مناقشتي كانت السبت مع دكتوره عيشه عوض :)

[تـggتـي]

مساء الخير

حبيت اقولكم ايش صار معايا في المناقشه المفروض انزل الموضوع من يوم السبت بس ربي ماكتب ..

أول حاجه انا مع دكتوره عيشه عوض وطبعا كل مااخلص جزئيه في البحث ارسلها لها ايميل وماشاء الله ماتطول في الرد وترسلي التعديل عموما طفشتني وطفشتها من كثر الايميلات
هيه انسانه جدا دقيقه لدرجة تعدلي الفواصل والنقط وعموما التصحيح اللغوي واملائي وكل حاجه تركز فيها ماشاء الله عليها .

طبعا بعد ماخلصت وبعتلها كل الاجزاء بعد التعديل ورجعت برضو عدلتلي وكان التعديل الاخير على الايميل ,
بعدها طبعت البحث بعد ماعدلت كل التعديلات اللي طلبتها رحتلها السبت مو اللي فات اللي قبلو اتفاجأت انها تقولي انا حشوفو وابعتلك ايميل اقولك انو تم الانتهاء من قراءة البحث وترجعي تاخذيه وتسوي التعديلات في نسخه جديده , ووصلني ايميل منها يوم الاثنين انو تم الانتهاء ورحتلها الثلاثاء اخذتو وحددتلي موعد المناقشه السبت اللي فات مع احضار نسخه جديده للبحث بعد التعديل الاخير والتقرير نسخه جديده والبحث النسخه اللي عدلت عليها اخر مره ، وكمان نسخه من البحث والتقرير على cd

وجاء يوم المناقشه كانت نص ساعه تقريبا سألتني اول سؤال ايش المكان اللي كان نفسك تروحي تدربي فيه وتطبقي كل دراستك وتلاقي فعلا مجال لكل اللي درستيه ؟
السؤال الثاني ايش اقرب دراسه من الدراسات السابقه لكِ وليه ؟
السؤال الثالث قالتلي افتحي الدراسه الميدانيه وقوليلي كيف اثبتي كل فرض في بحثك وهل تحققت فروضك او لا ؟
السؤال الرابع ايش ممكن تقوليلي توصيات او مقترحات لبحثك ؟

وخلاص عموما كانت الحمدلله كويسه وعدت على خير ... عقبالكم .

[nany ju]

ماشاء الله كذا خلصتي ؟
اتوقعت ان مو من دحين يمدينا نراسل ونخلص
انا لسه هذا الاسبوع حأخلص التدريب والله المستعان يارب

طيب حكيلنا فين كان تدريبك وعن ايش بحثك وكذا عشان نستفيد

[فراشة جدة]

ماشاء الله ،، الله يوفقك وان شاء الله تاخدي ايه بلس

وعقبالنا يارب نخلص من هم المناقشة والبحث

[sun2011]

اقدر اخذ البحث و التدريب في المستوى السابع

[nour al3mr]

الله يعطيك العافية و يرزقك أعالي الدرجـآت أختِ
مجهود تشكري عليه و بإذن لله تجربتك تعتبر نصائح ذهبيه لزميلاتك

فتح الله عليكِ

[سارهـ الغامدي]

~






شككرآ وجزآك الله ألـف خير على موضوعك آلرآئع اللي آفدتينآ فيه ..

لكن عندي كم سؤآل عن الأستآذه وآرجو مسآعدتك , يعني كيف كآن تعآملهآ مع آلطالبآت وهل لآزم تروحيلهآ آلجآمعه أو يكفي الأيميل ؟
وكمآن آنا سمعت أنو بعض الأستآذات يتجمعو مع آلطالبآت عن طريق آلسنترآ هل كآنت هيا نفس الشي ؟
وفين آتدربتي , وهل تسمح الأستاذه تدربي في آلقطآع آلخآص أو لآزم حكومي ؟
وحسب خبرتك مين آفضل آلآستآذآت لهآذي آلمآده ؟

آعذريني على كثرة الأسئلة لكن مررآ شآيلة هم آلمآدهـ .. :(

[تـggتـي]

المشاركة الأصلية كتبت بواسطة nany ju ماشاء الله كذا خلصتي ؟ اتوقعت ان مو من دحين يمدينا نراسل ونخلص انا لسه هذا الاسبوع حأخلص التدريب والله المستعان يارب طيب حكيلنا فين كان تدريبك وعن ايش بحثك وكذا عشان نستفيد

ايوا الحمدلله خلصت منو عقبالكم

اتدربت في مدرسه كان تدريبي داخل نطاق الاداره .. وبحثي كان عن ضغوط على العمل واثرها على الرضا الوظيفي لكل الموظفات في المدرسه ..

[تـggتـي]

المشاركة الأصلية كتبت بواسطة فراشة جدة ماشاء الله ،، الله يوفقك وان شاء الله تاخدي ايه بلس وعقبالنا يارب نخلص من هم المناقشة والبحث

امييين ياارب ,, ويوفقك اللهي وان شاء الله تخلصي منو وترتاحي وتجيبي اعلى الدرجات

[تـggتـي]

المشاركة الأصلية كتبت بواسطة sun2011 اقدر اخذ البحث و التدريب في المستوى السابع

على حسب علمي لا ماتقدري الا اخر مستوى والله اعلم ..

[تـggتـي]

المشاركة الأصلية كتبت بواسطة nour al3mr الله يعطيك العافية و يرزقك أعالي الدرجـآت أختِ مجهود تشكري عليه و بإذن لله تجربتك تعتبر نصائح ذهبيه لزميلاتك فتح الله عليكِ

الله يعافيك ِ .. ويوفقك يارب وان شاء الله الفائدة تعم الجميع