✿\\ تجمع طالبات الانتساب لاستفسارات الجدآول والحذف والاضافة للترم الثاني 2014\\✿

[مروره]

المشاركة الأصلية كتبت بواسطة lanam السلام عليكم جدولي ادب قصة مع محمد حسونة مسرحية مع ايمان بوترعة صوتيات مع ليلى هاشم نحو مع منال التاودي صرف مع ايمان عبده مناهج بحث مع عمر باقبص ايش رايكم بالجدول وبالاساتذة ؟؟؟ انا شايلة هم المسرحية مع بوترعة :( للعلم انا باقيلي مادة الفكر الفلسفي لسه مااخذتها الصراحة اضافوها بس انا حذفتها عشان اقدر اضسف الفكشن والبحث وباقيلي مواد المستوى السابع والثامن والمواد الحرة يمديني اتخرج السنة الجاية ولا اضيف ترم بعد ؟؟؟!!! ابغى ردود اللي اختبرو دي المواد كيف الاسئلة سهلة عدوا منها ولا :(

وعليكم السلام ورحمة الله وبركاته

جدولك كذا تمام ..بس لو تحذفي النحو مع منال التاودي وتضيفي بدالها أي مادة حرة مثلا أو مادة عامة ..
بالنسبة لمس إيمان صدقيني هيا مو سيئة ..هي شديدة اشوية في تعاملها بس ..وتطالبك بالتركيز ع اللي تقوله كله لأنه الإختبار حيكون محصور في اللي تشرحه في المحاضرة ..اسمعي محاضراتها أكثر من مره وفرغي اللي تقوله
وإذا اعطتكم أي ورق ..ركزي جدا عليه وذاكريه بالكامل أذكر الترم اللي فات في الشعر جانا الإختبار 80% اختياري واملئي الفراغ وصح وخطأ من الورق اللي اعطتنا اياه وسؤال مقالي من شرحها عليه 20 درجة ..اتدربي اشوية ع الكتابه وركزي ع القرامر وإن شاء الله حتعدي معاها ..

بالنسبة للتخرج في الغالب البنات بيضطروا يزودو ترم لأن ضغط المواد والتعارضات تجبرك تأجلي بعض المواد أو تاخذي عدد مواد أقل من اللي حابة تاخذيه ..لذلك تضطري تزودي ..لكن فيه قله قدروا يتخرجوا في 8 أترام فقط ..

الله يكتب لك اللي فيه الخير

و موفقة بإذن الله : )

[LANAM]

المشاركة الأصلية كتبت بواسطة مروره وعليكم السلام ورحمة الله وبركاته جدولك كذا تمام ..بس لو تحذفي النحو مع منال التاودي وتضيفي بدالها أي مادة حرة مثلا أو مادة عامة .. بالنسبة لمس إيمان صدقيني هيا مو سيئة ..هي شديدة اشوية في تعاملها بس ..وتطالبك بالتركيز ع اللي تقوله كله لأنه الإختبار حيكون محصور في اللي تشرحه في المحاضرة ..اسمعي محاضراتها أكثر من مره وفرغي اللي تقوله وإذا اعطتكم أي ورق ..ركزي جدا عليه وذاكريه بالكامل أذكر الترم اللي فات في الشعر جانا الإختبار 80% اختياري واملئي الفراغ وصح وخطأ من الورق اللي اعطتنا اياه وسؤال مقالي من شرحها عليه 20 درجة ..اتدربي اشوية ع الكتابه وركزي ع القرامر وإن شاء الله حتعدي معاها .. بالنسبة للتخرج في الغالب البنات بيضطروا يزودو ترم لأن ضغط المواد والتعارضات تجبرك تأجلي بعض المواد أو تاخذي عدد مواد أقل من اللي حابة تاخذيه ..لذلك تضطري تزودي ..لكن فيه قله قدروا يتخرجوا في 8 أترام فقط .. الله يكتب لك اللي فيه الخير و موفقة بإذن الله : )

مشكوررة اختي
بس لسه مترردة احذف واضيف مادة حرة وازيد ترم كمان للتخرج
مرررة محتااارة وضايعة وخايفة احمل مواد مع الضغط لانو كل مادة يبغالها مجهوود جبار الصرااحة
اعطوني ارائكم وخبراتكم بناااات
:(

[s.w]

السلام عليكم
انا عندي ترجمة الترم هدا والاستاذة تقرا من الكتاب حسيته مهم مااعرف اشتريه والا لا لان الاغلب يقولولي ماحتستفيدي .. واللي اخذ مع منال قبل يقولي كيف اذاكر المادة خصوصا ان الاختبار قطعتين عربي وانجلش ؟

[white rose]

المشاركة الأصلية كتبت بواسطة s.w السلام عليكم انا عندي ترجمة الترم هدا والاستاذة تقرا من الكتاب حسيته مهم مااعرف اشتريه والا لا لان الاغلب يقولولي ماحتستفيدي .. واللي اخذ مع منال قبل يقولي كيف اذاكر المادة خصوصا ان الاختبار قطعتين عربي وانجلش ؟

