طالبة من مكه احتاج مساعدتكم

[زينب عبدو]

السلام عليكم
الله يخليكم احتاج مساعدتكم ضروري
انا من مكة وابغى ادرس علم نفس بجده
اول شيء ابى اعرف علم النفس كم الدرجه الي يطلوبها وهو لازم سنه تحضيريه والسنه التحضيريه كم المعدل الي يبغوه انا ادبي
والشيء التاني انو بابا رافض انو ادرس بجده بس جالسه اقنعو فحابه دحين اعرف انو الدوام كيف يكون صباحي ولا مسائي واذا ابغى الدوام يكون صباحي اقدر انو انا
الي احدد ولا الجامعه تحدد داالشيء لانو ابغى اروح مع باصات ابو سرهد وهيا بس لحد الساعه اربع ونص وياليت الي جربها يقول تجربتو معها وكمان اذا بتعرفو وسيله نقل تانيه ياليت تدلوني
وايش رايكم هل انو التخصص بيستحق انو انا اداوم من مكه لجده عشانو
ارجوكم ساعدوني انا دحين لازم اسجل بجامعه الملك عبد العزيز او ام القرى ومررره مو عارفه ايش اعمل
واسفه على كتر الاسئله حطيت الموضوع هنا لانو مش عارفه القسم المناسب له

[شناشن]

دام انها رغبتك علم النفس اسعى على شانه
لازم سنه تحضيري وغالبا اقل نسبه تقبل موزونه الى هي مع القدرات والتحصيلي غالبا اقل حاجه 79%
التاهلي مسائي والانتظام صباحي
علم النفس او اي تخصص ثاني ح يعتمد على درجاتك في السنه التحضيريه
نصيحه لكي سجل في الاثنين عشان تضمني القبول في احدها وبعدين تختاري

بالتوفيق

[زينب عبدو]

شناشن مرسي على افادتك ربي يخليك ..
انا سمعت انو التسجيل في الاتنين سوا ممنوع ياليت الي يعرف يفيدني
ودحين الصباحي الدوام حقو اقصى حاجه يكون للساعه كم
بليز الي يعرف اي معلومه تفيدني انا محتاجه ضروري

[رغد محمد]

المشاركة الأصلية كتبت بواسطة زينب عبدو السلام عليكم الله يخليكم احتاج مساعدتكم ضروري انا من مكة وابغى ادرس علم نفس بجده اول شيء ابى اعرف علم النفس كم الدرجه الي يطلوبها وهو لازم سنه تحضيريه والسنه التحضيريه كم المعدل الي يبغوه انا ادبي والشيء التاني انو بابا رافض انو ادرس بجده بس جالسه اقنعو فحابه دحين اعرف انو الدوام كيف يكون صباحي ولا مسائي واذا ابغى الدوام يكون صباحي اقدر انو انا الي احدد ولا الجامعه تحدد داالشيء لانو ابغى اروح مع باصات ابو سرهد وهيا بس لحد الساعه اربع ونص وياليت الي جربها يقول تجربتو معها وكمان اذا بتعرفو وسيله نقل تانيه ياليت تدلوني وايش رايكم هل انو التخصص بيستحق انو انا اداوم من مكه لجده عشانو ارجوكم ساعدوني انا دحين لازم اسجل بجامعه الملك عبد العزيز او ام القرى ومررره مو عارفه ايش اعمل واسفه على كتر الاسئله حطيت الموضوع هنا لانو مش عارفه القسم المناسب له

،’

وَ عليكِ السَّلام وَ رحمةُ الله وَ بركاتُه

حَيَّاكِ الرَّحْمَن يَـ اَبنَةُ مَكَّة ,
بخُصُوص الدَّرجَة المَطْلُوبَة , قد أفادَتِك بِهَا الجَمِيلَة شَنَاشِن ,
أمَّا اِختيَارِك للدَّوَام , فهذا يعتمِد على مَوُزُونتِك الخاصَّة بِـ الثَّانَوِيَّة العَامَّة ,
فإنْ كَانت عَاليَة بإذنِ الله يتِم ترشِيحِك للقُبُول وَ سَـ يكُون حِينهَا دَوَامِك صَبَاحِي , ؛).
أمَّا مِنْ ناحِيَّة اِسْتِحقاق علم النَّفس لِـ كُل هذا التَّعب وَ الإقناعات ,
فهذا يعتمِد عليكِ أنتِ وَ مدى رغبتِك فِيه ,
فإنْ أنتِ عاشِقَة وَ رَاغِبَة بِشِدَّة لِـ هذا القِسِم إذَا توكَّلِي على الله وَ سَجِّلِي بِـ عَبدالعَزيز وَ الله ييسِّر لِك.
حَسَنًا , لِمَ لَمْ تختارِي أُم القُرَى ؟ ألا يُوجَد بِهَا قسم عِلم النَّفس ؟
أمَّا الدَّوَام , فـ عادة للتَّحْضِيري يبدَأ من 8 وَ ينتهِي تقريبًا 2 , يعنِي بإمكَانِك أنْ تذهبِي مع باص أبُو سَرهَد إنْ شاء الله.
أمَّا البقِيَّة , أجَابَتِك عليهَا الجَمِيلَة شَنَاشِن ؛).
مُوفَّقة عَزيزتي.

،’

[szoza]

الدوام ع حسب خطتك ويعتمد ع الانقلش
ممكن ايام تخرجي 12 او 3:30 لو كنتي خطة ب
وممكن تخرجي ايام 2 او 3 وايام 3:30 لو كنت أ

طبعاً الانقلش هوا اللي ياخذ الوقت كله ممكن يكون عندك يومين يبدأ من 8 ل 10:50 وممكن يبدأ من 11 ل 3:50 بس اغلبهم يخرجونا 3:30 او 3

وممكن 3 ايام يبدأ من 8 ل 10:50 وممكن يبدأ من 11 ل 3:50

وطبعاً ع هذا الاساس يعتمد اذا دوامك يتأخر ل 3:50 ثلاث ايام او يومين

بس اعرف بنات من مكة مع ابو سرهد ماشين تمام معاه لأن مافي ولا كلاس يجلس لبعد 4 في الانتظام ومرتاحين

[زينب عبدو]

للأسف انو مافي علم نفس في ام القرى للبكالوريوس
رغد - szoza مرسي ربي يوفقكم ويحقق لكم امنياتكم

[szoza]

امين يارب،، ويسهلكك اموركك يارب

[روسيلا]

وعليكم السلام ورحمة الله وبركاته

تخصص علم النفس جدا ممتع انا تخصصي علم نفس وبرضو اداوم من مكه مع باصات ابو سرهد والحمدلله حتخرج وماعمري ندمت لحظه لا علي قرار التخصص ولا علي الجامعه
الباص مريح وفي كذا وقت للروحه وللرجعه وحتنبسطي فيه لاتشيلي هم بتتعرفي علي كثير زيك وماراح تحسي بلمشوار
بس يبغالك تشدي حيلك في التحضيري عشان تقدي تجيبي معدل حلو وتدخلي القسم
التعب في ايام التحضيري غالبا حترجعي متاخر يعني علي باص 3 بس اول ماتتخصصي تقدري انتي تسوي الجدول زي ماتحبي .. انا من يوم اتخصصت وانا ارجع بدري يعني الساعه 2 اكون بلبيت

وبلتوفيق والله يختارلك اللي فيه الخير