غلطانه ومكاني في البيت بس بدون تقدير لرغبتي مع تحملي للامور الماديه كلها ومع اني حليت كويس القى الاف منور في الجدول وتلحقه خواته .. يعني وبعدين واخرتها لي سنه وانا ادور حول نفس المواد وش الحل مع اللي مايخافون من الله .. فققرت اني اروح لهم (انا من خارج جده) واطلب اشوف اوراقي علشان اعرف اخطائي على الاقل واتمنى من كل قلبي اكون ناجحه ولو في ماده وحده بس علشان اشكي المدرسه اللي رسبتني وانا متاكده ان الباقين بيخافون منا ..وبيلتزمون التصحيح الصحيح ..احنا لازم نتعاون كل واحد في قسمه علشان نرد الظلم عن انفسنا ومانسكت ..يكفي سكتنا واجد وترى عندي ارقام محامين بس لسى ماسالتهم.. هاه انتوامعاي ولا لا قولوا تم

الله يصبر قلبك يا اختي حاسين بمعاناتك وكلنا نفس المشكله نحل ونضمن النجاح وفي الاخير اخفاق انا انصحك بعدم اليأس ولا تلتفتي خلفك اللي راح راح خلاص انسي وابدأي من جديد كانك جديده في القسم مع الدعاء من الله بالتوفيق كثير حاولو الهرب من الجامعه بعد الاخفاقات وعادو بالعزيمه والاصرار والتحدي وتخرجو بمعدلات روعه خلي هذا ديدنك اختي لا يلعب في راسك الشيطان ويقول انتي مو حق دراسه بالعكس انتي جالسه تستفيدي وانتي مش عارفه