وعليكم السلام ورحمة الله وبركاته

حياك الله اختي ولك وحشة

الاغلب ما يشترون الكتاب ويعتمدون على كلامها بالمحاضرة

طريقة المذاكرة انك تركزي كيف المس تترجم من عربي لانجليزي واستخدامها للازمنة متى يكون خاصة الماضي بانواعه التام والمستمر ،، الخ ومتى تضيف ادوات الربط وليه لمن تترجم تقول لك هالكلمة ما يصير تنكتب لان لها معنى كذا ما يناسب كثير

كذلك الترجمة من الانجليزي للعربي متى تستخدم ادوات الربط وكيف تترجم ازمنة الماضي والمضارع وكمان علامات الترقيم للغتين تتذاكر ولا تنسي المثنى بالعربي كثير يلخبطو فيه لان اللغة الانجليزي ما فيها الا جمع واحد لكن العربي تتعدد اوجه الجمع فيه فركزي زين المادة دقيقة لكن مع التدريب راح يتحسن مستواك فخليك منتبهه معاها كثير

والاختبار حتجيكم قطعتين مشابهة لقطع التدريب اغلبها من الاخبار تجيبها المس وببإذن الله تكون سهلة عليك حاولي تقرين كمان مقالات سياسية ومنوعة بالعربي عشان تعرفي كيف ترتبين الجمل وقت الكتابة

الله يوفقك :-)

[s.w]

الله يجزاك خير وايت روز يعني يكفيني كلامها في المحاضرة واسوي زي ماقلتي ماننحرم منك

[white rose]

المشاركة الأصلية كتبت بواسطة s.w الله يجزاك خير وايت روز يعني يكفيني كلامها في المحاضرة واسوي زي ماقلتي ماننحرم منك

واياك اختي وشدي حيلك معها المادة طيبة وعودي نفسك على قراءة الصحف لفترة واجتهدي وبإذن الله يكون كورس خفيف عليك

ولا من حسكم الغالي ربي يسعدكم ونشوفكم خريجآت بالدرجات العالية يارب

[rubia]

السلام عليكم

انا كنت ابغى اضيف مادة ادب القصة طلعت تعارض مع علم الاصوات مع ليلى هاشم
وبعدين تفاجأت فتحو شعبه تانيه لي ادب القصه مع نفس الدكتور وقمت ضفت الماده
بس المشكله مافي محاضرات وكاتين المحاضره تبداء من 1:00 الى 1:59
الي فهمتو من وحده من البنات انو الشعبه وهميه لبنات التخرج
سؤالي عادي اخليها واخد المحاضرات مسجله من البنات واذاكر منها وادخل الاختبار ولا لازم اكون تخرج عشان اكون في دي الشعبه
وجزاكم الله خير

[MeZaJya]

المشاركة الأصلية كتبت بواسطة rubia السلام عليكم انا كنت ابغى اضيف مادة ادب القصة طلعت تعارض مع علم الاصوات مع ليلى هاشم وبعدين تفاجأت فتحو شعبه تانيه لي ادب القصه مع نفس الدكتور وقمت ضفت الماده بس المشكله مافي محاضرات وكاتين المحاضره تبداء من 1:00 الى 1:59 الي فهمتو من وحده من البنات انو الشعبه وهميه لبنات التخرج سؤالي عادي اخليها واخد المحاضرات مسجله من البنات واذاكر منها وادخل الاختبار ولا لازم اكون تخرج عشان اكون في دي الشعبه وجزاكم الله خير

الشعبه دي وهميه للتخرج
انتي جربي خلييها واذا حظك حلوو مس جميله مارح تنتبه عليكي وتخلييها
ف الغالب انها تشيك ع الجداول وراح تحذفهها للي مو تخرج الموضوع يعتمد ع حظك
في حال انها ما حذفتها لكي عادي تختبري مع البنات وماحتفرق شعبه وهميه او غيرو

[مروره]

المشاركة الأصلية كتبت بواسطة rubia السلام عليكم انا كنت ابغى اضيف مادة ادب القصة طلعت تعارض مع علم الاصوات مع ليلى هاشم وبعدين تفاجأت فتحو شعبه تانيه لي ادب القصه مع نفس الدكتور وقمت ضفت الماده بس المشكله مافي محاضرات وكاتين المحاضره تبداء من 1:00 الى 1:59 الي فهمتو من وحده من البنات انو الشعبه وهميه لبنات التخرج سؤالي عادي اخليها واخد المحاضرات مسجله من البنات واذاكر منها وادخل الاختبار ولا لازم اكون تخرج عشان اكون في دي الشعبه وجزاكم الله خير

وعليكم السلام ورحمة الله وبركاته

زي ماقالت ميزاجية الله يسعدها ...الشعبة وهمية ..وفي اي وقت ممكن تنحذف ..لذلك أنصحك ماتغامري وتسجلي المادة وتبدأي مذاكرة وحضور محاضرات وتلاقيها فجأة انحذفت من جدولك
الأفضل تضيفي الشعبة الأساسية للمادة ..وتقدري تاخذي علم الأصوات مع مس منى البلوي ..برأيي المادة تعتبر فرصة جيدة مع مس منى ..وأدب القصة فرصة لاتعوض مع د.محمد حسونة عشان كذا انصحك ماتغامري فيها ..

موفقة : )

[rubia]

مروه .. مزاجيه .. جزاكم الله كل خير