لمن لديه ماث (203) ..

[الحب يحتاج لضمير]

ترا أنا سمعت إنو الكتاب اتغير يعني السنة اللي راحت السيد ما كان يغير في الاسئلة كتير لانو نفس الكتاب .... لكن دحين الكتاب اتغير ويمكن تتغير الاسئلة لا تستهونو في المادة لانو بشوف اغلب الناس تقول سهلة وما تحتاج خصوصي ولا شيء ... دي نصيحة أخوية مني

الاستاذ حسن وحيد 0504381537

دا من أفضل مدرسين المادة بصراحة أنا مسجل عندو وفيه اشرف بركات وفيه محمد أبو زيد ... انا نزلت الموضوع مو للتخويف بس عشان المادة سهلة مقارنة ب 202 فحرام نضيع الدرجات فيها والله يوفقنا جميعاً

[zelme]

شوف يا حبيبي

لو المنهج اتغير والكتاب اتغير والدكاترة تغيرو والجامعة كلها اتغيرت والسيد ما اتغير فلا تخاف على ماث203
الدكتور السيد حتى لو اتغير المنهج او الكتاب فهو من فين حيجيب الدروس والامثلة والتمارين؟؟ مو من الكتاب!! صح ولا لا
فهو ما يلزمك تشتري الكتاب لكن اكتب وراه حرف حرف ، رقم رقم وصدقني باذن الله ما حيجيب شئ من غير اللي كتبه

فلا تخسرو نفسكم وقت وفلوس على شئ والله العظيم ما يستاهل
والله مني مصدق،،، خصوصي في ماث203!!!! لو في 202 او 204 امكن تنبلع شويه لكن 203!!!!!

[مثلث الرعب]

الكتاب ما تغيير بس حذفوا كم درس و حطوا درووس جديده فقط

[الخلوق]

في الصيف سأل أحد الطلاب نفس هذا السؤال عن تغيير الكتاب ... فصادف وقابلت د.سيد وسألته:

- هل بيتغير كتاب 203 السنة القادمة ؟
قال: من ناحية سؤالك عن تغيير المنهج:- إذا تغير شي ممكن يتغير الكتاب فقط أما المنهج نفسه زي ما هو ،المواضيع اللي في الكتابين نفس بعض لكن ممكن تختلف طريقة شرح المؤلف فقط

(كلامه هذا الصيف الماضي قبل شهرين)

[الخلوق]

د. السيد أحيانا كان يجيب في الاختبار بعض الأسئلة من اللي في الدفتر بالنص .. فتحط نفس الجواب اللي في الدفتر

- نصيحتي لك:-
اكتب مع الدكتور ،ومارس حل التمارين والأمثلة اللي يشرحها وصدقني الاختبار ما يطلع عنها وبتحل الاختبار يوم الاختبار وانت مرتاح وواثق من نفسك ... هذي كانت طريقتي في مذاكرة المادة (السنة الماضية) والحمد لله أخذت a بلس ،وأنا كنت عند (د. أحمد عليو ) وكلهم يشرحون نفس الشي وكلهم شريحيين بس كل واحد له طريقته

لكن من باب الأمانة: المادة سهلة لكن يبغا لها مذاكرة أول بأول ،لأن قوانينها كثيرة