متى يبدأ الإع ـتذآر ع ـن الفصل الح ـآلي..؟!

[Hams Al-Harbi]

"

بسمـ الله الرح ـمن الرح ـيمـ..

السلامـ ع ـليكمـ ورح ـمة الله وبركاتهـ..

كيفكمـ ج ـميعآ,.؟؟

طبع ـآ من الع ـنوآن وآضح سؤآلي..

متى ح ـيفتح الإع ـتذآر ع ـن الفصل الح ـآلي..؟!

بالرآبط هذآ..http://admission.kau.edu.sa/AccessPa...www.kau.edu.sa

مكتووب إنهـ بدأ من تآريخ 12-3 و رآح ينتهي 19-5

بس لمآ أدخ ـل ع ـلى الأودس..مآألقى شيء في النمآذج..

و قلت يمكن المشكلة من لآبي..

بس أمس برضوو رح ـت مع ـمل الج ـآمع ـة و برضوو مآ في شيء..

و استخ ـدمت الأودس القديمـ و الج ـديد.. برضوو مآفي شيء..

مدري اش المشششششكلة..؟!

اللي تع ـرف تقوول لي ..:$ قبل تنتهي فترة الإع ـتذآر..

و شكرآ جـزيلآ..

و إدع ـوآ لي الله يسع ـدكمـ إن ربي يهديني و يقربني لهـ و يفرج كُرربي..:)


دمتمـ بخ ـير..

"

[الماسة 6]

وعليكم السلام
دوبي دخلت ع الاودس بس مالقيت الأيقونة كانت موجودة قبل
يبغى لك تروحي للشؤون وتتااكدي منهمم احسن
والله يوفقك وييسرر لك ويفرج لك مااهممك
بس ليش تبغي تعتذررري والله اقلقتيني

والله يكتب لك اللي فيه الخيررر

[Hamsa }~]

^

وي بسم الله عليك ليش اعتذآر ..

اشبك يابنت ..

الله يفرج كربتك ويكتب لك الخير ويهديك لما فيه سوآء السبيل ..

روحي للشؤون وهم بيقولولك ..

موفقة يـآرب ..

الله يريح قلبك .. :)

[قلب ينبض لله ~]

الإعتذار فتح من بداية التاريخ اللي كتبتيه ..

وتقدري تعتذري من الأودس الجديد .. هذي الطريقة :

الطالب > معاملات الطالب > اختاري الفصل الدراسي وتنفيذ > تختاري الاعتذار انتظام > بعدين تكتبي الاسباب وتنفيذ ..

ويتم إعتذارك كذا .. وينحذف جدولك ..

لكن يا همس انا ما أأيدك تعتذري أبدًا مادامك ماشيه ع الخطة الحمدلله ..

لأن مواد الحاسب أغلبها ماتنزل الا بترم معيّن ..

يعني مثلا لو اعتذرتي هذا الترم ..

بداية السنة الجايه يمكن ماتنزل مواد المستوى الرابع لتخصصك " على حسب ما أعرف وإستفسري أكثر من الشؤون " ..

وبكذا تتأخرين بالتخرج عن دفعتك ..

وإستخيري قبل كل شيء والله ييسر لك كُل أمر عسير () =""") ..

[asma'a]

وعليكم السلام ورحمة الله وبركاته ..

همس بليييييز قبل ماتتخذي قرار زي كذا استشيري واستخيري ..

وتعالي الجامعة يوم السبت ولا حتنضربي ..

خلينا نتناقش في الموضوع وان شاء الله نووصل لحل ..

وبالنسبة للضغط اللي نحسوو دا التررررم .. ترى حسينا بنفس الضغط ويمكن اكثر الترم الأول لكن الحمدلله عدينا ..

همووووووووس بليييييييز لا تعتذري :@ ..

الاعتذار في بعض الاحيان يوّلد كسل ..

شوفي انا اعتذرت سنة كاملة صابني تبلد :p .. وكسل إلا مالا نهاية :p ..

فانتي لو اعتذرتي دا الترم .. يمكن يصير زي ماقالت آلاء انو مايمديكي تاخذي مواد الحاسب بداية السنة الجاية كمان .. وتصيري فاضية سنة .. والفضااااااوة مرررررة مو أوكي صدقييييني :'( ..

لووو الاعتذار معشش في مخك .. رووحي الجامعة واحذفي موادك كلها .. وخلي الثقافة والعربي ونزلي كمان 3 مواد حرة عشان تخلصي من دي المواد .. وفي الصيف خذي عربي 2 والثقافتين الباقية .. عشان لو فضيتي الترم الأول من السنة الجاية مايكون عندك مشاكل واعتبريه اجازتك الحقيقية لأنك أخذتي صيفي ^^... وبكذا ان شاء الله ترتاحي وتحسي انك ماضيعتي كثير .. وكمان ان شاء الله لو آلاء نقلت عندنا حتكوني معاها :$ .. وحتمشوو سوا لأنكم اثنيناتكم حتكونو مخلصين حرة وعامة :$ ..

همووس ارجع اعيد كلامي .. استشيري واستخيري .. لا تتخذي القرار من راسك :@ ..

انا لما اعتذرت انتي عارفة ظرووفي .. موو عشان ضغط ومدري ايش .. لكن نتيجة لاعتذاري سنة كاملة صرت احس الاعتذار زي السلام عليكم
بداية الترم كنت بنفذ طلب الاعتذار لكن تراجعت لأني اعرف انو الموت مع الجماعة أرررحم ..

انتي فكري وربي يكتبلك اللي فيه الخير دنيا وآخرة ..

ولو نفذتي اللي براسك يصير تعالي الجامعة وشاركينا اللي مخططين ليه :p ..

بالتوفيق حبيبي

دمتـِ بخير

[سراب المدينة]

وعليكم السلام ورحمة الله وبركاته
أنصحك نصيحة أخت مسلمة لك أنا جاتني الفكرة ألف مرة ومرة وبالذات إني أسحب البرمجة
والسبب كسل وشويتين كآبة وتلاتة شويات ضغط وكمان غبت وفاتتني محاضرات لليل والشيطان يامحلاه في التخريب, بس لما فكرت فيها ورايا ورايا ليش أأجلو خليني أخلص وأسوي إللي أقدر عليه, لأنو الترم ده البرمجة متطلب لـ 204 , و204 متطلبة لتلاتة أرباع الخطة الجية يعني حأتأخر ,,
بعدين ياسكر هدي الشهرين وقربت تنتهي وباقي شهرين كمان ويخلص الترم
ويصير حكاية ياحلوة زي لما دحين نفتكر ضغط الحوسبة والأساليب وإلخ الترم الماضي
شدي الهمة كلها شهرين ويجي الصيف تاخدي فيه بريك طويل
وكمان في شي مهم الاعتذار لاتستخدميه خليه للضرورة, ماتدري سبحان الله فجأة تسافري تنقلي تتزوجي تولدي..
(مافي شي سهل بس مافي شي مستحيل) ,إللي بيصير معاكي دحين شي طبيعي بس بشطارتك تقدري تقاومي, أستهدي بالله وقولي يارب قويني
كل ماضاقت قولي يارب